古早味澎湖台灣 (已結業)

成日會見到台灣嘅出品會有個味道叫”古早味”，咁其實即係咩味呢？🔖古早味係指一種古舊/懷念嘅味道，用簡單方式、少用添加物製作出嚟嘅食物。.滷肉蛋餅 $32蛋餅邊邊帶微香脆口感，整體主要都有一層厚厚哋嘅蛋。入面滿滿半肥瘦嘅滷肉，滷肉汁偏甜但唔會有膩感.椒鹽豆腐 $38 (下午茶時段有半價加配優惠)順帶一提呢個我每次幫襯都必叫嘅椒鹽豆腐！每一次都係新鮮炸起熱辣辣香脆唔油膩嘅表面，内裏係滑溜好熱上碟嘅豆腐。雖然好多酒樓都會有嘅菜式，但要做到佢呢個口感嘅真係無幾間餐廳得。呢碟我勁推薦大家要食！.古早味牛肉麵 配 鹽酥雞 (下午茶餐) $35濃厚嘅牛肉湯底，大大塊厚身牛展再加埋個彈牙刀削麵鹽酥雞相對就失色啲，比較大細不一亦炸得比較乾。

因為疫情緣故,決定同同事一齊係公司叫外賣,避免出外用餐。因為天氣熱而且無乜郁動,成個人都飽飽滯滯,所以就決定食素 - 三杯杏鮑菇飯加黑糖珍珠奶茶。三杯杏鮑菇飯雖然配料簡單, 但其實都幾考功夫, 因為始終菇都係比較容易出水, 我係屋企試過煮過幾次都係失敗告終！但呢間古早味既三杯杏鮑菇絕對無令我失望！佢既杏飽菇煮得好入味, 個芡都好濃味送飯一流! 至於菇既表面雖然煮得乾爽香口, 但入面卻是十分juicy! 菜式簡單既充滿驚喜！黑糖珍珠奶茶因為外賣關係送到黎d 冰都溶晒，但反而溶晒冰之後甜度適中, d 珍珠都好煙韌,好味同埋呢排疫情關係, 少左係街除口罩飲台式飲品,依家午餐包埋就啱晒lu!

在大環山泳池游完水, 便行下行下搵野食,  行到見到依間「古早味」, 便知是尖沙咀都有的分店之一,  食過不太特別, 但老公未食過, 便比佢試下,  入到去才睇真原來依間是「澎湖台灣」, 所以有些漁網的裝飾,  雖然未去過澎湖,  都覺得有點喜歡, 因為台灣料理很多, 但標榜澎湖的卻唔多覺, 是否有些是澎湖的獨有美食呢?  答案是: 沒有的, e.g.仙人掌冰、炸棗甜 都欠奉,  都只提供一般的台灣小食,  我選了星期四的特價晚餐「五味野菌牛柳絲」,  免費跟上兩個白飯, 我退回一個,  哈哈, 兩個白飯似客飯style ,  五味野菌味道中的五味不特出,  西芹味都不濃烈, 這反而合我胃口,  看賣相好似好油, 但吃入口又清清地,  唔錯。老公叫牛肉麵, 麵是似刀削麵的粗板麵。 之後我們share 了綜合芋圓,  有四五種顏色的芋圓, 配了紅豆, 綠豆, 燒仙草及小形珍珠, 仲有點點泡冰,  每一口都可以是唔同味道的配搭,  賣相、口感及份量都是超值。

疫情仍在的大環境下，食肆都想辦法讓員工和食客安心工作和進食。今天下午茶時段光顧 (是2:30-5:30pm) 。古早味牛肉麵，厚厚2塊軟淋牛肉塊配粗寬麵，份量足。豬軟骨滷肉飯，豬軟骨入味，滷肉略肥，但唔太鹹。鹽酥雞軟骨，細細粒，鹹香脆。涼拌木耳，有少少辣。另叫雙色台灣香腸$19，配有蒜片，唔怕吃蒜的話可一片腸一片蒜夾住吃，香香的帶有辛辣味。珍珠奶茶，太甜，記住叫少甜為佳。以約$38，有主菜、小食、台式飲料，又唔使加一，相當抵食。

