叙苑粉麵茶餐廳

营业中

休息中

茶餐廳系列 三叙苑粉麵茶餐廳係慈雲山札根多年的地道茶餐廳，細細個係慈雲山讀中學已經係度，當時九龍灣淘大附近都有一間分店，不過依家得返慈雲山一間。………………………………………………牛腩墨魚丸，雙拼麵 ⭐️⭐️⭐️⭐️湯底同幼麵都好出色，加埋叙苑嘅辣椒油，好好味。不過牛腩有啲軔，墨魚丸就正正常常。下次會試吓其他餸。豉椒斑腩炒河 ⭐️⭐️⭐️豉椒同埋斑腩都好味，但係河粉好厚實，啲汁上唔係好上到河粉，整體就變左麻麻地凍奶茶 （少冰少甜） ⭐️⭐️⭐️⭐️茶味同奶味算平衡，飲落都順喉，正常茶餐廳奶茶。………………………………………………

平日午餐時段，一碗粉麵20幾蚊，兩個人兩碗粉麵+2杯嘢飲，再加多碟菜，都係90幾蚊，份量唔算多，但如果唔係太食嘅，都已經很足夠，同區裏面應該好難兩個人食粉麵平過$100仲要有菜有飲品，凍檸茶有質素可以一試並不是過啲假檸檬或者係魚制檸檬水。

返工前嘅早餐就係日子開始嘅前奏，今日我揀左叙苑嘅招牌沙嗲牛肉通黎打邊爐🍜，跟住就係滋味爆煲嘅奄列同無得輸嘅牛油包，最後仲有杯經典香滑奶茶🍵。講真，沙嗲牛肉通幾正，湯底香濃得嚟又夠哂kick，牛肉滑潤又鬆化，無嗰啲屈機嘅韌味。當我用勺子輕輕攪動，迷人嘅沙嗲香氣襲嚟，loop住成個腦海。奄列又點落色，火腿香味十足，配合完美煎到嘅蛋汁，簡直係"咬落去，幸福感爆燈"！牛油包嘅話，外層香脆，鬆化牛油入咗口即刻溶化，真係融合到好似一曲樂章咁嘅和諧旋律。當然，少不了嘅就係個奶茶喇，夠香夠濃，每啖都令我精神百倍！講到底，叙苑嘅呢餐早餐，確實係為繁忙嘅都市生活添咗一份温暖嘅小確幸😊🌞！

本身特登去慈雲山食另一間馳名嘅沙嗲煲仔麵不過去到門口太多人，唔想排隊所以就睇下附近有咩食，見到敘苑門口寫住煲仔飯上市，又唔洗等位，就入去試下叫左兩個窩蛋牛肉煲仔飯$72凍檸茶加$10佢係用一塊塊既牛肉，唔係牛肉餅幾好隻蛋督開仲係流心，唔錯不過食完夜晚有小小口喝，應該味精比較多飯蕉就有改善嘅空間因為唔多脆口，硬身

每逢星期六都去慈雲山，每經過敘苑門口都被煲仔飯吸引著。今日入去試吓，當然選擇煲仔飯。煲仔飯熱呼呼，先下鼓油再焗焗，然後打開蓋，香噴噴鳯瓜排骨飯，飯香，肉嫩，全都剛熟美味。再加$8有臘腸，非常肉潤，夠juicy，不會太乾身。還叫了個涼瓜牛肉飯，涼瓜爽口，牛肉也鮮嫩可口。大大碗飯及大大碟餸，非常吸引。

我想係這條食物街是數一數二好吃的茶餐廳，夜晚9點多去吃，差不到一小時就要走，蒸的全部做不了，叫了兩碟小菜: 魚香茄子煲，雜菜粉絲煲,還叫了凍檸茶，凍奶茶，魚香茄子煲十分有鍋氣，十分好吃，熱辣辣，超送飯，粉絲煲汁底很清淡，但很入味，份量超大，超足，十分好味，奶茶甜度適中，又不缺茶味，剛剛好，凍檸茶甜度也剛剛好，十分好喝，整體十分好，就算到五十幾分也沒有趕走，雖然我們準時離開，員工也有禮貌，貼心，值得去識！

慈雲山美食多，茶餐廳數目更是多到梗有一間係左近，當中最得我地歡心就係叙苑，我地最鍾意就係食佢個早餐/茶餐- - -沙嗲牛肉通或沙嗲牛肉出前一丁！我雖然唔係太鍾意茶餐廳嘅牛肉，因為茶餐廳啲牛肉好多時都落咗鬆肉粉，但我鍾意個沙嗲牛肉湯底，好多時都會叫沙嗲牛肉通，牛肉就會食剩晒。但係叙苑嘅沙嗲牛肉係唔同，食得出佢冇落鬆肉粉，又唔韌都幾好味。個沙嗲湯底仲好香！今朝又同老公去食早餐，一人叫一個沙嗲牛肉餐，沙嗲牛肉通+餐肉煎蛋+麵包+凍奶茶，超滿足！我哋成日講笑，如果有一日要離開香港住，我最唔捨得嘅一定係茶餐廳嘅美食。

