台灣麵

营业中

休息中

以前去台灣咁易真係好少特別想食台灣野，但依家疫情嚴重真係有排都冇機會去台灣食嘢！所以今次經過見到依間台灣野就好有衝動入去食！不過因為唔係好肚餓所以淨係叫咗小食，但估唔到原來呢間餐廳咁多選擇，飯麵小食款式都好多。叫咗個滷大腸（$38），一上枱已經好勁大腸嘅味道，聞落有啲腥但食落係一啲腥味都無，而且仲好重滷水汁嘅味道。好食！另外仲嗌左個酥炸腐皮蝦卷（$42），外皮炸得好脆，同個蝦卷嘅蝦肉都幾有咬口，真係幾正。食台灣野當然唔少得要叫杯珍珠奶茶，呢度嘅珍珠奶茶茶味夠濃，珍珠仲甜甜地又好林，好好飲！遲下要試埋依到嘅正餐先得！