台灣麵

营业中

休息中

台灣麵是台灣獨特且令人著迷的美食之一，它擁有獨特口感和豐富的風味變化，給人留下深刻的印象。牛肉麵是台灣麵中最受歡迎的口味之一。如果你喜歡辛辣的口味，麻辣牛肉麵絕對是你的首選。這種台灣麵以辣椒和花椒為主要調味料，辣味濃烈而香辣。一碗正宗的牛肉麵通常由軟嫩的牛肉片、彈牙的麵條和濃郁的湯頭組成。牛肉片經過燉煮，入口即化，肉質鮮嫩多汁。麵條有嚼勁，完美地吸附了麻辣湯汁。湯汁中的蔬菜和肉片豐富了整體口感，為麵條增添了豐富的層次感。每一口麻辣麵都充滿了辣椒的刺激和花椒的麻感，令人上癮。由於我很喜愛新竹米粉，所以將麵底換了。仍然保留美味。結論：台灣麵以其獨特的口感和豐富的風味在全球范圍內贏得了廣泛的喜愛。從牛肉麵的濃郁和柔嫩，到麻辣麵的辛辣刺激，每一款台灣麵都展現了不同的特色和風味。品嚐台灣麵，你將被帶入一個充滿美食瑰寶的世界，每一口都是一次令人陶醉的味覺享受。不論是當地居民還是遊客，台灣麵絕對值得一試。不妨到台灣麵店一趟，品味這些令人迷戀的風味瑰寶，讓你的味蕾獲得一場難忘的盛宴。

It is different from traditional Dan Dan noodles. The bowl of noodles is not spicy and is my cup of tea. The dishes are served at my table streaming hot. There are full of peanut favour and minced pork in broth. I chose the thin wheat noodles with generous portion, which is nice chewy texture and a perfect match with Dan Dan broth.I am impressed with Dan Dan noodles in this restaurant.My friend ordered a rice noodles with tomato broth. She also appreciated the dishes in this restaurant.

用佢系統自助落單， 正常落單， 食到一半， 有同事來說自己系統錯， 系統承諾提供3杯飲品， 其實是不正確。 他們只可提供2杯，要求我即額外補購第三杯。 我說明我是按系統指示點菜， 加上入單時， 貴方沒立即來說明及改正，現在我食到一半， 說我多取了它飲品，迫我改單加購。 並不合理。同事見我不接受， 便收走我杯飲品。 情況使人難以接受。 不知是否 貴司方針， 食到一半來跟客人說加價。 但打開門口做生意， 應老實一點。大家還是小心此餐廳吧

今日唔知食乜嘢！突然間好想食台灣嘢！所以去咗荃灣悅來酒店樓下的台灣麵食嘢！有下午茶喎！肉燥飯、蒜香雞翼麵、日式叉燒麵，配多個鹽酥雞，都好似好吸引，怎麼辦？！樣樣都想食？最後我們叫了蒜香雞翼麵和日式叉燒麵配豬骨湯，再加三件鹽酥雞，至於飲品呢…！我們叫了凍豆漿和加錢叫了台式珍珠奶茶，我個人比較喜歡蒜香雞翼麵，雞翼好夠味，又好惹味，豆漿也可以，下次可以試吓滷肉飯和其他下午茶餐；看了看，滷水大腸好像也很好味，下次都要試吓。😄

美食篇 29022這家是第一次試吃，感覺好像茶餐廳價錢也很大眾化，點了2個套餐👇🏻🟡 酸辣湯 - 比較辣及咸，不過很好吃👍🟠 滷肉飯 - 很多汁，滷肉份量也比較多，味道適中🟢 塔香鹽酥雞- 是現炸的且炸得很香脆，超好吃🤤👍🔴 酥炸排骨 - 也是現炸的，炸得剛剛好，沒有很乾及硬，味道不錯👍🔷 服務方面 - 店員很有禮，上菜速度也很快#荃灣#悅來酒店#悅來坊#台灣麵

