古早牛肉麵 (已結業)

夏日炎炎，冇乜胃口，簡簡單單食碗麵最好😋上次夜晚5個人去食要等30分鐘左右，今次2個人去食等一陣就有位。牛筋同牛肉燜得好稔好入味，一啲渣都冇，扁麵好彈牙，而且份量十足🤤湯底濃郁，微微微辣，食嗰陣唔覺得好鹹，但夜啲有啲口渴😐生菜掛住湯汁好好味，相比之下蘿蔔顯得遜色，唔入味之餘仲有啲苦😢大杯檸檬愛玉原價$22，跟麵配飲品可以減$4。小店冇得同主打檸檬嘅連鎖店比，愛玉份量偏少，就係一杯普通嘅檸檬汁加一粒粒嘅愛玉。揀咗微糖，好在口感都幾清爽。食完麵飲都幾舒服。

六點零去到，呢間野都幾多人叫左招牌紅燒牛肉麵D牛肉大大件又好淋，味道又正好好食呀！蘿白好甜無渣湯底都幾濃小食叫左牛肉香蔥手抓捲餅個捲餅好香好食！沙茶燙魷魚，沙茶醬多D會更好，都OK啦熱既仙草奶茶，好少仙草另外檯面有辣菜浦，都幾辣，夠晒惹味整體上，呢間野唔貴又好味，會有下次的

經過深水埗又想食台式野，咁岩見到一間台灣味重嘅小店，試試你啦。半筋半肉湯麵 $60其實招牌係牛肉麵，不過我比較鍾意食牛筋。真係有半碗都係牛筋，好入味，不過入味得滯有點鹹。而個面呢，就好似煮得唔夠耐，比較硬，而且仲有一餅未煮開。個牛係好出色，但個面可以更好。個人覺得鍾意台灣牛肉麵嘅人可以試吓。黑糖珍珠奶茶 $22好重黑糖味，但好甜，微甜都好甜，我估係因為黑糖嘅原因。珍珠不過不失，始終唔係珍珠奶茶專賣店，我覺得餐廳做呢個水準已經收貨了。

之前都已經經過古早牛肉麵好多次，所以今日lunch time決定試一試 好full，但係我地得兩個人，所以唔使等位 鹽酥雞排麻辣乾拌麵：雞排即炸，唔會太乾，雞肉都算嫩。麻辣醬味道正常，麵條質感唔錯。招牌半筋半肉湯麵：牛筋同牛肉都好稔，湯底味道濃郁，份量都算大。凍蜂蜜烏龍茶  &  熱紅棗桂圓茶：蜂蜜烏龍茶嗌左微冰，但係都幾多冰。紅棗桂圓茶味道較淡。總括嚟講食物質素OK，不過價錢略貴。

難得黎到深水埗，糾結應該要試港式懷舊冰室定係呢間台灣野，最後都係敵唔過想食牛肉麵既心就黎左試！第一啖即刻試左麵同湯先⋯⋯一試，覺得只係「台灣麵」連鎖餐廳既水準，麵條同湯底都好普通話就話紅燒牛肉麵，但湯底好清，質地好水，唔濃郁冇咩味，懷疑只係味精湯蘿蔔因為仲有啲生，隻味唔甜又怪怪地。唯一可取既得牛肉。雖然份量好少，得三四舊到，但牛肉煮得好入味，食落口好香濃，肉質又軟熟！連埋麵食，更加突顯湯底淡、麵冇味，同香濃牛肉形成強烈對比⋯⋯普通貨色，試一次就夠。

知道深水埗開左間台式餐廳，想去食好耐!嗌左餐廳招牌茶三薈湯麵：有牛，牛肚，牛筋。一次過可以試唔同部位，好正!而且份量都超多，竟然菜都有兩款!先講個湯底，非常濃郁，入味，但絕對唔咸，整得好好之後就到主菜，牛筋：有好多舊，入口即溶，好入味，而且食落會feel到有少少膠質張住既感覺牛：好厚，而且整得好淋，一般係切片，但原來一舊舊口感更佳牛肚：切得大大塊，唔軔，淋，入味，好有台灣感覺!麵：有咬口，好中意，係台灣既味道起司蛋餅：好大舊好足料!入面芝士加椰菜，要趁熱食菜既份量好大，中和左芝士油膩感黑糖珍珠奶茶：嗌左少甜微冰，因為黑糖本身甜，建議可叫少甜或微甜!好多珍珠好感動而且珍珠整得有味，每粒都係甜甜的!好中意，必點呀!

