古早牛肉麵 (已結業)

同老公逛完黃金後，超攰，本來隨便食就算，點知比我見到有台灣餐廳，吾理咁多排隊都要食！簡單而富台灣特色的裝潢，已成大勢所趨！店內不少 poster 及燈牌都是從台灣運過來，非常有台灣feel。未幾，阿姐已將我的牛肉麵遞上。呷啖湯，味算醇厚，麵條亦比較腍身，我個人會喜歡有咬口啲。 清燉味用厚切牛𦟌心，鬆化軟腍。湯底浮起油，但褐啡濃濁，很對辦，夾雜深沉的藥材香和肉甜，還有微辣餘韻，層次複雜。甘美香醇的魯肉飯可以再油些！ 炸花枝丸岩岩炸好， 熱辣辣，金黃色皮加上海苔粉，好睇仲好好味tim!沙茶燙魷魚沙茶醬永遠係魷魚的「好朋友」， 永無失望！黑糖珍珠奶茶，好欣賞呢間小店的台式手搖飲品質素高！去冰更嚐到奶茶味夠濃！下次再黎會試芝士岩鹽奶蓋！期待！

收到朋友住深水埗報料，黃金對面新開左間唔錯既台灣牛肉麵店，尋晚我有時間去試下。 等位時望到這兒裝修佈置得像台灣道地小店，感覺不錯！紅燒牛肉湯麵份量頗大，湯汁濃郁，牛筋炆得腍滑，炆得入味， 大口大口的好滿足，麵質有嚼勁！小碗魯肉飯魯肉油亮色美，繚繞濃郁醬香，醬汁油亮飽含膠質的美麗色澤會閃爍微光。揀左皮蛋豆腐做涼拌小食。皮蛋的甘香軟綿、豆腐的清涼嫩滑，兩種不同質感不同味道的東西，配上同一醬汁後，卻自自然然地融和一起。 十分適合用來拌飯！ 涼伴小青瓜，青瓜是脆口的，我略嫌太酸。但老公覺得不錯，連我的吃清光。 珍珠奶茶味道也不錯，茶香、奶味兼備。

最近成日都諗起去台灣旅行時嘅食物，今日喺深水埗做完嘢，行過見到有間食台灣嘢嘅鋪頭，諗都唔諗就行咗入去。呢度嘅裝修感覺好懷舊，好有台灣feel,真係有一刻覺得自己置身於台灣😌我叫咗呢度嘅招牌半筋半肉湯麵，牛筋好淋好入味，牛肉亦都相當出色，有肉味又唔韌，又唔會入口就散晒唔駛咬咁，真係好正🤤而個湯底味道適中，麵條嘅份量都唔少，不過因為我太肚餓嘅關係，所以我叫多咗份甘梅地瓜條，即係炸蕃薯上面灑上甘梅粉，上枱嘅時候係熱辣辣架，食落覺得呢個配搭都幾特別。下次可以再試吓其他食品，唔知會唔會有驚喜呢？

深水埗一向多好野食，但我最近先發現自己原來一直都唔知呢間正野！呢一間叫古早牛肉都既餐廳，一聽個名古早兩個字就知係台灣野。餐廳門口有個水吧位，係買珍珠奶茶、奶蓋茶既位，你可以選擇堂飲或者外賣都得。而入面既裝修就充滿住台灣風味，一張張帶啲懷舊味道既海佈，寫住一句句既繁體字句，再加上有台灣夜市味道既燈牌，觀感滿分。我點左一配半筋半肉麵，既然餐廳名都叫古早牛肉麵，我又點可以唔試下呢？牛肉同牛筋都超淋，湯頭夠濃郁，更帶有少少辣味！係台灣既味道！

係深水埗想食台灣野，經過呢間古早牛肉麵 見到裝修幾靚就入左去試 叫左碗三牛薈湯麵（牛筋牛肚牛肉）份量好多好大碗，肉既份量一啲都唔孤寒！湯底濃牛肉味，唔油；牛筋煮得夠淋身，入味，牛肉就孩左少少，牛肚都夠淋身，易咬斷；蘿蔔好甜但有渣，整體咸左少少！另外叫左份滷蛋乾豆腐，滷蛋好入味，但豆腐同係台灣食既乾豆腐就有少少出入，呢到既乾豆腐比較似豆卜，而且都係咸左啲，但勝在味道同份量十足！另外呢到都有主打手搖飲品，可以拎走飲，幾特別！

