古琴雅苑 (太子集團中心)

营业中

休息中

食物質素：👉🏿古琴酒糟烤北京填鴨呢間餐廳都係片皮鴨界中尚算有d名氣，不過真正食落就比較普通。叫左半隻份量都ok，三個人食都可以每人食4塊左右。賣相唔錯，但係就欠缺鴨油香味，就算一塊餅皮加兩塊鴨皮同肉都無嗰種油香係口腔爆發既感覺。而且可能整定，上菜時已經凍曬。值得一讚係餅皮非常煙靭，仲要有蒸籠焗住，可以保持餅皮既溫度，係難得好食既餅皮。👉🏿鐵板蔥爆牛肉比普通更加普通，完全無蔥爆既感覺，似炒完擺上鐵板。香味欠缺，似普通茶記味道。👉🏿瑤柱蛋白炒飯味道都可以，炒得乾身同有粒粒分明既感覺。驚喜係瑤柱既份量都幾多，每一啖飯都食到幾多瑤柱。口味較清淡，無咩香味，整體普通再好d。服務質素：普遍員工都友善有禮，不過收食物速度都幾快，有時都未食完就問定可以收得未，少少趕客。環境：環境都乾淨，地方唔大，可容納人數唔多。

【尖沙咀】古琴雅苑原先去15樓古琴雅苑，不過由於我冇訂位，餐廳職員帶咗我去下層同集團嘅一間日本餐廳度用餐。環境同15樓相比更寧靜，餐枱之間距離都比較闊，可以話因禍得福🤣（如果想享受中菜館嘅環境記住要訂枱啦😉）✨烤北京填鴨（半） $195呢度嘅烤鴨切出嚟比較多肉，想主打食皮嘅可能要諗諗😗。肉質頗嫩，鴨皮烤得夠香脆。另外仲比多咗一碟仔烤鴨皮，配埋青瓜、哈密瓜、京葱同醬用荷葉餅包住食，非常滿足。烤鴨嗌咗半隻，夠2至3人食。👉🏻裝荷葉餅嘅蒸籠最好留住個蓋保持溫度，因為荷葉餅好容易變凍，凍咗又唔好食。✨南翔小籠包 （6件）$78記得記得要趁熱食！肉汁頗多，外皮略嫌厚，不過而家市面上好難搵到皮薄嘅小籠包，以價錢嚟講合格👍🏻✨蟹粉蓋飯 $198原本冇乜期待，純粹想嗌個飯飽肚，點知又幾好食喎！蟹粉鋪滿成個飯，食到一條條嘅蟹肉絲，加上炒飯夠乾身，整體滿意。✨古琴雅苑📍尖沙咀北京道12A號太子集團中心15樓

本人不滿貴公司今日last order 安排，昨早在網上只能訂下午2:15，我入坐2:10，但last order是2:35，order食物實在困難，因為有老人家同食，她喜愛吃熱辣辣食物，而且我們不是吃快餐，我們希望享受食物及舒適地進食，今午實在失望😞

-🚩 古琴雅苑 (太子集團中心) 尖沙咀北京道12A號太子集團中心15樓—————————————————————🤍餐廳推薦度：🤍🤍🤍🤍（4/5）❇️每人平均消費：$300 (Lunch）⭐️打卡指數：🦖🦖🦖（3/5）🤡服務：🦖🦖🦖🦖（4/5）🍭味道：🦖🦖🦖🦖（4/5）已經第二次去古琴雅苑食片皮鴨，晚市同午市既水準都差唔多，只不過可能今次午市既時候，侍應預備落場休息，好多時要搵侍應都有難度🥹✏️ 烤北京填鴨半隻 $198 （圖一）應該係暫時我試過最好食嘅片皮鴨，包鴨皮方面雖然做到好薄，但連續食兩次包鴨皮每塊都俾人介開左咁，呢度扣左少少分，不過整體味道我覺得鐘意食片皮鴨既大家值得一試。如果兩個人食的話，建議叫半隻就可以了。✏️ 雞絲粉皮 $69 （圖二）呢個雞絲粉皮不得不提有驚喜，本身都預粉皮係比較淋，但餐廳做到粉皮粗身之外仲比較厚同硬身，再配埋麻醬好濃味，雖然餐廳menu冇推薦呢款小菜，個人認為鐘意食雞絲粉皮的話值得一試。✏️ 乾煸四季豆 $78 （圖三）四季豆味道不過不失，唔算去到出色到一定要試，但整體味道唔差，同埋$78 大碟都比較抵食。️ ✏️ 高力豆沙香蕉 $68 （圖四）甜品方面我地試左高

