可樂糖煮意

营业中

休息中

路過見到廣告牌話有間新開嘅餐廳，又有中式日式韓式，好似幾多選擇就入去試吓嗌咗個雞翼麻辣香鍋（少飯）$66 連野飲本身覺得佢價錢咁平民，又唔係做開川菜嘅餐廳，都冇話期望好高小店似係得一個人，都需要啲時間先上菜但嚟到係有超出我預期，好香呀！😍食落好惹味😋😋😋又唔會太鹹太油有芽菜、薯仔片、椰菜花，仲有原粒蒜頭晚餐時段好難搵到可以一個人食、仲要咁平嘅麻辣香鍋除左雞翼仲有好多配搭揀，下次再黎食（p.s. 希望冷氣可以開大啲，有啲熱)

行完三棟屋博物館，覺得極肚餓 ，好想食飯，經開以前森美餐廳，已換了一間新店被店名（可樂糖煮意）吸引，於是就去試試叫左麻辣肥牛焗流心蛋飯，芝士卡邦尼扁意粉，麻辣雞翼尖。#麻辣肥牛焗流心蛋飯色澤誘人，肉質鮮嫩，微微的甜味與香辣感，讓味蕾瞬間被喚醒，這個飯有層次感，飯粒鬆軟，搭配上流心蛋，蛋黃的濃郁口感與牛肉的鹹香完美融合，每一口都讓人感到滿足。整體來說，這道菜不僅視覺上吸引，味道上更是讓人回味無窮，值得一試！#芝士卡邦尼扁意粉濃郁芝士香氣撲鼻，海鮮的鮮香和炒香的蔬菜味，香草的清香更是為整道菜增添了一絲清新的氣息。#麻辣雞翼尖雞翼尖的肉質鮮嫩，咬下去時，肉汁四溢，帶著醬汁的麻辣味道，醬汁是這道菜的靈魂，麻辣的味道恰到好處，既不過於刺鼻，也不失風味。甜中帶辣，辣中帶麻，醬汁和雞肉的完美結合讓人一試成主顧。臨走時，發現原來有素食脆米飯，但係太飽了，下次可同埋素食朋友一齊過來試試，可以同不同飲成文化的朋友來聚聚。

經過昌安大廈見到有新餐廳開張，個名幾得意，見到餐牌有好多選擇，膽粗粗入去試吓，叫咗韓式泡菜雞肉忌廉闊條麵，兒童餐😋和扭扭薯條，闊條麵有驚喜，辣辣地，幾好味，足料份量十足，價錢親民扭扭炸薯條算大碟，即炸超脆🍟正正兒童餐有意粉，雞翼，麥樂雞，芝士粟米片，仲有可樂糖添，完全滿足小朋友食，🤩🤩🤩賣相超吸精👀，小朋友超鍾意，😋飲品都多款比小朋友選擇下次會再黎幫襯👍🏻👍🏻👍🏻再試其他

抵食又好食，仲每人送小份雞翼，有孜然味又有蜜糖味，味道係非常不錯，但店面就唔係好起眼，所以嚟咗兩次都係冇乜顧客，好希望佢多啲宣傳，多啲顧客，所以希望大家睇到盡量支持小店啦

最近喺荃灣經過於一個不起眼既角落，發現呢間餐廳，價錢睇落幾抵食，就入去試吓啦。首先嗌咗份孜然香辣炸薯條，份量都幾足，炸得夠脆口，又唔會太油，啲孜然粉同辣椒粉灑到好均勻，食落口辣辣地、香香地，幾開胃，仲要係M記嗰隻薯圈煙韌質地跟住叫咗個招牌六寶飯，真係幾豐富，有雞扒、單骨雞翼、香腸、餐肉、火腿同煎流心蛋。雞扒煎得幾香口，肉質唔會乾身，單骨雞翼外脆內嫩，都幾好味；香腸同餐肉唔會太鹹，火腿味道正常，煎流心蛋夠晒半熟，撈飯食一流。整體嚟講，$58呢個價錢喺荃灣區算抵，以男仔計個份量都飽肚，味道又唔差，CP值真係高。總括嚟講，呢間餐廳價錢親民，味道都唔錯，份量又夠，幾適合平日食餐飯。下次經過會再嚟試吓其他嘢，希望可以保持水準啦！#個六寶飯食咗一半先記得影