古早味原住台灣 (已結業)

極度想念台灣人小食!!!!但實在沒有空去台灣一趟，所以要先吃一頓台式晚餐安慰一下自己蒜味鹽酥雞，沙茶魷魚羹，蚵仔煎都是我在台灣最喜歡吃的!! 鹽酥雞口感還不錯，加上蒜味更惹味。魷魚羹味道偏淡，但魷魚很好吃。蚵仔十分新鮮，但雞蛋略嫌不太足夠珍珠奶茶，冬瓜茶吃台式美食又怎少得一杯奶茶呢？這裡的飲品不太甜，很喜歡!!最後點了炸地瓜圓，三色芋圓作甜品。芋圓口感很好，配上紅豆沙是完美的晚餐了

呢晚放工同男朋友去左TST, 係Isquare行左一陣, 肚餓搵野食~喺北京道出口一出, 抬頭就見到呢間 - 古早味原住台灣~成日食中, 日, 西餐~ 食下台灣菜都唔錯丫?一上到去, WA! 好靚好有特色呀D裝修~好有原住民民族FEEL~入口處有幅彩虹色嘅牆,  好靚!但我唔記得左靚相佢D壁畫擺設都係同台灣有關~好~ 睇完菜單, 嗱嗱林叫野食先我地叫左: 宜蘭蔥餡餅、海鮮粉絲煲、鴨肉冬粉、古早味蕃茄牛肉麵、台灣刈包、花枝蝦餅刈包同手工綜合芋圓X2。宜蘭蔥餡餅 ($28)呢個好好食! 好JUICY!我向來好怕食上海底嘅餡餅, 因為個皮好油好膩..但呢個的的式式,而且個皮好薄好脆! 好味!一咬落去! D汁嗶出來!勁香蔥味! 呢個真係一定要試!海鮮粉絲煲 ($78)呢個煲絕對可以做主食!好多粉絲!仲有大蝦同魷魚, 味道都唔錯~ 有酒香味!鴨肉冬粉 ($55)呢個係男友食的~見佢幾特別!鴨肉係滷水鴨來~冬粉食落其實似粗身少少嘅粉絲~古早味蕃茄牛肉麵 ($68)食台灣野, 當然要試牛肉麵!今次我揀左蕃茄湯嘅~湯底酸酸地好開胃~牛肉用上牛展, 林得來又有D咬口!特別值得一提係個麵底!係手工寬條麵來

自從朋友愛上玩天使卡之後，就成日約我地食飯加玩下卡😆咁我地當然亦好樂意陪玩！今天就去左尖沙咀行街、睇戲兼食飯，約晚上七點幾去到古早味，貪呢度位置方便，近港鐵站，而且有卡位坐，D抬又大，方便我地食完飯可以玩一陣牌。我地今晚叫左蒜蓉炒油麥菜、醉雞卷、鹽酥豆腐、宜蘭卜肉、豬軟骨滷肉飯，全部份量都多，卜肉就比想像中炸得大件，味道好，但有D熱氣。另外叫咗薑母茶、胚牙奶茶、芋香綠茶，估唔到個薑母茶都有得小甜😜服務員好有禮貌，環境不錯。

今日約咗個舊同學食晚餐， 她最喜愛食台灣菜，所以我就預先訂左呢間。 地點位於尖沙咀繁華嘅鬧市中，非常之容易搵到， 而且又方便大家。餐廳都幾大， 設計時尚新穎， 座位闊落舒適。牆上嘅七彩顏色好吸引， 有種好夢幻嘅感覺。牆上公仔幾可愛別緻 真係幾有創意手扒烤雞雞好大隻，皮夠晒香脆，唔會太多油，肉質好嫩唔會燒到好鞋! 最正係自己可以手撕落嚟食。雙色台灣腸平時食紅色嘅腸都食得多，黑色嘅台灣腸都係第一次食。 香腸煙韌有口感，肥瘦比例適中， 感覺幾特別，非常滋味。滷肉飯份量好多，滷肉切得細粒之餘仲比較幼嫩， 我一個人都食唔曬。台式滷水拼盤鹵水汁醃得好濃好入味， 份量都幾多，四個人食岩岩好。凍珍珠奶茶食台灣野點少得叫杯珍珠奶茶飲呀， 奶茶香滑唔會太甜，而珍珠煙韌有口感，煮熟程度剛剛好。價錢都比較大眾化，選擇又多， 都幾啱我口味

