古琴雅苑 (利舞臺廣場)

营业中

休息中

今日點了4個餸及2個甜品，味道不錯，甜品不太甜，good。但員工態度十分差，落單時我地點「四喜烤麩」，但員工話不用點，話3位起會送(我地4位)，咁我地話要。食到最後又送每位兩粒湯圓，咁我地講多謝，但最後又收返「四喜烤麩」錢，經理話只可以一項免費，但向經理解釋係你地員工冇清楚講我地知後，佢最後都冇收返錢。經理問員工既情況，應該有話佢，但員工走過黎話我地，「咁樣令我好難做」，之後就走左出去洗手間。我地立即通知經理，佢立即say sorry 。咁既服務態度，冇下次。

係門口見佢有個烤鴨易食套餐$299已經包左烤北京填鴨半隻仲可以選多一款菜，例如炒飯，性價比非常高！另外仲有唔同既夏日套餐，8月份訂座4位以上仲送半隻烤鴨，好抵！烤北京填鴨半隻鴨係用左古木炭火烤，肉質鮮嫩多汁，鴨皮酥脆，油脂豐富～配料有青瓜，京蔥同哈蜜瓜，配哈蜜瓜食解膩一流～醬除咗傳統烤鴨醬，佢仲有個自家製既蜂蜜黃梅醬，酸酸甜甜咁好開胃🤤古琴鴨肉炒飯份量十足，有好多鴨肉！飯炒得夠乾身，粒粒金黃！唔夠飽可以加個南翔小籠包皮薄饀靚 隻隻都脹卜卜～腰果露

同男友收工係銅鑼灣搵野食，見到呢個MENU好吸引燒鴨兩食（半隻）半隻鴨有兩種食法，夠晒貼心，一於就叫呢款餐!另外仲有個"夏季套餐"MENU，聽部長講，而家8月份有限時訂座優惠：4位或以上贈北京烤鴨半隻，都幾抵啵!除左有3-4人餐，仲有5-6人/7-8人餐，好岩同埋屋企人一班人一齊食!玫瑰荔枝茶 餐廳提供多款茶選擇，除左傳統鐵觀音、普洱外，要讚吓呢個玫瑰荔枝茶幾有特色，茶香中帶有淡淡荔枝甜味，仲帶D玫瑰香氣! 估唔到又幾夾!鴨肉炒飯都炒得幾好，飯粒乾身唔油，仲有陣陣鴨油香, 鴨肉量都足!北京填鴨配卷餅鴨皮酥脆，肉質嫩滑，油脂分布均勻。配料比一般餐廳豐富，除左有傳統京蔥絲、烤鴨醬、青瓜外，特別加入蜜瓜條、甜酸醬，同埋砂糖。蜜瓜條既清新甜味同鴨油形成有趣對比，呢種配搭又幾特別!錦繡大盤雞雞件嫩滑入味，分量充足，薯仔索晒汁，口感綿密，醬汁咸香微辣，風味濃郁但唔會過鹹，洋蔥保持爽脆，裏面仲有啲粉條索哂啲汁好好食!腰果露 作為甜品收尾就有少少失望質地略稀，腰果香氣不足但Overall, 估唔到利舞臺呢間中菜，都幾有驚喜！地方夠闊落，坐得舒服，侍應又nice!

夏季套餐餐牌有限時訂座優惠, 8月份4位以上贈北京烤鴨半隻(價值$235)一開始會有小菜(18HKD)送來，如果不喜歡可以選擇退回。主菜為北京填鴨(235HKD半隻)，配菜為了給麵粉皮包起來吃的， 配菜有哈密瓜，青瓜，韮菜，可以看自己的喜歡加進去吃，但我個人覺得不加也行，鴨加甜酸醬已經夠好吃。如果覺得只吃肉比較油，可以加點飯配合來吃會比較好。農家醬爆牛肉(148HKD) 一點點辣, 牛肉非常香, 也很軟. 滑牛類的口感. 牛肉份量也足夠多. 因為醬比較濃味.所以配上白飯吃會比較平衡, 香港的小辣不算很辣. 如果吃辣的人來說可能只有一點點辣.整體價錢中上，環境和服務很好。  

放暑假第一日，我哋一家人去食飯慶祝，想食招牌片皮鴨😆而家仲有暑假親子優惠🥰訂座4位起，同行6歲或以下小朋友👧🏻🧒🏻可免費獲贈兒童餐一份，兒童餐有杞子桂花糕、肉絲夾饃同橙汁仲有點咗以下菜式：🌟烤北京填鴨(半隻)餐廳招牌，師承北京「全聚德」，選用上乘北京填鴨，以傳統掛爐烤製，烤鴨新鮮出爐。烤鴨皮脆肉嫩，配上清新的青瓜、京蔥及哈蜜瓜，蘸著秘製的蜂蜜黃梅醬和京醬，口感層次豐富。🌟風味松子魚超大條，魚肉炸得香脆，配上酸酸甜甜的醬汁，同松子仁香脆口感，非常好味！🌟津白雲吞湯津白非常清甜，雲吞肉餡鮮味，還有嫰滑的豆腐🌟農家醬爆牛肉炒得惹味，整體調味不太辣，配料亦非常豐富🌟乾煸四季豆四季豆幼嫩沒有渣，肉末調味得宜惹味🌟意大利黑醋骨🌟上海粗炒麵配合爽脆的椰菜絲、嫩口的肉絲、濃香醬油一同熱炒，香氣四溢