🍴至尊拼盤 $198包含咗有五樣小食～包括有花雕醉雞、揚州水晶肉、拍開洋黃瓜、四喜烤麩同雞絲粉皮，每樣都好爽口，花雕醉雞酒味好夠👍🏻🍴雪菜毛豆煮百葉 $98呢個清清地，豆皮份量相當十足！仲有唔少毛豆，去埋一齊食幾得意😋🍴 烤北京填鴨(半隻$195/全隻$388)我哋嗌咗半隻，咁就可以試埋其他小菜😌肉質唔會太鞋口，食落都唔會太油膩～配搭埋京蔥同青瓜，口感一流！🍴蜜汁燒火方(配荷葉包六件) $198呢個簡直係極級好食！孤陋寡聞嘅小編仲以為嗰啲係油，點知原來係蜜糖🍯😂配埋佢跟埋嘅荷葉包食落唔會太膩，我食左成3件啊🤯大家一定要試！🍴螞蟻上樹 $85呢個唔需要我多介紹吧?! 有邊個會唔鍾意食螞蟻上樹😆抄得好乾身，少少辣辣地，非常之香口，我都食咗一大半！🍴古今酸菜魚(例$288/每位$88)酸菜魚又係不得不食，魚肉質鮮美，好滑少骨☺️酸菜魚都夠多～略嫌唔夠辣，辣返少少仲刺激！而且成煲都唔會好油膩，仲有點少得嘅寬粉呢😆

古琴雅苑 （尖沙咀)同朋友慶祝生日，佢話想食中菜，之後喺OpenRice就搵到呢間餐廳桂花烏龍茶，好香桂花味，夜晚飲剛剛好不會濃☕️之後點左佢嘅二人餐，二人餐裏面前菜包咗有滷肉+雞絲粉皮少小的不會太多，兩個味道也不錯👍🏻之後就想主菜片皮鴨，二人餐份量有半隻片皮鴨這裏餐廳最出名就是片皮鴨，當然要試，味道的確不錯但係片皮鴨皮冇我想像中咁脆，還可以餐仲可以揀湯，我哋揀咗魚羹湯，熱騰騰魚味好鮮甜，幾好飲！晚上都好full，大家記得要提早預約！尖沙咀北京道12A號太子集團中心15樓

☑️ 古琴酒糟烤北京填鴨（半）-$199原味是$195，酒糟烤只貴$4，所以試下，但食吾出酒香的，同普通嘅冇咩分別。上片皮鴨前會有一口酥，點砂糖食，雖油膩但入口即溶，好邪惡但好食。捲餅皮大約有10塊，厚薄適中，吾會一拎起就爛，亦不會過厚，每一塊皮中間都有點心紙隔住，令到d皮吾會痴埋一齊。另外喜歡這店嘅配料多，除左傳統嘅京蔥、青瓜同甜醬，仲有哈蜜瓜同杏脯醬，食落會清新好多，吾夠仲可以refill。鴨嘅質素都吾錯，份量吾少，有約15塊，鴨皮真係幾脆，鴨肉都吾會有膻味。🆗上海雲吞湯 - $75雲吞皮薄，餡料都好食，豬肉以外有椰菜及木耳增加口感，但雲吞只有6隻，湯內除蛋花外沒有其他配料，性價比較低。

