可可豬海南雞專門店 (寶榮大廈) (已結業)

今日去朋友北角屋企，玩到咁上下想食埋晚飯，但朋友始終覺得在家吃飯係最安心，而剛巧佢屋企附近有間唔錯嘅餐廳，所以我哋就去咗買外賣。特色椰香海南雞飯單看食物的賣相已經垂涎三尺！食入口時亦都充滿驚喜！海南雞雞肉夠滑嫩，點上餐廳秘製的醬汁，大大提升了味道的層次。而飯則較軟身，每一啖充滿椰香味。另外，飯配有蘿蔔絲等醒胃的伴菜，整體非常滋味！+拼招牌豬手飯豬手炆得夠淋，咬落時有質感！唔錯唔錯！食療拿杯湯-雪梨桂圓雞湯我覺得這個食療的湯水是一個偉大的發明，平日這麼忙碌，真係甚少可以自己煲到啖靚湯飲。雪梨桂圓雞湯可謂真材實料，相信湯水也沒有加味精，因為飲完沒有口渴的感覺。麻辣牛展香辣開胃的麻辣牛展，配有用麻辣香料調製而成的醬汁，味道香濃惹味，在辣之中透現麻與香，味道層次非常極之豐富，是麻辣愛好者必選的食物！餐廳整體食物水準不錯！而且外賣快靚正，覺得下次可以再Encore！

可可豬海南雞專門店 (北角)疫情反反覆覆即使限制放寬都要小心謹慎外賣返屋企食就可以減低人群聚集食都食得開懷暢快啲今日嚟到北角買外賣眼見疫市新開食店就當然要支持一下香港經濟-******************************-🔅特式椰香海南雞飯$43雞肉嫩滑啖啖肉最特別係個飯充滿椰香食落香噴噴-🔅麻辣雞腎$28雞腎肉質爽口唔靭特製麻辣醬汁非常惹味開胃-🔅養生秋葵$22秋葵爽脆可口消滯減油膩感-🔅青木瓜大蝦沙律$36青木瓜大大盒配以酸酸甜甜醬汁又消滯又醒胃-🔅食療拿杯湯$28湯品清甜人-🔅樽仔奶茶$16淨係個樽仔都夠曬特別又靚奶茶茶味香濃幼滑-🔅熱情豐盛$18果汁真材實料啖啖熱情果肉果味濃郁-

可可豬海南雞專門店 - 招牌豬手外賣今日在炮台山工作後，打算買外賣回家吃，發現一間新開的小店，主打海南雞飯、招牌豬手和老火靚湯，見價錢也經濟，所以就買來試試。食療拿杯湯每日不同的老火湯，是日推介哈密瓜百合陳皮雪耳湯。潤肺、止咳、行氣健脾、化痰、補中益氣、美白潤膚，最緊要是沒任何味精。養生秋葵爽口的秋葵小食。麻辣牛展腍身的厚切牛展配上惹味麻辣汁。日式胡麻醬手撕雞冷麵份量十足的手撕雞，不同粗幼的雞絲、生菜碎、青瓜絲、粟米粒和蕃茄仔，再配上日式胡麻醬，口感豐富味道有層次。招牌豬手飯有別於一般常吃的滷水豬手或南乳豬手，是清新清湯般的味道，豬手炆煮得非常軟身，一咬即化，不是重口味的款式反而有驚喜熱情豐盛香甜的熱情果果汁。

係附近酒店staycation🏩，買外賣番酒店慢慢歎，叫兩個飯加D 小食飲埋湯都係$148，醫肚平價之選😉🔅特色椰香海南雞飯好香既椰香飯，海南雞好嫩滑，仲有D 酸辣沙律搭配，好開胃🔅招牌豬手飯豬手好香口，係酒店用手食更加方便，唔洗怕無儀態🤣🔅食療拿杯湯-哈蜜瓜百合陳皮雪耳湯估唔到哈蜜瓜都可以煲湯，今日呢個湯功效好全面呀，可以潤肺，又可以美白潤膚，味道唔錯，岩哂我呢D 平時無湯水飲既人，不得不讚湯好夠熱，番到酒店都仲熱到出哂煙🔅養生秋葵成功令我改觀，令我接受到食秋葵呢種健康食物，餐廳將秋葵切成細細粒，無左鼻涕果種感覺，唔洗特別調味簡單醬汁就已經好好食🔅滷水雞腎滷水雞腎送酒佳品，滷得好入味，雞腎又唔會太硬好難咬