很久沒有吃傳統粉麵，想起牛腩，雲吞等等。叙苑除了粉麵外，還有碟頭飯，選擇眾多。店內還有枝裝的維記牛奶，現在在餐廳已經愈來愈少見到。餐廳環境光亮，感覺很乾淨衛生。餐牌餐牌可以自由組合配料搭配變成雙拼粉麵。凍檸檬茶凍檸茶雖然點了少冰，但冰塊也佔了整杯茶的大約三分之一，最後要人手去冰。雲吞麵友人點了雲吞麵，我也試了一粒雲吞。可以吃到彈牙的蝦，餡料也很夠味，雲吞皮不會太厚，好吃。旁邊有醋可以調味，醋可以強調雲吞的味道，很搭配。牛腩拼魚片頭麵湯匙了有蔥及乾蒜，能增添麵的香味及層次感。生麵彈牙，可惜湯底過鹹，所以吃不太下去。湯底甚至比牛腩的味道更鹹，牛腩份量很多，大概有7-10片，性價比很高。而魚片頭剛爽口彈牙，帶點油脂感，能吸收一點湯汁，所以也有點鹹。雖然價格相宜，但湯底過鹹，下次來吃的話，不會再點湯麵。

小弟又係慈雲山搵食，搵到黎敘苑，食個早餐。29蚊一個面，飲品加餐蛋治。地方就好闊落，呢個位就好好。至於食就同普通茶記都係咁，正常。一碗沙嗲牛公仔面早餐至愛。見佢個粉面檔都好多生意，下次試下d牛雜粉面先。

每年呢個時候就開始有煲仔飯食幫襯既次數亦會大大增加🙈必食咸魚肉片煲仔飯因為怕飯硬，所以每次都會叫整淋d少少好多厚厚既肉片，舖滿哂飯面😋仲有好香既咸魚。臘味煲仔飯一打開就聞到好香濃既臘味香。臘腸、臘肉、潤腸都有齊😁呢度炒野一向唔錯，牛肉炒菜心都好出色，紅色辣椒係夾起左既，因為唔食辣。同埋好得意入面仲有菠蘿牛肉唔會冇味，而且好淋，易咬唔痴牙下次想試下北菇滑雞或者鳳爪排骨煲仔飯順帶一提，佢地既粉都好正

每一次行過毓華街都會聞到呢一間鋪頭嘅牛雜味我個人來講就唔鍾意食牛雜嘅但係佢夜晚嗰個煲仔飯係好好食㗎煲仔飯都係佢嘅招牌菜 一家人一人一個煲仔飯大家坐埋一齊就好溫馨㗎啦

今晚得一條友開飯，唔知食咩所以落街兜個轉。當仲諗緊食唔食打邊爐之際，傳黎一陣陣好香既煲仔飯味，亦都係咁所以轉左食煲仔飯～睇左餐牌，想食鳳爪排骨，又想食臘味，又想食窩蛋牛。最後決定左都係臘味，另外加多個例湯。例湯好快到，都係味精湯一碗，無乜特別。飲完湯等多10分鐘左右主角出場！黎到我再落左啲豉油再焗多佢幾分鐘，再開蓋啲香味供哂出黎，正！有臘腸潤腸各1條，兩塊臘肉，兩舊臘鴨餅（應該係）。啲飯一粒軟硬適中，個底仲有啲飯焦可以最後食。

每個星期六晚都會同屋企人落街食依間，有超多選擇，而我地通常都會叫一d精選小菜黎食，一個飯一碗湯，一個大餸，三個人食通常叫兩個餸，加一個白飯（$7），依我覺得XO醬蒸班球真系最好食的！

今晚做野做到鬼咁夜，返到慈雲山都差唔多1點。成點鐘唔食叙苑仲可以食咩阿。拿拿臨買個牛腩米返屋企食啦。一打開個蓋，三扒兩撥就將碗野食曬。牛腩夠肥夠彈牙，個湯都唔錯。夜媽媽有碗腩米食都唔錯。

每年都會同屋企人上嚟慈雲山一趟，事緣要到鑽石山墳場掃墓，依家同屋企人分開住，唔喺過時過節，就喺依類死忌掃墓嘅日子，先至彼此聚一聚，食吓飯，傾吓偈。過往幾年，不約而同到喺嚟敘苑粉麵茶餐廳食晏，唔喺貪佢有咩好，只喺由墳場行番出巴士站第一間茶記就見到喺佢啫。環境唔多講，以前嘅食評都上載過依度嘅環境相，黃金食晏時段，非常多客。牛筋河 $26除碟頭飯，粉麵亦喺好多茶記必備嘅種類之一，細妹要咗一碗牛筋河，牛筋、河粉兩者嘅份量都唔少，據佢講，牛筋十分軟腍，但香味唔夠。此外，叫碟頭粉麵飯，加$8可配熱飲，加$10可配凍飲，就算點湯粉麵，一樣有咁嘅優惠。每日超值快餐就啱我多啲，抵吖嘛，$39大大碟碟頭飯加嘢飲。個超值快餐日日唔同款，每日有6款選擇，送例湯或餐茶，凍飲加$2，轉紅豆冰加$3。黑椒牛扒火腿飯 $39依個喺細佬嘅選擇，果然夠抵食，大大件牛扒，不過，牛扒唔喺煎，喺炸完再淋上黑椒汁，塊火腿亦無點煎過，我細佬對食無咩要求，所以，佢話OK其實都作唔到參考。咖喱牛肉飯 $39記得第一次幫襯食佢個咖喱牛腩飯，啲咖喱牛腩有青椒、紅椒、洋蔥，做到好似生炒咁，之後再食佢嘅咖喱滑雞飯，好味又份量足；不過，今次再翻