呢間上海菜餐館好耐之前食過今日同朋友慶祝想食上海菜再次光臨預早打電話book 講明個半鐘交枱去到唔洗等位即刻入座⁡一坐低冇問客人要唔要小菜自動上枱但最後埋單原來要收錢2人餐$612（未計加一加菜價再加小菜錢）1·雞絲粉皮&水晶肉2·津白雲吞湯3·北京填鴨（半隻）4·四季豆5·上海粗炒麵6·杞子桂花糕⁡雞絲粉皮&水晶肉幾好食夠醬料粉皮都幾滑溜 水晶肉都淋身但有咬口⁡津白雲吞湯用燉盅上好夠熱湯底好夠入味唔似味精湯入面仲有隻足料雲吞及豆腐 幾好味道⁡北京填鴨好多人推介個鴨質量幾好 已經即時食但啲皮唔夠熱好快涷硬 同埋啲皮唔算薄鴨肉片偏細塊 食落個皮太厚遮晒味道要咬多好幾下先食到鴨片 最後索性夾幾片⁡四季豆正常發揮 同屋企或其他酒樓都差唔多冇乜野評價 都幾大碟⁡上海粗炒同杞子桂花糕最唔掂粗炒雖然大碟但好油味道有啲太鹹 同茶記/熟食街市差唔多杞子桂花糕又冇杞子又冇桂花味只感覺食到一舊甜嘅糕點⁡另外店員雖然一早講咗8點交枱但碟粗炒及杞子桂花糕7:50先上枱態度麻麻 途中催咗3次⁡

一直都很喜愛食北京填鴨，便來到這間店試一試，而生日在open rice 訂座確認更會有腰果露同壽包贈送；叫了半隻北京填鴨、醉雞、酸辣湯、小籠包、葱爆牛肉及瑤柱蛋白炒飯。北京填鴨既皮好香脆、廚房師傅片既皮唔會太簿身，每塊皮都會有鴨肉，鐘意食啖啖肉既人，會鐘意呢種片的方式，而呢度既鴨肉都幾好食，連鴨食既配菜有葱、青瓜、哈密瓜、砂糖、甜酸醬，好依個人喜好而配搭；醉雞既酒味都較濃，都不錯；酸辣湯方面酸和辣都調得很好，很適合我的口味，而且湯料也十分多；小籠包就普通，包皮過厚，包身內既餡料亦只是一般；瑤柱蛋白炒飯就略嫌飯炒得唔夠趕身。最後送既腰果露就一般，無咩腰果味之餘，太甜了。而店員服務都很好，會主動加水，落單，收拾桌上的東西。

很有中華文化氣息的店名「古琴雅苑」，非常優雅！不過，店舖面積比想像中細，每枱之間的距離很窄，而且用餐時間只有90分鐘，非常趕急。人齊坐下，便很快上菜😌 將蛋糕放進雪櫃時，職員表示雪櫃快沒有位置，原來很多人也帶了蛋糕來慶生。生日慶祝，鮑魚海鮮餐（六人餐）茗茶方面有很多選擇，包括普洱茶、玫瑰茶、荔枝茶、桂花烏龍茶，最後選擇了桂花烏龍茶，桂花味和烏龍茶味濃郁，一飲便愛上😅❇️冰鎮孔雀鮑魚❇️花雕醉雞❇️松花皮蛋拌豆腐❇️香菜鮮魚羹❇️烤北京填鴨（全隻）🌀味道👍還有配菜（可以任添）：青瓜、哈密瓜、京蔥、黃梅牆，還有另上的烤鴨皮，鴨皮酥脆又香👍❇️風味松子魚❇️京醬大蝦🌀味道甜甜鹹鹹的，大蝦非常有嚼勁👍本人最喜愛❇️東坡肘子（豬手）🌀非常腍，可惜有少少臊味，較失望。❇️乾煸四季豆🌀惹味，正👍❇️古琴鹹肉菜炒飯❇️杞子桂花糕

今次第一次嚟呢到食醉雞 ⭐⭐⭐⭐ 味道很不錯，係比較細碟小籠包 ⭐⭐⭐⭐夠多汁，D汁熱D更好片皮鴨 ⭐⭐⭐⭐餅皮同餅皮之間有張紙隔住，咁樣就唔會痴埋一舊高力豆沙香蕉 ⭐⭐⭐⭐⭐非常好食嘅甜品，甜而不漏腰果露 ⭐⭐⭐⭐如果熱D會比較好食而且職員整體態度也很好