今日返工太累，唔想自己煮，就係炮台山附近買外賣回家食，黎到呢間餐廳，服務員態度好好，而且重好細心。首先我就叫左個特式椰香海南雞飯，啲雞好滑，而且唔會太肥，口感一流，配咪雞油飯真係勁好味，係我既至愛。另一個就選左香辣口水雞飯，有小小辣味，而且米香非常好味道，一盒份量好多，岩曬我地呢啲大胃王。跟餐跟咪個是日食療拿杯湯，哈密瓜百合陳皮雪耳湯。味道非常香濃，而且非常有功效，潤肺、止咳、化痰、補中益氣、美白潤膚，滋潤你的肺部，有助對抗肺炎。另外再叫多個時令菜心苗，非常新鮮爽甜。

今日到炮台山呢頭工作, 走既時候已經系天黑晚飯時間, 所以就決定外賣返屋企, 內街見到呢間小店, 小店細細, 主食有飯有冷麵有沙律小食, 格價相宜$36-$48, 最新有竹絲雞海南雞, 仲有滋補燉湯特式飲品, 真系好多選擇, 主食可以自選升級加小食或湯或飲品成套餐. 今日叫兩個飯再加左湯同小食, 左口水雞($43)+湯(+$18) +菜(+$15) , 另一款叫左招牌豬手飯湯(+$18) +雞腎(+$18). 口水雞辣辣地好開胃, 豬手飯有四件豬手, 湯系老火湯無味精, 好有媽媽煲既感覺, 加埋雞腎同菜真系好夠食. 在香港的日子都可以來一個特色餐, 沾一點南洋既味道, 都可以黎呢間隠世小店歇一下.  

有間海南雞飯，唔係大馬路，當你過馬路嘅時候就會俾佢個招牌吸引住👀，大大個又白又綠既招牌🤣。特色椰香海南雞飯。雞唔會太肥膩👍🏻，雞件SIZE切得岩岩好，唔會太大件。食左幾件都冇碎骨又夠嫩滑🤤，飯有椰香又有雞味，而且香濃而不油膩😚。會不斷不斷咁爬飯🤣。加上醃製過既紅蘿白🥕同蘿蔔作為配菜，酸酸甜甜好開胃😌。麻辣牛展。係小食，分量唔算多，適中👍🏻。入口少少辣，但可以接受👌🏻。牛展唔會太韌，又有咬口。。日式胡麻醬手撕雞冷麵。我覺得食依啲要撈醬既野最忌係唔夠醬。但依個胡麻醬同冷麵既比例岩岩好👏🏻。夠撈麵得黎重可以點埋手撕雞黎食😋，手撕雞同海南雞都係咁嫩🤩。。時令菜芯苗。菜芯鮮甜，店主好細心咁剪過啲菜。令到可夾起返一啖放入口。。金羅漢果養生茶。幾清香，唔會太甜，仲有菊花同杞子👍🏻。。哈密瓜百合陳皮雪耳湯。幾香陳皮味😬，有雪耳既甜味，幾清潤既感覺👍🏻好味指數：⭐️⭐️⭐️⭐️回頭指數：⭐️⭐️⭐️⭐️

疫情關係某日同朋友去炮台山行街路過此小店見到店鋪雖小，但都坐滿左客人，呢間餐廳主要賣海南雞飯同自家制湯品，見到坐响度既客人都係為左飲靚湯而黎甘，我地決定買外賣就叫左一個青木瓜大蝦沙律，配牛小食，青木瓜沙律大大盒，蝦已切開一半去左蝦屎，木瓜加埋大蝦一齊食都幾夾，好開胃，牛好淋，加配埋是日食療拿杯湯哈密瓜百合陳皮雪耳湯，呢個湯又潤肺又養顏，朋友飲完都話唔錯，我就叫左個海南雞飯，雞油煮成既飯都幾香，雞肉都好滑，不過如果雞肉份量可以再多d就更好。小食叫左秋葵，爽口得黎有d黏汁，健康又有營養既小食，飲品就揀左特飲熱情果杞子，熱情果香味濃，而且唔會好甜

