古今二 (The ONE)

营业中

休息中

這家以日式卷物作招來 加上fusion式口味和擺碟打卡度連平日晚上也是全店滿座不過當晚嚐的兩款卷物的性價比和味道很一般白飯比例太多 食起來不太感覺到魚生鰻魚的存在連彩虹卷表面數片魚生也卷得不太像樣 有點失望反而看起來如龍卷風似的亂糟糟沙律 入口味道竟然頗有驚喜 屬於帶清新開胃的口味簡單拌起蟹子蟹柳生菜海澡中華沙律 粗幼軟爽脆均有還撒上一把粟米片的香脆可口 好不過癮而朋友點的牛舌也可一試 薄身切片但不乾不韌配上旁邊甜甜酸酸的醬汁 頓時感覺清減肥膩𓏭𖤥 古今二尖沙咀彌敦道100號The ONE5樓502號舖༶ 龍卷風沙律 ₈₈༶ 埼玉 網燒牛舌 ₇₈༶ 鹽燒雞中翼 ₃₂༶ 彩虹卷 ₁₁₉༶ 超級龍卷風 ₉₈༶ 豚肉泡菜鍋 ₁₄₈𓏭

古今二分店越開越多 今次嚟到The One 分店 餐廳環境十分簡約整潔 被安排到卡位就座好夠闊落 坐得好舒適能夠好好咁同朋友食日本菜傾吓偈嘅好地方而且質素高又抵食 開心！雜錦刺身沙律 $108好大碗沙律！重份量！勁足料！💯角切刺身有三文魚、吞拿魚、油甘魚同劍魚腩三文魚籽同蟹籽都落得好多 超鮮味灑上黑白芝麻 混合埋微辣嘅沙律醬一齊好好味沙律菜同車厘茄都好新鮮👍🏻火山 $128燃起火焰🔥好搶眼嘅一道菜鋪滿好厚嘅芝士、蟹柳絲、帶子底下卷物材料仲包括有青瓜、牛油果 幾有創意 好睇又好食 打卡首選！琦玉網燒牛舌 $78牛舌燒到好香 厚肉夠爽口又爆肉汁💦配搭柚子香醋真係好好味😋牛舌關注組會員表示超級滿意！海老天婦羅 $88炸粉夠薄好鬆脆香口 沾上蘿蔔蓉汁更好味 喜歡食炸蝦必點！

呢間日本菜小編之前係荃灣同銅鑼灣都食過，味道唔錯之餘仲有好多唔同卷物選擇，值得一試😌尖沙咀店係the one入面位置好方便🥰_🥗龍卷風沙律 $88沙律次次黎都有叫，加入蟹柳絲、中華沙律及辣醬食既時間辣辣地好開胃，大大份好滿足🍘珈蛛 $103黎到一定要試下佢地既卷物，今次呢款入面有炸軟殼蟹、青瓜、牛油果、蟹柳，值得一讚軟殼蟹好香脆，食落口感好特別🐮埼玉網燒牛舌（4件）$78牛舌爽口彈牙，食既時候牛味香濃，叫多杯啤酒🍻作下酒菜一流🐥大阪自家製炸雞（6件）$78小編平時都好鐘意食炸雞🍗日式炸雞皮薄肉質嫩滑，入面仲有啲肉汁，好好味

#chuchuintsimshatsui—𝗠𝗲𝗻𝘂 𝗼𝗳 𝘁𝗵𝗲 𝗱𝗮𝘆🥗🍤雜錦刺身沙律海老天婦羅煙花鹿兒島黑豚荔枝卷串燒—雜錦刺身沙律🥗角切三文魚➕油甘魚配三文魚子😋沙律同醬好夾😻啲菜好新鮮 口感唔錯.海老天婦羅🍤炸粉唔厚 襯熱食好食😋.煙花🎆辣味三文魚➕辣味吞拿魚➕芝士既配搭✔️主打卷物真係幾好食😋飯既硬度恰到好處卷物面頭既明太子醬係點晴之筆💞.鹿兒島黑豚荔枝卷串燒荔枝好清甜🌟好搶味👏🏻👏🏻👏🏻—💰hkd $370 with 10% service charge (2ppls🍬)📍 KOKON2 Shop 502, 5/F, The ONE, 100 Nathan Road, Tsim Sha Tsui.

