吉豚屋吉列豬扒專門店 (已結業)

在家附近的这间Katsuya, 帮衬过两次最近一次是四月底一次在家附近外勤工作时, 行过来睇下有什么套餐可选择?见有张大海报嘅日替定食咁吸睛就叫嚟试下啦,一试果然系坚大份量的套餐, 因为佢系一碟𩠌一碗饭, 个饭碗唔系酒楼的饭碗,其实系一个中碗大细, 饭都装到蓝色线的位, 重系日本米那种特别饱肚嘅米饭,碟𩠌系一个小山, 放底系一撮半干白椰菜丝, 由于半干态度想唔沾多d酱都唔得炸衣好像比之前食的厚咗, 两只虾被炸衣遮蔽下尺码大了一个, 细码变中码, 虾肉唔可以话点弹牙或者鲜味十足但就唔系梅虾肉架啰, 猪扒有点偏瘦不过又无炸至干柴,有浓味日式猪扒用的茄汁配搭即使唔系咩人间美味但都系一个唔错嘅炸猪扒午餐重附送味噌汤, 无再加钱要饮品因为净系咁都饱到顶住走了,五十几虽然系比同一条街的其他茶记贵十零蚊, 但饭同𩠌都两倍咁, 所以好难话佢贵, 而且坐得舒适, 可能呢头做野嘅人唔啱食呢d炸野做午餐啦! 当日所见午餐时段坐唔到一半满,不过，这店都做咗差不多两年，应该可以继续经营落去嘅！…查看更多

lunch time 想不开的时候最好去远一点吃顿贵的听闻价格亲民的吉列猪扒定食 ($7X)套餐有味噌汤, 吉列猪扒, 饭/乌冬吃吉列猪扒当然要择日本米饭猪扒部位不算油脂多, 所以有点”鞋”大量椰丝可加芝麻酱~超正味噌汤很足料, 有白萝卜之类…查看更多

每次食吉列食物都会来吉豚屋，今次拣左炸虾炸猪柳定食和滑蛋炸虾炸猪柳饭。我一向很喜欢这里的面豉汤，入面有野菜豚肉，材料丰富，又唔会太咸。白饭用瓷碗装，保温效能好，而且白饭又香又软，也很好吃。一大堆的椰菜配芝麻酱，实食到人饱。炸虾同炸猪柳都好大件，热腾腾脆卜卜，好好吃，一个人食一份超饱，大满足。滑蛋做法也好好吃，又大份，可惜的是无叫饮品，感觉有啲干，同埋食太多炸物，好似有啲热气同唔健康，都系少食多滋味。…查看更多

日式吉列猪系今晚嘅主角⋯⋯门面比较日式，谂住应该会好食，切记系『谂住』⋯⋯今日叫咗一个55蚊和风汁猪扒饭，再加多份28蚊嘅小食，名字叫吉列黄金双丸，饭跟饮品就叫咗冻啡少甜，本来应该系83蚊⋯⋯其实如果55蚊连冻饮肯定叫「价廉」，但「物美」就真系见仁见智⋯⋯猪扒饭首先上枱，睇见大大块炸猪扒，𠮶卖相仲好似几得咁⋯⋯跟住上枱嘅就系呢碟双丸，双丸应该系猪肉丸同墨鱼丸。杯冻啡小甜，应该叫糖水！无啡味斋甜，系自己一时大意，有乜L理由系日式炸猪扒店～会有可能饮度杯正常嘅冻啡吖！跟住就衬热拿临食件炸猪扒，𠮶吉列皮同件肉都淋淋地，原本自己仲谂可能系关个汁事，再试个无汁到嘅扒位，依然系吉列皮淋⋯⋯而扒底嘅椰菜丝食得出系新鲜嘅，又再下一层嘅又系日本米饭，饭好味。日式吉列猪扒都食过好几次，真心系第一次咁难食，试谂吓一件猪扒唔爽口，个口感仲有少少梅，仲有两件有条咬极都唔断嘅筋，搅到要成件放入口呑，失望啰。双丸墨丸系黑色，猪肉丸系白色，除开原本以为收我七蚊一粒，口感就无乜，系黑色墨丸嘅颜色较为特别。最后一提系呢间日式吉列餐厅，隔离两边无记错都系茶仔，佢地居然够胆收加一！本人意见系吉列店为首嘅一定系猪扒，见到呢度推广虾同鸡，希望会先搅好尐猪扒先，唔该！又此店系价廉唯先，尤如大众饭堂，加一搅到本人觉得好不伦不类啰，不如取消加一或者张加一夹埋落个餐点度得唔得呢！？…查看更多

今日要去黄金商场买d野，买完2点几见肚饿谂住去西九food court食d野，行行下见到呢间铺，主打日式吉列炸物，价钱唔贵就入去试下。 我叫咗一个吉列炸虾黄金饼定食($59），有饭、有汤，和一杯饮品。炸虾好好食，脆卜卜 汤系豚肉汤，除咗有豚肉，仲有红萝卜，汤味道几好，食炸野饮啱啱好，感觉冇咁热气！饮品我叫左菊花蜜特饮，本身系冻饮嚟嘅，但系饮落去唔觉得冻，味道都好普通，无必要试！整体黎讲，呢个绝对收货，绝对系平价定食首选！…查看更多