吃扒 (已結業)

吃扒旺角豉油街108號地舖屋企人生日今日專登出咗嚟旺角鋸扒慶祝，上網見到呢間扒房好多人推薦，而且環境一流餐廳裝修佈置好有feel, 感覺到係一間有質素既西式扒房，所以已經即刻訂位啦，我地大約7點半黎到已經full晒啦，而餐廳既位置非常方便喺旺角豉油街，唔怪之得吸引到咁多人嚟幫襯熱熔芝士紐西蘭牛柳真係第一次聽鐵板扒配熱熔芝士，當然要試下啦，估唔到又出奇地好食wo, 香濃嘅芝士滲入牛柳入面，原來都幾夾西冷牛扒我地揀左5成熟，感覺岩岩好，唔會太熟肉質依然保持鮮嫩，再加埋我最鐘意既黑椒汁，真係好惹味火焰忌廉芝士青口呢款青口就最有驚喜，濃郁既忌廉汁離遠已經聞到好香，再加入少少白酒造成火焰既效果真係無得頂呀最後當然要食埋甜品先夠啦，我地揀左心太軟，餐廳係即叫即整既，熱辣辣既流心朱古力拼埋凍冰冰既雪球一齊食就最match啦，非常滿足

好耐無食扒啦！小店位於旺角豉油街，提供多款鐵板餐，豬牛雞魚全部有齊，仲有意粉飯同生酮餐單，一定有款啱你心水～ 裝潢設計充滿懷舊風，座位唔多，越夜越多人排隊，需要等候一段時間先入到去食，果然有啲料到😎鐵板餐選擇豐富，可以加錢轉套餐，包括餐湯、麵包、飲品同雪糕，會話幾抵食！選擇困難症可以叫什扒，有齊魚豬牛雞、煎蛋、煙肉同司華力腸～ 個人最鍾意魚柳，啖啖肉，唔覺唔覺就清光！連汁都有4個option，選擇都好多～ 另外要咗個紐西蘭牛柳，煎至七成熟，嫩滑多汁唔嚡口，份量都唔少，有成10onz，上面淋上入熱熔芝士，又香又好味，超級滿足！薯條脆身又有薯味，唔夠飽嘅可以加點意粉或飯，意粉軟硬度適中，滑嘟嘟，一定要落醬汁，食埋就啱啱好，開心滿足嘅晚餐😍

Portobello mushroom with asparagus & smoke salmon cauliflower fried rice (keto) 大啡菇蘆筍三文魚椰菜花飯 (生酮) $128大大碟嘅大啡菇蘆筍三文魚椰菜花飯夠晒新穎特別，椰菜花飯高纖抗氧化，免頭有幾件卷成玫瑰花形狀嘅煙三文魚🌹，都幾吸睛✨，裏面仲有大量蘑菇、爽口嘅蘆筍🎋，素食者都啱Basil pesto cream seafood risotto 🌿 羅勒香草忌廉海龍王意大利飯 $218呢一款忌廉意大利飯裏面有新鮮嘅大虎蝦、蝦🦐、大量蟹籽、滑捋捋嘅魚肉🐟、鮮甜顯肉同埋雜菌🍄，材料好豐富，而且醬汁夠晒creamy，相當唔錯！Caesar salad 凱撒沙律 🥗 $78經典嘅凱撒沙律非常健康，擺盤精美，影出嚟已經好靚，下面係爽口清甜嘅生菜🥬、好fresh 車厘茄🍅，性價比高又好食呀，值得推介👍🏻

好耐無食港式鐵板，諗起D燒汁淋落熱辣辣鐵板滋滋聲，系寒冷天氣食D咁的野真系爽爆吃扒什扒薯菜$188什扒餐份量大到兩個女仔都唔系好食到，有雞扒、牛扒、豬扒、魚柳、煙肉、香腸加煎蛋，邊可能食得曬熱辣辣其實咩扒都好食，加燒汁真系人生一大享受熱溶芝士配紐西蘭牛柳$198熱溶芝士同黑椒汁配牛柳要分開兩食，兩種味覺上的享受牛柳厚身幾有嚼勁，芝士薯條好邪惡套餐$25套餐包餐包、餐湯、甜品同飲品好抵食餐湯可以簡龍蝦湯同白湯，兩款試過都好飲甜品有cocoberry 雪糕一杯，+$25性格比高

