吉士餐廳 (已結業)

上個星期去開荃灣終於試左呢間小店睇食評都聽聞啲嘢食又平又正雖然位置有少少難搵而且門面唔係好顯眼但係真係好值得去試之後應該都會繼續返去食星期日中午其實都坐唔滿除咗我哋兩個之外仲有兩台客有一台仲係大陸同胞莫非大陸同胞都知道呢間野又抵食又好食!?lunch menu都算多選擇咁我地就揀咗黑松露雜菌燴飯同埋菠菜汁雞柳意粉個set已經包埋餐湯餐飲仲要唔使＋1咁抵嘅餐廳喺邊度搵到仲可以加小食我哋就叫埋個炸雞軟骨嗰日嘅餐湯係甘筍湯成個賣相已經好有誠意而且一入口就飲到好香好甜嘅紅蘿蔔味感覺真係真材實料煲呢個湯出嚟其實真係想問可唔可以要多碗湯實在太好飲啦咁嗰兩個主菜都好快就上咗仲要兩個都熱辣辣分量十足菠菜汁雞柳意粉本來就驚會好鞋點知佢原來用雞扒所以入味得黎又唔鞋意粉煮到啱啱al dente好多所謂西餐廳都未必做到所以呢個意粉喺荃灣呢個區一間咁小嘅餐廳食到咁嘅質素真係好驚喜黑松露雜菌燴飯都好正黑松露味好足夠只係稍嫌啲菇唔係太多但係個飯嘅質地煮到啱啱好我自己係鍾意比較食啲硬身少少嘅意大利飯呢度就煮到啱啱好而且份量都唔少一個人食真係飽到痴線至於個雞軟骨新鮮炸出黎香噴噴熱辣辣超級好食炸粉又唔厚 真係一啲都唔厚而

和家人去過兩次，一共已經試過了他們的墨汁飯，安格斯牛扒，豬肋條 ,意粉，海胆汁帶子飯，還有小食"水牛雞翼"及蜜糖雞翼。全部的味道都做得十分不俗，肉類都煮得肉質滑，有肉汁唔乾身。套餐配送的沙律，薯菜和湯亦做得不馬虎，尤其是那個菜湯，飲得到是用心煲。這個大眾化的價錢，做這種高水平的質素，真心欣賞。唯一意見，若果湯的份量，能多少少就更令人滿足。在那裡附近十分多食店競爭，希望這小店能繼續保持質量去爭取站穩陣腳。

之前朋友黎食過話唔錯，就過黎試下係咪真係好食先，原來間鋪都有d偏，都搵咗一陣先搵到~好少行到呢邊搵食🍝🍕🍕湯幾好飲~但我唔記得係咩湯la(原諒我呢d老人家😂)沙律好新鮮，而且我好中意個汁~柚子❤酸酸甜甜，好開胃&好fresh👍👍羊架好juice & yummy😋再嫩d會更好，份量好足夠，抵食！！！黑松露野菌意粉~好中意呢個意粉❤簡單而不簡單，意粉軟硬適中，汁剛好，不會膩😋好耐未食過咁滿意嘅意粉la👍👍希望呢d有質素嘅小店可以一直做落去，用心終會被發現~加油💪💪大家多多支持下d小店😝

已經係第二次幫襯，lunch set選擇唔太多，但梗係一款係啱食既— 有意大利飯、意粉同拉麵；坐位唔多，lunch time好易full，皆因價格親民又無加一，已包餐湯、主食同飲品，質素仲好ok喎，下次有機會都想試下dinner 甘筍薯仔湯 第一次嚟餐湯係紅菜頭，好特別又好味，而今次係甘筍薯仔，同樣好味而口感好滑身，我只係嫌佢細碗得滯，飲幾啖已經無黑松露雜菌燴飯 $68上枱已經嗅到陣陣松露香味，入口仍然濃郁，而飯質感做得非常好，唔硬亦唔軟，每粒飯都帶點creamy，所以今次我要再encore，必試之選！卡邦尼意粉 $48呢個意粉真係有驚喜，蛋漿同醬汁混合咗先煮，所以非常幼滑creamy，意粉食落特別香，而且每啖意粉餘香都會留响口腔裡面，質感方面亦恰到好處，少少煙靭最perfect，只係用煙肉煮已經好好味，必食之選！兩人共消費: $116

