合益泰小食

营业中

休息中

呢間腸粉應該好多人都聽講過但我次次去到想食一係就趕時間太多人排隊食唔到一係就佢已經關鋪（好似8時關門）終於有次經過唔算好多人排即刻叫個腸粉嚟食下啦但我唔係即食而係帶返屋企食所以唔算係最熱辣辣既時候食但都覺得好好食啲腸粉好q好彈好滑正正子！可惜只叫了最少份量 唔夠食呢！

#合益泰小食深水埗桂林街121號地舖-----首先B仔其實唔特別中意食無餡ge齋腸粉 平時極其量都係會食蝦米腸 但係呢間深水埗小店ge腸粉簡直令我對齋腸粉改曬觀 極度順滑ge口感 豬油香味🐷再加埋芝麻 麻醬同甜醬 當每一樣野都整得好好 原來齋腸粉可以好好食 除左腸粉 豬皮蘿蔔都係神級ge美味 😭個汁係特別調製 令人有一種言語難述ge上癮感 🤤蘿蔔超甜無筋 豬皮極度入味 可以將咁平凡ge野整得咁唔平凡 難怪雖然店鋪一d都唔靚 又無服務可言 但係都成為到米芝蓮推薦ge美食～-----B仔整體評價：9.5/10個👍🏻（太好味 環境已經係其次😂）B仔抵食程度：10/10個👍🏻B仔環境評分：2/10個👍🏻（好逼 好混亂 但都無阻大家ge熱情）B仔味道評分：10/10個👍🏻B仔回頭機會：10/10個👍🏻-----#swallowhk跟住我一齊吞食香港啦！#swallowshamshuipo

2019年1月21日。晴。深水埗。約咗朋友食飯但佢未收工，要自己消磨時間最佳活動當然係食嘢喇～搵好嘢食法則第一條，見長龍就排！中伏機會低～所以見到有人龍，排咗先～再查下，原來係賣腸粉嘅，我鍾意呀！！仲要係米芝蓮喎！米芝蓮呀。。。一邊排隊一邊默默地喺銀包攞出張$50心諗應該夠喇啩。。。點知聽到後面對情侶嘅對話，發現一條腸粉只需$2！！！即刻再默默收返張$50，拎出銀仔～～舖仔細細，買腸粉嘅就喺舖嘅一邊排隊隔離就係後巷，所以衞生情況就真係麻麻喇勝在夠街坊一個人食腸粉最少要嗌份細嘅腸粉（細）＝4條，$8姐姐手起（剪）刀落，三兩下手勢就整好一碟再倒豉油、麻醬、甜醬同芝麻，其他辣醬嗰啲可以自己加腸粉果然香滑，麻醬亦好香濃～混醬再食，滋味再升級作為街頭小食，算係較健康嘅選擇而且勁平，好抵食～記得行過路過唔好錯過～

合益泰既腸粉被米芝蓮推介真係成日都會有人在排隊不過好彩姐姐都超熟手 好快就可以消除人龍！！！腸粉$2一條，其實都算平！！因為出面都唔止呢個價，而且質素仲要冇咁好添！！呢度既腸粉好熱辣辣 基本止蒸好冇耐就會賣晒又蒸，好新鮮熱辣辣😍😍😍😍加上醬汁佢一點都唔菇寒，咩都有齊！芝麻仲要係好香口 ！！！一咬落去 腸粉超滑😋😋😋😋連埋醬汁直情係滑入喉嚨咁既感覺 ！！真係抵佢成日有人排隊架！😍😍😍$8買4條 當小食一流👍🏻👍🏻👍🏻不過佢冇企台俾大家食，要拎住隻碟食都有少少唔方便，一唔小心好易整污糟 ！

🇭🇰#香港捐窿捐罅記可能係香港最高質既腸粉店？合益泰係一家連續拎左幾年米芝蓮既食店☺️ 好多人以為佢所以咁好味係因為腸粉質素好🙂 其實唔係 佢地既秘密係麻醬 你如果細心留意下 佢全部其他醬都比你自己任再加 但就係麻醬唔比🙂 因為係佢地自己調配出來既🙂 ——————————————————————-腸粉（$2）好平民既價錢👍 腸粉質素正正常常 因為係拎貨又唔係太特別 但麻醬好香 成功而且令成個腸粉更香滑🤤 食完一次就會想食另一次🤤 總結來說 又平又好食 大家去開深水埗既朋友仔 一次要試一下🤤不過成日好多人😀-🎈深水埗桂林街121號地舖-平均傷害：$6好味值：6.5/10

此行最驚喜的小吃沒有之一，勝過十八座狗仔粉，或者說齊頭並進吧。合益泰小食名氣很大，也是專門跑來吃，還要排隊，不過這些都不重要了。就在深水埗地鐵站出來，離新香園和公和都很近。小店據說開了很多年，很多店都是傳承下來的而且多少年味道始終如一。合益泰還有好多街頭小吃，但顯然豬腸粉是最受歡迎的，要了小份腸粉，這個味道絕了…甜 咸搭配的恰到好處，腸粉嫩滑有嚼勁。感覺不知道怎麼形容，總之就是，好吃！下次還會去。

位於深水埗桂林街既合益泰小食係我近年每次去深水埗都必食既小食店店家去年開展左為期幾個月既裝修裝修完之後好多食客聞風而至大隱隱於市合益泰小食既位置和店面確實唔太起眼係人來人往既深水埗如果唔識路會好容易錯過左都唔知幸好友人做足功課先前了解左店舖位置我地先唔洗周圍搵來到店前發現簡單既腸粉背後有不簡單既處理方法每一條既腸粉都非常滑溜加上豉油、甜醬、花生醬要花上大量芝麻成造出合益泰既馳名腸粉排隊既人再多我下次都會再黎食

