合發小食

营业中

休息中

呢間野開得好夜，原來呢間鋪係開24小時既！今次係受人邀請深夜黎到呢一間鋪頭食野。估唔到，夜晚10點幾，仲有好多人排隊買嘢食。一個細細的舖位,竟然有成五六點枱客。睇過餐牌，都有幾多野食。例如生菜魚肉，炸雞脾，等等食物。不過煎釀三寶係最抵食既。竟然係$1/件。其實喺香港地，好難搵到咁抵食。初頭諗住，$1/件,可能落咗好多粉去炸，味道又一般甘。點知朋友買咗$50煎釀三寶。當中包括有魚肉釀茄子，魚肉釀尖椒，魚肉釀紅腸炸雲吞，魚肉釀豆腐。朋友建議我去附近既便利店買野飲。佢話店主唔介意我地幫襯隔離便利店。試過食物之後，茄子同魚肉都足料。反而我最鍾意既係炸雲吞，夠曬香脆。雖然係雜錦煎釀三寶，但每樣都算足料，亦都唔係啖啖係炸粉。其實如果咁樣既話，有時懶得煮飯，可以買一個當餸都得。因為掛住同朋友傾計，無影到我地食左幾多野

講開小食店，港九新界其實都有好多，而且買嘅小食基本上有好多都係大致一樣，魚蛋、燒賣、牛什、煎釀三寶、雞蛋仔等，但係合發就真係有別於其他嘅小食店，呢度真係有勁多嘅嘢食，要數都未必數得哂，而且呢度係全日24小時營業，更設有枱櫈可供客人堂食，而且又有各式煎扒飯、盅頭飯同公仔麵供應，集各項款式食品於一身，認真另類，因為有飯賣嘅小食店確實唔多，呢度嘅食品款式真係多羅羅，包括~炸薯角、炸雞中翼、炸雞全翼、炸雞肶、司華力腸、糯米雞、煎釀三寶、生菜魚肉、餐蛋麵、咖喱扒飯、黑椒扒飯等，而且每樣食品都唔會炸得太油膩，認真唔錯，講番盒飯先~我噚晚叫咗盒5仔(即係咖喱腸仔豬扒飯)，呢度嘅各式煎扒飯係全日供應，每款$30元，加$6元可配飲品，盒飯賣相真係幾好，咖喱汁微辣但真係好香，豬扒炸得金黃香脆，而且店主會替客人把豬扒煎碎，方便進食，相當有心，腸仔同樣炸過，所以食落非常香口，飯粒就普普通通啦，整體嚟講~呢度嘅扒飯真係幾好食，有咖喱汁同黑椒汁可選，下次嚟到我一定要試埋黑椒汁嘅扒飯先

一口痕想食煎釀三寶，就即刻諗起合發，原本身在旺角區上班嘅我，一放咗工之後，真係無法接受某D小食店嘅近乎波子般大的炸魚蛋，於是寧願付出一程車嘅時間(大概40分鐘左右)，都要堅持由旺角撘巴士去葵興，目的都係想換嚟一個大滿足，我個人覺得非常值得，$1元1件嘅煎釀三寶，喺全個旺角區根本冇可能揾到，$10元3件嘅煎釀三寶就隨處都可以遇到，好~合發呢度嘅煎釀三寶，每件都相當大件，而且魚肉分佈平均，唔會東一忽、西一忽，除咗煎釀三寶外，仲有炸雞翼、炸雞肶、糯米雞、各式扒飯(可配黑椒汁或咖喱汁)，價錢都只係$30元，十分抵食！

呢間位於葵興嘅小店係二十四小時經營，佢嘅賣點就係一蚊一件煎釀三寶，大件夾抵食！雖然質素同環境唔係話好好，但係其實都唔差，以$1黎講！我哋五個人都係食咗80幾蚊，當然啦佢除咗煎釀三寶之外仲有其他嘢食㗎，睇完炸雞翼炸雞髀等等！炸雞翼就係$10/5隻，仲會返咋暖粒粒咁樣俾你稼！雖然環境就唔係話好好要自己開台坐係街邊食同埋後可可能會覺得有啲污糟如果唔鍾意嘅話，可以外買返屋企食都得㗎當係斬料加送都係唔錯嘅選擇，尤其係佢啲雞翼

哩間小食店出名一蚊一件，款式雖然唔多，得5種選擇，係基本款式，但件件都幾大舊，不過釀魚肉我覺得偏少，好在佢有甜醬，而加任加，我超鐘意食，我每次都買返屋企食，所以已經唔熱了。

🍆📸#tagnshare葵涌篇……………………💰煎釀三寶 （$1/件）燒賣（$1/粒）🤤 性價比太高啦嘛，雖然魚肉比例略為少啲啲🤭但係佢個size都唔細架! 加埋佢既秘製豉油，十分惹味!! 茄子同埋青椒必點!! #撞正岩岩炸起會好味啲 如果有時間就拎返屋企開個爐炒返熱，會正好多👍🏻#窮人恩物 #糧尾恩物 .🙋🏻高妹小編……………………👇🏻地址👇🏻合發小食 (葵涌)葵涌禾塘咀街珠寶大樓地下125號D舖

