古早味休閒台灣 (已結業)

.古早味牛肉麵 ($65)呢個係其中一個lunch set 以地段黎講 呢個價錢都算合理 牛肉麵以外仲有三款小食 一杯嘢飲牛肉麵湯底幾濃味 帶微微辣味 似係熬左好一段時間鐘意配料有埋紅蘿蔔同小唐菜覺得有呢啲先有正宗嘅味道🤣麵底佢用左似刀削麵咁粗嘅麵條有少許硬 可以腍返少少但麵應該同湯一齊煮過 所以幾入味牛肉都幾多 有三大件 煮得夠入味 夠腍就連中間啲筋都煮腍左😋至於小食 明明餐牌有鹽酥雞 溏心蛋之類嘅物體出到黎變左做墨魚丸 仲要又油又凍😅😅(真係圖片只供參考😂).不過最正嘅 係佢跟餐嘅飲品全部都係特飲級嘅🤣🤣香芋奶茶 珍珠奶茶 奶綠 都係跟餐飲品😙😙😙試左佢個珍珠奶茶 都唔錯 珍珠夠彈牙叫左少甜 啲珍珠甜度都已經好夠~~

出黎旺角睇戲 睇完戲就搵飯食之前見呢間古早味都幾多人介紹就好想試下黎到餐廳門口見到樓梯已經有驚喜佢地畫左好多壁畫 真係好有台灣感覺當堂興奮左 一下子以為自己去左台灣(原諒我ff一下)由於我地睇完戲都差唔多10點所以人流不多 只有幾枱客靜靜地都幾好我地兩個人嗌左牛肉麵,鹽酥豆腐同綜合芋圓牛肉麵用左台式刀削麵 麵質爽口 湯底唔會好咸 非常好味鹽酥豆腐都有好多粒 好香口 會有停唔到嘅感覺最後特別欣賞個綜合芋圓 雖然依家好多甜品店都有得食 但呢個賣相靚得黎仲非常足料! 價錢都合理~

今晚去左旺角食飯，朋友介紹一間台式餐廳，食物好高水準而且價錢唔貴，一去到門口裝修好靚好特別，滿滿壁畫夠哂風味。我地叫左3樣食物互相分享下，蚵仔酥，大大隻蚵仔夠哂足料，入口香酥香口，滿是咸香風味，蚵仔新鮮無腥味，好岩送啤酒。牛肉麵份量剛剛好，牛肉香軟香嫩，唔會鞋口，湯底夠哂入味。麵質好彈牙掛湯力高。古早油飯卷最有創意，味濃油飯卷入口好滋味，中間包上多種醃菜和香腸，加上秘製醬汁味道夠哂咸香豐富。一間充滿特色既台式餐廳，以地道風味的裝修為題，食物充滿驚喜！環境好似去左台灣夜市一樣，色彩繽紛又好熱鬧，再來一次都值得呀！

同朋友出旺角行街前打算醫左個肚先，搵下附近有咩美食，見到尼間鋪頭條樓梯幾特別，原來係由台灣進駐香港嘅餐廳，於是入去試試！打開餐牌有好多野食擇，小食都佔三頁紙，另外仲有好多甜品，台式飲料花枝丸蝦餅，蝦餅夾住一嚿嚿花枝丸，爽口彈牙,值得一試辣味鹽酥雞，唔係太辣，雞炸得鬆化可口，肉汁juice古早味油飯，糯米飯加香菇，質地黏黏的，略嫌淡味冇特別雙色台灣香腸，墨魚味香口，煎香囗一點會更野味最後埋單四樣野$180

平時行開都唔知有間台式店係到。更想不到甜品咁好食。古早味甜品類整得不錯！最推薦係蜜糖方磚。更有18蚊奶凍，可以係香港堂食咁平嘅食店可謂少之又少。仲要在旺角，平時行到累可以在此吃甜品與休息也不錯！店內人流也很多呢！---✨重點推介✨： 草莓蜜糖方磚 $75 - 草莓雪糕上面還有酸酸地嘅草莓乾。而最好食係個蜜糖方磚。焗得鬆脆，蜜糖味又夠。沾上融化了的雪糕，食落甜蜜香口！蜜糖磚總共有三層，好味到想食多少少。👸🏻覺得好食過九份同茶木！不過性價比就低左少少啦。下次都仲會再食。❤️❤️❤️ ✨重點推介✨：小食當中就推薦炸蝦餅。炸得香脆，而且可以看到全條蝦，食落爽口，食用油亦新鮮。如果可以有埋隔油紙就更好了，因為有點油。不過值得推薦哦！✨推介✨：芭樂玫瑰奶凍樽 $18 - 其賣點不在奶凍，乃是鋪在奶凍上那層石榴與草莓mix的果醬。清新的石榴降低了草莓的甜度，配以奶凍，味道出奇地清香，有驚喜。芒果拿破崙 $38 - 吉士味香，但不夠挺身，蘇皮比較硬身，又不夠脆。無法做到一切分開。吉士嘟得亦不平均。古早味牛肉麵 $60 - 湯底香濃，牛肉正👍🏻👍🏻👍🏻 最有驚喜是牛筋，軟綿不韌不硬。特別推介牛筋牛肉麵。麵質原