好耐冇食過鐵板扒餐 食鐵板扒多數都係食出名個幾間 今次就黎試下新野 睇電視介紹過幾吸引 我地平日夜晚六點去到餐廳 當時可能太早冇人 但聽到店員話有好多訂枱 要七點交枱 咁我地食完就走 當然冇問題我地叫左個吃扒什扒配薯菜 好大份 有好多野食 有魚柳 煎蛋 豬扒 牛扒 雞扒 煙肉同埋司華力腸 全部味道都正正常常幾好味另外仲叫左個特選肉眼扒配薯菜 呢塊肉眼扒食落勁淋勁好味 有肉汁 好juicy 仲有佢地既炸薯條都好好味 鐵板扒餐加二十蚊可以有餐湯有嘢飲 幾抵食整體黎講 味道正常 價錢合理 值得一試

好少見到紫色嘅餐廳所以見到呢間西餐好似好吸引就入去試下先～覺得佢好似有種復古嘅感覺，燈光暗暗地有啲似以前鋸扒嗰啲餐廳咁🤩-我哋叫咗四個餐都係加$25有晒餐包、餐湯、雪糕、飲品而家好少呢啲餐廳爸爸以前成日帶我去呢啲餐廳食有少少童年回憶嘅感覺🥹同埋真係好抵食🥰-餐廳有龍蝦湯同蘑菇湯揀啲湯都好濃郁☺️-牛油果軟殼蟹飛魚子意大利粉 $118而家愛上咗食軟殼蟹好鍾意去外邊脆卜卜入邊又有啲蟹膏咁外脆內軟好正😋佢嘅牛油果都好軟滑👍🏻仲有好多飛魚子意大利意粉又有好多汁掛哂汁咁💛-水牛城雞翼 $72好鍾意食水牛城雞翼嘅味道佢呢度炸到外脆內多汁外邊好酥脆入邊啲肉汁滴落嚟🤭🤭-煙三文魚牛油果水芝士沙律（生酮） $108佢啲煙三文魚整到一朵朵花咁💓因為而家好多人都注意咗健康有啲人唔食碳水化合物佢呢度有照顧到呢啲客人寫明生酮就啱晒啲介碳水嘅人佢嘅水芝士都好好食🥹食落都覺得好健康😆-西冷牛扒配薯菜（9oz） $178西冷牛扒真係好大塊佢係熱辣辣咁用鐵板上跟住仲會比張紙巾我哋防止啲汁彈到我哋件衫仲幫我哋落埋醬汁底下又係薯條真係好有回憶感🥹西冷肉味都好濃🥰🥰-玫瑰蜜桃 $17、荔枝烏龍 $17佢係用茶包沖嘅幾香💕可以叫

🌆平時在旺角行過路過見到的一間深紫色英文字門面的西餐廳，以為是普通的港女影相打卡西餐廳，但其實是一間主打懷舊情懷的扒房，邊用餐邊聽懷舊廣東歌，彷彿回到兒時父母帶我們到舊式扒房大快朵頤的歲月。✨♦️餐牌有各式經典扒餐，也有流行的生酮飲食。其中一款是可以加熱溶芝士的扒餐，建議可以試試。💈轉套餐 +$25 （餐包 + 西湯 + 飲品 + 甜品）餐包鬆軟，餐湯可選裡式豬骨湯或羅宋湯。🧀熱溶芝士妞西蘭牛柳配薯菜 $198牛柳超滑多汁，店員會將火焰熱熔芝士在客人面前淋上牛柳，厚厚的芝士鋪滿整塊牛柳，芝士有少少鹹，但味道挺香，用來點薯條一起吃很不錯。🥩西冷牛扒配薯菜 $178 9oz西冷扒大大塊，一個女仔食份量算大，5成熟上枱剛剛好，店員幫我們淋上蒜蓉汁，又香又熱辣辣好吸引。西冷扒有薯菜墊底，所以5成熟的西冷扒就真的保持著5成熟，沒有過熟。🍹轉特飲 +$17🍑玫瑰蜜桃 玫瑰馨香配搭蜜桃嬌甜，是水果香氣多於花草香氣的冰茶，偏酸甜甘美。🍸荔枝烏龍 荔枝烏龍茶的味道清爽甘醇，帶有淡淡的荔枝果香。🍦甜品餐後甜品是杯裝的CoCoBerry 雪糕，沖繩海鹽味很特別，如果可以有其他味一起選擇就好了。📍吃扒 🏠旺角豉