事原我同老婆二人去左悅來坊呢間所謂台灣麵既既野食早餐，叫左兩份，一份麵set, 一份大碗麵。初時先黎左 set扒治前菜，之後就GG喇，本身佢地出餐模式好有問題，第一，樓面會儲夠4，5個餐先一次過出。都算，冇咁大隻手就咪拎咁大盤野啦，結果倒瀉晒！我地由落單足足等左25分鐘都冇人補返倒瀉左既 order俾d客，唔催佢都唔會有！成班大媽樓面唔會 sorry, 亦唔識跟單，只有錯，漏，同慢！奉勸大家黎呢頭揾食請繞道呢間！

叫了一個2人餐$198等咗10分鐘就食得。小食3款普通，不太特出，醬汁偏杰身。椒鹽排骨新竹米粉，每次都都會吃，有2片豬扒味道剛好而米粉份量不少一定飽肚。貢丸湯，湯勁油，貢丸幾彈牙好味。紅油抄手不太有紅油感，不過雲吞大隻份量不少，九菜幾香。酸辣湯，材料少咗點，辣度夠酸度偏多少少。豬軟骨肉燥飯，豬軟骨都入味，飯份量不少，肉燥不太多汁岩我。飲品珍珠奶茶叫左少甜但甜度都偏高，珍珠幾有口感，奶茶味都有不過加珍珠$5貴咗少少，抺茶鮮奶紅豆竟然幾足料，十分濃郁不錯。因吃不完再加了一個外賣碗共$205。

成日黎呢度食早餐因為佢好多選擇而且坐得好舒服又唔迫最緊頭係坐幾耐都冇人趕你走😂不過有時麵好多人要等一陣位既尤其星期五會坐得密少少但係可接受的雞扒，火腿通粉多士 （本身係牛油方包，多士要加$2）熱柚子薑蜜$41雞扒好香脆，同埋好大塊火腿通粉就正正常常佢本身可唔配沙嗲牛肉麵既但咁多肉驚太飽就問下可唔可以轉火腿通喇呢度你想轉咩問下就得做到佢都會轉比你杯薑蜜又幾夠薑味wo呢度台式飲品唔洗另外加錢既👍🏻呢度嘅早餐次次都食唔哂個份量真係好多

每次等呀仔試分離班我就會自己去嘆個早餐先呢頭雖然多選擇不過覺得呢間坐得幾舒服又唔迫好鍾意食呢度既蕃茄湯麵可以轉通粉米粉其他亦可以唔洗加錢可以轉蕃茄湯呢樣最欣賞出面間間都要加錢佢蕃薯湯好濃味而且仲有洋蔥同粟米粒一d都唔hea唔係出面既羅宋湯湯底今日叫左雞扒蕃茄通粉 轉多士加$2雞扒大大塊而且個皮都好香脆同埋斬件左上的呢度仲有樣野欣賞佢每次黎碗野都熱辣辣的唔似出面餐飯煮定哂咁咁樣一個餐$39仲可以揀台式熱飲唔洗另加錢性價比高環境好一d都唔迫我比較鍾意坐出面我次次都坐成個鐘呀姐完全唔會趕人走而且好有禮貌👍🏻👍🏻呢度仲有high chair 提供埋成日都見d媽媽帶埋小朋友黎食早餐

星期日的中午，食肆還未有見爆棚，但這店食客熙來攘往的。見到一人餐，主菜有多款選擇的粉麵類，還有小食及特式飲品都只是七十多元。我叫了鹽酥雞幼麵，小食揀了肉鬆皮蛋豆腐和珍珠奶茶。先送來飲品，我覺得茶色不錯，因為我本身愛濃茶多過奶。珍珠煙靭，茶香，不錯啊！小食的size一點也不少，滿足，味道正常。個鹽酥雞就，有點眼突，因為一人份量來說認真大。雞件不是細細粒粒，又或是得層皮。有皮有肉，仲不鞋，炸得剛剛好。盛惠$78。抵！怪不得咁多人光顧。

