可可豬海南雞專門店 (寶榮大廈) (已結業)

今日發現炮台山新開左呢間幾抵食嘅海南雞飯。本身係灣仔一間湯店椰粉湯紅旗下，自然有信心。今日揀左特色椰香海南雞飯（$43），本身配左青木瓜沙律。加啲本身帶蒜香嘅酸酸地嘅醬，雞肉份量唔算好多，但又超滑嫩。跟餐加$22有蒜泥白肉。啲蒜完全將成道菜升華，而且份量唔少，脂肪比例平均，食落唔韌，超級惹味。再加$28有是日湯，潤肺嘅青紅蘿蔔馬蹄抗肺炎素湯。味道好清，馬蹄味都幾重，飲完感覺幾舒服。呢個價錢真係又抵又好食，可以encore!

屋企長期唔煮飯，夜晚冇得出街食，日日買外賣，短時間內encore一間舖頭，證明嗰間舖頭都真係幾好食今日去咗北角嗰邊做嘢見到之前喺灣仔食過嘅椰粉湯紅，就encore買咗個雞絲伴麵返屋企做晚餐<滷水牛展$42>滷水牛展滷得好入味，牛展滷得好淋，唔會硬<日式胡麻醬手撕雞冷麵$58>手撕雞份量超級多，一啖兩面一啖手撕雞，唔會食食吓冇晒雞夏天冇咩胃口，熱辣辣米線食，最啱食冷面一啖冷麵一啖雞，撈埋胡麻醬食，真係超級解暑

下午茶時間去咗砲台山嘅cocopig椰粉湯紅買外賣，買咗個特式椰香海南雞飯（$43），返屋企同囡囡一齊食。餐廳提供嘅食物標榜健康養生，呢度既湯幾出名。所以我都升級咗做套餐，用優惠價配個食療拿杯湯（$18）。今日嘅湯係南瓜粟米湯，味道清甜無添加， 味道好啱囡囡。另外再加配個養生秋葵（ $15），今次呢個套餐有菜有肉有湯飲，健康滿分。講下個海南雞飯，海南雞嫩滑，椰香飯又夠軟熟，充滿椰子香味，就算淨係食飯都覺得好滿足。😋😋

椰粉湯紅除左灣仔分店，原來仲開左一間係炮台山，堅持每日嚴選食材🤩為客人送上原﹑鮮﹑濃的健康料理，餐廳主打全港首創椰香海南雞之外，仲有和招牌豬手同埋滋潤湯水，例如猴頭菇蘋果海底椰南棗豬骨湯﹑西洋菜甘荀陳腎湯﹑椰皇大森林湯等，仲有小食可以添加，有滷水牛展﹑雞腎﹑蒜泥白肉，價錢都幾平民，一個主食都係$36-$48左右，該區來說是非常便宜🥰－－－－－－1. 特式椰香海南雞飯 $43我追加左一份時令菜苗，都只係$15，飯真係好多，食得哂真係飽腹感100%🤣椰子味好重，飯粒粒分明，海南雞都幾滑，醬汁有薑蓉同香草，配埋椰香飯一齊食，好滿足

特色椰香海南雞飯，海南雞口感皮嫩肉滑，肉質肥瘦適中，食落鮮味十足、啖啖肉，配以酸辣汁食用，味道更佳；油飯充滿椰汁味道，食落好香口；配菜有小蕃茄、紅蘿蔔絲、白蘿蔔絲、生菜，味道酸甜，食落好豐富。麻辣雞腎，份量多，雞腎口感爽口、彈牙，整體好入味，味道濃郁、多麻少辣，食落好惹味；青瓜絲食落好新鮮，口感爽脆，味道鮮甜。苦盡甘來，採用菠蘿汁、苦瓜汁製成，味道獨特、天然、清甜帶香、後有回甘，飲落仲有啖啖菠蘿肉。

北角最近新開咗間椰粉湯紅🆕嗰日燉湯下午已經賣晒😩唯有嗌其他嘢食🥺.香辣口水雞飯🐔🍚雞件起晒骨，啖啖肉☺️肉質軟嫩，雞皮係又薄又滑嗰款😋辣汁非常惹味，辣度介乎小辣至中辣🌶旁邊仲有蘿蔔絲同生菜🥕🥬整體中和翻個辣度又健康啲😉.蒜泥白肉🧄🐖白肉厚薄適中，肉質偏肥😜蒜泥好香好濃🤤但呢間蒜泥白肉無落紅油，辣椒亦唔多🙅🏻‍♀️所以唔食得辣嘅人都可以嗌尼試下😙白肉底下有生菜、青瓜絲🥒可以減少油膩感😌.熱情豐盛🍹原來係青檸汁、熱情果、枸杞 mix 出尼😱味道主要係熱情果嘅甜味😆不過估唔到枸杞同熱情果咁夾