嘰哩咕嚕 (已結業)

行過西貢食街，見到呢間新開嘅小店「嘰哩咕嚕」，門口嗰張酸辣粉相搞到我即刻流晒口水，男友見我咁鬼眼金金，二話不說就衝咗入去拎餐牌。打開menu，選擇多到眼花繚亂，我哋決定試吓佢哋嘅招牌酸辣粉（$35）。酸辣粉湯底好濃郁，入面仲加咗花生、芝麻、榨菜等配菜，牛肉都俾咗七塊，真喺好足料！薯粉比較幼身，但咬落好彈牙，仲有啲辣辣地，食到我男友都停唔到口添。

話說在十月頭在西貢staycation，晚上光顧了兩間餐廳的外賣，泰國餐廳多人光顧，並要排隊，但食物很普通，反而是清冷的酸辣粉小店有驚喜。位置：在西貢海鮮街的小巷內。環境：酸辣粉小店很細小，基本上只能容納一個人買東西，外面貼滿餐牌！服務：只提供外賣。晚市：🥢Hangry酸辣粉（雞肉） $45價錢在西貢很合理，👍🏻份量比想像中多和足粉，有薯粉、雞肉絲、雲耳、鹹菜等，味道的確是做到麻辣又帶酸，非常濃郁的湯底，抵食又好食😋

今個星期入左西貢閒遊，無意中發現有條食街，短短嘅巷仔裏便，十幾間小店各有特色，天氣涼涼地就簡左依間有酸辣粉熱下身嘅店黎坐低食下，一試有驚喜，完全唔係平時食開果d油淋淋嘅感覺，食完唔會口乾，試埋d炸野拼盤依樣雖然唔係十分驚喜，但食得出唔係用千年油嘅，仲試埋支自制茶都好清新，價錢平又大大碗，整體感覺幾新鮮食完感覺幾舒服，老闆娘熱情好客吹水多個做生意，同你傾落知你有時會失手仲叫我有咩希望多多包涵😆依種態度我決定左下次會再黎搵你💪💪老闆娘加油

老闆娘人好好😄好有人情味西貢地方偏遠，難得有間咁好味又抵食外賣店，點解唔幫襯？！自家柚子檸檬茶$20好味解渴，真材實料，連個樽都硬淨可以重用。拍青瓜$28酸酸開胃好清新，好食啊------蔥油雞伴麵$35醬料好好味，有雞同青瓜，不過醬落得重手左有啲咸，但總歸係好香好好味。------芝士脆脆丸$30佢有落飛魚子係面頭！好重本，啲魚好香口又炸得岩岩好😍😍😍------酸辣粉$40好大碗！我一個女仔人家食得好飽，熱辣辣食酸辣粉更爽😂。佢有得揀雞、牛、木耳，我揀左木耳，木耳配酸辣係最正！佢唔係話超級辣，但食得辣既人覺得舒服，唔洗飲水，因為佢酸同辣既平衡做得幾好！但唔食得辣既就要諗下先喇，但真係好味！！！！大推😍😍🥰🥰🥰🥰。老闆娘仲要話佢係用蘋果醋同埋青檸，健康得黎又落足料。而且用既所有外賣紙碗碟都係香港製作架，唔係cheap野！因為係外賣店，又係窄巷，所以佢門口得一張枱仔比最多3個人食。佢主要做外賣，可以有枱食已經好好彩😂好滾動！又抵又有人情味又好味既舖頭，真係得閒入黎食下都抵。唔想佢做唔住😭😭😭😭😭😭😭😭

建議： 係碼頭小巴站隔離既小食巷，係阿四糖水斜對面入西貢但係一search 個個都係食個幾間，一係打卡cafe，一係就超人氣店🙈 甘岩#試伏專員 S君 有Fd子係西貢番工 🙆🏻‍♂️ 特別推薦「嘰哩咕嚕」既拌面。間舖係食街入面，仲要係💛 當然要去試下🤤舖頭比較細，除左落單位置，門口仲有張枱仔 (2人座)。如果無人用緊，可以揀坐底食，不過始終巷仔氣溫高啲比較焗。最後去左碼頭個邊坐底食，吹下海風，爽YY🤣👍今次試左：▫️麻辣牛肉拌面 (HK$38)▪️日式燒汁牛肉蛋拌面 (HK$45 + HK$5 加大)份量都算ok，價錢亦都好抵。男仔驚唔夠，可以加5蚊加大👍 味道亦都幾好，麻辣汁唔會太辣，牛肉量亦都唔hea。燒汁拌面有埋隻半熟蛋，mix 埋啲蛋汁，好開胃🤣