去開尖沙咀,嚟到The One覓食,俾一個灰黑綠色嘅門面吸引咗,原來係食日本嘢🍣~個日式麻醬豆腐沙律估唔到都幾大🥗,面頭係四塊好滑嘅豆腐,配埋好香嘅麻醬,清爽簡單就好好味👍~下面有新鮮嘅沙律菜同中華沙律,再加埋啲又鹹又香嘅三文魚子,啱晒我口味😋~呢個埼玉網燒牛舌一上檯我就嘩嘩聲😮,因為啲油份超靚!牛舌切得偏厚👅,所以燒完唔會乾,入面仲係食到好多汁💦~外面就係滿滿嘅油份,一入口就覺得好香~天婦羅幾粉都幾薄,有啲金菇,蕃薯,冬菇,一口蕃薯🍠~個人最鍾意蕃薯,軟熟香甜~佢啲壽司名都幾特別,好似呢個蜘蛛🕷,其實係軟殼蟹壽司🍣~脆卜卜嘅軟殼蟹有好香嘅蟹膏味🦀,加埋啲清新嘅沙律菜同牛油果🥑,又靚又好食~食完仍然對佢嘅牛舌念念不忘,因為真係又厚身又多汁又有油香,大推👍~

📍位於尖沙咀The One 5樓嘅 古今二 就近地鐵站位置方便。⭐️ 柚想蝦你 🍊🦐🥗 $108沙律內容 ： 🥬蔬菜，日式海草（中華沙律），🍅車厘茄，🍎蘋果，🍊柚子，蟹子，🥑牛油果，🦐甜蝦，柚子汁， 芝麻醬。沙律菜新鮮，柚子甜，牛油果啱啱熟，max 埋一齊食👍🏻👍🏻👍🏻。⭐️相撲力士 🍣$115卷物內容：芝士，蟹柳，三文魚刺身口感豐富嘅卷物👍🏻👍🏻。⭐️埼玉 網燒牛舌 🐮👅$754件超厚牛舌，燒得剛好，個心好柔弱。⭐️鹿兒島黑豚茘枝卷串燒 🐷$32細細串，啱晒女士，簿簿嘅黑豚肉卷住多汁荔枝，咬落去D汁爆出黎，一串3粒啱啱好👍🏻👍🏻。

The ONE都幾多野食,今次黎到試呢間古今二,睇相見啲野食好似幾吸引,決定黎試試😛《錦繡·二人前 $558》呢盆刺身拼盆真係賣相一流,二人份量都咁有心機製作,睇見都開胃,當然味道都唔錯,刺身全部都好新鮮,而且都係厚切,海膽同鮑魚都好好食👍🏻《鹽燒油甘魚鮫 $128》油甘魚鮫冇想像中油份咁高,肉質有小小鞋身,呢個一般!《埼玉 網燒牛舌 $78》牛舌真係好好食,全部都係厚切,食落好彈牙,呢個真係必叫!《黑豚豬頸肉串燒 $32》《鹿兒鳥黑豚荔枝卷串燒 $32》《蒜香牛油燒帆立貝 $42》串燒就試左呢三款,樣樣都燒得啱啱好,帆立貝好新鮮,比較驚喜!《三河極炎活鰻 $85》鰻魚既份量絕對唔少,有成大舊,肉質較彈牙,中意食鰻魚既人一定要試下😋整體對呢間餐廳評價唔錯,水準幾高,值得一試!古今二尖沙咀彌敦道100號The ONE5樓502號舖[⭐️5分為滿分]味道⭐️⭐️⭐️⭐️環境⭐️⭐️⭐️服務⭐️⭐️⭐️⭐️價錢⭐️⭐️⭐️⭐️推薦⭐️⭐️⭐️⭐️

Bookmark左好耐終於約到朋友過黎🤭勁期待而且完全無失望🔥😆5點幾就過去 好彩仲早未洗排隊～走個陣已經要等位了🥲🥲🥲日本野裝修都非常日式🇯🇵⭐️龍卷風沙拉🌀💲8️⃣8️⃣呢個好大碗🤭上面超大堆蟹柳入面有沙拉菜🥬、牛油果🥑、仲有中華沙拉口感好特別 配搭100分💯無限輕盈感🤞🏻女士必點‼️⭐️蒜香牛油燒帆立貝💲4️⃣2️⃣帆立貝大大粒燒得幾香⭐️櫻花蝦原條茄子燒🍆💲8️⃣8️⃣茄子上面滿滿櫻花蝦🦐🦐🦐🦐食落非常非常香🤞🏻又唔太咸重頭戲⭐️火山🌋🌋🌋💲1️⃣2️⃣8️⃣呢個上網睇完就心心眼左😂😂😂但其實中間個壽司係無燒到既😂😂😂其實係有8件卷物（蟹柳🦀牛油果🥑）上面應該係明太子沙拉醬同大量蟹柳🤤🤤出色既 下次都一定會叫🤭🤭好滿足呀❤️❤️❤️❤️