古早味下午茶我叫咗佢哋嘅 牛肉麵 再加 鹽酥雞 同埋凍綠茶， 下午茶時段 兩點半至五點半 都係38蚊。佢牛肉麵嘅size話係細，但我就覺得份量相當十足。 有兩塊牛肉 係好厚嘅 牛展， 差唔多有成兩個五蚊銀咁厚。 配菜 就有幾條白菜 同埋蘿蔔， 湯底都好惹味。 鹽酥雞有四粒 好似好少但係食埋碗麵就好飽。 嘢飲加四蚊有珍珠奶茶 唔加就有紅茶 綠茶。非常抵食。

我覺得味道就幾唔錯同埋選擇都多如果係食下午茶會抵因為有台式甜品飲品都好齊全而且搭配都好夾好多時候香港都比較少台灣野有咁多分店我覺得呢個紫薯奶相如果味道可以再濃郁就好了！鹽酥排骨就真係幾好味而且熱辣辣香噴噴不過等就有啲耐好似話係即刻整所以味道好都要付出代價就係要等啦入到去都會量一量體溫所以都比較安心下次想試吓牛肉麵同埋其他台灣野我覺得如果可以用優惠價食甜品就更加好啦因為本身主食價錢都唔係特別平總體來講都係唔錯

久久未見這個朋友，這天在黃埔她屋企附近吃完晚飯，雞啄唔斷，我們仲有好多計要傾，朋友帶我去飲珍珠奶茶，繼續吹水。這是一間台式餐廳，除了美味台式食品外 ，亦有大量珍珠奶茶台式飲品選擇。店內裝修以古早台式為主題，感覺置身台灣一樣，地方闊落，感覺好舒服。我們各自叫了一杯台式奶茶，夜了，熱的好一點，另外點了個炸地瓜圓。紅豆奶綠~ 香香抹茶味配以一些紅豆，抹茶同紅豆一向都好夾，唔太甜。朋友的黑糖烏龍奶茶試了一啖，也錯呢。餐牌上見到其他手工甜品都好吸引，下次一定要再來試試。新鮮熱辣辣炸起的地瓜圓，要小心燙口呀 ！好吸引，本身不會太甜，想甜一點可以沾些煉奶。整體上感覺不錯，雖然只是宵夜來個飲品，店員一樣殷勤招待。

近排無得去旅行, 無得去台灣食嘢, 行過見到打正台灣古早味旗號, 一於入去支持下.<<豬軟骨滷肉飯>>以下午茶來講, 分量十足.滷肉好食, 真係有去台灣食嘅口感;豬軟骨都好好食, 仲有半隻蛋添!! <<炸雞扒滷肉飯>>感覺上份量更多!!雞扒炸得香而脆,  一樣仲有半隻蛋.本身鍾意食炸雞扒, 本來怕佢份量唔夠, 小食叫多次.小食仲揀咗雞翼.$38一個餐, 仲有埋嘢飲, 一個不留神, 兩口子連晚飯都唔洗食囉. 

疫情期間，人小小出街食飯容易搵位啲！點知，假期期間原來都幾多人～～哈哈！ 行下行下，見到呢間冇乜人，又係台灣菜，就入去試吓！一入到去，探完熱坐低，睇吓有乜野食！然後除口罩，透下氣，點知個員工即時狗衝過嚟，佢就講：唔⋯食物未到枱，唔該你帶返口罩！我⋯⋯下？嘩，呢間嘢好明顯好相信政府，好遵從政府説法喎⋯⋯心諗，深藍店嚟架？？？Anyway, 算啦～唯有去一去廁所洗下手，碟餸都送到啦！唉⋯⋯古早味麻油爆雞$55呢碟菜幾好味，雞件鋪滿汁，雞皮仲脆口，有豉油味！幾得意！不過，份量係小咗啲咁！幾開胃，餸飯一流。古早味滷白菜$41淡淡地嘅白菜，加上一粒粒的滷肉，清淡健康，清甜鮮菜！唔錯。珍珠奶茶$18一般水準，冇乜特別！