出海之前已經諗住要食酸辣粉，但係可惜舖頭冇咁早開，所以玩完就要即刻食，加多份青瓜啱啱好補給左1日嘅消耗😋其實舖頭嘅選擇真係好適合做出海到會，咁就唔使食埋嗰啲咁乏味嘅傳統到會🤩我平時最鍾意嘅外賣係髯鬚雞平雞軟骨

西貢市中心嘅巷仔係出名嘅食街，不過又多人又唔好坐，所以以前就算喺西貢做嘢都好少幫襯入面嘅舖頭。早兩個禮拜入鹽田梓前喺度行咗一轉，經過間新開嘅叫嘰哩咕嚕，見個名咁得意，望咗一陣，老闆叫我坐低食嘢，我趕船，應承佢回程時再過嚟。大丈夫一諾千金😌，於是上岸後即刻過嚟，試咗個麻醬手撕雞冷麵，加八蚊配支久違嘅波子汽水。食呢類冷麵最緊要係個醬，除咗要好味之外，份量亦要夠多。呢方面呢碗就合格有餘，醬汁麻醬味香濃，酸酸味味好開胃，每條麵都掛滿醬汁，再配埋雞絲，青瓜絲，黑白芝麻，炸蒜粒，味道口感都豐富。值得一提，老闆好 nice 又健談，邊食邊傾，好開心🤗。幫襯黃小店，為嘅就係呢種人情味同安心感覺。安心感覺，係要用心去體會，唔係用個 QR Code 去嘟嘅😆。

小店細細間，只有門口兩個座位，而且製作需時，所以我通常都會落完單之後，去其他鋪頭買埋其他野，例如去對面既阿四買杯珍珠奶茶，然後拎去碼頭，對住個海、睇住d船黎食，鹽酥雞炸得外脆內嫩，一舊鹽酥雞，一啖珍珠奶茶，正呀！

難得西貢有酸辣粉食，所以別無他選擇不過，好彩無令我失望大約$45碗，但係份量都好多，仲有雞絲聽講素食者可以轉木耳我叫左小辣，個辣度同我平時食開既辣度差不多所以我諗如果食唔到太辣既都叫小辣比較好而味道方面同平時出面重慶酸辣粉唔同我覺得呢間小店偏酸小小，但唔係勁酸我覺得幾好味，反而比出面既重慶酸辣粉易入口，無咁重味而拍青瓜$31有一大兜我其實食左半個粉都開始飽所以食左小小青瓜，留左第2日食*我打呢篇食評時，已再食過呢間n次了

想行山前食一個簡單嘅lunch 就嚟左呢間涼麵專門店到試下~有唔同嘅涼麵 拌麵 酸辣粉 同好多炸物小食可以食~店內仲有save 12 小卡可以拎 希望大家唔好忘記尚未歸家嘅12港人 蟹肉鮑片冷麵 (加大) $49唔夠食/ 男士可以加大個麵底咁會飽肚啲蟹肉同鮑片都好足料!再加埋爽口既青瓜同芝麻~ 口感好豐富!手撕雞冷麵 (麻醬) $35手撕雞配上麻醬撈冷麵真係絕配! 醬汁好重芝麻香味~香口又惹味涼拌木耳 $25木耳好入味同加咗麻辣就好開胃! 岩曬冇咩胃口時候食~**因為佢舖頭無坐位 所以會開枱比你坐係鋪頭出面 但係都只係坐到 1-2個人所以建議外賣比較好~

