台灣麵

营业中

休息中

係屋企樓下搵食，多數都係呢幾間，台灣面我哋都經常幫襯，店內環境配合自然光，大量卡位，這回一次過介紹下早餐及午餐。早餐有一般茶餐廳嘅腸仔煎蛋湯麵，今朝煎蛋餐肉配牛油麵包，加$1可以轉厚多士，今日唔記得咗轉多士，牛油麵包都ok，煎蛋剛熟啱我，餐肉煎得比較乾一點，配一些粟米粒。仲有雪菜肉絲湯麵，麵質唔會太淋都爽口，雪菜肉絲夠味。早餐當然要配一杯港式奶茶。一家三口來到呢度午餐，各自點了喜歡的飯麵。双格餐點了豆卜雞蛋肉燥飯配菜肉餛飩新竹米粉，飯可以飽啲，新竹米好爽口。阿女最鍾意酸辣湯拉麵，夠酸夠辣，材料豐富。繼續都係双格餐，椒鹽豬扒米線配雞翼新竹米，豬扒夠淋夠鹹，雞翼也香口。凍豆漿唔洗加錢，好大杯，熱奶茶是我們至愛，也可加錢叫其他台式飲品。

so basically, 3 of us went to this restaurant for lunch at around 12 pm where there is loads of empty tables. we ordered food, and there is a group of 5 who came in and they offered to sit in our table, we are like, there are loads of other empty tables, and we do not understand why they need to put us all together. The group of 5 are obviously not comfortable with us sitting in the same table. so we offered to move, if they want the big table. so we volunteer to move to a table of 4, and the ow

我決定要寫200字嚟唱衰依一間野以前好好地有間上海排骨菜飯，俾第一城管業處逼到佢執咗，之後就開咗依間咁嘅垃圾下午茶時段冇咩人就知道佢大鑊啦，啲侍應態度超差，叫咗個肉操面嚟食，遲遲都唔嚟就知道佢冇落單，之後啲侍應仲要奶奶閒拖多10幾分鐘都唔上，真係火火地想走人㗎啦。味道普普通通唔多好，豆腐好硬，蛋又老又細食物質素唔係最大問題啲侍應嘅態度先至係最大問題，你明知自己落留咗我單就唔該你快快脆脆幫我跟返啦，真係唔寫依篇文來唱衰佢都唔得

今天中午和家人食嘢，首先、我家人叫了雪菜肉絲米粉和熱薄荷奶茶，我自己叫紅燒牛筋牛肉粗麵和凍薄荷奶茶，那個侍應自己落單時巳說明轉米粉，但是其後來了雪菜肉絲米線，我叫其他職員換過，但是那個男侍應竟然反過來不停地駡我說錯，真是令人無名火起三仟丈，好啦，那碗米粉換回來啦，事情還沒有完結，其次、亦是最不可以原諒的一件事，其後那杯熱薄荷奶茶到來啦，我家人一口喝下去，就發覺有硬物便即時用手接著吐出來，但是發覺是玻璃碎片，並且即時弄到我家人左手食指流血，所以我即刻找職員恊助，但是那個男職員竟然隨便搵一塊膠布給我們了事，我便要求找店負責人出來解決事情，但是店員說沒有負責人，於是我便報蘑求助，但是足足打了45分鐘才有人接聽，點知報警後到來的警察簡直有問題，一個係沙展，一個係散仔，個散仔想搵我落口供，但係個沙展只是不停地闹個散仔，我完全嬲到個沙展究竟嚟解決事情呀?還是將事件無限擴大呢?最嬲就是個沙展唔處理事件不特止，仲要窒番個報案者轉頭，需不需要找一哥盧偉忠幫手，睇嚟呢單嘢直情要交俾行政長官處理就啱喇。

貪快唔洗等位，求其入一間🙄餐牌好似好多選擇。地方算是乾淨👍🏻點了碗應該穩陣嘅紅燒牛肉麵同一杯蜜桃玫瑰花醸（套餐只加$8）貪佢顏色靚。牛肉麵～色很濃，但一D味都冇，麵不彈，肉多但不夠淋（失敗）玫瑰茶～色很美，但只有一個字（甜）相信我不會再幫襯第二次

本身唔係住第一城，去完郵局搵地方食下午茶。經過另一間因見堂食都用食棄碗碟所以放棄咗，走過兩間見呢間台灣麵嘅下午茶幾吸引，就入咗去試。叫咗個酸辣麵同巨蜂提子蘆薈特飲，味道好好，個麵酸辣適中，無辣到食唔到其他味，杯特飲都夠份量大杯，叫走飲管電腦單有得打埋出嚟，包保侍應唔會記漏加咗飲管，讚！

早餐一般都是麵包，有時間的話就麥記KFC,再有時間的話，就可以好似今日咁就坐低慢慢嘆份茶餐廳早餐。這間店的早餐是我吃光顧最有份量的一餐。走到店內，看到好吸睛的大大板畫，畫上台灣的特色小食。我個人好鐘意😊看!這塊魚柳跟餐具的長度差不多🤤雖然炸粉厚了一點點，但裡面的確是香滑的魚肉，而不是外邊吃到摻了很多其他調味，粉粉的那種感覺。這回裡面的確是有彈性的魚肉!豬扒也很大塊，調過味，很夠味道。肉質很腍軟，骨頭佔比少，所以吃得肚子滿滿的這碗手撕雞米線是朋友大力推介，他就雞肉又多，湯底雞香味又濃。五香肉丁倒沒有太多，跟外邊吃到的份量差不多。我選的熱奶茶，茶底過濃，有少少苦澀味，下了一整包糖也是不夠。朋友點的是凍奶茶，因為有冰有糖水稀釋過，不太喝到茶的苦澀味。加一蚊可由方包轉多士題外話: 好想好想讚賞的是店內的員工。這間店多做街坊生意，不是什麼高級食肆，沒有華麗搶眼的裝潢，但員工的服務態度很好。由門口等位開始，到落單，到食物上枱，到收拾枱上用具，到結賬，他們都很有禮貌，很勤快!

