合發燉奶餐廳 (已結業)

前幾日行過合發燉奶見到有卡位坐又有d肚餓入去食個常叫左個叫生才唦爹肥牛公.嘩!肥牛有3片/.\生才失左既?原來下面= =真係塊樹葉都大塊個佢.仲要係黑黑地浸到晒.再食下do......冇牙都食到.煮到過晒火(勁)飲下d湯咸左d.加埋杯凍檸樂43蚊埋單.可能佢地想人食完快d走先至整到咁難食

次次去親都凌晨時分間茶餐廳比我既第一印象係貴閒閒地四十幾五十蚊同澳門差不多第二個印象個餐牌is so funny!!!燉奶= 燉北海道牛乳煎魚飯= 香煎阿拉斯加魚飯嘩哈哈，連公仔麵都要新鮮牛肉雞蛋麵長氣到暈味道方面咪係茶餐廳咁囉無乜特別喇

之前同個friend 去食dinner,食左個蕃茄豬扒公仔麵餐,d湯底好正, 豬扒煎得好香好好味,又有炒蛋奄列!最抵食~!不過今次杯奶茶d茶味怪怪....

十點後的銅鑼灣人流依然好多，合發茶餐廳任何時候我相信都係咁多人。店舖裝修非常光猛，而且門口張貼既餐牌真係多到不得了，叫人不知如何選擇。大茶餐廳乜野都多︰客人多、員工多、餐牌多....咁多套餐都唔知點揀。見到佢大力推介既New Zealand羊仔骨，賣相吸引，點知賣成$47都唔包飲品。$48一個阿拉斯加魚焗飯都係唔包飲品，搞錯呀!尋尋覓覓，終於搵到兩個包飲品兼都有少少特色既常餐︰鮮茄豬扒螺絲粉、日本空運豬肉叉燒手打烏冬。個螺絲粉味道好以澳門既羅宋湯通粉，都ok。但係個煎腸蛋+火腿炒蛋一d特色都冇，仲要唔夠熱。所謂手打烏冬一d嚼勁都冇，d叉燒都幾肥，都唔知有乜咁巴閉。成$38一個常餐，咁大個女都未試過咁貴既常餐!起初仲以為銅鑼灣少有地開左間咁大規模既茶餐廳，點知都係翠華集團成員，唔怪得咁既質素啦。

昨日同朋到合發食茶餐,因為又不太肚餓所以我只叫油多少油($8)和熱檸檬茶($13),而朋友就叫金牌豬扒包($18)+奶茶($13)多士係厚身,看似超過1吋,雖然烘得不夠熱和脆,但麵包係新鮮所以質感都好好,配上少許牛油,絕對合我心意,至於杯熱檸茶就普通啦,檸檬味唔算好鮮但配埋茶都唔覺苦澀,加埋個幾靚既透明有耳玻璃杯,可以加分囉.朋友既金牌豬扒包有驚喜,除左個賣相好之外仲有一小碗焗茄汁豆,朋友最鐘意食既豆豆ga,我無試食個豬扒包,但見佢笑住咁食,未食完就講定下次encore就知好味啦.

地方乾淨、光猛、好坐、侍應有禮貌、食物款式多、水準穩定,基本上在銅鑼灣想不到吃甚麼時就會來. 食物選擇和價錢都和翠華好似(同一集團?),通常會食粉麵,多士,脆豬....仲有那個燉奶都好好食,最鍾意佢唔會好甜. 飲品好好大杯,奶茶一般,檸茶幾好.

1) 牛仔肉餐($32 午餐套餐包例湯)2) 椒鹽猪排($32 午餐套餐包例湯)3) 羊仔排配薯菜($48) -竟然有火龍果，很特別！ -羊肉一點都唔蘇又夠淋！4) 海南雞飯($45) -雞肉很滑，飯很香又不太油。 -湯好味。唔知點解老闆好好人，特別推介佢餐飲及個羊仔排餐！凍檸茶好好飲，與一般茶餐廳不同，佢地係用刨冰製！

只係食左茶走x2, 蛋撻, 北海道燉奶, 波羅包...茶走, 幾好, 唔會好似某d地方飲既, 甜到死蛋撻, 普通過普通北海道燉奶, 怪!, d味係好怪, 接受唔到波羅包, 冰鎮波羅油...ok 啦

同朋友黎, 叫左個最行貨0既晚餐炸蝦一隻, 豬扒兩塊+ 飯餐湯野飲除左汁冇乜同塊扒硬0的之外都冇乜野賣單一人五十二, 平十蚊會好食0的...

和太座來幫襯的主要原因，係因為佢見到酥皮蛋撻新鮮出爐，想來吃番件。呢度同翠華及港式係同一個集團，食物種類真的是非常之多，除了例牌的茶記食物，還有日式大碗飯、韓式石頭飯，連印度烤餅都賣埋，好唔好味就唔知，但真係唔到你唔服。太座一坐低就叫了茶走加件蛋撻，我就突然對燉奶幾有興趣，見佢寫明用北海道牛奶，又睇佢有幾巴閉。不知是否心理作用，這裡的燉奶又真的是幾香，不太甜，有水準亦試得過，美中不足是不夠滑。始終要找好的燉奶，去翠苑會好一點；太座的茶走當然的香甜幼滑，蛋撻就真的一般了，酥皮明顯是焗得不夠透，結成一堆，未及水準。同是賣4蚊，比起檀島的差好遠。侍應服務好有效率，是茶記特色，多句都唔講，一個字~「快」。埋單31蚊，經濟抵食。下次找不到心水吃東西，都會來這裡。題外話：見這裡也有劃分禁煙區，幾意料之外。不過兩區都無遮無隔，坐得幾近，所以坐在邊度都無咩分別，一樣聞到煙味。

與朋友們一行4人食飯，叫左4個飯shrare~鍋蛋肉醬飯﹣肉醬好爛同埋好多汁，食唔到肉味，唔推介。苦瓜斑腩飯﹣苦瓜份量小得可憐，好彩都幾好食。炒麵﹣好明顯係最好食，因為短時間內已經俾我地掃晒∼芝士牛月利焗飯﹣第二受歡迎，牛月利爽，加埋芝士汁同飯一流，但食兩啖就滯滯地...

小第呢排去多左合發, 無心水時就叫晚餐(dinner set)比較起翠華,合發好座d,所以通常去合發有次見到係燒豬仔骨晚餐, 叫左個試下味道唔錯, 亦有燒烤既香味d燒豬仔骨無話燒到乾晒,d肉汁重係度不過有小小唔夠熱,如果熱d應該會有更濃既燒烤香味d豬仔肉既邊位亦有小小"un", 不過呢d係豬,唔可能食五成, 所以好正常其他例如湯及茶都係正常水準另外佢d湯無其他同級既餐廳咁"希"不過有樣野一定要講, 就係有時唔記得俾甜品我相信好多人食到飽晒都無所謂, 但係都應該要注意下.

一個字: 掂!!!

我覺得你們的收銀員態度很差,尤其係配戴眼鏡肥肥地的女收銀員,沒有笑容,更沒有禮貌!!! 就算食物再好味,我都不能再接受!!!!

奶茶、菠蘿飽、蛋撻和燉北海島牛奶（用小形燉盎上）都非常不錯，而且地方算企理，落單已電腦化。但最感到興趣的是，放於每檯用來插餐牌的膠座上，除寫上餐廳名稱外，便是一個網頁，原來是它在openrice的網址!這可能反映餐廳管理層對餐廳質素有相當信心，並重視食客的意見，值得欣賞!