唔知由幾時開始我已經開始食好多嘅牛， 可能係以前細個聽人講，牛非常之補鐵質所以就好鍾意食， 茄汁牛肉意粉， 肥牛火鍋 等等。。。知道深水埗開咗間古老牛肉麵 ，梗係要去試下啦 ，成條福榮街都係賣車仔麵 ，佢喺文記車仔麵對面 ， 入到去排隊等，冇聽錯係要排隊呀，雖然店舖唔算細 ，我估大概坐到40人， 但係真係好受人歡迎，所以都真係要等下。店舖嘅格局有啲似入咗古色古香嘅牛肉麵檔， 今晚點咗兩份牛肉麵， 面嘅底一啲渣都冇， 係非常香甜拗咗好耐嘅湯底牛肉香味， 牛肉牛筋牛肚都好入味，有清甜嘅味道， 入口即溶， 醃製牛肉的醬料夠香，配搭手打拉麵，粗度夠，食落去味道搭夾， 蘿蔔已經煲到軟身入味， 依晚餐嚟講一碗麵都食到八成飽肚， 生菜就冇乜特別，是新鮮的。來了兩碗麵招牌紅燒牛肉湯麵牛肚牛筋湯麵

略貴主要食舖租，各樣食物平少少才覺對板合理服務質素唔得，冇清潔枱面....唔緊要忙冇留意唔記得都算，在客人面前㭑枱後，在客人面前把抬布裡抹了的東西肉碎直接倒在客人枱邊側脚下前方，好彩冇中但臨走要提自己唔好踏到上次食牛肉麵那些湯好油不似湯沒改善！還有，員工在客人用膳其中一張枱用膳覺得唔夠專業，應該棟選較隱蔽枱食.最後，部份服務員態度唔接受，落單比佢地冇回應冇講唔該多謝感覺被冷落！叫加水又冇回應和客人零交流，只叫另一服務員加但冇跟進到.....是本人親身經驗，希望有所改善下次才會再幫襯

之前係黃金已經好想食呢間台灣餐廳，不過上次因為太多人等位，所以冇試，今日剛好落大雨，人不是太多，就不用等位就可以入坐吃午飯。好康午餐選擇真的多，主菜19款，另外小吃有7款，飲品有8款。今天點了招牌紅燒牛肉麵，小吃要炸花枝丸加個凍珍珠奶茶。炸花枝丸現做很不錯這個是我最喜愛的主菜，牛肉麵試一下他嘅湯，真的很有台灣紅燒的味道，很地道，牛肉方面都好入味。麵條也很Q彈。配合紅燒牛肉湯分外入味珍珠奶茶也做得很好，茶味很濃，唔會太甜。總括來說整個午餐$79水準很高。下次一定會來試試他的其他食物例如拌麵和便當。

福榮街一向都是食車仔麵的好地方， 今日去了一間台式店食牛肉麵， 聽店員講他們一大早就會將一隻約70斤的牛準備好，放入去熬，熬幾個鐘先有牛的湯底出來， 所以先煮到咁鮮甜的湯底。怪不得咁多人吃啦！我點了半筋半肉的手打拉麵$68， 加一支奶蓋綠茶， 原價$26，跟餐配減4蚊。手打拉麵有口感，煙韌， 挺身， 配牛肉湯麵好正， 半筋半肉牛肉好容易就咬開， 近乎入口即溶， 如果食得重口味仲可以落埋D辣椒， 畀佢個樣呃咗，以為唔辣一下子落咗好多，原來呢個係勁辣指天椒。埋單一共$84，牛肉品質高，抵食

