合益泰小食

营业中

休息中

重點係混醬啊久唔久我都會去深水埗掃街，必定去米芝蓮街頭小食榜嘅合益泰食腸粉。平靚正。勁多人排，但呀姐好快手。我選擇坐低慢慢嘆。腸粉夠新鮮才是重點，由於人人都叫，佢 keep住蒸所以人人都食到熱辣辣嘅腸粉。腸粉超細滑，好似會 sir入囗咁。有米香。一直 keep 到水準。我反而覺得個醬汁才是精髓。麻醬和甜醬都分別調得剛剛好，醬汁唔會太稀或太杰。加上烤過嘅白芝麻，簡直令腸粉昇華。豆漿就一般啦，個人認為太甜，而且豆味唔太出。

有冇遊客都日日排隊既超級人氣小店!深水埗美食多就係人都知,通常出去都會食返碟腸粉當小食掃街!價錢平之餘,仲要係好多年前已經被米芝蓮推介既香港小食店供應豬腸粉、魚蛋、豬皮及蘿蔔等港式小食店家自己配方既腸粉,食起上來特別軟Q,加上秘制既芝麻醬,豉油滑溜滑溜唔洗幾分鐘就掃清光!正因為佢咁平易近人既價錢,味道好仲有煎臘味蘿蔔糕,一客2件,方正既蘿蔔糕兩面都煎至脆口,咬開食到臘味肉碎特別滋味加多少少辣醬同甜醬,絕對係平民美食TOP5 !仲要飲埋佢既自家出品豆漿,飲到豆既自然甜味,唔會添太多化學味道!大家當然願意排隊等位合益泰小食地址：香港深水埗桂林街121號平均消費$25評分8/10

如果要食腸粉，你會諗起邊一檔呢？從記得細個嘅時候學校門口我有車仔檔當然而家已經冇晒，自己就間唔中會幫襯呢一間一定去人頭湧湧自己搵個位坐低就點單!!豉油同麻醬店家會一早同你落好❤️芝麻就係自己落❤️我係超鍾意食芝麻所以落勁多嘅🤣因為要推介係呢度嘅豬肉燒賣😋都係啖啖肉魚肉同豬肉燒賣我自己都好鍾意食兩款都係各有特色✔️✔️✔️另外仲想推介大家食豬皮蘿蔔💚其實出邊可以食到呢啲嘅地方已經越來越少雖然呢間嘅質素真係冇以前咁好食但都總算過得去🌈

我從來唔寫食評，但真的忍唔住要寫寫，我見咁多食評都讚好，讚腸粉勁好食，但講真.... 真的很一般，算是比較滑，腸粉只加鼓油和花生醬，最有特色的混醬職員都唔知咩嚟，指枱面的醬料話你可以自己加😑 食評說混醬最有特色，其中的麻油特別香，枱面只有甜醬、辣醬、芝麻、喼汁，但沒有麻油，如何混醬？豆漿是不錯的，有豆味炒麵麻麻，不推薦P.S. 腸粉必需趁熱食，凍了就好嚡本來就無打算寫食評，所以只影了幾張相片相中腸粉的芝麻和辣醬是我自己加的

合益泰有可能係最平ge米芝蓮街頭小食每次黎深水埗，一定要買合益泰腸粉食合益泰腸粉由知名生產商潘記麵粉廠供貨，出了名的細滑彈牙腸粉軟滑有米香，芝麻醬有濃厚的芝麻香味，假日不時都有附近居民排隊飲埋豆漿，仲正滿分5粒星🌟—————————————-環境：🌟🌟味道：🌟🌟🌟🌟服務：🌟🌟CP值：🌟🌟🌟🌟

幫襯咗好多年，每次去深水埗或有時特登過去，都係一定會到此品嚐唯一好食的腸粉，腸粉軟滑彈牙加上不能忘記的醬油，但腸粉質素每況愈下，醬油亦不給以前差很遠，加上服務態度超差，唔怪得越嚟越小客人，我亦不會再幫襯了。

要數香港的特色街頭小吃，魚蛋一定位列榜🥇可是好吃的東西真的有太多了，每一款都充滿香港🇭🇰特色這次分享的幾乎是除了港式麵包外，相信應該是最多港人吃過的☀️早餐之一腸粉（細）$10/5條（中）$12/6條（大）$16/8條燒賣 $12/3粒在我而言，店家的腸粉暫時是我心目中排名第一☝腸粉質地軟糯有米香🍚，入口滑溜，價錢💰不昂貴，本想叫大份一點但因要再吃下一家就點了一份小的最特別的地方是店家的麻醬加入🐷豬油增添風味，所以每次到店我都會叫「多麻醬」🤤 伴隨的甜醬味道亦較甜不會太鹹，再加上很多很多我白芝麻粒，調較出最適合我自己的口味😋從來只在店家吃腸粉的我，這次初嘗她的燒賣了🥢價錢看似昂貴（$12只有3粒而已！），實質是三大夥的冬菇豬肉燒賣！食材餡料給很多沒欺場💪🏻，調味洽當，滿滿的菇味跟肉味，加點甜醬味道更佳🤣腸粉好吃沿自店家向✨知名生產商「潘記」麵粉廠取貨，更在該廠🏭內設置獨家機器製成美味的腸粉加上店家在蒸腸粉的時間⏰上控制得宜，天時地利人和造就成為Michelin推薦的街頭小食之一🏆只可惜近年腸粉的質素下降📉，比起十多年前第一次吃到這個時的那種驚豔感已消失😢 還願店家能夠調整一下食材用料，可