餐廳大門以紫色為主入到去有種眼見餐廳裝修好懷舊播放的音樂也是陳百強，梅艷芳的年代選左4份鐵板3份碟上先黎個湯先餐湯為羅宋湯，仲有中湯係豬骨湯朋友話中湯好有洋蔥味羅宋湯都飲出懷舊的味道2特選肉眼扒配薯菜(9oz)一份7成一份5成薯菜又大1熱熔芝士紐西蘭牛柳配薯菜 (10oz)好濃厚的芝士味另外仲有黑椒汁吾加汁配芝士都好1那威三文魚扒檸牛油汁(生酮)睇到都已經好好食甘1西冷牛扒配薯菜(9oz)呢個朋友話一般有點燒焦的味1慢煮煙燻美國黑豚豬架呢個吾錯的1美國安格斯黑牛雪花西冷扒 (8oz)(生酮)其中4個 轉$20 餐另外3個轉 $25餐份別在於多左個餐包同雪糕餐飲1咖啡1檸茶 （$3）1雪糕紅豆冰 （$17）雪糕有點假1朱古力2檸水1咖啡火焰雪山作為朋友生日甜品吾係好甜仲帶左驚喜蛋糕與蛋糕之間係椰子味雪糕ps:服務員係吾夠人手忙起上黎都幾忙但我哋要佢地幫忙拍照佢地好好甘幫我地收走桌上完成的主菜等桌子美美地幫我地拍左好多靚相

👧🏻😋👅🍽✨唔止懷舊 仲好好味💜-吃扒 Chiba 🇭🇰 旺角豉油街108號地舖 🇭🇰-💃🏻 深紫色英文字門面睇落似普通西餐廳, 但其實係一間主打懷舊既扒房, 成餐飯都播住懷舊廣東歌好正😝💃🏻 叫得吃扒, 餐牌有keto diet既選擇, 但我見到薯條就心心眼, 完全抵抗唔到, 都係係食返肥仔餐😆-🥩 熱熔芝士紐西蘭牛柳配薯菜 (10oz) $198💯店員會幫手將火焰熱熔芝士倒落個扒, 勁厚芝士好似cum被咁, 淡淡奶香但唔會遮到牛肉鮮味💯用鐵板上通常都會overcooked, 但因為有薯菜墊底, 牛柳keep到超嫩滑多汁😍 不過有幾條薯條就壯烈犧牲燶咗😂-🐖 20cm吉列豬扒配薯菜 $168✨唔算超厚身但都好juicy , 汁另上冇淋落去, 鐘意重味可以點黎食, 但本身豬扒鹹鹹地同脆卜卜已經好好食-🍱 套餐 (餐包, 湯, 甜品, 飲品) +$25💯餐湯可揀中式豬骨湯/西式羅宋湯, 其實個味道同配料幾似, 但個人更鍾意西湯, 牛肉同番茄好香💯餐包幾soft跟盒裝牛油, 甜品係杯裝雪糕, 我麻麻哋海鹽味, 如果有得揀其他味就好-🍹懷舊特飲 +$17/杯✨雪糕菠蘿冰: 有菠蘿粒同菠蘿乾,

今日路過餐廳，裝修得好有feel，價格唔算貴，咁試試啦。晚市都提供數款嘢食，+25可以轉為套餐，包括餐包，湯，飲品同甜品，唔錯。飲品都幾豐富，仲有特飲同cocktail提供，因為套餐+17可以轉特飲，今次試試特飲先。雪糕菠蘿冰，好傳統嘅香港飲品，雪糕都係菠蘿味，夾埋鳳梨冰一齊飲好清爽。露絲瑪莉紅茶蘇打（無糖），露絲瑪莉紅茶有股獨特香味，同蘇打都幾夾下。羅宋湯，料很豐富，好飲。餐包，已經焗熱咗，仲搭配埋黃油，OK。辣番茄大蝦義大利粉，辣番茄醬食落少少辣，搭配埋意粉好惹味。大蝦好大隻，仲會搭配埋菌菇，好豐富TIM。吃扒什扒配薯菜，哩份扒勁豐富，有牛扒，豬扒，雞扒，煙肉等差唔多數十款肉同配菜，啱曬每樣都試下啲FD。其中豬扒最出色，肉好大件仲好軟嫩。雪糕，最後搭配嘅甜品係曲奇味道雪糕，好味。睇到佢post，原來哩間餐廳指定日子仲會有live music，好得意。