今日外出見客嘅時候，臨近午餐，突然喺餐廳附近撞到好耐冇見嘅朋友，大家即刻打算坐低食個午餐聚下舊。呢間餐廳係午餐時間，人流唔算多，服務都幾好，我哋兩個人都叫咗滷肉飯同珍珠奶茶。滷肉飯份量夠，不過比較乾，珍珠奶茶嘅奶茶味道香濃，不過珍珠唔夠咬口。

Lately not often going out for dinning because of new coronavirus. This time we go to have some taiwanese food since we had in taiwan haa. The decoration is so in chinese styled not badStir fried fresh scallops with vegetables is quite good, the scallops are quite yum with  soft texture, the taste is fresh not too oilyShrimp cakes with cheese suits my stomach with lovely cheese insides haaa, the taste is good but not all cakes having cheese insides so sadDeep fried cuttlefish and Shrimp schnitze

下晝經過見到佢下午茶時段的套餐好抵食。平時間唔時都有食過一兩次，呢期應該係因為疫情原因做緊優惠，$38套餐有飯、小食同台式飲品，好抵食。我地叫左兩個套餐，埋單around $80。🍖豬軟骨滷肉飯比想飲像中大碗，同平時普通台式餐廳叫嘅套餐飯差唔多大。d 滷肉好正宗，滷肉汁勁送飯。個豬軟骨煮到好霖身同入味。小食同飲品我叫咗鹽酥雞同熱奶綠，同平時街食開果d質素都差唔多，唔錯。下面係朋友叫嗰碗滷肉雞扒飯。整體來講我覺得個套餐的質素完全超出左佢嘅標價，唔會係$40的quality，甚至好食過某啲$60-80價位的台式餐廳。可能呢期因為疫情生意真係麻麻地先推出咁樣嘅優惠，得閒嚟幫襯多幾次先。

剛剛路過想休一下，見到有台灣野食，仲有下午茶☕️，喺疫症期間佢都坐左好多枱客，而每一枱都相隔好遠，咁就心諗搏一搏睇下好唔好食，我覺得博贏咗點左雞扒滷肉飯，珍珠奶茶，小食鹽酥雞，仲加咗一個九層塔手抓餅雞扒滷肉飯雞扒香酥咬開之後仲有啲肉汁，滷肉香甜唔肥膩，仲有一半隻滷蛋，最特別同驚喜，係佢個飯好好食，飯煮好好好有嚼頭一粒粒，唔會好硬，加埋啲滷水汁好順口。珍珠奶茶，冇叫少甜不過唔會太甜，入口啱啱好。鹽酥雞有少少乾身，比起雞扒略遜一籌，雞扒比較好食。九層塔手抓餅，嚟到嘅時候聞到好香，食落去好鬆脆，外皮脆脆咁樣，有淡淡的九層塔味道覺得最好係佢哋啲服務，其實係呢個時間，兩個人食一個餐，我當初好擔心佢哋會有最低消費，服務員都好細心俾主動比咗兩套餐具我哋，等我哋可以分享，感謝店員細心😘⋯⋯$38個下午茶，有嘢飲，有飯有小食， 真係幾抵食

星期六食lunch，好多卡位，枱與枱次間空間又夠唔會逼，一入去就有職員幫我地探熱同雙手噴消毒，啲餐平均五十幾或者六十幾，份量仲好大份，牛肉麵少少微辣，牛肉又淋又香，雞排麵塊雞排係另外用隻牒上，好大塊之餘仲係有肉汁又唔會炸到乾晒，仲可以每個餐半價加1個小食，炸野做得非常出色，炸豆腐外面脆卜卜但係入面啲豆腐就非常滑，豆腐面仲有啲七味粉，份量啱啱好所以絕對唔會太辣，雞軟骨又係炸得非常鬆脆唔會炸到乾晒，飲品都沖得好好，凍飲會用外賣杯上，雖然有啲唔環保，但係而家呢個非常時期外賣杯有塊膠包住杯飲品，感覺上又安全啲，而且所有服務員都好有禮貌，服務態度好好

第一次去！希望越大失望越大！好油～蚵仔無蚵仔！乜嘢做法食落只有炸粉粒！唉！叫了個晚餐！粉絲海鮮煲！蝦三小隻魷魚同樣三小片～粉絲多到食不完！有點咸有點油！大失所望！但還算是平民價錢！