喜歡呢碗半筋半肉湯麵 $60啲牛肉好入味牛筋好爽口 都好入味！白蘿蔔亦都住得好軟身 我是把全碗湯都飲曬的另外點了這個 鹽酥大雞排 $36炸到好脆不過略嫌乾身 越食會感覺越乾 而且價錢都算貴當晚吃完後喝了2支300ml的水另外 位置真係好迫 枱與枱之間都不夠位過 食得不是太舒服

是夜到深水埗吃宵夜，突然很想台式料理，一搜尋附近餐廳就彈出了這間「古早牛肉麵」。上菜夠快，點完菜幾分鐘就送上飲品和餸菜，有效率。輕食的話麵線會是個好選擇。綜合麵線 $34綜合即是有蚵仔和大腸。湯汁濃度剛好不會太杰身。麵線軟腍亦掛汁，汁又不會過咸；蚵仔大粒有蠔香；大腸不肥膩口而且不韌。三杯鴨舌拼涼拌小黃瓜 $42小黃瓜清涼夠爽口，很適合夏日解暑的感覺。而鴨舌醃得十分入味又不會太咸，肉彈牙，很惹味。仙草冬瓜茶 $20 +$3 蘆薈 大杯夠熱，而且點了微甜果然調得剛好。打開都見到加了不少的仙草和蘆薈。二人分享輕食宵夜，埋單每人大約50蚊，抵食又不錯。

今晚約了朋友到深水埗酒吧看球場，雖然已經是晚上10時半，但仍未到零晨開賽時間，於是先到附近福榮街吃點東西打打底而且歇歇腳。經過這間古早牛肉麵看似不錯，食客亦多，很旺場，一於試試。醬油豬軟骨肉燥便當 $54醬油豬軟骨夠軟腍，連軟骨都可以輕易咬開，而且十分入味又不會過咸。肉燥剛好可以拌勻整個飯，醬汁都於飯底，味道偏淡，剛好與濃味的醬油豬軟骨作個平衡。「凡惠顧招牌牛肉湯麵，台式便當，乾拌麵類，每款選配任何台式飲品，立減$4」輕芝士岩鹽奶蓋綠茶 微糖少冰 $24 （所以可以減$4變成$20杯，抵飲！）因為有岩鹽的關係，所以第一口味道帶微咸的芝士味，芝士質感香滑，下層的綠茶味道清新。肉燥燙青菜 $26大碟之餘肉燥夠多，絕不吝嗇，性價比高，令人想多叫一杯飯來拌肉燥。又多一個宵夜選擇了！

深水埗福榮街是各路英雄好漢聚集地，維記，文記，添好運等平民星級餐廳均聚首一堂，各有自己的粉絲但這邊就是欠缺了一間有水準的平民台灣菜，有點失色。古早牛肉麵正好填補了這個空缺。店內的裝潢很有老台灣的感覺，滿滿的台式繁體字以及漫畫。看到人人都點台灣牛肉麵，那未免顯得有點普通，我反而想點另類一點的便當，把牛肉麵變成肉燥飯。超大隻雞腿肉燥便當，果然很大一隻，足有手掌大了吧！吃下去不算很ＪＵＩＣＹ，但就完全不會鞋，甜甜的鹵水汁十分吊胃口，好有吃瑞士汁雞翼的ＦＵ！非常傳統的感覺！肉燥飯肥瘦適中，不會滿碗都是油，飯粒分明但夠稔軟，十足的台灣風味！這杯輕芝士岩鹽奶蓋巧克力不得了！點了微糖所以巧克力味更突出，奶蓋記得不要拌勻，從上面喝起來奶香超濃郁！那小撮鹽跟芝士把甜味的層次帶得更出，絕對不輸現在外面的的珍珠奶茶喔！這杯台式飲品反而表現了餐廳的創意～（左上角的500即代表這杯飲品有500ML啊）肉燥青菜就沒什麼好說的，小量鹵汁帶點甜，肉燥令孤獨的唐生菜變得比較生動，還不錯。