行過見到以為係新餐廳，原來係椰粉湯紅改左名。之前一直都未試過，今次終於試到了！哈哈哈！買返屋企打開晒啲盒，視覺上好滿足！🤣🤣有時真係要對自己好啲😌😌。🌟香辣口水雞飯🌶🌶 $𝟼𝟷好好味💕！啲雞好滑，份量又夠多。最正係佢個辣汁做得好好，唔會得個辣字，而係好夠味，就算無辣椒都好入味🤤，送飯一流！如果你鍾意食辣就一定要試呢個，食完啲辣仲會last一段時間架！🥰𓂀推介度：♥︎♥︎♥︎♥︎♥︎🌟特色椰香海南雞飯 $𝟽𝟿呢個就清啲健康啲，會比較食到雞肉嘅新鮮味道同嫩滑口感！見到面個浸雞油嗎🤫？食個陣記得點個泰式辣醬啊!!幾時都係perfect match!!另外值得一提係佢個椰香飯‼️粒粒都好重椰香味！超正！𓂀推介度：♥︎♥︎♥︎♥︎♥︎🌟滷水雞腎 +$𝟷𝟾雞腎正常，但個滷水汁味道唔錯，夠甜👍🏻。份量算多，幾抵食！𓂀推介度：♥︎♥︎♥︎♥︎🌟食療拿杯湯+$𝟷𝟾今日係哈密瓜百合陳皮雪耳湯，雖然佢冇提及到有椰子，但係一打開就已經聞到好大浸椰香味，飲唔出有味精，感覺好補🤣。同埋大大杯咁，加$18就有都幾抵！🥳𓂀推介度：♥︎♥︎♥︎♥︎♥︎🐈：雖然呢間嘅價錢對我黎講算係中價，但係我覺得佢嘅食物質素都符合呢個價位，因為真係食得出啲雞好新鮮，同埋啲配

落住大雨嘅一個晚上，買唔到餸，唯有快趣買個外賣返屋企食，食完繼續OT.........特色椰香海南雞飯 ($79  湯+$18)的確雞肉肥瘦適中，完全冇半點肥膏，啱晒我呢啲扮健康嘅人。而且個醬汁真係好好味，因為佢唔算鹹，但充滿蒜香，每一口都有蒜茸嘅咬口感，而且食完之後啲蒜香真係成晚都唔散，呢種感覺真係好！！！至於飯，我係唔鍾意食軟飯，而呢個飯嘅口感係偏硬，所以好啱我，椰香都足夠，但我對於椰香嘅接受能力非常高，所以再重手啲，我都可以㗎！再連埋個湯，唔鹹而且唔油喎！滷水雞腎 (+$18)以前對雞腎嘅感覺係好韌，好難咬開。但竟然呢個雞腎令我完全改觀，非常入味，薄薄哋一片，非常易咬開，就算冇牙嘅老人家都食到！一路睇電視一路食，真係當佢薯片咁瞬間就食晒香辣口水雞飯 ($76)落單時請店員將辣醬另上，萬一食唔晒都可以留返聽晚繼續食~ 點知食幾啖已經辣到要放棄，實在太足料喇，自問好食得辣嘅應該要食。真係後悔落單嗰陣唔叫多個海南雞飯，咁咪可以多一碟蒜汁囉~！

地點有點隱蔽，要專登入內街先見到，但都好多人去食呢間主要做外賣，店內都有4張枱，都可以坐到十個八個今次我買外賣返屋企食，都好大份&保持水準🔶香辣口水雞飯 $43 標準size都已經好多，白飯底配雞，個汁都比較辣個雞好滑好嫩，旁邊有青木瓜沙律，食完個飯一定飽🔶日式胡麻醬手撕雞冷麵 $40手撕雞都好多，加上個冷麵麵質煙靱，好好味夏日炎炎食冷麵個人都舒服晒😉表面鋪滿生菜好健康🔶麻辣牛展 （跟餐+$18）冷盤麻辣汁都比較辣，牛展薄切，好快食晒$18都值得點來試試，食飯前食佢好開胃！🔶食療拿杯湯 （跟餐+$18）平時無乜湯水跟，加錢就有養生湯好值得試吓個湯每週唔同，都好足料，今次係椰子湯🔶熱情豐盛 （跟餐+$15）是熱情果、杞子、青檸混合一起，唔會太甜感覺好健康仲會有水果渣在裡面，好真材實料！