上樓舖，旺角區，中午時段非常多人.選了一客, 滷肉飯套餐$55. 雖然價錢合理，除了主角滷肉飯中規中矩外，其餘的質素也強差人意.滷肉飯確是大大碗，上枱時，以為是肉片飯，原來是肥膏，味道只能用合格來形容.也不算太差罷!配菜又乾，又凍，又硬,好像隔夜食剩貨色胚芽珍珠奶茶味道非常淡，主打台灣食品的餐廳，竟然做出這樣差水準的台式奶茶，實屬 罕見最终食剩一大半，連奶茶也飲剩一大杯，確是浪費和不環保，但無法，質素何其差。侍應們服務也很勤快。但最终等了10分鐘才出餐，而本人同 樣食了10分鐘巳離開睇怕都冇下次。

一向都係台灣美食嘅忠實粉絲, 每年都要去一去好似番鄉下咁, 皆因當地美食種類又多價錢又平, 如果冇錢冇假冇得飛, 要喺香港搵番咁上下水準又性比價高就一啲都唔容易。 呢間新店喺我搭小巴番屋企嘅對面, 所以無意之中發現到, 喺旺角要食台灣嘢唔難, 要搵到一間好食嘅真係寥寥無幾。 咁鍾意台灣美食嘅我當然要去試一試佢米仔啦~幫襯咗佢兩次, 真心決定要嚟寫一個好評俾佢。我將兩次所食嘅嘢夾埋一次過出post, 希望大家唔好介意啦。 第一次試咗花枝蝦餅+牛肉麵+五味雞+鹽酥雞刈包+炸芋圓 第二次試咗炸甜不辣+豬扒刈包+鹵水拼盤+大雞扒鹵肉飯可能我見識小, 第一次見芋圓係炸架, 所以二話不說就叫咗嚟試, 不過佢就可能因為係甜點嘅關係, 所以炸粉唔係話落咗好多份量, 唔係我想像中嗰隻質感, 不過都唔差嘅因為冇乜油, 感覺唔會太肥膩。 總括嚟講每一款都略有水準, 唯一失望嘅就係甜不辣好硬呀~如果可以改善一下就perfect喇!

台灣野間唔中都食...見openrice咁多笑面就一心去試正菜~一去到樓下就見到有人派coupon~ 食滿150平10蚊~即刻拎完上樓食啦~上到去被帶去坐角落位~超級逼既4人卡位拆開做2張2人台~附近既食客出入都要其他人"請移玉步"...邊移玉步邊揀野食..叫左個3寶牛肉麵~就係牛筋牛肚牛展~嘩....個牛肚真係極品成舊擦膠咁...點煮出黎架....麵就似刀削麵咁~幾粗~幾多下~一定食得飽~但有d位置痴埋一舊...呢個就正常蕃茄牛肉麵啦...(其實都係牛展咁)嘩....多左一堆蕃茄粒就係架啦~同3寶牛肉麵個湯底係99.9%一樣味架~唔知蕃茄湯底係邊度?炸蝦餅~呢個都還可以~夠新鮮~蝦膠夠膠牙~熱辣辣外皮仲有少d脆~但個甜酸醬竟然分開上........已經搞到攤凍左少少~最正既應該係呢樣~麻辣拼盤~有豬肚~鴨腎~豬耳~夠麻夠辣~好惹味~總結:有d懷疑係咪打手既食評..新開餐廳咁快有5x個笑面~食完之後~還好啦~有d係幾抵既~但有幾樣不足之處~1. 本身閣樓餐廳既問題就係窄, 空間感細, 樓底矮     但佢仲塞勁多張台...驚死唔夠位坐咁~     塞塞塞塞~塞到d侍應夠膽叫個客幫你上菜