話說2月5日係我生日，難得老公放日假陪我，佢就同我出左去荃灣行街睇戲，佢就話想帶我去間食fine dinning 嘅食個晏，估唔到係呢度會有間食fine dinning 嘅餐廳。可能仲早啦，唔洗等位就入得去啦，餐廳細細，檯都係得幾張，但入面塊大黑板好吸睛望一望餐牌，今日嘅set lunch都幾平。個心十五十六咁諗梗要黑松露意大利飯定三文魚意大利飯好，老公叫我揀煙三文魚咁我就乖乖揀左。老公因爲想減肥就叫左煙三文魚沙律估唔到又幾大碟，仲好靚tim，我冇記錯的話好似58蚊，fine dinning 黎講真係平，我試食過，菜好新鮮，連車厘茄都好味，煙三文魚幾數量都算ok，上面仲淋左芥末醬，又唔會話好辣都唔錯。我嘅餐湯係忌廉粟米湯，不過咸左少少，但都幾creamy個意大利飯都煮得唔錯，十分creamy 好香，不過三文魚就少左少少，呢個價錢都唔錯了。fine dinning 黎講真係好抵食。

和兩位朋友試新餐廳，沒有限時，七點多入座一坐十點多，詢問知道他們收十點但沒有前來叫我們離開，欣賞！可能餐廳位置不算太好，當晚我們差不多包場咁制，優惠價就做到包場效果😂😂賺左野食方面有質素，味道幾岩我。當晚like facebook可免加一同九折！都幾抵食。

行完千色諗住食多次雲貴川,一見到真係嘩出黎,條隊長到..冇計啦,唯有轉軚,食隔離間餐廳.費事再行Order左豬手,黑松露意粉,水牛城辣雞翼,炸軟殼蟹,一杯mocha,macha latte上菜幾快嘩我地真係幾好奇:豬手可以起肉起到甘干淨,好多件,個皮幾脆,吾會太燶,入面d肉幾軟身.個意粉黑松露無機油味.好creamy 但雞翼瘦左d,但隻無得彈,吾夠喉.mocha好濃味.好好飲呢到食物飲品都幾掂,除左軟殼蟹同macha latte吾多夠味.下次仲會再黎!

午餐晚餐都食過，午餐平靚正，晚餐絕對物超所值，碟黑松露意粉重黑松露味，掛汁！唔留。羊架有羊味，肉質嫩滑，中意食羊既人一定要食！棒棒豬好香超好食，係食完一隻又想食一隻嗰種 停唔到口如果唔係飽到痴左線我真係想叫多碟食老實講唔係人地介紹我都唔會去試 試完好彩冇中伏!真係好好食，荃灣四坡坊嗰到真係全部都係食米線嗰啲 難得有間西餐廳坐得舒服啲，又有歌仔聽下，飲杯野咁，價錢合理唔貴，員工有禮有笑容，笑住同你講byebye，值得去食

HK108*原條饅魚飯條鰻魚燒到香口之餘夠入味。(有別於有D鰻魚食落好似冇咩味,又太林,一係個汁太甜)要讚既＞吾需要擔心挑刺同啃喉HK168*大草原羊架好香啊,咬落幾Juicy,冇羊羶味。HK168*火焰豬手外脆內嫩，份量好多(上枱既時候嘩左聲:甘多既 )豬皮太香口,驚熱氣,主要想補充下骨膠原HK88*新彊棒棒豬媽咪讚左幾次:好好味,好實正,好好咬。(好可愛)孜然粉令人好開胃,(諗起大陸D串燒)HK68*白汁煙三文魚意粉白汁均勻地纏上每一條意粉,好濃郁,好多三文魚同菇,口感好豐富HK98*嫩煎菠菜汁意粉味道好清新,未食過呢隻菠菜汁既煮法。HK72*黑松露雜菌意粉呢個意粉又係媽咪大讚*芝士蝦焗飯(吾記得名)麻麻既焗飯。*羅宋湯偏稠身既，將番茄果肉攪碎左，健康既感覺個人鍾意飲酸DHK148*煎焗安格斯肋眼牛扒呢個係同行既朋友一人獨享******************************一間價錢同食物質素成正比既餐廳好耐冇食過令人感動既意粉會再黎媽咪係典型既"中國人"一定要食飯,最鍾意係飯,食親咩菜都話...幾好,埋單見到價錢,反到屋企實話吾好食,吾特別,所以有時真係吾知係價錢吾好食定

今日行入四坡坊，來諗住凍凍地食碗米線，但係發覺佢隔離開咗間新嘅西餐廳🍴，喺門口見到佢啲出品又唔錯，價錢有幾低食，膽粗粗沖左入去坐低，望下佢個餐牌，午餐都有六七款野揀，價錢仲係＄60以下，已經有湯或者沙律主菜同熱飲☕️，我哋叫咗兩個意粉一齊食，賣相一流，海鮮闊條麵有Pizza Hut嘅感覺，卡幫尼意粉，芝士好香，睇得出係用靚野，再同孖仔老闆傾吓計，晚市佢有個豬手餐，同燒春雞都係招牌菜，叫我下次試吓呢！