I’m a big fan of Taiwanese food. My favorite dish is a hot bowl of beef noodles. Today, finally, I’ve found the best Taiwanese beef noodles in Hong Kong. The soul of the noodles comes from the broth. This broth is superb. It’s packed with flavor of the beef and spice. While the broth is sitting there, the noodles is thick enough to pull the soup to your mouth. The beef is super tender, and they give you a lot of meat. While it’s tender, it still withhold the pressure of the chopsticks. The balan

深水埗一向多嘢食，無論咩國家乜菜式都幾乎搵得到，今次就食台灣菜~餐廳面積唔係好大，但勝在裝飾有特色，有好多台式元素，尤其係台灣本土插畫招牌等等，增加玩味餐單上一面係食品一面係飲品，全部都係台式食物既然店名叫牛肉麵，就一於ORDER牛肉麵試吓三牛薈湯麵一上枱，就見到有大量牛肉牛雜，湯底加咗牛肉汁，好濃郁牛肉牛雜夠入味，肉質唔會好難咬，鍾意食牛嘅朋友應該會好LIKE！再點咗一份涼拌青瓜，清清地，爽口又清甜，可以中和返牛肉麵嘅濃味去開深水埗又鍾意食台灣嘢嘅朋友，可以去食吓

餐廳面積唔係好大，但勝在裝飾有特色，有好多台式元素，尤其係台灣本土插畫招牌等等，增加趣味餐單上一面係食品一面係飲品，全部都係台式菜對於女仔嚟講今日唔係好 肚餓。點咗小碗魯肉飯，但上枱時一啲都唔小碗，滿滿一大飯碗! 魯肉好入味，送飯一流，仲有半隻滷蛋，正鹽酥雞排夠香脆，而且無乜油膩感，難得! 仲夠大份，雞肉保持到柔嫩唔dry，抵讚!要圓滿呢一餐，當然唔少得台式飲品: 珍奶~ 大大杯，茉香更好味，珍珠煙韌有口感，飲品更加有得貼心地按個人口味揀甜度冰度，very good👍鍾意食台灣嘢嘅朋友可以一試食完之後再去打排球。

因下雨驅使我入這間台式店，既然牛肉麵是招牌，當然點一碗「招牌紅燒牛肉湯麵」來嘗試。另外，也點了「輕芝士岩鹽奶茶」解渴。大約5分鐘麵到了。湯底： 濃味重麵身： 不硬不軟，不錯（即使吃得慢都不會太「林」）牛肉： 味道不錯，最重要是不會太「UN」（最怕咬不斷的）蘿蔔是長身的。至於「輕芝士岩鹽奶蓋」不過不失，的確有岩鹽味道，甜度對我而言是剛好的人情味：因為提著蛋糕，坐前也有問店員可否暫放蛋糕在此，老闆娘（估）立即說好，是窩心的另外，聽到隔離枱說漏單，店員也很快處理，不錯。

夜晚都keep 住有人入，但又唔洗等好耐就有位。半筋半肉牛肉麵，味道還好，份量都唔細，牛肉ok,係個筋太林，少左個種彈牙jelly 膠質。 我會覺得佢係一個合格ge 牛肉麵，價錢六十幾蚊。加左廿蚊有一大杯珍珠奶茶，叫做招牌，但感覺冇咩特別。（半糖少冰冇茶香）嗯，飲奶茶還是要去喝茶店😂（定係要求太多）仲有細碗魯肉飯，都唔細碗！（$39)但食落少左d 油香😆（可能食過其他有對比）結論係普通一餐唔係貴都okay ge. 😆

當日跟嫲嫲去食lunch, 佢話好耐冇食臺灣美食,於是去深水埗著腳。😊😊涼拌小黃瓜他們的小黃瓜比較特別，尤其是調味料的運用。選擇的辣椒也是篩選過，簡單的一個餸菜，可以做到色香味俱全。臺灣牛肉燥便當裏面混雜牛筋牛腩及牛肉，牛筋有口感，牛腩鬆軟，牛肉有牛肉味，配上珍珠飯及滷水汁，各樣感覺非常匹配。色香味都做到無論是門面裝修以及服務態度,我自己都覺得係頂級。地鐵站出嚟走兩分鐘就。老人家覺得都非常方便。期待下次。