週末的晚上，我跟兩位朋友，一同來到位於旺角女人街剛開業不久的台灣菜。一進門口，鮮豔且有趣的塗鴉牆，是一個很好打卡位置。環境都算寬闊。是次晚餐總共點了10道菜式，包括一杯飲品、兩個甜品、一碗麵、一碗飯、5道菜。先說起我和我朋友一致最喜歡小吃- 花枝蝦餅，必食！炸得剛剛好，口感也是爽口的，加上酸甜醬，會想再點多一次小食。第二個我喜歡的小食- 酥炸鹽酥雞，也很好吃，這家的炸物感覺都是剛剛炸起，所以吃上去不會軟掉。另外，滷水拼盤、涼拌青瓜、麻辣雞腎都很開胃。另外，奶蓋烏龍茶有驚喜！原來奶蓋與烏龍茶可以很夾！而主食之一的魯肉飯，一上桌子已有魯肉味道。而魯肉咸度剛好，我自己不是太喜歡太重口味的，所以這碗咸度剛好，而且肉質也很好吃，飯也不是硬硬的，和朋友不一會兒已把這碗魯肉飯吃完了。我們還有點了一碗古早味牛肉麵，我們一看見那片牛肉厚度已經覺得店長是佛心來著，這麼厚啊！對於吃肉獸來說，吃的每一口也是感動啊！牛肉質也軟硬剛好，牛肉麵的湯底是偏甜的，還有一點點辣，而麵條屬於厚身寬麵條，手工的麵條，建議先嚐一口湯，然後吃一下麵條，真的超配的！最後，甜品吃了綠豆芋圓（熱），芋圓比想像大顆，店員介紹都是人手做的

台灣野其實一直都係我至愛之一事關煎炸重味野同埋甜品全部都係我至愛行過女人街琳瑯滿目既食店經常都會比呢店外吸引既食物所引誘今日就黎一戰==============================三軍未動，野飲先食先叫左個可可奶茶加珍珠，只係有點兒失望可可味雖夠，但茶香欠奉更慘係珍珠未熟透食台灣野又點可以唔叫雞扒呢呢個只能夠說不過不失雞扒太薄冇咩口感雖然炸皮夠薄，但係我估調炸醬果陣落多左粉而且炸既油溫可能都唔夠高令到外層仲有Ｄ油份係到還好既係入面保持都滑嫩嘉義雞肉飯一個字講晒：雞肉太老老實講，食到呢到我以為呢餐會失望點知就係呢個時候黎個大反轉牛肉麵牛肉入晒味，牛筋部分煮到淋晒，入口即溶油脂味係口腔爆發出黎而且麵既口感唔會散同粉出色既牛肉麵酥皮棒棒泡芙新推出既酥皮棒棒泡芙外皮酥脆，入面既吉士味道香甜柔滑極力推薦：草莓蜜糖方磚呢個真係要極力推介烘過既飛邊方磚，香脆之餘保持到鬆軟點埋原本已經好味既雪糕簡直一流原本已經８分飽既我地食呢個果陣都搶住咁樣食必食推介！！！！！！！！！！！！！！！芒果拿破崙芒果都幾靚，而吉士都係高水準但係酥皮方面就有點失水準了唔夠酥脆，似係放雪櫃放耐左芭樂玫瑰奶凍樽芭樂其

傾盤大雨嘅一個下晝係地鐵站出黎 呢幾日都好大雨咁都要搵嘢食所以要搵間近嘅廢事淋到咁多雨原本都搵咗幾間最後決定揀呢間最近我地嘅餐廳叫做古早味休閒台灣要行上樓上一層嘅係正女人街頭跟住我同女朋友一人點咗一個午餐嘅分別都係$65價錢黎講唔算平聽到侍應成日特別講普通話可能扮台灣人掛古早牛肉麵 $65先黎咗個牛肉麵先佢有啲瓜 螺肉 同花之丸配菜嘅個麵係普通台灣麵個啲粗麵比較唔吸味湯底有陣唔知咩味唔太好飲嘅豬軟骨麵 $65同牛肉麵一樣都係有啲配菜個湯基本上都係一樣味個豬軟骨都幾大件味道可以嘅唔算特出胚芽奶茶跟茶有個胚芽奶茶好似比人飲咗啖咁但佢幾多胚芽嘅可可奶茶其實我都唔知可可奶茶係咩黎不過見到英文寫住chocolate milk tea呢杯朱古力奶茶都算可以嘅不過朱古力味唔夠總結：$65個午餐比較貴我覺得但佢有杯台式飲品叫做好少少咁啦味道唔算特出但份量取勝嘅