上星期去左旺角鋸扒餐廳門口同內裡裝修都好懷舊幾有特色📸⭕️ 特選肉眼扒配薯菜有成9安士🥩 切開呈現微微粉紅色牛味香濃 配上蒜蓉汁 岩岩好跟配嘅薯條份量都好多🍟又大條⭕️ 熱熔芝士紐西蘭牛柳配薯菜好邪惡😈牛柳上枱後店員會再拎個岩岩燒熔嘅芝士🫕係你面前加上面 咸香味十足兩件牛柳非常淋身 值得推介👍🏻🆙跟餐加$20可配餐湯(中或西)同飲品⭕️ 雪糕紅豆冰/ 話梅鹹檸七（特飲+$17）特色飲品好懷舊 充滿回憶而且款款都好大杯🍹順帶一提❣️餐廳仲新增左 cocktail同指定日子有 live music🎶

我哋嗌咗熱溶芝士紐西蘭牛柳（$198）（+$25轉套餐）、牛油果軟殼蟹飛魚子意大利粉（$118）（+$25轉套餐）同埋火焰雪山（$98）咁首先講咗嗰個紐西蘭牛柳先啦我想講佢嗰個芝士真係好濃郁🧀🧀濃郁度根本唔使落醬已經好入味牛柳食落去亦都幾有咬口😘😘而且食落去亦都唔會覺得好乾咁之後就講吓嗰個意大利粉啦我自己好鍾意嗰個牛油果😝😝因為食落去真係好Creamy搬埋意粉一齊食就更加濃郁最後就講吓嗰個火焰雪山啦（其實我係第一次食，所以有啲期待）外面食落去就真係好多Cream😂😂同埋我唔知入面係會有雪糕嘅🤔🤔食落去嗰個口感幾特別值得一提嘅係舖頭而家多咗Cocktail同埋指定日子會有Live Music‼️‼️有興趣嘅話不妨去試吓呢間舖頭

未試過吃扒之前，想食港式扒房食黎食去都係個兩間，而家就通常第一時間想黎哩度食，地點方便，坐得舒服又食到港式扒既風味。餐廳環境有d似Café，昏黃燈光加埋7，80年代音樂，又有種舊式浪漫。揀左最common既特選肉眼扒同埋西冷牛扒,  寫明9oz黎到真係大大塊, 亦有相當厚度, 食肉獸一定滿足。肉既質素都唔錯, 食落重牛味亦唔會有鬆肉粉過份淋既口感! 墊底薯菜份量多, 特登叫左汁另上咁薯條就keep到脆卜卜~ 特別一提佢既sauce都做得幾好味, 紅酒汁同牛扒好夾, 黑椒汁就好濃好惹味。+$25同$20轉餐既分別就係一個有餐包同甜品一個無。牛油餐包係鋸扒必配, 甜品就係雪糕杯。不過比起套餐既雪糕, 我更中意特飲入面個雪糕球! 雪糕菠蘿冰同埋雪糕紅豆冰係椰子味雪糕,  mix埋落野飲好好味, 特別係紅豆冰奶香椰香同紅豆都超夾!

入到嚟坐低，已經同你講有時間限制，跟住D扒叫咗四款，芝士牛柳D芝士超難食，四件鐵板都係凍冰冰, 件肉眼鞋過少少隻嘢甘😡😡😡，食花園餐廳冇甘嬲，收二百幾蚊位價錢，服務態度差到震😡連杯檸檬茶都可以冇味道😡😡😡😡😡

見網上多人提，所以親自試一試，店內以懷舊扒房装修，但食品一般，雖然算太貴，但以這個價錢食物質素不值，以良心話講真，湯似茶餐廳一樣，扒就真係差，我叫了西冷及肉眼七成，但奢望與實際差很多，厠所還要去後巷，不會再選擇！