好掛住台灣啊見做咩有平機票所以喺香港搵食先喺鬧市中嘅尖沙咀 發現一間別具特色嘅台灣餐廳等我可以嘗一嘗台灣嘅味道位置10分舒服又大我哋叫咗幾個小食梗係要食返個台灣主打嘅鹽酥雞新鮮熱辣炸出來的好香口 肉質細嫩 滷味拼盤：三選 大腸 豬耳 豬肚好入味 而且份量都幾多 好抵食之後叫咗個醉雞捲好特別酒嘅份量剛好而且雞亦保留佢嘅味道蚵仔煎亦都好出色新鮮熱辣係冇得輸㗎 蛋香味包住蚵仔的味道哇之後我就求其叫咗個客家小炒估唔到亂點一個菜都係咁好食即叫即製保持新鮮最尾仲叫埋甜品：手工棕合竽圓大大粒 份量好多 而且口感好豐富入邊有珍珠 綠豆 仙草 三色竽圓我真係食到停唔到

下星期小妹就去台灣，今晚已急不及待先來個熱身，台灣古早味當然原自台灣，好不好吃試試先知！位置超方便就在 I Square 對面轉右便是彌敦道，二樓全層雅座，整潔光猛舒適，重點係招呼個位 Gary 哥服務態度一流又細心，多謝你真誠招待！🥢酥炸鹽酥雞 $38這個鹽酥雞甫上檯香氣已令我食指大動👍，口感嫩而酥脆帶有一丁點辛辣芳香味道一流，至今仍然無法難忘！🥢宜蘭蔥餡餅 $28餡料同調味豐恰到好處，一口咬開香氣撲鼻，雖是用油煎但整體不算油膩，值得一試小食。🥢台式滷水三拼盤 $78我們選擇了大腸、豬肚同腩肉，台式滷水燜煮味道不太濃，大腸脂膏油香軟腍而不韌，🐖 腩肉肥美脂香一點都不覺膩。🥢糖醋燒鱸魚🐟 $138蘸上粉的鱸魚燒至金黃色沒有魚腥味，魚肉保持嫩滑帶酸甜汁啖啖口感啖啖滋味。🥢手工綜合芋圓🍧 $45有紅豆、綠豆、涼粉、珍珠及粒粒煙韌軟熟的芋圓，清甜軟糯不粘牙為是一頓豐盛的晚餐加添上幸福。😍古早的菜譜餐廳設計風格清幽樸實，舒適寧靜，牆角都會用上台灣景色的掛畫，充份表達了台灣鄉土人情，古早味帶給我好獨特味道同感覺！

尖沙咀的古早味原住台灣地點就腳，今晚便相約友人一起吃傳統懷舊台灣菜。店舖空間闊落舒適，有大量卡位。餐牌以經典傳統台灣菜為主。藥燉烏骨雞真材實料，用上藥材，夠香濃滋補。花枝蝦排炸得香脆，肉質彈牙，很有驚喜！蕃茄牛肉麵用上闊條麵，麵質彈牙，湯底香濃，牛肉入味。古早味滷白菜，滷肉汁香濃，白菜新鮮爽甜，送飯一流。宜蘭蔥餡餅煎得金黃香脆，香蔥味突出。柯仔煎佈滿蠔仔，口感煙棒，邊位夠脆。熱紅豆三色芋圓，芋圓口感Q彈，紅豆湯甜度適中。古早味原住台灣價錢親民，服務態度好，而且地點就腳，也不失為一個搵食的好選擇。

去同事出黎試新野，一出就見到呢家台灣古早味餐廳，一於上去食一食。店中裝修幾新，應該是新開業不久，卡位亦很多，坐得都幾舒服。我地當日2人到達，店員安排我們坐6人卡位，整餐也坐得很好。我點了個番茄牛肉台灣麵，朋友則點了牛肉牛筋台灣麵，另外再加了涼拌黑木耳及花枝蝦排作小食。涼拌黑木耳最先上枱，黑木耳混上了辣油，很是開胃，而且爽口，作為前菜一流。我的番茄牛肉麵，番茄味濃郁，應該是用上新鮮番茄再加上小許的番茄醬加重味，很是鮮甜濃郁，加上麵條爽口及有咬口，幾配搭，牛肉吸上番茄味亦十分出色，是水準之作。花枝蝦排中，蝦膠打得十分彈牙，而且炸的時間控制恰當，岩岩好。兩個人成餐食左$174，以地點及質素而言，個人認為是幾值得的。