同朋友係The One 睇戲, 但時間有D 尷尬, 唔遲唔早咁, 所以決定食少少嘢先入場, 唔係驚出黎會太肚餓, 見戲院下一層就有呢間日本餐廳, 望落個樣幾好, 所以就試吓~ 朋友話呢間既卷物係出色, 所以一定要叫, 簡單叫咗少少嘢: 🥢柚想蝦你 好大一碗沙律, 面舖上甜蝦, 底下有柚子, 仲有好多其他配料, 如牛油果、車厘茄、蟹籽等, 配埋柚子汁, 清新開胃 🥢火山 呢個超級IG-able 既卷物，上枱時侍應會將2邊既海鹽點火，頓時將卷物置身火焰之中，場面好壯觀好靚，超適合打卡。 上枱有氣勢，而內餡亦都好好味，卷物內有牛油果、蟹籽、青瓜等，上邊再鋪滿蟹柳絲、蟹籽，明太子醬等，食落辣辣地好惹味，而且份量十足，食完好飽🥢櫻花蝦茄子燒 平時燒茄子都係開邊加上照燒汁咁燒，但呢個燒茄子就加上滿滿的櫻花蝦，吃時充滿櫻花蝦既香味，更加有口感 🥢鹽燒雞中翼串 雞翼燒得好好，雞皮微微的脆，但肉還是嫩的，而且一Ｄ都唔乾，味道入味

位於尖沙咀彌敦道100號The ONE5樓502號鋪的古今二，餐廳簡約的日式裝潢，帶點懷舊風格，座位舒適，予人舒服自在的用餐環境。主打日式料理，顏色鮮艷奪目，並以創新配搭，使味道層次更加豐富，而壽司卷系列是當中最具代表性的菜式；另外亦供應多款冷熱盤菜餚，加上菜式定價合理價錢親民，能滿足不同口味的食客。蟹柳沙律：蔬菜新鮮好爽脆，有蟹柳同蝦籽，加入自家制辣沙律，味道不錯好開胃。金龍卷：整條金龍盤碟，賣相十足，配有三文魚、炸蝦、芝士和青瓜卷物，炸蝦好香脆，咬落脆卜卜，令到口感好好，有層次感，與表面點綴啲沙律醬味道相當配合。黑豚豬頸肉串燒 ：彈牙爽口，滿口油香，口感一流。是情侶或三五知己享用美食的好地方。

火山🌋之前喺其他分店都已經食過，但視覺效果實在太正😍 而且真係會加熱燒香咗壽司頂部的蟹柳、芝士、蟹籽、燒汁等邪惡混合物🤤埼玉網燒牛舌本身就中意食牛舌～ 呢度牛舌除咗燒得夠彈牙QQ之外，仲有甜甜地、少少酸嘅菠蘿味🍍嘅汁點嚟食😎 雜錦刺身沙律🥗雜錦刺身就可以一次過食到唔同款式嘅刺身～ 有三文魚，吞拿魚，油甘魚等等～ 再加上沙律菜～ 比起丼飯，咁樣就唔洗食太多嘅Starch 😌蒜香牛油燒帆立貝🧄🧈蒜燒加牛油燒非常之濃烈惹味😬帆立貝有兩粒，size 中等。

成日都好鍾意放工嚟尖沙咀食飯，貪呢度夠方便又多選擇，今次我哋揀咗呢間日本野食～同一般日式居酒屋唔同嘅係佢哋嘅菜式都好特別，我哋最後點咗兩個主食同埋兩個小食～『紅粉佳人』（辣味吞拿魚，辣味三文魚，蟹柳，牛油果）🍴雖然話係辣味，但係唔會真係好辣，反而更突出魚生嘅鮮味，同時蟹柳超爽口，將呢幾樣食材放埋一齊，又出奇咁夾同埋口感好豐富『大阪自家製炸雞』🍴好鍾意佢整到每塊雞件都可以一啖放入口，再加埋嫩滑嘅雞肉同埋特製醬汁，好好味👍🏻『日式麻醬豆腐沙律』🍴除咗有軟滑嘅豆腐，仲有魚子，蟹子同埋海帶撈埋一齊，感覺清新又鮮味『豚肉泡菜鍋』🍴超大塊嘅豚肉，仲有好多配料，其中嘅冬菇超大隻，浸完泡菜湯後勁入味，一啖豚肉一啖泡菜湯，真係好正！仲有不得不提嘅係佢哋嘅清酒，好純好易入口，精米步都係50％以下～鍾意飲清酒嘅朋友可以試吓👍🏻

