影片
以上资料只供参考，请与餐厅确认详情
宜间出左名平嘅$1 件煎酿三宝🤭难得经过真系要试试佢。17年冇加价 ，现时$1 一件真系绝无仅有 。试完发现佢地煎酿三宝 一啲都吾差 真心劲抵食 😍 难怪小店都咁受欢迎 $1 一件 煎酿三宝 有红肠 青椒 豆腐 茄子 蟹柳等 每样都大大件 有一层鱼肉 虽然吾系好厚鱼肉 但$1 黎讲 绝对抵食 味道非常不错 认为甚至好过好多街边铺 超高性价比 👍🏻👍🏻
继续阅读
一蚊一件煎酿三宝，喺香港除咗合发小食之外，仲有边度揾到？应该系冇！！葵兴站行过去都唔算好远，大概10分钟到，喺光辉围附近。今日下午三时左右到达，已经有10十多个人在排队，看来人气十足。煎酿三宝款式很多，不论款式，都系一蚊一件。见到唔少主妇们都是$50咁样嗌，店员都会准备一个大嘅胶盒。每样款式都嗌咗一款，有青椒、尖椒、茄子、蚝肠、炸鱼蛋、炸云吞、豆腐。炸豆腐大大件，个个人觉得系最抵食。尖椒辣辣地，都唔错。每一款都有足量鱼肉，一蚊嚟讲性价比很高👍🏻
继续阅读
香港嘅物价不断上涨，竟然仲有一间小店停留喺十几年前嘅价位，仲可以保留到一蚊一件嘅煎酿三宝，实在太难得！一蚊一件煎酿三宝，简直就系宵夜首选，一蚊一件可以选择茄子、青椒、豆腐、鱼蛋、红肠、云吞。豆腐大大嚿虽然酿嘅嘢就比较较少，青椒就比较细条同埋会比较油，鱼蛋都大粒，但系就粉比较多冇乜鱼味，但系一蚊一件真系完全冇挑剔！不过𠮶日买好奇怪，佢其他都有帮我炸就系云吞冇😂云吞完全淋晒🥹所以一定一定要记得同佢讲要返炸！
继续阅读
今日嚟到光辉围嘅小食店 呢间舖头真系好出名 价钱平 以前旧公司系附近成日嚟食 今次叫咗煎酿三宝 鱼蛋 豆腐 青椒 矮瓜 尖椒 仲有两只薯饼 同埋麦乐鸡 再加个碗仔翅加鱼肉 😋煎酿三宝好唔好食就见仁见智，对于我嚟讲都唔系因为好食只不过系不过不失，最紧要系平😍呢度嘅小食真系多款，而家仲可以用啲Apps叫外卖呢间小食店环境简陋又用万年油，姐姐好睇心情服务态度好彩唔需要等太耐总体嚟讲 呢次小食店只可以系话平，大家都可以去试一试👍
继续阅读
煎酿三宝（$1@）一蚊一件嘅三宝已经唔知几耐未见过，呢间小店应该平绝全港。三宝款式齐全，鱼蛋、豆腐、红肠、茄子、青椒、云吞，应有尽有。味道合格有余，对得住价钱。而且可要求炸番热先食。除咗三宝，仲有好多炸嘢都好抵食。炸鸡脾、炸鸡全翼、炸鸡中翼、薯条、薯角、薯饼。下次留肚试多几样。
继续阅读