星期六晚總會同一大班朋友食晚飯，朋友預先留咗12位，所以即刻有位，夜晚落大雨，reception 店員都好好咁俾哂傘袋我地。呢間係樓上舖黎，環境幾靚，可能係新開，唔會爆哂位咁，衛生都唔錯。整體食物飲品係旺區食晚飯黎講都算平，飯/麵$50幾左右，台式飲品有奶蓋、水果茶等，平均$20。晚餐時間冇set跟飲品，要另外加錢。蝦餅$38，點酸梅醬味道好，足料，真係見到有蝦，唔係成舊麵粉咁，所以呢個價錢得4塊仍算合理。嘉義雞肉飯$50，賣相幾靚，但味道一般，個人覺得個汁偏淡，雞肉唔會「鞋」，份量合理，但成碗飯都細，我食唔飽🙈。另外，食咗朋友一啖麵，會彈牙，湯汁味道👌🏻，早知食麵啦😌。佢d主菜size 比茶木、鐵牛台灣牛肉麵既主菜細，但價錢平少少。 最尾有好多人黎，需要張大枱，店員都好有禮貌同我地講，人地始終都要做生意，所以我地都冇法坐得耐，旺區餐廳正常。餐廳位置多，凳有軟墊，坐得舒服，不過人多傾計就難d,適合一班人短聚食個便飯👍🏻

呢幾日成日落大雨，差啲濕身之際，一轉入小巷，行幾步就見到呢間「古早味休閒台灣」，落雨斯濕，幾個女仔唔想再周圍行，就揀呢間解決晚餐。🌧一上樓上，位置唔多，4個女仔坐卡位，好闊落，坐得舒服😊-Menu 好厚，好有趣既係佢既主食（飯同麵）只係得2頁，其他全部都係小食同甜品。藍妹同幾個姊妹一見到啲甜品就心心眼😍最後叫左2個小食，2個主食同3個甜品。--台式滷肉飯賣相唔錯，滷肉份量岩岩好，滷水汁都唔會太咸。整體唔錯呢-古早味油飯比個名呃左😡其實係糯米飯，飯粒同蝦米都好硬，味道麻麻，對呢個飯好失望👎🏻-鹽酥豆腐藍妹超級鐘意食豆腐💕呢個好食，皮又薄又鬆脆，鹽酥就最怕好咸，呢間就唔會，咸度剛剛好。一咬落去，熱辣辣，差啲辣親，但冇損食慾，豆腐好滑，同皮形成左鮮明對比。💯-鹽酥雞軟骨真係太細份了吧？真係想食多幾粒都唔得😫不過係唔錯既，炸得夠脆，脆卜卜好香口。😉-終於到戲玉❗️甜品‼️桂花酒釀小丸子唔好睇佢細細杯，小丸子都唔少，非常煙韌，夾埋薏米一齊入口，多左重口感。桂花酒好香醇，烘熱左既酒滑入喉嚨，令到成身暖笠笠🍸-手工綜合芋圓芋圓大大粒，帶幾款口味，藍妹最鐘意蕃薯味🍠每款各有千秋，唔會淡而無味。旁邊有珍珠紅

今晚又食台灣野，好正呀！都聽過呢間好多甜品食，一直都想試下，今次有機會啦。蚵仔煎係台灣出名嘅美食，呢間店嘅蚵仔煎值得推介呀！蚵仔份量多，口感好，佢塊餅都係超好味嘅。上面有橙色酸酸醬，蚵仔係肉類，易膩，所以酸酸地正好配合蚵仔煎。而且個餅好脆，每塊餅都至少有 3，4隻蚵仔。鹽酥炸雞，脆脆地，岩岩炸好，又超熱，勁香口。雞肉好滑，醃得岩岩好，好入味。因為真係好中意食炸雞，好好味。呢個芒果拿破倫蛋糕，先講賣相，真係無得彈，靚爆。3層餅中間有cream同芒果作為夾心，芒果香甜，cream又滑，配搭十分唔錯，擺設都花過心思。有士多啤梨，芒果，火龍果放係隔離添， 顏色定味道都幾好。

上星期畀個勁大招牌吸引左去一間新開唔係無耐既台式餐廳 上到去就聽到一貫台灣風情既"歡迎光臨" 職員既態度非常親切有禮 另外 未坐低已經聞到一陣陣不知名但又好香既味道台式飲品當然是少不了十幾蚊就有一杯 比連鎖既珍珠奶茶店抵飲由於價錢唔貴 亦好多小食選擇 所以轉眼間點到一枱都係食物]台式小雲吞 細細粒 一啖一粒 皮薄好食除左辣鹽酥雞仲點左鹽酥豆腐兩樣都炸得乾身唔油膩 外脆內嫩古早味牛肉麵 湯底濃郁 麵底係粗麵有咬口台式滷肉飯同係台灣食到既一樣 味道帶甜其實食完已經差不多9成full 但見到好多款甜品都好吸引 又唔忍心放棄本身想揀較輕盈既草莓聖代 但侍應哥哥勁熱情地推介我地試最人氣既草莓窩夫 盛情難卻 咁就即管試下窩夫一送黎 終於知道一開始聞到既香味係咩黎的確如侍應哥哥所講 佢地既窩夫特別香同鬆軟 好好味唔食真係走寶