講到台灣菜香港都有好幾間，好食嘅我認為系位於尖沙咀的估早味，依一間非常啱我風格同口味，原因係價錢合理同埋都算幾地道，坐得又舒服，當中佢哋嘅手扒烤雞，亦都係我每次都會叫嘅其中一道餸。滷肉飯：滷肉肥瘦分明，滷肉汁甜中帶甘，連同飯一齊食，非常突出。滷水拼盤（雞翼，蛋，豬腸，豬耳）每一樣各有各精彩，不過主角仍然都是他的滷肉汁，配上任何嘢都可以咁好味。手扒烤雞：烤雞烤得非常香脆，入邊仍然很juicy,亦都啱口味,雞味亦都滲哂出嚟。干扁四季豆：炒得好有鑊氣，乾身而不油膩，這就是干扁四季豆好食嘅條件。手工綜合芋圓（凍）（紅豆，綠豆，仙草，珍珠）：台灣著名嘅甜品嚟到依度都可以品嚐下，當中紅豆綠豆都煮到好夠淋，仙草珍珠各有特色，連埋啲花奶帶出整個甜品的精髓，值得一試。

近期成日都聽到"古早味"這個詞語在台式餐廳上出現，「古早味」原來是傳統懷舊及追求簡單而真實味道!。今日就在尖沙咀見到這間「古早味」，便即管試一下吧。位置十分方便，就在尖沙咀地標之一的isquare 對面。佔了整層二樓，環境頗大，座位都很闊落，更設有VIP 房。一出lift，已經見到一幅充滿台灣色彩的壁畫。門口還有試食區、飾物和小擺設售賣，幾特別。餐廳提供多款菜式選擇，餐牌厚厚的，從街邊小食如刈包、鹽酥雞，到五味透抽(即魷魚)、羊肉爐都有提供，有不少冷門台菜如宜蘭卜肉、油飯等都有提供。星期六還有lunch set 提供，價錢在尖沙咀區來說更是平民價。我們點了2 個午餐，每個餐都包了一個主食，小食3 款及飲品。我點了古早味蕃茄牛肉麵，牛肉麵的湯底用了十多款藥材煲成，清澈而且甘甜，還多了點蕃茄的甜味，闊麵條厚薄剛好，彈牙滑身。主角之一的厚切牛展 ， 煮得淋身而入味，如果蕃茄味再濃一點就更好啦。而份量對女士來說是剛剛好，男士就可能少了一點。而老公就點了紅燒豬軟骨麵，外表跟我的蕃茄牛肉麵無異，一樣用上闊麵條，配料一樣，湯底飲落都是差不多的，只是牛展轉了豬軟骨吧!醬油的鹹香完全滲透到厚厚的豬軟骨肉

古早味是樓上舖，正正在Isquare入口的對面大厦內。入裡有分間開幾個區域，大門口對正有個賣台灣產品嘅counter, 種類見圖。坐卡位都幾舒服呀～各種各類食物都有不少的選擇，有部分需要預訂的，要留意。台灣菜我必食係醉雞，古早味好花心思做成“醉雞卷“，將雞肉全去骨，制成卷狀再醃，酒味清香，每件上面再加粒杞子，好滋補的感覺麻辣肚絲，爽滑口感，鹵水味比麻辣略重，再加強麻辣度就perfect喇炸雞軟骨及涼拌木耳都有水準來個高膽固醇之選“麻油炒腰花“，豬腰做得脆口，完全無異味，有好香濃嘅麻油味冬天時候最好來個飯暖胃才會飽，干貝櫻花蝦荷葉飯，上面舖滿櫻花蝦，內有一大粒瑤柱，好足料，米飯上色均勻，色香味都有齊。完全睇出廚師用心制作，我地今晚食得好開心。

