臺月

星期六收工又去左元朗，今次食台湾野，姑姐买𩠌见到开左间新野，就捉我去试下。我地叫左两个全日套餐：🐮Top 1牛筯汤面 $66牛筋好大件，长过手指，好有咬口，汤底浓郁浓厚，面有劲道 ~ 唔错🐽Top 2桂林仔猪排汤面 $66猪排十分入味又够腍，份量仲好多，好有惊喜，溏心蛋有卤过，好味套餐饮品：热黑糖冬瓜茶 ~ 滋润甜入心，解腻一流冻蜂蜜柚子茶 ~ 大杯够清新Top 3两款小食 $29：🐥黑麻油鸡翼两只 ~ 睇色水都知好入味，肉质好juicy芋圆爱玉仙草冻 ~ 呢个叫左后上，仙草冻份量十足，同爱玉形成黑白配咁，芋圆烟韧。炸物拼盘 $56(花枝丸、香菇贡丸、甜不辣、台湾肠、葱馅饼、烧卖)葱馅饼个样好似小笼包咁一口一个，咬开闻到浓郁的葱味，呢个几特别。烧卖都有炸过好香口，甜不辣口感烟韧，其余都唔错。下次可以再黎试埋其他，另外出示长者卡或乐悠卡每位均可减$5，姑姐即刻话话下次要拉埋姑妈黎食。…查看更多

早排日日热到飞起，真系食乜都无胃口，上网睇元朗开左间台湾餐厅，专登坐车去试下！铺头唔大，得几张枱，可能我12点就去所以好多人未放lunch，但就不断见有做好多外卖，心谂应该唔差🙈🙈叫左2个必食套餐，估唔到又真系几好味，碗牛肉面肉又够淋，但汤底饮落无其他𠮶啲店咁浓但会有黏口，又清又好味😋天气热我紧系食拌面啦，反而就感觉淡左啲，但加左个猪排隔离个配菜辣辣地劲正👍🏻👍🏻本身套餐价钱都唔算太贵，但我又加小食又改肉燥面就贵多少少，2个人就百几蚊！如果唔加正常咁一个餐有埋饮品平到三十几四十几都有，所以算抵啦，份量又够饱👍🏻👍🏻牛肉牛筋汤面 $66桂林仔猪排 改肉燥拌面 $66+$6加小食:黑麻油鸡翼（2只） $16一共$154台月 (元朗)元朗又新街61-63号运兴楼地下2号舖电话:44166619#值得一试 #元朗美食 #foodies #foodie #台湾餐厅 #台式料理 #台湾牛肉面 #肉燥拌面 #支持小店 #全日套餐 #黑麻油鸡翼 #桂林仔猪排…查看更多

桂林仔猪排配肉燥饭猪排好入味，外皮少少脆口，咬落去肉质仲好嫩。肉燥饭好香，酱汁渗入饭粒，份量都够足。辣猪肉配汤面辣猪肉系有啲青椒一齐炒，好香同唔会系好辣，猪肉片薄薄地但好入味，煮得啱啱好，唔会太韧。面条弹牙，挂汤一流，而且汤底都好浓味超级好食！炸物拼盘真是一个大杂烩！花枝丸弹牙，香菇贡丸有菇香，甜不辣软糯，台湾肠外脆内juicy，葱馅饼同烧卖都好香口。每款都炸得啱啱好，唔会太油。超适合一班朋友share食。凤梨寒天沙冰凤梨寒天沙冰好有夏日feel！凤梨味好浓，甜得自然，寒天Q弹，沙冰细腻唔会太冰。饮落好清凉，啖啖都系果香。好啱而家夏天去饮！整体都好好食，仲要价钱都好实惠，下次都会再去！…查看更多

下午茶套餐 低至$38起！超级抵食！呢间餐厅质素唔错👍🏻同系台湾食到既差唔多，好地道，呢啲小店值得比更多人识！双丸面线 估唔到下午茶嘅都咁大碗，味道都唔错！全日套餐 牛筋 牛肉面 有得拣汤面定捞面，想食饭仲可以拣肉燥饭/白饭，友人简咗汤面炸物拼盘 (花枝丸、香菇贡丸、甜不辣、台湾肠、葱馅饼、烧卖）咩都有啲既拼盘，正常炸物。葱馅饼就特别啲，外皮好似粒汤圆咁，烟烟韧韧，入面系葱馅。小食甘梅地瓜角好多梅子粉系地角上面，呢个如果做一条条，口感应该会更好。…查看更多

今日发现元朗又有间新野未食过 , 仲系我心心念既台湾菜 , 平日中午去人唔算多 , 店铺坐得宽敞 , 装潢简洁企理全日套餐超抵食 ! 牛筋汤面牛筋份量又多又大件 , 试食左朋友既一啖 . 牛筋弹牙有口感 , 配上汤面浓郁惹味台味三杯鸡肉燥饭鸡肉嫩滑易入口 , 调味香喷喷 , 肉燥饭粒粒粒分明 , 送饭食好开胃 炸物拼盘入面超丰富 , 岩哂每样台式小食都想试 dd 既我地 , 有花枝丸、香菇贡丸、甜不辣、台湾肠、葱馅饼、椒盐烧卖 , 全部炸物都炸得香脆可口 , 仿佛回到台湾特饮加配只要半价 , 就可以饮到台式特饮 , 仲可以自己拣加配 d 咩 , 组合无限多冻顶乌龙茶 + 寒天晶球蜂蜜茉莉茶 + 寒天晶球…查看更多