我地叫左兩個全日套餐：
🐮Top 1牛筯湯麵 $66
牛筋好大件，長過手指，好有咬口，湯底濃郁濃厚，麵有勁道 ~ 唔錯
1
🐽Top 2桂林仔豬排湯麵 $66
豬排十分入味又夠腍，份量仲好多，好有驚喜，溏心蛋有滷過，好味
套餐飲品：
熱黑糖冬瓜茶 ~ 滋潤甜入心，解膩一流
凍蜂蜜柚子茶 ~ 大杯夠清新
Top 3兩款小食 $29：
🐥黑麻油雞翼兩隻 ~ 睇色水都知好入味，肉質好juicy
芋圓愛玉仙草凍 ~ 呢個叫左後上，仙草凍份量十足，同愛玉形成黑白配咁，芋圓煙韌。
炸物拼盤 $56
(花枝丸、香菇貢丸、甜不辣、臺灣腸、蔥餡餅、燒賣)
蔥餡餅個樣好似小籠包咁一口一個，咬開聞到濃郁的蔥味，呢個幾特別。
燒賣都有炸過好香口，甜不辣口感煙韌，其餘都唔錯。
2
下次可以再黎試埋其他，另外出示長者卡或樂悠卡每位均可減$5，姑姐即刻話話下次要拉埋姑媽黎食。
