古早味台灣原味 (已結業)

週末有咩做？當然周圍行下，覓食下啦！今次就近近地去咗又多街行又多野食嘅銅鑼灣！今次揀咗間樓上鋪，因為都知週末星期六日周圍食飯都好多人，樓上鋪應該點都少啲人，唔洗等咁耐。我同朋友嚟得算早，我地6點半就到，唔洗等即刻入得！呢間果然係古早味，又播住懷舊嘅台灣歌，連帶住台灣口音嘅食客都嚟幫襯，好似置身於台灣一樣！我同朋友2個人叫咗個台式什錦炒麵，特別嘅係啲麵好長，唔似出面嗰啲剪到碎曬，過生日嘅人可以嚟呢道當食長壽麵另外仲叫咗一個古早味牛肉麵，牛肉好足料，夠曬厚，但係口感又剛好，唔會太硬或太淋，麵底有啲似刀削麵，非常有咬口，湯底亦好特別，略帶酸，而且有陳皮味，值得一試！綜合芋圓嘅底係冰，紅豆，綠豆同珍珠，面層有三色芋圓，芋圓唔係煙韌嘅口感，似糕嘅質地，適合啲唔喜歡煙韌，鍾意偏硬口感嘅人

今日同朋友係銅鑼灣行街，諗起依邊都有古早味，就決定去食lunch。之前都係食過晚餐，原來午餐有set，包野飲同埋小食半價，真係好抵呀。我地大家都叫咗個牛肉麵套餐，佢除咗有個牛肉麵，仲有個小小既配菜。個配菜有酸菜、豬軟骨、椰菜花，都幾得意。個牛肉麵既麵質好似刀削麵咁，似係手切既，因為每條既粗度同長度都吾同。而個湯底就幾特別，同平時食開既有啲吾同，係比較重香料味。鹽酥豆腐😋豆腐炸到岩岩好，而且仲係外脆，入面係好滑。而且調味都吾會特別重口味，所以同滑溜既豆腐都好夾。鹽酥炸雞😋依個真係台灣野必食架，佢個炸雞都吾錯，啲雞肉好滑，而且外面既炸皮都吾會太厚，岩岩好。炸花枝丸😋朋友超級鐘意依個，因為佢吾會好多油，而且粒丸仲好彈牙添。最近想飲多啲熱野，所以就叫咗個花茶，個茶比較重菊花味。而且，店員仲會用蠟燭熱住啲花茶，好貼心。

又到暑假，同朋友係銅鑼灣行街行到差唔多想揾間近近地嘅台灣野試下。結果今次呢間味道唔錯，值得推介一下！午市方面，餐廳比嘅選擇都唔叫少。有各款港人必食嘅牛肉麵，酥炸雞扒等。最特別嘅係佢有提供傳統台式鐵路便當，中意感受下台灣傳統嘅不妨可試試。小食方面種類繁多，加上午市同下午茶都會有半價優惠，最適合一班朋友叫幾個小食一齊分享。飲品上，當然會有台灣必叫嘅珍珠奶茶。可能迎合香港人口味，餐廳都加左有奶蓋茶等選擇！想健康啲嘅，重可以叫杯花茶，慢慢品嚐！今次同朋友2位都叫左個古早味牛肉麵，餐廳主要採用厚身牛𦟌，咬落入味，軟硬適中。湯底有比較重嘅藥材味，唔會淨係得味精嘅感覺，飲多2啖都唔會口喝。小食方面，我同朋友比較貪心叫左3款。包括有炸花枝丸，鹽酥豆腐，酥炸鹽酥雞。花枝丸炸起外脆內軟，一份4粒，好好食。豆腐一碟份量唔少，脆得黎唔會炸得過老，加上有少少椒鹽，好惹味！值得一讚係個鹽酥雞，佢脆得黎雞肉唔會老，好好食！飲品我同朋友一個叫左花茶，一個叫左桂花烏龍奶茶加珍珠。奶茶唔會太甜，朋友都覺得花茶重有解油膩嘅感覺。總括黎講，呢間台式餐廳整體食物都非常不錯！中意食台灣野嘅朋友真係要黎試試！

