台灣麵

营业中

休息中

揾呀揾！真係唔知食乜好🤔疫情下都要喺堂食醫肚仔㗎！又想食水餃🥟，又想台牛肉麵，見到呢間叫「台灣麵」，下定決心一於食佢啦 ！拎起餐牌，揭到其中一篇有雙拼麵，可以自由配搭，見到有紅燒牛肉麵同韮菜雲吞麵，咁啱兩款我都想食，我就order佢！等咗廿分鐘左右啲麵嚟啦！個鴛鴦碗好特別，兩邊都裝到幾滿！碗麵分別有紅燒牛肉兩舊，而韮菜雲吞有三粒。由於雲吞味道較淡，首先食咗個雲吞先，可以用四個字形容《皮薄餡靚》，咬落入面都算多肉汁，韭菜夠濃，平平無奇，出奇地好食，加上麵上面有幾粒豬油渣，帶出湯嘅香味，好夠味，唔錯！到食紅燒牛肉，望落去好似好瘦，應該會有啲硬，但咬落去出奇地好腍，最重要係夠牛味，肥瘦均勻，唔錯！。飲啖湯先，好失望呀！得個辣字，個湯唔夠香，亦都唔回味，通常紅燒牛肉湯係飲咗一啖有少少辣，同埋越嚟越想飲多幾啖，可惜呢個湯俾唔到呢個感覺我！台灣麵叫咗粗麵，好正宗，有啲彈牙，好Q！最後飲埋凍荔枝綠茶，有啲甜，下次都係叫少甜好！能夠揾到一間可以解決我對台灣食品嘅意念，真係大滿足😍😍😍😍😍

今日要去元朗覆診，去之前當然要醫飽個肚先啦，所以我就去咗呢間台灣麵。我係一個非常之眼闊肚窄嘅人，打開個餐牌見到樣嘢嘢都想試。而我好鍾意呢間台灣麵嘅其中一個原因就係佢有得雙拼。啱晒我呢啲樣樣都想試吓但又食唔多嘅人。我今次就揀咗紅燒牛肉麵拼炸髀新竹米粉。佢個炸雞髀真係好滑，個雞皮又炸到脆卜卜咁，又真係幾好食喎。而新竹米粉就會比普通米粉幼身啲，感覺好似比較索湯啲。而另一邊嘅紅燒牛肉麵都真係好正，佢啲牛肉真係又香又腍，仲要入晒味，超好食。小食我就買咗個炸墨魚丸，佢啲墨魚丸真係好爽口彈牙，入面仲有粒粒墨魚肉，最重要嘅係佢炸到啱啱好唔會乾爭爭。另外我仲嗌左個肉操油麥菜，佢係用滷水汁上，啲菜索晒啲汁好好味。啲飲品我就試咗佢個特飲，蜜桃玫瑰花釀，我估佢花樣嘅意思係唔同花嘅蜜糖，甜甜地嘅潤喉，再加埋啲彩色椰果都幾好食㗎。

很久沒有來這家吃東西了，之前有去吃過覺得不錯。這次再來吃個午餐，看看素質如何吧。餐牌上的選擇挻多，很多小吃也很吸引也想吃🤤。💥雙拼格餐 HKD$65，可以因應喜好而配搭想吃的，可以同時間吃麵/飯，挻適合心大心細的朋友。靜靜選擇了台灣紅燒牛肉麵和台式豬腳肉燥飯，味道香濃不會太咸剛剛好，牛肉不會太韌，豬腳很腍身😍。💥燻蹄拼海蜇 HKD$60，這兩款小吃靜靜也很喜歡吃的，海蜇口感爽口，而且醬汁挻香，而燻蹄的口感很腍身及挻入味，而且份量挻多。💥酥炸花枝丸 HKD$33，這個食物台灣朋友很喜歡吃的，也是台灣街頭受歡迎的小吃之一。花枝丸的外皮被炸到脆卜卜令到口感更豐富。💥滷水拼盤 HKD$68，這個拼盤裡面有很多款小吃。裡面有豬頸肉/豬耳/豆腐/雞腎/雞翼/蛋，滷水味道不會很咸而且挻入味，挻喜歡吃呢😍。💥菲芒鳳梨水果茶 HKD$8 (跟餐價) | 蜜桃玫瑰花釀 HKD$32，兩杯飲品也很大杯😆，飲到很飽呢。攪拌過後味道更佳，顏色帶點漸變色挻美呢。