話說我住喺第一城附近，假日常常過去食早餐。台灣麵係我經常光顧嘅餐廳。一向食野嘅peak hour 都要排下隊。近來食物質素越來越唔掂...啲湯麵嘅料好少，最愛食嘅雞扒又縮水兼勁乾...加上啲員工嘅服務態度不嬲都一般...睇黎要轉陣囉...

第一城看似好多食店， 但其實住耐左你就會食嚟食去都係嗰兩三間。呢間台灣麵係我同姨甥仔嘅推介， 佢每次係英國返嚟度假我地都一定要去幾次😜。老實講，我地食過餐牌上唔係好多菜式，所以唔敢亂評，但我地就對佢嘅C1早餐就情有獨中，每次早餐嚟都係食呢個嘅。佢塊雞扒煎得皮脆肉嫩，好厚身但好juicy，不過今朝去覺得好似比以前細左啲， 但都夠食啦。多士面包好新鮮， 塗滿牛油好香。跟餐跟沙爹牛面， 足一個大光面， 本人覺得太多， 但姨甥話剛好。沙爹牛味道唔錯但牛嘅質地偏硬，可以skip。餐飲咖啡好OK, 奶茶就唔得。我覺得以呢個價錢有呢個質素仲要唔使自己捧餐，好OK啦！

今日去左第一城搵食，台灣麵座位又舒服，可以慢慢嘆。叫左個紅燒牛肉麵，真係好足料，牛肉大大件又易咬唔會柴皮，微辣仲要配埋QQ既粗麵，好有口感，真係好好味呀，真係想成碗湯飲埋 珍珠奶茶大大杯仲要有好多珍珠，珍珠煮得岩岩好，唔會一patpat，口感QQ! 一個人食呢個set真係好滿足！值得一試！

難得可以早收工，又未到食晚飯時間，不過有啲肚餓喎，所以就諗住附近搵個地方食少少野。今次就揀咗第一城嘅台灣麵食下午茶。呢度嘅下午茶有好多選擇，例如台式小食台灣麵或者飯等等，最多選擇就當然係台式飲品啦！首先嚟嘅就係番茄湯手撕雞米線。番茄湯味道比較淡；雞絲份量雖然算多，但係肉質不夠嫩滑，所以總體來講都算比較普通。另外，跟餐嘅豬頸肉就比較好食，豬頸肉大塊得嚟亦有口感。平時我最怕飲太甜嘅嘢，好彩呢度嘅珍珠奶茶可以叫少甜，所以味道就比較適合怕甜嘅我。呢個下午茶餐總共41蚊，價錢同質素都算中規中矩。

禮拜日搵食好重要，姐姐放假，自己又唔係好想煮，確實要諗下邊度有嘢食，屋企樓下呢間絕對係首選。呢度有好多選擇，各自搵鍾意嘅粉麵飯米粉，豬牛雞，酸辣，麻酱，各式其式， 應有盡有。向街那邊有menu，大家可以揀定先至入去食。好欣賞呢度嘅奶茶，唔加糖依然香滑好醒神!除咗menu上面嘅套餐外，餐紙上列出各款小食都值得一試，有平有貴，豐儉由人，有齋又有肉，當然有邪惡嘢啦呢度嘅飲品同茶記差不多，額外嘅有豆漿，珍珠奶茶，花茶等等。酸辣湯拉麵配鹵水雞翼新竹米粉，酸辣湯夠辣料多好好味。鹽酥雞扒拉麵配韭菜水餃新竹米粉，雞扒香口 夠滑，韭菜水餃新鮮製作。雞蛋豆卜肉燥飯拼鹽酥豬扒新竹米粉，肉燥美味，肚餓食配飯最好，鹽酥豬扒唔韌，新竹米粉湯底香濃入味。星期日都冇加一

今日同朋友唸著到圓洲角溫書，午餐自然起第一城解決。環境：類似一般茶餐廳，都算舒適，牆上嘅話都幾靓。食物：呢個就....叫左兩個餐。第一個係椒鹽排骨飯，第二個係雞翼麵。 雞翼麵就不過不失啦。有四隻雞翼，份量算係多嘅，不過咬落去就成口油喇，應該係即炸出嚟嘅。椒鹽排骨就...冇骨嘅，似豬扒多d lol。我應該太膚淺，未食過咁嘅椒鹽排骨🤷🏻‍♀️失望😞又鹹又硬咁，唉，睇圖好d。飲品：包豆漿，珍珠奶茶➕$4 ，算平，一般啦價錢：$55+55+4

去完郵局辦事, 理所當然去食個早餐先番公司; 今日想轉下口味, 見到有間台灣麵, 原本諗住食個台式早餐, 入到去先知原來都係港式, 不過坐低左就不防試下選擇比想像既多, 一個少少驚喜揀左個茄汁磨菇腸仔奄丁, 呢度早餐份量唔少, 男士們應該幾夠飽, 女士就可能會有少少over 了. 味道不過不失, 材料反而就幾足料

菜凍冇味，豬排可以烚完豬排上加椒鹽，未試過禁求期，唔會再試，職員態度10問9唔應。叫了赫泥白肉，食晒先話呢個產品冇出好耐，我叫野時你唔講。佢話冇所以唔理。。勁。仲之老婆煮餸仲好食