好耐冇食台灣菜，見呢間古早味好評幾多，食物賣相又幾好睇，所以今晚就食佢。餐廳係樓上舖，環境比較暗，但坐位都算寬敞，晚飯時間超過一半已經坐滿人，睇黎幾受歡迎。食物種類係傳統台灣菜，價錢合理，今晚叫左紅燒豬軟骨麵，然後留肚食我最期待嘅手工綜合芋圓先講主菜豬軟骨份量都足，大大舊，不過中間舊骨好硬，變左係普通排骨，無左豬軟骨嘅精髓，有啲失望 麵就不過不失，湯底唔會好咸，兩大舊蘿蔔反而淋淋地幾好味，總括而言成碗麵係好普通...到我最期待嘅甜品手工綜合芋圓，賣相好靚，面頭鋪滿大大粒芋圓，其他材料份量都好豐富，令人食慾大開可惜食落又係有啲強差人意，芋圓無味，只有Q彈，而其他配料就正常，又係令人失望成個餐就係覺得好普通，無話難食亦唔係特別好食，試一次就夠。

慘慘又抽到返夜地獄更😵適逢日頭要幫朋友去銅鑼灣拎啲野🙉還掂拎完撞正Lunch Hour🍴🐷趁未落地獄前去返尋一下台灣味吃個最後的午餐先🙈🇹🇼位於銅鑼灣京都廣場既古早味台灣原味🇹🇼🤤喺銅鑼灣站C出口經駱克道行過黎亦十分方便😆呢度「黑黑實實」既環境設計🤪雖然同台灣地道扯唔上關係🙉但牆的一角以至當眼行經位置😎都放著一排排特色酒類產品😆🍾返而有種地下酒莊既感覺☺️🍾而且牆身牆角都掛著一幅幅老台灣舊照片😆酒莊環境 台灣風味🇹🇼🤤亦煮出質素不俗既台灣地道原味午餐小食😋🇹🇼嘉義雞肉飯還記得2017年去嘉義Hea遊既時候初嚐雞肉飯🐔🤤一道十分回味既飯🤤☺️🐔🍚估唔到喺呢度都依然食得到當地風味😋滑嫩Juicy既雞絲肉一啲都唔鞋身之餘🤤🐔配合特製醬汁拌飯一齊食更帶出其郁香☺️另外加配既太陽蛋更增添濃郁蛋香🤤🍳涼拌黃瓜口感爽脆Juicy既青瓜🥒😋配合酸酸既醬汁食落亦更開胃😋酥炸鹽酥雞鹽酥雞沾上份量剛好既炸粉炸香🐔🔥食落唔會太厚粉之餘😋炸得剛剛好唔會太過燶乾哂身☺️食落肉質都算滑嫩Juicy的😋🐔胚芽奶茶奶味濃郁既鮮奶茶☺️加入胚芽增添Crispy脆口口感之餘😆微甜亦係最佳既味道☺️😋

好耐冇食過咁有heart嘅台灣菜了古早味一共有四間分店: 尖沙咀 銅鑼灣 旺角 紅磡黎到銅鑼灣嘅分店 真係食到台灣原味價錢唔貴 份量多 有啲菜式係香港好少見如果多人的話 就可以試更多(如九層塔手抓餅 蚵仔酥).綜合芋圓💜咁大碗先$45重點係真手工芋圓 大粒得黎夠煙韌不論芋頭/紫薯/地瓜 味道都好香濃另外 仲有珍珠 紅豆 涼粉 綠豆🤤甜度剛好.鹽酥豆腐🧡$38炸到金黃色 但唔會硬身保持到豆腐嘅嫩滑 食落唔會過咸 重豆香.宜蘭葱饀餅🥠$28咬開即刻爆汁 很誇張 好似食緊煎小籠包皮好薄好煙韌 表面略略燒香 推介.干貝櫻花蝦荷葉飯🦐$88原來成晚CP值最高係呢個主食好大一碗(應該夠2-3人分享) 勁多櫻花蝦由於櫻花蝦炸過 所以好香脆下面嘅糯米飯預先同冬菇 臘腸炒過 好香再加上荷葉一齊放入蒸籠 誠意十足.裝修都幾特別 一出lift就會見到一條石路店內空間幾大 不過我就中意坐bar枱可以見到店員沖調飲品同製作甜品 好衛生啊p.s. 店員反應好快 食物質素又高 難怪坐無虛席