那間台灣菜店舖又在香港出現！店舖係香港還有其他分店，店舖雖然唔係好大！但係店面裝修都幾特別！食物方面都好有特色！款式都好多！鹵水拼盆賣相好吸引！望見都想食:鹵水蛋、豬頸肉、雞腎、豬耳、雞翼、豆付味道十分之唔錯，非常之腍新又入味！酥炸花之丸！非常之鬆脆又彈牙！味道恰恰好又唔過咸！點埋去自製醬油之好味！唔錯之選！燻蹄拼海蜇賣相好靚！燻蹄好腍新味道又夠！海蜇又夠爽脆！非常之唔錯！雙拼餐可以自選雙飯或者雙麵！我叫咗紅燒牛肉麫、豬脚飯味道十分之唔錯！紅燒牛肉非常之腍新又入味！真係好正！豬脚又夠腍又入味！兩者拼埋非常之好！值得一試！蜜桃瑰花釀、菲芒鳳梨水果茶非常又特色之飲品！飲品非常好好飲好特別！係其它飲品店好小飲到！到於價錢方面唔算貴！一般價錢大眾化！

今日去放風一下， 同媽子去食下午茶餐， 這茶餐非常百塔👍 除咗有一碗麵外，還配有一款小食跟飲品，夠曬多元化，份量都唔少， 麵既種類同湯底都有幾款任君選擇，確係唔錯喎， 啱曬心多多嘅我🤗酸辣湯粗麵配韭菜肉雲吞多料、 有淡淡麻油香既酸辣湯幾醒胃， 粗面彈牙可口， 韭菜肉雲吞細細粒可以一啖食落口👍义燒拉麵配鹵水蛋有兩塊好肥美嘅醬油味叉燒😆拉麵多多，質感唔錯👌小食~酥炸腐皮蝦卷外皮脆卜卜，食落卡滋卡滋， 夠曬香口， 餡料除咗有蝦膠仲可以食到粒粒魷魚👍 點埋有蒜香味嘅台灣醬油食~滋味😋唔使加錢嘅台灣熱飲🤪咸柑桔話梅蜜蜂蜜柚子茶

呢間嘢次次經開都特別多人，每次想食都要等位，真係非常令人卻步，咁啱今次唔使等，就試吓啦太耐無食台灣嘢嘅關係，真係樣樣都好想食。所以揀咗個雙排雙格餐，就係有得揀兩樣食物嘅餐啦。而我就揀咗兩個B滷蛋豆腐肉燥飯併台式酸辣湯面$62 再加配台式特飲佢個份量係同我想像中有出入，份量係非常之大😂😂我相信係食量非常大嘅人先會食得晒酸辣湯麵so far so good 話佢特別好食又真係唔係肉燥飯非常麻麻 整體嚟講係比較乾相對起嚟酸辣湯麵算好出色啦總括而言係唔值得排隊食嘅🤔

呢間「台灣麵」有好多分店，每次經過都幾多人，揀咗Tea time去試下。環境都幾大間，座位舒服。餐牌揀咗下午茶時段嚟食，但正價餐牌都唔算太貴，當然下午茶抵食好多！仲有多款港式食物。涼拌雞絲粉皮 $33 份量都幾多，雞絲冇雪藏味，整碟用上大量麻醬，好惹味開胃，必點！雙排雙格餐 $65 可以自選雙拼，揀咗台灣紅燒牛肉麵拼滷蛋豆腐肉燥麵。牛肉有兩大件，肉質正常，湯底唔算太鹹，至於肉燥麵就比較淡，整體正常。雞排飯 $38 下午茶餐好抵，份量都多，揀咗黑椒汁，雞排生炸得外層十分脆而內裡仍然保持嫩滑呢份$38嘅雞排飯性價比好高！芝麻奶茶 (跟餐) 估唔到成杯都係黑色，飲落芝麻味好出，但都飲到奶茶底，都幾特別。總括而言，一間茶餐廳做base，但主力sale台灣菜嘅餐廳，唔好以正宗台灣菜做標準，想Teatime平平哋食都ok。

去"台灣麵"食嘢🥢🥢梗係要叫碗紅燒牛肉麵啦🤗 好耐冇去，依然咁有人氣😊叫咗雙排雙格餐， 好似鴛鴦湯底咁，個碗分開兩邊唔同嘢食，可以一邊食麵，另外一邊食飯，啱曬我呢啲想一次過食多啲款式嘅人👍紅燒牛肉幼麵配韭菜雲吞粗麵牛肉兩大塊，炆得軟腍，肉身帶筋，食落鬆軟😋 牛肉湯微辣爽口👍 菜肉雲吞，細細粒，皮薄啲餡唔錯， 麵質彈牙👌一另外叫咗個小食炸花枝丸， 脆身彈牙， 這個要趁熱食👍台式飲品唔少得，草莓紅茶，酸酸甜甜， 解膩最好😊

