台灣麵

营业中

休息中

週末朝頭早8:30嚟到，雖然餐廳已經好多食客，但係餐廳職員都俾我哋兩個人坐喺張四人枱，夠晒闊落👍雖然雞扒唔係好大塊，不過佢都幾厚身👍粟米都甜嘅不過就份量好少！雪菜肉絲米粉就普普通通，米粉偏向硬身！既然係台灣餐廳，佢應該要用新竹米粉，食過嘅人都知呢種米粉好食過其他🥺沙嗲牛肉麵沙嗲牛肉麵都有少許嘅花生味，而且公仔麵都夠晒熟！餐肉煎蛋餐肉就唔算厚身 奶茶奶茶好彩夠大杯同埋夠熱，同埋係港式奶茶至抵讚，因為台灣奶茶實在太甜啦！

同家人行完千色店去醫肚, 通常我哋都會揀去台灣麵, 一嚟近, 二嚟勝在餐廳地方超大, 一定有位! 而且店員態度親切, 感覺良好! 呢間餐廳好多選擇, 真係男女老幼都會揀得啱嘢食。今次我想食清D, 所以揀咗茄子肉躁粗麵。茄子肉躁粗麵 - 茄子煮到好淋, 加上肉躁汁, 好入味! 而且有粒粒肉碎, 唔會好似只食菜咁齋。值得一讚嘅係, 每次無論叫咩餐, 餐廳都會配上不少嘅菜, 感覺食得均衡。另外個粗麵就唔會煮到太淋, 硬硬哋, 係我鍾意嘅質地, 好有口感!  套餐仲會配飲品, 出餐快, 我覺得性價比高! 

位於荃灣地鐵站附近嘅台灣麵係我哋家人常常去嘅一間食店。因為呢間食店好大, 我哋一行十幾人通常都有位, 而且價廉物美, 又多選擇。食物方面, 有不同價錢嘅餐, 又可以揀米粉/粉絲/肉燥飯/乾拌麵等, 都可以滿足不同人嘅要求。今次我就點咗蒜香雞翼干拌麵, 最鍾意每次都有一堆菜, 感覺均衡D。另外, 干拌麵會有埋肉燥, 濕濕地, 又有肉燥味, 好食!雞翼少炸, 有4 隻, 算幾多! 係乾咗少少, 但整體好味!價錢係$58 包埋熱飲, 性價比高。

和朋友行完山，肚餓極了所以要即刻食個下午茶，見到「台灣麵」的下午茶套餐好相宜，入去坐一坐吧。香煎豬扒麵要了粗麵跟一個台式珍珠熱奶茶。香煎豬扒熱辣辣，肉質不錯好好味，沒有雪藏味道還切開了一件件方便食用。熱珍珠奶茶味道香，唔會好甜而且珍珠的份量也多， $38 一個下午茶而且是好食的，認真超值。看見食肆不太多顧客，在衛生許可的情況也要幫襯一下。

今 (19-9-2020 Sat)朝同老公去荃灣辦啲事前食個早餐,我哋決定要兩個都係$38.00嘅早餐小食粉麵早餐C1香煎雞扒,沙爹牛肉麵,加$1.00要牛油多士,同C8香煎豬扒,火腿通粉,牛油方包,飲熱杏仁奶茶同加$4.00凍芝麻奶茶.香煎豬扒夠味,應該係香茅味,唔太鹹,口感又適中,唔錯. 味道:5分香煎雞扒都幾厚,係煎到啲皮脆口,但冇乜味,要自己加沙爹牛肉麵上嘅沙爹汁食.味道:2.8分熱杏仁奶茶, 杏仁味蓋過茶味好多,但仍飲到少少,不過飲到最後係濃到苦.味道:1分凍芝麻奶茶,同樣芝麻味奶茶味好多,亦飲到少少.味道:2.8分牛油多士,面就好靚,但底就烘得太燶,味道都OK嘅.味道:3分牛油方包正常冇問題.味道:3分沙爹牛肉麵,我冇食到,但老公話個公仔麵彃牙,以為係一丁麵.味道:4分火腿通粉亦正常冇問題,啖湯味道亦啱啱好.味道:4抵食:我哋其實都唔係晏食,食完重行嚟行去好耐,都依然好飽,連我公都係,勁.上次食評係喺今年6月13日刊登嘅呢篇:https://www.openrice.com/zh/hongkong/review/%E4%B8%80%E8%88%AC-e3749078