真係好抵食😍😍每次去行街都會去食😍呢個年代仲有一蚊一件煎釀三寶一定要去食啦雞脾好食😍😍魚肉翅足料，但食落冇乜味，10蚊一碗已經好好，不要太高要求一蚊一件😂薄薄一片即刻叫番十件食😍😍真係係香港食唔到一蚊一件😂😂😂另外我自己都另外買左20蚊回家同家人一齊分享😍😍叫左呢三樣食😍😍呢個價錢😍👍👍大滿足抵食😍😍整體呢個價錢😍😍抵食😂😂次次都食到好飽😍😍👍👍

「一蚊一件，新鮮炸起煎釀三寶！」今時今日，聽到咁樣的叫賣聲⋯⋯我相信你都會同我一樣，停低睇下有咩好嘢食。店內的叔叔嬸嬸好人到不得了，遇上三寶凍左，都會主動幫你翻炸；買多幾件，又會問你係唔係即食，幫你用盒裝好唔好！我在附近工作，常常光顧，買一盒20-30蚊回家加送，特別豐富！如果家中有焗爐、光波爐，稍稍翻熱，迫返啲油出黎，味道更佳！總評：人情味小店，抵食，值得支持！不過金舌頭食家免光顧，免無情劣評害了有情的叔叔嬸嬸！

而家d小食檔煎釀三寶都已經十蚊五件。今日竟然仲有間一蚊一件，世間罕有。原先諗住買五件，但真係太抵，係阿姐夾緊其間改變主意要十件。紅腸總會食到d頭尾「的」位，阿姐夾左件細件「的」位，然後佢又再夾多件正常size既「的」位，好老實👍👍👍，最後係十蚊比左十一件。講返件煎釀紅腸：Size：夠大件，冇斜切，面積大而不是薄切。味道：紅腸係好味的，有水準的紅腸，肉質實淨d。有時食到一隻係d肉淋d。魚肉可有可冇，因為冇乜味的，純粹加大體積。豉油唔夠咸，得個深色，冇豉油味。總結：建議阿姐不落豉油，另請自備豉油。一蚊舊來講屬非常罕有。ps.同場仲有茄子青椒雲吞，相信仲有d炸緊未出爐。

一蚊一件煎釀三寶，幾抵食，而且會幫手翻炸本來都幾香口，不過裡面魚肉少得可憐，得一條仔咁大把碗仔翅足料，但食落一D味道都無，淡荗荗就算加左胡椒粉同醋都無補於事門口睇明明寫住碗仔翅9蚊到比錢時，阿姐大大聲話"十蚊呀！"把我的錢一野拍在枱面然後走左咩事呀？？加左價又無寫明，好似係我錯咁！

在葵涌返工有三年，但平常搭巴士很少機會去葵興，今日本來約了朋友七時半，已離開公司不久後朋友話要遲一點，於是愛捐窿捐罅周圍吃的我便試試走平時不會行的路，錯有錯著地遇上了這小店。門口傾滿的是剛放工放學的人，店裡的姐姐很有心的逐個招呼。一向煎釀三寶都是我最愛，幾乎每個月會吃一次。雖然看到門口一堆剛剛炸起貌相非常香酥好味的雞翼，但我不為所動，決定食煎釀三寶。自現在大部份的小食店都是強制式五蚊三件或六蚊四件，這店非常的好，是一蚊一件，起碼我唔洗被迫幫襯三的倍數、四的倍數。點了一共七件。魚肉沒魚味，但這價錢還可強求其麼？要稱讚的是茄子，薄薄的，可能其他人會覺得他們慳料，但我好討厭其他店通常把茄子切得大大件，其實薄薄一片加上魚肉才是最好食，好食與否不是視乎份量的。

早幾天在這裡食過三餸飯, 食過返尋味, 今日又來幫襯. 與上次一樣, 點了菜心及苦瓜排骨, 見有蒸魚, 當然不會放過.炒菜心很有甜味, 可用食極都唔厭來形容.苦瓜排骨雖然只得一粒排骨, 但整體很夠味, 亦夠腍.梅菜蒸魚雖然是細細碟, 但確實是原碟蒸的, 魚有三件, 多骨, 要小心食, 配以梅菜, 味道當然不會差, 碟底墊著幾薄片豆腐, 足顯誠意. 例湯是冬瓜蜜棗豬骨湯, 味道是可以的. 不過之後覺得口渴, 分不清是味精作怪還是自己喝得太少水.食在行人路, 環境絶不理想, 但三餸一湯, 加上大半盅的蒸白飯, 吃畢, 很滿足, 很飽. 看見隔鄰兩個男仔吃著炸豬排雙蛋飯及牛排紅腸煎蛋飯, 大大碟, 餸不少, 小店當然是即叫即弄, 所以食物要等上幾分鐘, 跟飲品, 只是廿一元, 經濟實惠, 心思思又想試吓.

經朋友介紹黎左呢間食佢ge黃金雞翼一食就知正野,好脆ar,層雞皮又唔粉好食過肯德基d雪雞多多聲仲要賣$4隻,超抵!!今次帶埋兩個fd黎食佢地都話好食之後過隔離苑記食牛腩食完牛腩d fd仲想食多次d 雞翼正所謂"好食ge野隔幾日自然會返轉頭幫襯"但係估唔到我地隔左一粒鐘度就返轉頭可惜唔記得影相,唯有下次補返