成班朋友聚會就岩晒！咩都可以食啲！同埋佢有圓台🫰🏻咁就好方便傾計😆👉🏻小食拼盤啱晒心大心細嘅我哋😂雖然冇咩特別，都係預期中嘅味道，不過值得一讚嘅係份量都幾充足😂食極都仲有😂👉🏻黑醋骨，酸酸美味咁幾開胃，不過咁啱每一嚿都係骨多過骨🥹啱晒老人家妹妹下😂👉🏻農家雞，比想像中嚟得野味✨都好有鑊氣同埋好濃味！啲雞又保持到滑身！正！👉🏻小籠包，個皮唔算太厚，但係都唔會話好易夾穿，穿一啖飲晒啲肉汁再加啲醋，無得頂👉🏻一隻片皮鴨✨都唔會話有好多肥肉，肉質都唔會話好韌，所以唔會太膩，加上佢有好多調味品，可以根據返個人嘅愛惡配搭。👉🏻松子魚，炸到啱啱好，外脆內軟，不過唔知係咪咁啱，食着嗰幾舊都係炸粉多過魚😂同埋個職員一上台即刻將條魚四分五裂，都未睇清楚條魚個樣😂👉🏻高力豆沙，拎出嚟嘅時候已經唔熱…所以未到已經扣咗一半分，外皮炸得略嫌有少少過硬身，味道雖然正常，但係呢個甜品有待改進。🤧題外話，職員在上菜嘅時候倒瀉咗杯水，竟然用片皮鴨蒸皮果張蒸紙嘗試去抹乾張枱😂當然係抹唔乾啦，之後亦都冇打算用毛巾抹返乾由佢放喺度…服務有待改進啦😂😂😂

約埋幾個朋友一齊食飯，諗唔到食咩不如一齊黎呢度食片皮鴨，餐廳面積唔係好大，唔知係米一早Book左位，餐廳留左張睇到海景既卡位俾我地❤ 當晚Weekend比較繁忙但侍應都好好禮貌，上碟又會特登提醒碟熱👍 講返食物，片皮鴨上碟熱辣辣！皮脆肉嫩！一d都唔覺得油膩，配料醬汁都好充足，唔會話包幾舊就無哂 同場加映當然唔少得小籠包，皮唔算太厚又唔算太薄，勝在多汁。 整體黎講地店方便，食物唔錯，份量ok, 幾個人傾下計，細聲講大聲笑都唔怕吵到人想食中菜又諗唔到去邊？可以一試👍👍👍👍👍

一直以來都想嘗嘗古琴雅苑的片皮鴨，今次約了小夥伴們一嘗心願訂座了所以直接入座，今次我們人多，點了8人套餐，可以試不同款式。率先試的是水晶肴肉，冰涼又有口感的肴肉永遠都是極佳的前菜。️涼拌青瓜海蜇，海蜇爽口彈牙，青瓜配醋香是夏日必吃。涼拌松花豆腐皮蛋，賣相不錯，味道偏淡，不算有特式，不過前菜來說是還可以的。推介指數：⭐️⭐️⭐️⭐作為醉雞的愛好者，絕對要試一試這裡的醉雞。酒香肉嫩，不過雞略咸，淺嚐幾塊還可以的，多吃就需要配飯了呢推介指數：⭐️⭐️⭐️⭐️主打菜全隻北京填鴨，切法比較細片而不像普通中式茶樓切成大大片的。值得一讚皮酥脆，咬下去時油脂在口腔內融化開。8人餐有整隻鴨，值包裹的皮數量略少，所以每一次包裹時幾乎可以包2-3片鴨，其他配料正常，這裡不能放太多相，所以就不放出來了。推介指數：⭐️⭐️⭐️⭐️⭐️津白雲吞湯，湯底味道清甜，感覺沒有味精，還有一點住家菜的味道。不特別但簡單一碗也不錯推介指數： ⭐️⭐️⭐️風味松子魚，喜歡咕嚕肉的朋友必定喜歡松子魚，酸甜醬配上炸脆了的魚好吃推介指數：⭐️⭐️⭐️⭐️⭐️東坡肘子，醬汁味道濃郁，肉質入口即化，店員會細心為我們切開。推介指數： ⭐️⭐️⭐️⭐️蒜子干貝時蔬，用上湯煮的干貝菜心超好吃

當晚買左生日蛋糕同朋友慶生我地未叫餐廳上蛋糕忽然就有服務員攞左黎比我地唔緊要 當係驚喜啦點知佢係成袋比番我地😂我地以為佢會點埋蠟燭上比我地或者會拆盒放碟送黎 黎到先點蠟燭我地要自己拆盒 跟住比火機我地自己點😥有啲失望 未試過係咁😕