上星期和朋友在荃灣逛街，聽從居住荃灣的朋友建議嘗試這一間他喜歡的台式小店菜式的選擇不少，比起一般普通的台式小店有更多選擇涼拌海帶絲 味道濃郁，充滿麻油香味，而且份量不少，是一道十分開胃的餐前小吃酥炸花枝丸，非常驚喜，即叫即炸，外皮10分香脆，另外花枝丸味道濃郁有花枝味，配上酸酸甜甜的醬汁非常開胃點了滷肉飯和牛肉新竹米粉雙拼，這間餐廳有誠意的地方是連主菜亦能提供雙拼選擇，米粉湯底濃郁有層次，帶有少許肉操香味，米粉軟滑綿糯，另外滷肉飯同樣不足，滷肉滷得香濃，送飯一流

上星期在荃灣下班的時候已經九點，馬上看看附近有什麼餐廳，本身打算隨便吃一碗麵，結果來到了這一間餐廳發覺選擇很多，結果忍不下手點了幾款驚喜菜式鳳爪拼海蜇，非常驚喜的餐前小吃，海蜇調味香濃，充滿麻油香，另外鳳爪是去骨鳳爪，酸酸甜甜而且無需拆骨，值得推薦主菜點了雞扒面，湯麵上亦提供肉燥作調味，令到湯底香濃有層次，而且雞扒新鮮炸起，口感香脆肉質嫩滑，而且份量之多，飽肚滿足炸韭菜餃，同樣非常驚喜的小食，餡料飽滿圓潤，外皮炸得酥脆，配搭沙律醬非常惹味

因為疫情冇得去旅行，小妹去開台北，真係唯有靠哂本地台灣餐廳止下口癮。行完千色見到有呢間台灣面，入黎試返餐先！店內環境配合自然光，大量卡位。。湯粉麵飯、小食、台式飲品，應有盡有。星期日午市勁多人阿，完全感受到香港人對台灣菜的熱愛！先點鮮茄濃湯牛筋腩粗麵$68.00鮮茄湯果然濃郁，而且好香鮮茄味，由於腩賣哂，所以轉左牛展，仲正啦！牛筋牛展份量多多，都係好足料。筋肉均勻，d質感，都幾入味，確係幾好食！加上粗麵軟硬度適中，食落好正。朋友叫左雙排雙格餐: 紅燒牛肉粗麵 + 蒜香雞翼新竹米粉 $65一次過可以滿足兩個願望，既食米粉、又食到紅燒牛肉麵。佢的選擇可以自由配搭， 試多D唔同款式～～真係幾好架！朋友話新竹米粉超好食！凍胚芽奶茶(跟餐+$4) + 另加珍珠（$ 3）& 凍珍珠奶茶(跟餐+$4) + 另加椰果（$ 43）珍珠奶茶的茶味非常香濃，珍珠堅韌微甜，仲要套餐加$4即可配上，好抵！今餐食得好滿足，唔錯唔錯！不過好食之餘，價錢相對貴番少少！地理位置方便，算係一家質素不錯的台式餐廳～

今(13-6-2020 Sat)朝同老公去搵佢爸爸前食個早餐,地鐵站附近係冇乜嘢食,我哋又唔想食唯一,於是行落嚟呢喥食,睇完menu,我哋決定要美式早餐中,同樣$37.00嘅A3,黑椒牛扒,火腿煎蛋,牛油方包,加$3.00要凍好立克;我要A4吉列魚柳,腸仔庵列加$1.00要牛油多士,飲熱檸水.再加$5.00要一件薯餅.落完單都等得幾耐,至有一件牛油方包到嚟,然後老公嘅食物到齊.件牛油方包正常冇問題.我食少少黑椒牛扒,但啱啱食到筋位,牛肉味一般.兩杯嘢飲到嚟,我熱檸水有啲澀.牛油多士烘得好靚,牛油夠同甘香,好味.然後係薯餅,薯餅係即炸起,熱騰騰,一食就成身汗,口惑味道完全正常冇問題.終於,我份食物到嚟,魚柳冇鯹味,外脆內軟.腸仔庵列啲蛋太熟太乾了,差.抵食係2.5分上次食評: https://www.openrice.com/zh/hongkong/review/%E6%B7%A1%E5%91%B3%E5%8F%B0%E7%81%A3%E8%8F%9C-e3399727

今日同好友嚟荃灣食台灣野。過咗Lunch Hour依然坐滿食客。下午茶時段超抵食，一個餐都只係三十幾蚊，仲可以加碼，我地另外再叫酸辣湯麵大大碗只係加$7。 揀咗炸花枝丸．鹽酥雞，兩樣都好好味，唔會好油，鹽酥雞個味道則剛好，唔太鹹，兩樣都係熱辣辣，即叫即炸👍🏻再叫咗「涼拌小青瓜」青瓜新鮮好爽口「涼拌雞絲粉皮」天氣熱熱地，食呢d好合適😍食台灣野點少得台式飲品，套餐+$4,平到呢...珍珠奶茶．香芋珍珠 兩杯都好好味，珍珠夠哂煙靭👍🏻下次可以再嚟食，仲有好多款式都想試😋

