影片
营业时间
今日营业
11:00 - 23:00
星期一至日
11:00 - 23:00
以上资料只供参考，请与餐厅确认详情
系呢条街有间以前食开嘅广东大云吞粉面舖，本想帮衬，点不知发现隔几个舖位有呢间上海馄饨店，就转吓口味。要等下一张枱，可以系门口睇住餐牌谂定食咩。行到有点热，叫杯冻柠茶 ($12)爽爽先。呢客香煎韮菜馄饨 ($53/10只)，系侍应姐姐推介，果然无介绍错。每只外皮底面都煎到金黄色，未食都知道香脆; 咬开有满满嘅韮菜鲜肉馅，仍食到肉汁嘅香甜味，加少少醋汁及自家制辣椒酱食，要趁热食呀。小馄饨套餐 ($60)可配饭/拌面。二选一要咗葱油肉丝拌面配15只小馄饨系小馄饨系列中可选择口味，呢碗系全家福，应该系每款口味都有几只。皮薄馅料小D，呢只应该系特色荠菜小馄饨，一啖一只够过瘾。而客葱油肉丝拌面，一人份量岩岩好。拌面沾上葱油加酱汁，面质几弹牙，加少少肉丝一齐食都几好味。想食虾嘅就要点大馄饨系列，就好似呢碗虾仁香菇鲜肉大馄饨 ($58)，另加面底($10)及紫菜($10)。大馄饨皮较厚实，内有原只虾肉及香菇鲜肉馅，虾肉几弹牙，味道较煎韮菜馄饨淡口。汤底加埋紫菜，入口有紫菜嘅香甜味，夹住面条食再饮啖汤，又另一种食法。小食方面，一致想食凉伴海带丝 ($33)，份量都唔少，淋上惹味酱汁，加埋红辣椒粒，带点辣度，爽口好食。估计系老板嘅姨姨亲切热情，无加一服务费，相当抵食。
继续阅读
星期六去左尖沙咀睇中医，系付近平平地食个lunch呢间古城馄饨好平 细细间铺但2点30都坐满人1.韭菜煎饺煎得好香脆，少油韭菜好香口2.虾仁干贝合家欢虾都算大只，断弹牙干贝细细粒但味道好突出3.元贝全家福有3款味元贝特色荠菜大馄饨比较爽口，清爽清甜元贝原味鲜肉大馄饨多肉汁，啖啖肉元贝香菇鲜肉大馄饨香菇味都几出4.牛肉卷饼牛肉同青瓜比例适中5.葱油肉丝拌面面条幼身，葱油好平均挂系面条上面不过猪肉偏肥，但都好好味枸杞花旗参特饮冻柠茶
继续阅读
香港好多饺子店 不过食中式小云吞嘅舖头就唔算多喺尖沙咀呢间小店揾到正宗上海云吞😝有大粒 有细粒味道好有家嘅感觉🥰传统又唔重口味 系间中都会想再食嘅味道云吞好足料 又有鲜味 外皮好薄 汤底唔花巧清清地 加左紫菜底就更清甜叫左一碗虾仁大云吞全家福 有齐咁多款口味！仲有较少见嘅干贝云吞 特别香😗小云吞都可以叫全家福 细细粒好得意🥹见佢有素菜云吞 店员姨姨仲主动提出可以换两粒紫椰菜比我地试下 椰菜切到好碎 好爽甜好好味😋另外叫左凉拌木耳+海带丝 辣辣辣地 惹味开胃🤤本身想叫多个鸡肉卷饼 但卖哂 知我地想食 店员居然额外整一个青瓜鸡蛋卤肉卷饼比我地！外皮薄薄地 有啲似台式蛋饼 内馅配搭几清新轻盈而且好喜欢佢地嘅店员姨姨叔叔 好亲切🫶🏻
继续阅读
路上收到传单，有间馄饨店新开张，仲有小礼物送，见价钱唔贵咪去试下啰😋小店店员非常热情，落完单一阵已经出餐啦，劲高效率！⭐原味鲜肉小馄饨点了30只的小馄饨，很鲜味，入口好滑，一口一只😋⭐特式荠菜小馄饨仲有30只的荠菜口味，有菜有肉更香口，两款口味都正㖞🤤⭐香煎韮菜大馄饨再来有煎的大馄饨，拣左韮菜口味，个皮煎得好脆，多馅饱满，韮菜煎香正系好好食㗎。⭐牛肉卷饼最后系卷饼，即叫即整呢样要耐少少，饼皮内包住生菜、鸡蛋、青瓜同卤牛肉，香口又清新，要衬热食更好味呀。⭐冻鸳鸯 & ⭐冻柠茶饮品一般般啦，杯鸯唔多港式，柠茶正常。小礼物系保温壶，都几靓吖。
继续阅读
朋友在尖沙咀附近上班，知道我十分喜欢食云吞，他推介这一间新开的云吞店。餐厅风格简约，以木系为主，简约，舒适。最后我们叫了以下食物1.凉拌腐竹拼青瓜 ($38)选择了我最爱的腐竹和青瓜。酱汁的调味恰到好处，带有微微的香辣，酸酸甜甜夏日炎炎最啱的前菜2.全家福大云吞 ($53)有选择困难症的我，选择了全家福。特色荠菜，原味鲜肉，香菇鲜肉，玉米鲜肉，韭菜鲜肉。这碗云吞的馅料丰富，肉质鲜美，皮薄馅靓，让人感到温暖和满足。最特别是荠菜，不是很多地方有得食。3.葱油肉丝拌面 ($38)朋友叫了这一道拌面，香浓的葱油，配上半肥瘦的肉丝。
继续阅读