行街時都諗緊今晚食乜嘅時候，街邊有位姨姨派傳單，咁我地都想食下台灣菜，咁於是就搭LIFT上黎試下。上到去都見原來都好多人等緊位咁啱職員話有BAR枱2人位問我地介唔介意，咁我地唔想等太耐，於是就決定坐BAR枱位。BAR枱環境，可以望住水吧職員沖飲品同整甜品，都幾得意而喺枱底下面佢有個鈎可以將個袋勾住，咁就可以坐得舒服少少喺枱面張墊枱紙，見到有解釋咩叫古早味，真係長知識因為行街時已經食左D小食，見唔係太肚餓，所以淨係叫左 花枝蝦排($38)，古早味牛肉麵($65)，農家蓋飯($68)大合照花枝蝦排，上菜時有2大件，佢本身已經切好件，方便食。外面炸得香脆但唔油膩，而佢係用花枝滑混埋D蝦肉喺入面，食落爽口彈牙古早味牛肉麵，一黎到先試下佢個湯，佢個湯的確整到好似我以前台灣食到嗰隻味味道夠香濃得黎略帶少少辣味，飲落唔係味精湯。牛肉都算大塊兼且夠厚身，味道食落都好香牛肉味，不過略嫌稍微硬左少少煮得唔夠淋。麵就用返扁身粗麵，呢隻掛湯食一流農家蓋飯，佢呢碗飯樣樣都有D，包括滷蛋、蝦、肉件、台灣香腸、魚塊、滷肉同菜，絕對啱晒心大心細唔知食乜好嘅朋友食落發現其實都幾大碗下，佢D滷肉撈埋D飯一齊食味道啱啱好，

今日T小姐嚷著要去銅鑼灣買化妝品，咁順理成章咁銅鑼灣食埋飯先返屋企，古早味呢間鋪一行入去有個bar枱，望落好似酒吧改建咁幾得意。本menu勁多頁，我同T小姐睇左5分鐘左右先揀到野食。海鮮粉絲煲（$78）辣辣地，好惹味，份量足夠，我同T小姐一人食左一大碗五味雞（$38）隻雞脾應該無調味，全靠果五隻醬汁調味，除左中間果隻唔係咁岩我口味外，其他我都覺得幾好味沙茶炒牛肉（$78）沙茶味極重，岩哂重口味T小姐，有碗飯送住食就fit。九層塔手爪餅（$28）香脆煙韌，最後我用黎點沙茶炒牛肉個汁食，好正宜蘭蔥餡餅（$28）呢樣係香港食店真係好小見，正宗既我未食過，我勍覺得d蔥好香，咬落去仲有d肉汁，幾好味。呢度仲有酒叫，本來都想叫台灣啤飲下，但係T小姐唔飲酒，最後叫左黑糖珍珠奶茶，味道同出面買果d差唔多最後叫左地瓜圓做甜品，我第一次食，煙煙韌韌，裡面唔會過甜，好味最後埋單食左$330，價錢合理，分量適中，味道不錯，性價比唔錯