「星期二」下午「香港」整日都正在下雨，「西貢」遇到的雨勢則是「十八區」裡面最嚴重的一區，當日「香港」雨量都是在五十毫米左右，然而「西貢」整日的平均雨量卻是「香港」的三倍，是一百五十毫米。結果我在「旺角」購買「咖喱牛腩飯」，然後再在「將軍澳」「坑口」街市美食廣場裡面，食完甜味醬汁炒日式烏冬食品之後，回到「西貢」食街才發現雨勢，比我出發前還要巨大得多。其實我本來是想在「西貢」食街裡面購買「水蜜桃紅茶」飲品，然後攜帶返回家裡面，一邊享用「水蜜桃紅茶」，一邊慢慢享用甜味「雞扒炒烏冬」，結果我發覺自己還是食了閉門羹。因為台灣飲品店已經關門休息，所以我改為光顧飲品店旁邊的小食店「嘰哩咕嚕」，外賣自取購買台式炸雞小食「鹽酥雞」，攜帶返回回家慢慢享用。就在付款完畢，取回收據之後，我坐食店門口旁邊，一邊看着不知何時才見到盡頭的雨勢，一邊跟「嘰哩咕嚕」裡面的店員閒聊起來，才發現原來「嘰哩咕嚕」店員很有禮貌，也很健談。另一方面，「嘰哩咕嚕」在他們自己版本的「鹽酥雞」名稱裡面加入了「Lam脷」這個字眼，給我的第一個感覺，其實也是一種多此一舉的決定，直接叫「鹽酥雞」就足夠了。不過「嘰哩咕嚕」廚房店員最後炸好「鹽

 我女友，西貢小妹，一向眼闊肚闊😂😂😂(笑。唔好話比佢知)特別鍾意小食嘅佢，次次食飯都想叫晒餐牌上嘅嘢食。男友表示無語😓，中秋佳節幾日連假落開西貢放狗，行過食街見到間新開既小店—「嘰哩咕嚕」，終於，搵到間小妹可以狂食小食嘅餐廳喇！小店以外賣為主，但店內外都約有五至六個位比想堂食嘅朋友。坐低打開Menu，小妹兩眼發光，因為有成十幾款小食任佢揀！小食種類繁多，份量同埋價錢亦都非常合理。小妹叫咗份麻醬手撕雞冷麵($35)手撕雞份量非常多，鋪滿晒成碗麵，估唔到嘅係麻醬份量都非常多！！Nice。冷麵軟硬適中，配上清新嘅青瓜絲，重口味嘅小妹一路食一路讚😂，唔講以為拍緊美食節目😂😂😂。而我就叫咗碗蔥油雞拌麵($35)上枱嘅時候面頭嘅蔥油雞仲係熱既。即叫即整果然係唔同啲，可以食到最佳口感。同樣地手撕雞都係鋪滿成碗麵，本來擔心只有雞肉有醬汁，個麵會好乾。點知個麵都係好多汁㗎！多汁嘅程度係，就算小妹影相影到佢涼咗個麵都冇黐住！表示非常欣賞。小妹今次只係叫咗兩款小食，佢話為咗可以嚟食多幾次喎。我地叫咗脆脆雞軟骨($25)和南瓜脆脆餅($20)全部都係即叫即炸，上枱嘅時候仲可以聽到油炸嘅”滋滋聲”，雞軟骨用咗

同男友落開西貢放狗加散步，經過食街，有d口痕就去搵下小食啦🥰小妹我見到有間新開既小店，眼金金咁望住門面張酸辣粉既相，機智既男友已經估到我想食😂雖然佢唔餓又唔口痕，但都好man咁衝左去拎menu。一打開，見到巨多選擇🙃🙃咁所以我地就小小地試左佢既招牌酸辣粉🤣🤣我地叫左份Hangry酸辣粉($35)配料就揀咗牛肉。酸辣粉湯底非常濃郁面頭加咗不少配菜有花生，芝麻，榨菜等，牛肉都有成七塊，又係好足料！薯粉比較幼身，感覺好似比坊間嘅薯粉更加彈牙🤩最後男友仲食得多過我😅😂😂😂😂

麻醬雞肉冷麵 好full 好足料炸物新鮮滾熱辣！性價比高強推雞軟骨！🤤平時週末去都好多人排隊，上個月第一次試，成班朋友叫咗唔同小食！全部嘢食都抵食夾大件！依家好難一間又平又好味嘅小食店！老闆娘同佢個女又有人情味，同啲客傾到好熟😋每次去西貢玩water sports/行山 都會去幫襯同支持下近排仲好似成日有新Menu 啲嘢食都好多選擇同好多款！仲有懷舊波子汽水😋如果經開西貢，真係值得一試！大大力支持同幫襯🤤

正評：老闆好好人，啲野食又好食，食過返尋味，抵食又大碗。極力推介麻醬手撕雞刀削麵，去西貢一定要食。 又有唔同類型嘅小食，仲有充滿童年回憶嘅波子汽水。經過都要支持下。