合益泰小食今日路過深水埗，當要到到必食鋪 合益泰小食品嘗出名的腸粉。腸粉好抵 10元已經有5條。而家6點後仲會有優惠 買完20元腸粉就放牛肉粥或者豆漿。但由於20元有成10條就太飽，所以叫左5條。腸粉醬汁出色 ，叫左混醬再加埋辣汁，混醬有甜醬同豉油配上特製的芝麻醬加上香口嘅芝麻一齊食， 真係好香好惹味，腸粉好滑，真係想食完再食。絕對比出面優勝，唔似坊間的無味又成堆粉咁。另外，豆漿6元好抵，又凍又滑，飲落去好有豆味，岩曬而家夏天飲。

深水埗合益泰都算幾出名今日就去試下佢既腸粉見到人地話粥都ok我就叫埋個艇仔粥同魚蛋腸粉確實係好滑仲要醬同芝麻係任你落落到你岩口味為止我就緊係瘋狂加芝麻食落好香我覺得係好食既個粥反而有d失望份量正常但食落豬皮有陣”益”味係唔ok我夾硬食半碗咋魚蛋佢係大大粒個隻唔係彈牙個d但未至於難食既其實我仲叫左杯豆漿不過無影到正正常常似交貨黎賣個d口渴就可以叫黎飲😂唔飲又唔會損失總括黎講下次再黎都只會叫腸粉但可能會試蘿蔔睇人地話好甜同無渣不過見到隔離枱食個賣相又係麻麻😛

十蚊份腸粉($10 - 5條)雖然現在普遍都這個價錢，但在深水埗還是喜歡到這間裡點，事關堂食的話，不論是醬汁由自己配，想邊隻醬多，多幾多，都由自己落，而最重要既係，芝麻可以自己任落，最正既係鋪到滿滿既芝麻👍😘

腸粉 - 醬汁出色 好香 但腸粉唔滑 如果腸粉夠滑就會正好多 *堂食好處可以自己加甜醬同辣醬 因為有時距醬落多左都有影響 魚蛋 - 無特別 有啲淋唔彈牙 個人還是偏愛陳皮魚蛋 牛肉球 - 連腸粉個醬汁一齊食就好味好多 如果唔係都係無咩特別既牛肉球燒賣 - 一樣要配埋個腸粉醬汁 口感都煙煙韌韌 不錯豆漿 - 唔太甜 都有豆味 可以試下既🥰

腸粉：  更以前一樣， 差。  沒有醬油味， 麻醬不能自己加， 甜醬味道一般。 對上一次食是兩年前，不信邪，希望他們有改善，可惜， 失望。不知道為什麼有評論說合益泰的腸粉好。

腸粉(細) $10呢間由我中學個時已經好出名(即係都一段時間前) 😹 但我前排終於先去試 估唔到店入面都幾乾淨企理 坐得舒服 而甜醬、辣醬、鼓油、芝麻都係自己任加 好方便 腸粉食落真係幾滑 而且唔會黏底 加埋麻醬、甜醬同辣醬食就更加滋味😋評分: 9.5/10🌟燒賣 $12 3粒本身以為12蚊得3粒燒賣好似有啲貴🧐 原來每粒都好似酒樓食個啲咁大粒 成件事即刻變到好抵🤣 食落係冬菇豬肉燒賣 勁香口 而餡料既份量都好多 超級足料 口感都唔錯🤤評分: 8/10🌟豆漿 $6豆漿飲落豆味濃郁而且細滑 重點係夠凍 勁正🤩 一杯既份量都唔少 仲要斟到好滿 咁先6蚊 超抵🤪 整體飲落有豆香又唔甜 推介！🥰評分: 10/10🌟———————————————————————合益泰小食 (深水埗)深水埗桂林街121號地舖

前排同朋友去完南昌公園影黃花風鈴木，本身諗坐去大南街嘅Cafe，但因為朋友話想試小食，於是我就帶佢去試吓「深水埗名物」。😛深水埗合益泰小食，我由細食到大～～ 由小學食到而家，想當年我淨係鍾意食皺皮/石磨腸粉，因為平時小食店嘅豬腸粉多數都又嚡又唔好食，但自從食過合益泰又滑又香嘅腸粉，我對佢改觀晒！🥰 加上呢度甜醬、辣醬同芝麻都係任落，自己想食幾多都得，好方便。其實我都有幾年無食，今次再食返都覺得唔錯，雖然都係童年回憶中最好食。P.S 呢間嘅蘿蔔都正，清甜無渣又抵食！大家可以試埋呀~~每次去到門口都好多人排隊，但唔少人都係外賣/企喺度食，所以堂食都唔算等得好耐。

平民區深水埗出名多美食，合益泰就係其中一間。我幾乎每次經過都會見到有人龍排緊隊買外賣腸粉，咁佢d腸粉又真係唔錯。一黎夠平二黎多新鮮，係普通嘅傳統腸粉。佢出名都無加價都算係咁，好多其他賣小食嘅鋪頭出名後都會加價～～～食過里多次第一次堂食，環境當然唔會話好好要同人搭枱，但都正常而且合理。d姐姐態度都幾好唔會話好差，枱面好多醬芝麻麻醬任加！！睇餐牌先知佢原來有粥食，我見燒賣魚蛋都幾多人叫，下次可以試下～