星期一晚來，完全不用訂位等位便可入座。打開餐牌後，選擇困難症又發作，兩人想吃的東西總計起來是四、五人的份量。不知道考慮了多久，友人終於拍了板。率先上桌的是鹽酥豆腐。趁著新鮮品嚐，牙齒咬破薄薄微脆的外皮，內裏滑嫩的豆腐瞬間溜進口中。我心中不禁佩服廚師不簡單，把這道普通的菜式烹調出如此口感。後來豆腐涼了，外皮不脆，裏面也不滑了。宜蘭蔥餡餅緊隨豆腐上桌，卻遜色多了。一碟4件的蔥餡餅，比雞仔餅、棋子餅更薄身，一咬下即有肉汁噴出。外皮雖似生煎包，卻太韌了。我在火炭吃過的宜蘭蔥餡餅，比這兒的大些，也好吃得多。之後是醉雞卷。雞卷一碟10件，每件都厚厚的全是肉，無骨，份量適合5人或以上。醉雞卷的肉質很好，可惜酒槽味很重，帶苦。我認為並不合大眾口味，不過當晚幾乎每枱都有點。如果洗掉酒味或以醬料蓋過的話，味道會更好。接著是古早味牛肉麵。牛肉其實是三大塊很厚的牛展；麵則中規中矩，但至少比某些人氣台灣店偏硬的麵條好。最後我們決定打包醉雞卷，再點一個甜品——燒仙草紅豆芋圓。三色芋圓中，紫色的薯味最重，最好吃。黃色的蕃薯味較淡。粉白色的大概是芋頭圓，味道淡得我不大知道自己在吃什麼。這兒樣樣價錢相宜，裝潢有格調，是

🍜 古早味牛肉麵 HK$65湯嘅牛肉味道幾重，牛肉片都幾厚。面係類似刀削面，所以好厚身好飽肚。.🥢 台式涼麵 HK$55揀咗台式麻醬，有啲牛肉絲、蘿蔔絲、青瓜絲。面算幾多，但整體無乜特別。.🥢 蚵仔酥 HK$48炸蠔仔就真係第一次食，佢炸得幾脆，皮唔會太厚。.🐖 蒜泥白肉 HK$48蒜唔夠多，肉切薄啲會口感會好啲。.🍶 珍珠奶茶 HK$22叫咗少甜，但佢無味到連奶或者茶嘅味道都無。.🧀 芝士桂花烏龍茶 HK$28奶蓋份量幾多幾厚，但味道偏甜，而且無乜芝士嘅鹹味。

台灣菜唔係淨係得茶木! 係銅鑼灣D大廈入面搵到依間台灣菜,個人覺得D午餐幾抵食.我地叫左1個古早味牛肉麵同埋1個滷肉便當,有野飲同小食.牛肉麵十分台式,前菜有乾豆腐,芽菜等,牛肉麵湯底好重藥材味,十分濃郁,牛肉非常厚身,大大塊,肉質又淋,湯底入晒落牛肉到,寬麵好煙韌,份量好好.另外既滷肉便當好體驗到台灣地道既便當,賣相好似同台灣既都差唔多,配菜都有豆腐,豆,蛋等,滷肉十分之肥美,肥得黎又好香口,如果驚肥膩,可以食D配菜減膩,份量細細份其實已經好足夠,因為D滷肉夠肥. 滷肉飯仲有個冬瓜湯,湯底清甜,亦都有好多冬瓜食.野飲我地叫左胚芽奶茶同桂花烏龍茶,胚芽奶茶同一般既台灣奶茶唔同,甜度好低,飲落健康好多;桂花烏龍茶茶味香唔會澀.

很久沒有去台灣玩，但係心裡面又好想食下台式野，係銅鑼灣地鐵站附近見到有人派傳單，即刻沖上去呢間古早味台灣原味店試下!!~入到去餐廳坐低，已經聽到餐廳不停loop住d台灣流行曲，d台灣feel馬上出曬嚟，吾講真係以為自己去左台灣囉!!~跟住睇埋個menu,見到好多台式野食同飲品，選擇真係好多，仲要價格非常親民!!黑糖珍珠奶茶 (hk$22)傳統既珍珠奶茶味道，奶茶幼滑，帶有一點點黑糖味道，珍珠量同奶茶量都不少，大大杯，以$22呢個價錢來講，絕對係平，靚，正!!!乾貝櫻花蝦荷葉飯 (hk$88)呢個荷葉飯一上枱香噴噴，熱辣辣，飯面舖滿好多好多櫻花蝦，用料非常足夠，一入口，飯質非常煙韌，帶有陣陣荷葉香味，味道惹味香口。九層塔手抓餅 (hk$28)手抓餅烤得鬆軟好味，仲帶有九層塔獨特既香料味道，絕對值得一試!!台式醬牛肉 (hk$36)牛肉份量不少，肉質夠厚又夠嫰，帶點點微辣，而且非常惹味可口。醉雞卷 (hk$88)呢個醉雞卷份量非常多，有差吾多十件左右，件件都又厚又嫰，入口啖啖肉，酒味亦算濃，帶有酒既甘香味道，愛醉雞者必食!!~整體來講，呢間餐廳無論食物，飲品，同甜品既款式選擇都非常豐富，而