超級唔明點解要排隊等食呢間野🧐點解可以有90%😋？🤪招牌半筋半肉牛肉麵既牛肉係正常，但係個麵係淋😑連老人家我都覺得淋👉🏻👈🏻唔知其他人點食😂😂😂😂唔怪得知睇食評係有人轉左做烏冬🙊因為其實佢如果牛肉麵做唔好個麵底🤣可以考慮整番烏冬😝第一次叫個魯肉飯係咁大碗但同時咁唔回味😞失望······仲要連我呢個蛋蛋控都只係咬左一啖就放棄左······😕叫左個炸雞扒：炸粉唔脆、中間個舊紙咁薄？？？叫左海苔味係零海苔味😂真係街邊雞扒都做得好過佢😂😂😂😂唔想毒舌架我都🙈so sorry 青瓜鴨舌係苦架啲青瓜🤮啲鴨舌肯定係黎自鴨既？🤢或者係我期望過高？好後悔叫左呢碟野而浪費左42蚊😭😭😭😭最後個手抓餅我已經冇咩可以講，可能成間野都太古早味而我不懂欣賞😴😴😴但極濃味精我都幾肯定😗口渴程度係1000😅

古早牛肉麵!? 依家好多人都喜歡懷舊，愈舊顯得愈有味道舊既味道我未試過，但舊既裝潢一定識店內既牆身同佈置，都營做出舊年代既風格點左一份青瓜，夏天食非常正，餐廳亦冇加太多調味料，食落清涼爽甜主角係呢碗三牛薈湯麵，有牛腱牛筋牛肚，仲有白蘿蔔有生菜，鋪到滿一滿非常豐富牛筋大大舊，食落夠咬口，而且膠質好重，味道好正牛腱都好大粒，食落啖啖肉，而且冇雪味牛肚超長超大條，比較腍身，但我鍾意爽口既多d麵質偏軟身，煙韌返d會好d三款牛都用應該同一個牛湯熬出黎，牛湯亦同時係麵既湯底呢度既牛湯比起台灣既多左少少酸味，牛肉味尚可，夠甜白蘿蔔非常腍甜，美中不足係有少少渣，但係好食既整返杯奶茶紅豆冰! 夠哂消暑解渴，正

一個人喺深水埗行完街之後唔知做乜好，就喺附近食埋啲嘢，有一間台灣野感覺唔錯，好有老台灣嘅特色。裏面嘅嘢食選擇豐富，睇落去將點餐只好似好細，其實已經有好多款唔同菜式、小食同埋飲品。最後就揀咗一碗牛三寶嘅面，包括左牛展、牛肚、牛筋⋯⋯三款牛都非常之入味，牛肚牛筋就夠晒林、牛展嘅脂肪位置都同樣好林，鹹香十足。麵底都好重要，好粗嘅一條條面底夠晒口感，而且食咗都好飽肚，配菜方面仲有蘿蔔同埋菜。d珍珠大大粒，好彈牙又好滑，加埋朱古力甜味適中，唔覺唔覺就飲哂～

💞叫了一個下午餐，有一個麵或者飯+小食+野飲，真係幾底。💞主食點了一個三牛薈湯麵，湯味濃郁，味道很足夠，三牛薈有牛肚，牛腱，牛筋，牛肚一入口，已經食得出很軟身，不像一些品牌很韌，而且很入味，牛腱和牛筋炆得好淋，有點入口即溶的感覺，而麵又好Q彈，跟三牛薈互相輝影。💞之後吃小食宜蘭迷你蔥肉餡餅，一吃喜出望外，外面脆脆的而餡肉就很熱，重點係有湯汁，很香，有點像某台灣夜市很出名的胡椒餅的變化版。💞最後飲品點了焦糖珍珠奶茶，我就要求半甜微冰，出到來一樣冰凍，味道又不太甜非常適合我，而且重要有很多珍珠添。食完呢餐後，令我回想起幾年前去台灣，很地道很台灣味！

一入嚟呢間小店好有台灣地道風情！感覺舒適，牆壁掛滿特色油畫，洋溢住台灣文化氣息！台灣牛肉肉操便當有牛展墨魚丸公園豬軟骨呢個肉燥飯好好食，最緊要個飯味道適中，咸味剛好，肉燥肥瘦比例平均！墨魚丸貢丸唔大粒，但頗有咬口彈牙！最愛當中的豬軟骨，非常入味，軟骨也炆得好淋！還有開胃薑清清口，好 體貼！台式小香腸共兩條，雖份量不大，但勝在爽口美味！柚子茶潤喉醒神，飲完好舒服，好多柚子在杯底👍🏻辣菜莆好食，都幾辣，好正！