明明見冇落雨先同仔仔出去，打算去行街買野煮粉食，點知一去到荃灣落車就落大雨，唔通連個天都唔想我煮，仔仔見我開始想發火，就立即哄我，媽咪咁辛苦唔好煮啦，簡單食餐廳算啦，我同你係附近找一間啦，就係咁仔仔拖左我入台灣麵，由於未夠6點，我們竟然仲可以叫下午茶餐咁又幾抵喎。仔仔好乖知落雨我易暈易炆，就唔煩我，仲話今次佢負責叫，我負責食就得，超窩心。係仔仔發板下，叫左以下幾款野食:下午茶餐 ～吉列豬扒飯咖哩汁配水蜜桃柑桔蘆薈加珍珠。炸脾沙律＋酸辣湯拉麵配荔枝乳酸三色Q果加珍珠。另外仲叫左份 炸腐皮蝦卷。仔仔真唔客氣一野叫咁多，好彩佢又同我一齊食得哂，又記得我鍾意飲酸辣湯，食香口野，算你啦！呢到的炸物炸得好香口，個吉列豬扒點咖哩汁一流，開頭我驚好辣因仔仔食，點知一食ok 喎甜辣，小朋友都食到， 而我喜歡的酸辣湯就夠濃郁，野飲配搭都好夾，下午茶餐真係好抵食。

又係食台灣麵, 食過好幾次, 每次想食下台灣野都會諗起佢, 因為性價比高, 就算冇驚喜都唔會食到唔好食。而且坐得舒服, 唔會迫。叫左個台灣三寶麵(牛展,牛肚,牛筋), 配新竹米粉。牛展,牛肚,牛筋份量都好足,而且煮得夠淋,夠入味,out of expectation. 新竹米粉比一般食開既米粉幼,同埋爽口D,岩我口味。朋友就叫左個台式咖哩吉列豬排配米線, 個咖哩有D辣, 落單個陣侍應都有提, 好少快餐會有服務, 值得一讚。豬排好大塊,一定夠飽, 而且炸得幾脆, 冇HEA你。餐飲就加少少錢轉特飲,唔想成日飲來飲去都係個D。叫左杯芽珍珠奶茶同百香果乳酸。杯芽珍珠奶茶 - 唔太甜, 有茶香。百香果乳酸 - 應該係沖粉溝水, 一般。

今日去到荃灣食台灣麵，叫左個滷肉肉燥飯，雖然我都知滷肉肥，但呢度d都未免太肥，食肉無咩肉香，好像吃緊d無味的肥肉，我食左一半已經無食，呢間野其他水準不錯，但今次都有d失望？

以前去台灣咁易真係好少特別想食台灣野，但依家疫情嚴重真係有排都冇機會去台灣食嘢！所以今次經過見到依間台灣野就好有衝動入去食！不過因為唔係好肚餓所以淨係叫咗小食，但估唔到原來呢間餐廳咁多選擇，飯麵小食款式都好多。叫咗個滷大腸（$38），一上枱已經好勁大腸嘅味道，聞落有啲腥但食落係一啲腥味都無，而且仲好重滷水汁嘅味道。好食！另外仲嗌左個酥炸腐皮蝦卷（$42），外皮炸得好脆，同個蝦卷嘅蝦肉都幾有咬口，真係幾正。食台灣野當然唔少得要叫杯珍珠奶茶，呢度嘅珍珠奶茶茶味夠濃，珍珠仲甜甜地又好林，好好飲！遲下要試埋依到嘅正餐先得！

住荃灣依間台灣野我真係由細食到大，因為選擇多價錢平，同味道真係唔錯嘅！最鐘意係依到個雙排雙格餐，成日好多嘢都想食，呢個餐可以滿足到，因為一次可以揀兩樣主食，一碗分兩格咁。不過今次就太想食麵所以直接嗌左紅燒牛筋牛肉粗麵（$61）呢碗牛肉麵真係好好食，首先個湯底好濃牛骨味，麵條方面係粗嘅麵條，煮得啱啱好好有咬口唔會林晒，牛肉都好滑同好鬆軟，依個價錢真係抵食！另外仲加多左個紅油抄手（$42），中規中矩，個醬可以再重口味少少！但整體來講呢間係幾好嘅，所以掛住台灣野就一定諗起佢！