放工之後約左好耐冇見既大同食飯，傾起大家都幾耐冇食台灣野，有朋友之前推介古早味台灣，所以就決定試下地點好方便係正地鐵站對面，不過係樓上舖，但好易搵到個招牌，同一座大廈好多餐廳，跟住上就得架啦 餐廳裝潢比較昏暗對住menu 猶豫左一陣，樣樣都好似幾好食咁，而且幾多野可以揀，可惜胃就得一個 係古早牛肉麵同魯肉飯中間揀左一陣  最後揀左招牌既古早牛肉麵，個麵同以前食過既其他麵唔同，牛肉夠大塊，都有三塊左右，份量一個人食岩岩好我叫左杯檸檬薏米水，朋友就點左仙草奶茶，兩杯野飲都不過不失啦，唔算特別出色  小食方面就要左黑糖雞翼，之前冇食過覺得幾特別所以叫黎試試，幾濃味，甜甜地咁為左健康點既菜，略嫌小小油 最可惜係今次試唔到芋圓，聽講都唔錯架，唯有過一排再過黎試番啦 

首先講下餐廳環境，台灣感覺雖然唔算好重，但氣氛環境都唔錯。燈光偏暗，有bar台位置，小小似西式既餐廳坐得好舒服。都幾有特色。睇下個menu都有好多種野食，今次試左古早味牛肉麵，鹽酥雞同干貝櫻花蝦荷葉飯。個牛肉麵湯底好濃味，應該似係煲左好耐。好有台灣既感覺。牛肉都唔會好老 牛肉都煮得好淋，但都有口感，好正既。鹽酥雞就好似真係係台灣食既，皮脆又唔算太油膩。雖然好邪惡，但好正。配合埋牛肉麵既湯，一口雞塊 一口湯 好好食。干貝荷葉飯平時真係好小見餐廳會有得食咁就試啦。荷葉飯係糯米飯底，配合極多既櫻花蝦，絕對足料，口感都好夾。飯就油左小小不過好惹味，好香既糯米飯，都幾值得試下。整體嚟講，如果想食下台灣野，都值得試下呢間野

不嬲麻麻地西餐 淨係鍾情東方料理台灣菜就一直係我既心頭好但係香港要食到地道既台灣菜唔容易味道正宗仲要價格得宜更加難搵估唔到咁都比我搵到一間地理位置仲要位於銅鑼灣鬧市餐廳係樓上舖 裝修一如其名有啲復古風味燈光柔和 比人一種好放鬆既感覺同朋友去既時候係2點半下午茶時間本身冇預週末都會有下午茶 點知都有 下午茶set仲要豐富得尼價格實惠一個主食 加一客小食同一杯飲品 都係around HKD 40至50既range選擇都好豐富 全部係經典台灣料理滷肉飯 牛肉麵 干拌麵 仲有香港少見既嘉義雞肉飯我地嗌左台灣菜必試既滷肉飯同干拌麵 兩客小食就分別揀左滷水雞翼同鹽酥雞飲品就揀左紫薯黑糖鮮奶 同 仙草茉香奶綠下午茶既關係份量唔會太多 岩曬女仔滷肉飯一上菜個下真係驚艷左一般香港連鎖既台式餐廳賣既滷肉通常都係普通免治瘦肉整成但去過台灣食滷肉飯既人就知道正宗台灣既滷肉飯係會混雜一啲豬皮食落帶有豬油甘香 非常送飯估唔到香港都有餐廳會賣依種正宗滷肉飯干拌麵亦都非常有蔴油香味 揀左幼麵煙韌有咬口 亦一啲都唔乾至於隨餐小食 鹽酥雞都做到外脆內嫩 唔會太重油壓味而滷水雞翼既滷水應該醃左好耐 好入味唔係淨係得啲色水