有時候在不知道要吃什麼時，總是會想到日本菜，不單單是壽司還有很多種料理方式能代表日本菜，今次來到古今二發現他們的料理更是多元。⭐️龍捲風沙律作為開胃菜，滿滿一大盤，而且不全是生菜，還有海藻、蟹柳和蟹子，平時好驚啲沙律醬汁不夠好彩醬汁給好足，上面還撒粟米片令到成個沙律口感更豐富。⭐️火山必點的招牌菜之一，服務員送上桌後點火讓令到讓人更期待這道菜，入面係細細個壽司裡面包住蟹柳和脆口嘅青瓜，配上最上層的蟹柳和蟹子更加惹味呀。⭐️日式炸餃子一啖咬落去發現外皮十分酥脆，很爽口，入邊嘅肉都好juice，好推介佢地餃子。⭐️埼玉網燒牛舌平時最驚啲牛舌會處理的好硬好韌，牛舌切起來厚度適中，吃起來口感軟嫩多汁呀。

餐廳一邊是落地玻璃窗，望向尖沙咀樓景，透光很好，感覺開揚！細心設有竹簾，即使太陽猛烈也不用怕呢～裝潢充滿日式風味，木色配合搶眼的藍綠色和墨綠色的通花，新潮的配搭！和這裏的食物一樣，都是新潮具有特色的配搭呢！很喜歡這裏用上一糸列有質感的石桌面和日式餐具😍，用餐時更添風味呢！職員服務細心有禮貌，看見我們手拿一袋二袋，主動替我們拿了椅子給我們放置呢～♡雜錦刺身沙律$108 🥢必點🥢大量的刺身，有三文魚、劍魚腩和吞拿魚腩，還佈滿了蟹籽和三文魚籽，全部都非常肥美，魚油味甘香～配合沙律醬，味道很清新 🤗♡超級龍卷風$98 🥢必點🥢內有鰻魚、海老、芝士、青瓜和脆片。海老是經炸過的吉烈蝦，炸得金黃酥脆，加上脆片，口感香脆！配上半溶的芝士、美味的鰻魚和爽脆的青瓜，味道和口感都十分豐富啊～♡櫻花蝦原條茄子燒$88 平常都是吃蒜蓉配茄子，這裏用上櫻花蝦配茄子，配搭新鮮。上菜時，櫻花蝦香味撲鼻👃，茄子時間燒得剛好，軟硬適中，茄子🍆上放有滿滿的櫻花蝦🦐，是濃濃的咸香蝦味呢～✔️餐廳設加一服務費 ▪︎另設有觀塘、荃灣和銅鑼灣分店

最近去左尖沙咀The one食呢間日式餐廳有一種好日式居酒屋風但食物方面未算太岀色🫠-🥢刺食拼盤有三文魚，吞拿魚，油甘魚，海膽，八爪魚等，刺食種類都算多而且非常之厚🥰不過就唔算太新鮮，魚味唔算重🥢龍蝦沙律沙律上面有滿滿龍蝦肉🦞食落有小小辣辣地都幾開胃，同場加映男朋友對蝦敏感都試左小小，但竟然冇事🤣🥢燒物我哋嗌左帆立貝，雞翼，牛舌，虎蝦。趁熱食最好食！不過雞翼就比較咸，適合配酒飲🍶牛舌都好厚實，唔洗點汁都好好食！虎蝦既肉都好實，不過就唔太夠味🫠🥢泡菜五花腩鍋一致認為呢個係全場最好食🤣暖粒粒又辣辣地好正！入面仲有金菇同豆腐，都好抵食！🥢火山反卷上面有滿滿嘅蟹柳絲，職員會放到喺你枱面先開始點着火🔥非常之適合打卡📸不過味道比較普通喇-呢間餐廳環境氛圍上都唔錯，不過壽司同刺身方面比較普通，串燒同鍋分野比較出色