📍 古琴雅苑 (銅鑼灣)銅鑼灣波斯富街99號利舞臺廣場8樓B號舖👉🏾 風味松子魚😋😋😋😋.8/5呢道風味松子魚真係好正！魚肉鮮嫩，外面裹住香脆的松子，咬落去有種意想不到的口感。再加上特製醬汁，味道豐富，酸酸甜甜，十分開胃！👉雪菜肉絲年糕😋😋😋😋.8/5雪菜肉絲年糕，真係好滋味！年糕軟滑，雪菜和肉絲的搭配，味道豐富又有層次。每一口都充滿咸香！正！👉腰果露😋😋😋😋.8/5腰果露口感滑順，味道香濃，飲落去有種滿足感！腰果的香氣好突出，甜度適中，唔會太膩。回頭:yesyesyes!!!佢嘅食物種類都好多！而且佢嘅份量都好足重點係味道好好，而且環境舒服🩷🩷🩷🩷

平時食片皮鴨好多地方都要一隻起兩個人點食得晒又冇理由又淨係食鴨😭佢哋非常貼心有半隻之餘仲會有小菜哈密瓜解漏▫️酒糟片皮鴨比起經常食嘅片皮鴨都係貴$10所以我就試吓聞落去淡淡嘅酒味，但係食落去就唔會食到不過佢嘅味會令鴨肉嘅味更加出鴨嘅份量都好多半隻都好夠三個人share▫️鴨肉炒飯炒飯偏鹹香鴨肉嘅份量非常多，每一啖都好滿足而且Menu入邊每款炒飯都會備注係咩類型～好貼心▫️上海粗炒麵食落好有鑊氣面非常煙靭調味啱啱好唔會好鹹另外原味片皮鴨二食優惠只需$299/$448就有啦～記得提早訂位，佢哋夜晚都好爆場✨

📍 古琴雅苑 (銅鑼灣)銅鑼灣波斯富街99號利舞臺廣場8樓B號舖✨烤鴨二食💰299💕烤北京填鴨（半隻）呢隻烤鴨真係好正！皮脆肉嫩，咬落去有種濃郁的香味，特別係配埋甜醬同薄餅，每一口都係享受。鴨肉唔油膩，咁啱啱好，真係令人回味無窮。💕冬瓜鴨架湯呢碗冬瓜鴨架湯清淡可口，湯底鮮甜，冬瓜吸收咗鴨肉嘅精華，味道非常香滑。冬瓜軟身，十分入味，係一碗好適合搭配烤鴨嘅湯，令整體餐點更加豐富。✨雪菜毛豆煮百葉💰89呢道菜色香味俱全，雪菜嘅鹹香同毛豆嘅清新完美結合，百葉嘅口感亦好煙韌，好香豆味回頭: yes，古琴雅苑嘅食物質素高，服務態度亦好。無論係烤鴨定係清淡嘅蔬菜，都令人印象深刻，絕對值得再來！

同媽咪行街去左銅鑼灣，媽咪又鐘意食中菜，所以嚟到利舞台就揀一間餐廳名古色古香啲。因為臨近父親節，見到OpenRice訂座有優惠，鼓勵大家食之前訂左枱先。入到去嗌茶有得揀花茶，所以叫左玫瑰荔枝，聽落幾香，好好飲👍🏻之後媽咪話想食片皮鴨同小籠包，所以就冇叫父親節餐牌，下次再嚟可以試下片皮鴨（二食優惠$299）配料上一枱，就好吸引，又有酸梅醬、又有哈蜜瓜，其他就冇咩特別。片皮鴨片得好薄好似係鴨胸，唔會肥膩又夠健康👍🏻👍🏻👍🏻小籠包（$85）都好出色，一打開蒸籠，啲水蒸氣跑住咁出嚟，又有湯汁，配合醋👍🏻👍🏻👍🏻正呀最後二食嘅鴨肉都上埋枱，我哋揀左涼瓜炆鴨，個汁甜甜，連我怕食苦嘅人，都食到嘅苦瓜，抵讚👍🏻👍🏻👍🏻👍🏻👍🏻個汁又好味整體都係一個好嘅體驗，食到好嘢，環境又舒服，最鐘意自成一角嘅卡位👍🏻👍🏻👍🏻