今次又同一位好鍾情台灣菜既朋友到處搜尋台灣餐廳，就偶然地在openrice上看到這間好像不錯就去試試了~我們7點就去到，所以唔洗等位，冇乜人，入面原來都幾大幾多位，坐低好快waiter就叫我地落單，其實仲未揀好…waiter叫我地叫左兩三樣先繼續睇…佢尼問左我地兩三次我地先終於揀好落左單。食食下都開始多人lu大雞扒魯肉飯 75塊雞扒真係好大，但係d油味都幾勁，舊炸粉都略為大舊，食少少都好鬼滯唔想食野，d魯肉就一般啦，唔夠香古早味牛肉麵 65個湯真係好古早味…其實不太清楚咩係古早味…但飲完個湯你會即刻話: 好古早味呀。係好濃既味，但又唔係好香牛肉味既湯，但我覺得就麻麻地配個牛肉，牛肉方面都幾多筋，D麵份量有D少~炸花枝丸 38炸花枝丸係最好食，炸得好味，唔會好厚粉，花枝丸都幾大粒乾煸四季豆 58呢個都唔錯，D豆有少許硬，但D肉碎同豆都幾好味總結其實食物麻麻地，中評係比花枝丸同豆，如果淨係食麵同飯應該會負評，因為真係麻麻地好食，份量又不是太大，不過佢就勝左價錢唔貴，都好多人食，大家不妨一試睇下自己鍾唔鍾意食”古早味”。另外環境方面，有D台式壁畫都幾靚~

今天逛完尖沙咀，突然想吃台灣菜，上網找找，原來在北京道誠信大廈2樓，有家”古早味原住台灣”，一於上去試試怎麼樣。看看餐牌款式都挺多，有大部分熟悉經典的台式菜。新鮮製作，餅都好大塊，脆身煙韌，很不錯。豬耳好腍，好夠味道。豬肚煙韌有口感，同樣入味。雞翼就屬於正常。蚵仔肥美，蠔味鮮濃，蚵仔份量不算多，整體味道尚算不錯。較平時吃到的較汁潤，而且肉碎夠多，炒得夠火喉，夠惹味。有藥材香，但味道不苦澀，湯中材料有花旗蔘、牛蒡、杞子等，很滋補。賣相討好，牛肉十分厚身且諗又入味，牛筋爽彈，麵用上寬身的長麵，十分喜歡麵的質感，煙韌彈牙，湯底夠濃香，必點。這個手工綜合芋圓就較為失色，芋圓質量口感都不像想像的，配料還有紅豆、綠豆、仙草和珍珠。

又到同好姊妹每月一聚的日子，她們總是不願意出主意，這次都是由我來決定，好像很久沒有去台灣旅行了，有點想念台灣美食，所以特意找來這家食肆。店內空間感很好，又舒適又乾淨，裝修亦具特色，牆身有點像台中彩虹眷村那裡的圖畫。今晚都算豐富，連甜品都食埋，勁！“醉雞卷” 我個人很喜歡吃冷盤，尤其是醉雞，這個很好，沒有骨啖啖肉，而且酒香很濃。 “蚵仔煎” 賣相似薄餅，口感又像班戟，味道也不錯，不會太油膩，加上蚵仔均勻分佈，啖啖都吃得到。“干貝櫻花蝦荷葉飯” 這個荷葉飯口感好像是糯米軟軟的，超級多櫻花蝦，很喜歡它的鹹香味，還有大大粒干貝添！“手工綜合芋圓” 及 ”藍莓起司蛋糕” 賣相很美，味道又不會太甜，我個人較喜歡蛋糕多一點，因為很多水果。

一入到門口，餐廳既裝飾令我好有去左台灣既感覺！又好有民藝氣息～藥燉烏雞湯 - 睇顏色就知係足料夠火候！有烏雞件、杞子等藥材，滋補！蒜泥白肉 - 五花腩肉塊比起其他食店更有質感，加埋少辣既蒜泥一齊食。鹽酥雞軟骨 - 雞軟骨用鹽酥雞既方法整，好香脆麻油炒腰花 - 大大塊豬腰，香港好少食到，但略微偏重味，可能配白飯食會更佳咸蛋炒苦瓜 - 我去台灣必食既菜式，呢度都煮得幾出色！微苦既苦瓜薄片加上咸香既咸蛋黃，絕配！奶蓋綠茶 - 潮流興飲奶蓋乜乜，呢間餐廳都有，不過佢似忌廉乜乜多d手工芋圓 - 芋圓有九份既味道，紅豆沙略微偏甜