每次行過都好多人 但一直未試過亦都好耐冇食台灣嘢 好耐冇去番鄉下所以今日放lunch唔使等位就食佢啦門口闊落 但內裏空間比較擠迫 同嘈雜而且光線不足 環境可有好多進步空間見其他分店都幾光猛….本身係要咗鮮茄濃湯雙丸米粉餐（$66）點知冇晒花枝丸 所以就轉咗做韭菜鮮蝦雲吞米粉。台灣新竹米粉口感好好 爽口 軟硬適中韭菜鮮蝦雲吞足料 夠大粒比較失望係蕃茄湯底比較稀淡 料唔夠 但唔似加左味精 因食完唔會口渴份量足 有機會會再食其他嘢

店員十分冇禮貌、態度奇差、冇客等位亦唔俾我兩人坐卡位、但其他兩人其後入座客人亦是坐卡位喎、我最後埋單、店員執枱亦有單打說話、今時今日如此服務態度、應該管理有問題、容許這麽差嘅員工趕客

疫情未完, 有排都去唔到台灣, 咁就嚟食返個台灣麵當去咗台灣啦!😂 我都有兩個月左右未嚟食了, 一坐低就用驚喜, 又見到有抵食之選! 👍🏻 好啱我呢啲師奶仔, 計過度過好抵食🤣🤣雪菜白菜雲吞米配小食滷肉娃娃菜 + 檸檬綠茶 - $74米粉用台灣出名嘅新竹米粉🍜, 雲吞皮薄餡多, 仲有好多雪菜肉絲, 夠哂味道! 台灣出名嘅就係滷肉, 配上清淡嘅娃娃菜🥬係唔錯喎!香酥雞扒滷肉飯配小食炸墨魚餅2件 + 檸檬綠茶 - $78香酥雞扒都好大分, 肉厚多汁, 皮脆, 滷肉份量都好多, 配白飯都好好食, 滷肉真係好入味! 炸墨魚餅好彈牙, 都食到一粒粒嘅墨魚粒係入面👍🏻鹽酥雞米線配小食麻辣牛肚絲 + 檸檬綠茶 - $78鹽酥雞份量啱啱好, 一粒一口, 味道唔錯, 粉漿唔厚, 配上滷肉米線🍜! 麻辣牛肚絲麻辣味啱啱好少辣, 牛肚絲好爽, 一個好正嘅小食!

星期五夜晚唔煮飯, 我哋會去悅來酒店呢間台灣麵食晚餐, 其實佢份量唔算少, 有一個係一碗兩食, 唔知想食乜嘅時候都會選擇呢一個, 一次過滿足曬兩個願望!除咗麵飯套餐, 仲有一啲小食畀你揀, 價錢都係廿零蚊至到四十幾蚊我揀咗呢個雞翼拼上海麵, 白菜雲吞餃拼米線阿哥鍾意食佢嘅肉燥飯, 所以叫咗香酥雞扒拼肉燥飯細佬揀咗鹽酥豬扒拼米線二百零蚊可以滿足曬三個人嘅願望, 都幾好呀!

疫情之下，大家都冇得去旅行，香港人最鍾意都係去日本，台灣。而家去唔到日本，台灣，唯有就食下日本嘢、台灣嘢。今日我就揀咗呢間台灣麵嚟食，顧名思義佢以台灣嘅美食為主，牛肉麵、鹽酥雞，都一應俱全。今次我就揀食下午茶，其實佢嘅下午茶幾抵食，加$7就有酸辣湯麵，又送台式飲品，飲料餐牌上都是傳統的台式飲品，珍珠奶茶、香芋奶茶等，比較適合香港人口味。台灣麵的麵比米線粗，口感爽身又彈牙，豬肉湯汁底，跟肉類很搭配。牛肉麵同肉燥麵都值得推薦，整體來就肉類幾入味！