琴日收工突然想食台灣菜 見喱間餐廳人少少所以入去幫襯下點知打開個餐牌 見到都有唔少款式可以選擇 但價錢真係偏貴 心諗：希望係好食於是我叫左個豬頸肉肉燥飯連飲品 $58魯肉飯完全無味 豬頸肉超級超級老同油喱個價錢比啲咁嘅質素 真係只此一次員工方面 整體OK 不過見間鋪都無乜人幫襯...希望間店舖嘅價錢同食物質素要一致 整體嚟講真係麻麻 以為主打台灣菜嘅餐廳應該唔會差得去邊 點知期望愈大失望愈大同朋友講話喱個飯要$58佢地都覺得唔值！

本身入元朗有啲野搞，少少趕就求其入左里度食，完全中哂伏，根本就應該去番士林😭😭😭諗住炸雞扒里啲超低難度應該冇事啦，咁就岀大事雞扒炸到好乾，好鞋，好似煲湯啲老豬肉咁，最後我要浸湯先放得入口🤦🏼‍♀️ 有幾款麵揀，根據平時喜好，我都叫左粗麵，粗麵本身唔伏，但湯頭同肉燥係巨伏😭肉燥切成條狀，硬到咬唔開，我食咁多肉燥從未試過可以咁樣😪湯頭就係奇異微咸味，真係除左粗麵煮得尚算合格，我真係餓死都唔會再踏入里間舖一步

如果可以唔比星 係1星都冇！我叫既外賣係：日式叉燒 粗麵 炸花枝丸 鮮茄湯外賣送到過黎係錯既變左 芝麻手撕雞 粗面 炸花枝丸 鮮茄湯打番比佢問佢可唔可以換啦然後佢叫我唔好食個外賣 等佢換番個岩既比我前前後後等左成個中 都冇送到黎我就打電話去問然後佢先話而家整比我仲話本身錯左既叫我食住先 當然麵係發哂咁我梗係冇食仲同我confirm係換番 鮮茄湯 日式叉燒 粗麵黎到變左 豬骨湯 日式叉燒 粗麵我再打番去講：話我要鮮茄湯 唔係豬骨湯 但係我好肚餓 我唔洗再換番佢仲同我講：本身個湯同麵係岩 所以就換個豬骨湯比我 仲叫我食番本身個麵！我嬲到爆炸 係咩道理啊 本來成日叫哩間外賣 以後冇下次！

午餐.想去的餐廳還未開不知吃什麼好見這間好像還蠻多人生的便去試一下.香酥雞排關廟麵 $49賣相其差雞排看起來又乾大黑端上桌時雞皮更已跟雞肉分離了雞排吃起來很乾很硬麵則很鹹$49沒飲品吃完超口渴之後整個下午都在不斷喝水

真的由細食到大的台灣麵，到而家仍然每個月都去幾次🤣個台式豬手乾拌麵，真的百吃不厭！加上佢地的豆瓣醬，無敵！飲品今次只點了港式凍檸茶，平時會叫香芋珍珠奶茶或蜂蜜綠茶加珍珠！

今日去左元朗打波 打完之後就周圍搵野食醫肚 咁岩行過見到呢間台灣麵 入面好似幾靚咁就去試下啦首先叫左台灣牛肉粗麵 牛肉軟滑之餘亦富有牛肉味 牛肉本身有少少筋 但夠軟所以都好易咬之後叫左個雞扒飯 雞扒炸粉唔厚但係炸得好酥脆 肉質軟滑 雞味濃郁 我個人非常鍾意酥炸花枝丸 另一個超水準既炸物 花枝即係魷魚 本身既肉質已經好彈牙 炸左之後仲加埋脆既口感 簡直係一絕醉雞翼拼海蜇 我個人其實好鍾意食雞翼 但係通常出面食到既都係鹹到乜咁既老水雞翼 呢到既醉雞翼整得有酒味之餘仲幾開胃 令我食完又想食 海蜇咬口好好而且好彈牙 都係值得稱讚之作    

台灣麵是我的中學回憶，以前在學期間經常光顧，但自從畢業後便已經好一段時段沒來了。這天凑巧午餐時段經過，突然心血來潮，便決定光顧。沒想到過了那麽多年，台灣麵依然人氣依舊，光顧的食客有增無減。我點了一碗每次來都會吃的紅燒牛肉麵。幸好質素沒有倒退，還是以前吃到的味道。牛肉軟嫩，麵條有彈性，而紅燒湯底則辣得過癮，足以刺激味蕾。不過則越吃越辣，幸好點了一份涼拌小黃瓜。雖然涼拌青瓜也帶了點微辣，但更多的是白醋的酸，剛好可以中和辣味。同行友人點了一碗鮮茄濃湯手撕鷄米綫。同樣是一個不錯的選擇。鮮茄湯底很濃，酸甜開胃，配上大量手撕鷄，味道豐富，而米綫也很滑溜。套餐都包括了飲品，加錢則可以轉台式飲品。我點了一杯香芋奶綠，朋友點了芝麻奶茶。芝麻奶茶有驚喜，味道突出。