同媽咪去利舞臺8樓呢間古色古香嘅京滬菜館，木系裝修配石磚牆，掛住中式掛畫，坐低即刻有種穿越感～有種古色古香嘅感覺！✨ 🔥 $296全包宴 逐道品評： ▫️【意大利黑醋骨】一上枱就聞到酸甜香氣～排骨炸得金黃酥脆，咬落「咔哧」聲，黑醋汁掛得均勻，唔會太嗆喉▫️【農家醬爆牛肉】牛肉切得厚薄適中，醬汁濃郁帶少少甜，最正係加咗爽脆大蔥，口感100分！🐄 ▫️【宮保雞丁】腰果炸到脆卜卜，雞肉嫩滑唔柴，最驚喜係用咗乾辣椒爆香，辣度溫和連唔食得辣嘅媽咪都狂夾～🌶️ ▫️【鹹肉菜炒飯】飯粒乾身有鑊氣！鹹肉粒鹹香十足，菜心粒增加清爽感，媽咪話要偷師返屋企整 😂 💥 單點【爆火鮑魚小炒肉】$188 鮑魚切成薄片，切花刀好入味，咬落彈牙冇渣～小炒肉肥瘦均勻，爆炒到微焦邊，最邪惡係個醬汁，撈埋洋蔥絲同青椒，我哋最後要叫多碗白飯清碟！🍚 🌟 隱藏亮點： • 跟餐有壺菊花茶，清熱解膩 • 店員會主動換骨碟，服務貼心 💸 性價比： 人均$250食到咁高質，仲要喺銅鑼灣地段？！媽咪臨走仲問定生日飯可唔可以再嚟 ❤️

食物質數十分差，京蔥牛肉很老，京蔥不能入口，十分之老，將燒斑球很乾，炸醬多個魚，十分之差，估唔到，以後唔會再。連湯丸黑芝麻都不足料㗎！怎麼的店，可以做到這樣，－句好失望，不會再來。

見到呢間餐廳門口靚靚哋 ，諗住食生日飯，咪諗住搵間好好的 ，會坐得舒服啲 ，幫襯過 試過就好了 。應該都唔需要再去了，高消費項目。果晚好迫好嘈，睇完餐牌 叫 12人餐$6200 ，諗住呢個價錢以為食物的質素會好 ，落單時叫個餐再加個酸菜魚$488 ，都叫咗多嘢食，啤酒$50支埋單收咗超過 $1000。 開始時枱上送到幾樣餸，成枱都係放到無位擺，高消費嘅地方，為何會有這樣的，好似想要人即刻倒落落肚，所以要叫唔好一齊出菜。 可能對於其他人叫其他餸係好味，但係我哋叫嘅餸菜真係唔係好啱我口味。

今日接朋友收工，去咗利舞臺搵食！見到古琴雅苑有個二人餐，又有招牌嘅片皮鴨，唔洗諗就最啱我哋啦！🥳🥟 **小籠包**小籠包幾多汁！😋 個包較厚身，有少少煙韌，唔錯！👍🦀 **蟹黃豆腐湯**有蟹味！🦀 豆腐細細粒幾滑，唔錯！👍 我朋友重口味就話咸多少少就好，但我就覺得啱啱好！😌🦆 **招牌片皮鴨**招牌果然唔錯！🤩 佢哋都有比到哈密瓜，算係常見做法！🤔 不過佢哋有特色係佢哋有分兩種皮，另一種細皮係較脆，配砂糖就好夾！🤤🥜 **腰果露**最後佢哋跟餐送咗個腰果露，好香好滑，完美作結！😋總括嚟講，古琴雅苑嘅皮鴨真係名不虛傳！ 閒日上到去都接近9成滿座，要食真係要訂位！📝🥰📍 銅鑼灣利舞臺廣場@chillchill_aloye @zithergarden #銅鑼灣美食 #片皮鴨 #小籠包 #腰果露 #中菜 #利舞臺 #foodiehk #hkfood

平日多數在利舞臺午膳，是夜在這裏晚餐，皆因最愛吃片皮鴨的朋友相約晚飯，選擇了古琴雅苑，可以好好品嚐他的招牌片皮鴨。環境高雅，佈局闊落，感覺舒適。古琴雅苑推出了母親節及父親節特惠套餐，價格實惠，食物豐富，這個頌親恩的節日裏，到這裏用餐也不錯。是夜點了古琴酒糟烤北京填鴨（半隻）$245招牌酒糟鴨，鴨片有皮有肉，比起只有皮的，更合我口味用鴨卷餅包好，配合烤鴨配料，好好味的片皮鴨製作完成。😂😂😂南翔小籠包（6件）$85小籠包上枱熱烘烘的，小籠包的湯汁滿滿，皮薄餡靚，好食😋再來一客大盤花菜 $128花菜軟硬適中，配合鹹肉的鹹鮮味，成了一道大細路都喜歡的菜式。

鴨皮軟塌，不脆不硬油脂溢出，像油浸鴨切片很厚，刀功不佳味道還不如預製包北京吃過好多家四季民福，全聚德，大董，但凡有一點點相似我都不會這麼生氣，和正宗二字毫無關係