受疫情影響，最近都喺嗌外賣返屋企食。朋友介紹咗呢一間新嘅海南雞專門店俾我，除咗出名嘅海南雞之外，佢仲有好多靚湯飲。叫咗兩個人份量，一份豬手飯，一份手撕雞冷麵。🍽日式胡麻醬手撕雞冷麵招牌菜海南雞嘅手撕雞，好嫩滑。平時用來做手撕雞得嘅雞肉，都係比較偏鞋，但佢的煮法好嫩，配上大量嘅生菜絲，紅蘿蔔絲，粟米粒同芝麻醬，真係好好味。🍽招牌豬手飯豬手唔係嗰啲滷水豬手，但係煮得好琳，清清地，反而更健康。🥣 食療拿湯杯+$18最高度推介，每日都有滋補養生湯水。 今日係木瓜花生眉豆雞腳湯，好啱而家天氣，健脾消食，滋陰養胃，強筋健骨。飲完唔會覺得口渴，証明無味精，呢個好重點。等外賣嘅時間見到好多OL特登嚟正價$25買黎飲，如果你跟餐，只需要加$18。🥢滷水雞腎+$18又係好入味，博切， 味道唔會太咸，好爽口，想佢大份少少，不過跟餐的分量其實差不多。🥬時令菜苗+$18 健康之選， 簡簡單單林啲豉油上去，先令佢帶出菜心嘅甜味。 總括而言，喺呢個抗疫時期，真係好好嘅選擇價錢優惠，超級健康。

小店的海南雞飯，充滿滿滿的人情味！數十元的特式椰香海南雞飯，就算係正值成長期的學生哥都一定夠飽！一打開餐盒，數件雞件配上滿滿的特式椰香飯。不但雞夠咸夠香，肉質可說得上滑。而且套餐有配上自家湯品，秋冬之間，嚐到一口暖湯，暖意窩心。沙律方面，茶包點木瓜沙律，酸酸辣辣，清新滋味。=ll 可可豬海南雞專門店 ll=
地址：北角炮台山麥連街1A號寶榮大廈地下I號舖　
　#HK茶包日記 #茶包泡港島 #茶包泡九龍 #茶包泡新界 #hkfoodie #852girl #discoverhongkong #foodie #訪店日記 #茶包脂肪紀錄 #hkig #hkg #igfoodporn #hkfoodblog #yummylicious #thefeedfeed #instafood #hkfoodie #hkfoodblogger

又係買外賣時侯～今日經過北角 見到呢一間主打海南雞飯 還有食療拿杯湯：木瓜花生眉豆雞腳湯價錢亦都相當實惠 就叫咗幾樣返屋企食特色椰香海南雞飯 +養生秋葵+ 食療拿杯湯椰香飯超級香我最愛的海南雞已經去骨非常方便進食 再配上醬汁吃也是一流 食療湯真材實料 飲下去好舒服秋葵新鮮 已經切成一粒粒方便進食另外亦叫了個麻辣手撕雞冷麵 + 熱情豐盛+滷水雞腎冷麵麻香味十足喜愛麻辣的人不要錯過 手撕雞已經去了皮 配上爽口冷麵 好適合夏天吃滷水雞腎滷得夠入味 熱情風城係熱情果汁，酸酸甜甜非常好飲

疫情期間有好多嘢想食，心癢癢想食新加坡嘢，知道公司樓下開咗間海南雞飯專門店，見近近地一於買外賣返屋企慢慢食。特色椰香海南雞飯+時令菜芯苗+金羅漢果養生茶首先椰香飯出色，椰香味十足，椰香飯粒粒分明煙韌唔油膩。海南雞肉質嫩滑，配上特製海南雞醬汁味道更佳。金羅漢果茶非常足料，羅漢果味濃清甜解渴，菜芯苗不過不失。香辣口水雞飯+食療拿杯湯+滷水雞腎同樣地飯粒粒分明煙韌，口水雞辣勁十足，香辣惹味。粉葛赤小豆茨實煲豬展湯火喉十足非常足料，飲得出真材實料無添味精。滷水雞腎滷水味濃口感爽口。