咁耐無黎深水埗搵食，第一間諗到食長發，第二間就係你喇～合益泰！同事同我一樣鍾意排隊企係出面食，原因係覺得個度熱啲好味啲！一人一碟細，$8有四條。阿姐為左加快手，通常剪兩三下就搞掂，變左有啲成半條咁長😅食落都幾輪盡，所以我都會用竹籤切開兩條先食。不過今次唔算好熱，撞唔正佢蒸到熱辣辣。但甜醬、辣醬、豉油同加左豬油既麻醬混埋一齊仍然咁香咁好食，再撒上炒過既芝麻，wonderful !我最鍾意呢度啲辣醬，唔會得個鹹字無左辣椒香。如果唔係最排俾fiancé 提我唔好食咁多芝麻怕我熱氣，我平日會加勁多😂😂平日我唔鍾意食芝麻，但唯獨呢間啲芝麻炒得好香，我會勁落🤪

每次經過深水埗都會食合益泰 次次都排長龍 可能係因為本地人同遊客都多 不過姐姐們都做慣做熟好快手食左咁多年都係保持水準👍🏻必食 腸粉 一定要叫混醬! 腸粉好滑身燒賣同牛肉都值得一試!

今日去深水步行街，行到咁上下見肚餓，便去了合益泰小食。店內好多人，需要自己找位置，我點了中腸粉$12。腸粉香滑好味、沾上豉油、甜醬，芝麻醬及芝麻，簡直一流。隔一排都會心思思想返來再食😝

其實睇合益泰小食攞到米之蓮推介之前，已經有朋友帶一個過嚟呢度食，真係一食難忘呀，第一次食起碼都五六年前。果陣一入嚟嗰下點解好似有啲擠迫，坐得唔係好舒服咁嘅，咁我又唔好意思西我朋友面喎，咁咪唯有照叫嘢食啦。到今日舊地重遊，發現合益泰小食已經重新裝修左，格局同以前差唔多嘅，都係以flexible為主，咁樣都幾有智慧嘅，可以方便一個人食又得，10個人嚟食又得。我就叫左一個中腸粉同埋豬皮，再加杯豆漿，平時唔係好大食嘅我，呢個份量已經可以做我嘅午餐啦。

每次去完深水埗睇跌打，就會去呢間買野食，次次都係好多人排隊，星期一至星期日都好多人，星期六日公眾假期直情多人到呢.....真係見到條龍都唔想排....無奈佢既腸粉又真係好好食，好滑，又多豉油，麻醬，甜醬，芝麻，真係好好食，夠熱！試埋佢個魚蛋，我都係鐘意食腸粉，夠軟夠熱夠滑，真係正👍🏻👍🏻👍🏻👍🏻👍🏻魚蛋就.....我會講佢真係香港暫時最好食果間腸粉👍🏻👍🏻👍🏻佢個價錢又平又唔貴，真係好平民化👍🏻👍🏻👍🏻👍🏻

混醬腸粉🤤🤤🤤～～～～～～～～～～～～～～～～～～食粥點可以冇腸粉呢？合益泰腸粉聽咗好耐，今次終於有得食。地鐵站一出就係，一點幾去到仲係排緊隊，我以為好多人只係會早上吃腸粉，點知下晝人流依然冇減到。冇位坐，唯有喺街企喺度食。腸粉（中）（$12）話明「混醬」，就梗係要講下佢啲醬汁先啦。有豉油、甜醬、麻醬及芝麻，依幾種醬汁溝埋一齊永遠都係絕配。啲腸粉真係好滑，滑到牙籤都幾乎「吉」唔起佢。~~~~~~~~~~~~~~~~~~~~~~~~~~~~~~

深水埗好多時候比人既印象都係無野好食，其實某程度上我係認同，因為呢一區係就確實係有好多食店，但係質素上整體都唔算太高。不過，唔錯既小食喺呢一區係可以搵得到，當中其中一間我最鍾意既就係合益泰小食，呢一間小店經常都有好多人排隊，仲要2018同2019年都入選左米芝蓮街頭小食推介。米芝蓮信唔信得過就見仁見智，不過我自己覺得合益泰小食算係唔錯。合益泰既主打小食當然就係腸粉，售價係$8(細)$12(中)同$16(大)。腸粉好滑，唔會痴埋一舊，可以比客人任加甜醬同麻醬等，麻醬係重點，香得嚟令到腸粉更加滑溜。個人認為呢間既腸粉係全港做得最好既其中一間。

深水埗美食尋寶多籮籮，呢間合益泰小食都係今日經過見到先知佢存在😮食飽完第一餐新香園，仲有空間就同人地排下隊，反正今日深水埗之旅都係影影相📷同食吓嘢😝😝條龍大大話話10幾20人，等咗20分鐘左右有得埋去落單，又係戰戰兢兢快口落單，堂食應該係食粥同其他，只好拿住兜腸粉係深水埗做企街（仲要後巷渠邊😫）老實，腸粉係滑既，但又唔見得係特別出色👌👌同細個個陣用個大鐵盒蒸住既新鮮腸粉分別吾大😏😏而佢個花生醬同甜醬照計都係來貨，食唔出分別😯again, 可能小弟慧根低🙄🙄要排長龍去等，值唔值得同遊客一齊排自己諗諗😏