發記甜品 (已結業)

次次嚟發記都喺食佢嘅榴槤飄香和榴槤班戟, 今次就轉下口味, 試下佢啲其他嘢. 要咗嗰楊枝甘露 ($28) 和黑糖豆腐布甸 ($39), 楊枝甘露有大量芒果肉, 但偏淡, 而黑糖豆腐布甸就真喺好正, 豆腐布甸滑一滑, 配以黑糖漿及香草雪糕球, 非常美味. 還會再來.

係銅鑼灣食甜品我一定會選擇聰嫂, 可惜唔知點解星期四晚都多人又要排隊, 唔想等位, 所以同友人退而求其次就來發記食算數. 2個人叫左芝麻糊豆腐花及楊枝甘露, 楊枝甘露都算唔錯加上芒果肉夠多大大片又甜所以都叫好味, 相反個豆腐花真係好唔得, d豆花死實實配上唔香唔滑既芝麻糊真係覺得浪費左我一個食甜品既quota呀. 順帶一提, 此店d環境同服務都麻麻, 希望店主見到都多加留意.

今曰去咗好出名食榴槤甜品的發記試吓, 但去到當然唔係食榴槤飄香啦 !因我都唔好食榴槤嘛 但因四周圍也有人食榴槤甜品, 所以整間鋪彌漫著一些榴槤味 !去到竟然給我發現好多中式甜品店都無的粟子茸甜品 我當然立即叫了一個熱栗子茸來試試啦 !食第一口已感到好驚喜, 因粟子磨得好幼滑, 而且有濃郁的粟子味, 真是勁好味呀朋友就叫了一個熱銀耳杏仁茶, 我無試到呀 ! 但佢話好好食喎另外就叫了一個焗香蕉酥皮卷和朋友 share來食, 酥皮好鬆化, 卷內有朱古刀蛋糕及香蕉, 外脆內軟, 咬落口好有層次感而且整得又夠熱下次一定會再去試吓其它甜品

星期一晚，你與他人有約。時間未到，比我爭取到多一陣與你一齊。一個小時，正餐時間不足之餘，加上我對甜品的喜好，當然向我喜愛的發記追發！店舖由世貿大街搬到利舞臺後街，人流在今晚七時亦都得小貓三兩隻，真的，連我們兩個，店內客人只得五人！可能未至甜品黃金時間吧！人少好，自己入店挑選坐位，店內最入的沙發位。入座前座位已放好menu. 第一張：綿綿冰！決定了~ 朱古力味，芒果味各一！朱古力味：冰不夠凍，朱古力味不足，但甜度適中！伴碟的香蕉及士多啤梨反而新鮮。同埋佢比既棉花糖, 連埋d冰一齊食...好得意...芒果味：始終覺得配煉奶比花奶好，奶味重，可帶起芒果味。我都是覺得，伴碟的芒果肉更好！但真的不知道，放於芒果上的絲有甚麼作用？無味，透明的！服務不過不失，但我想知店內是否匙具不足，來朱古力得一個不奇怪，自己拎多個！但芒果來的時候：一個都沒有！型！下次，（會有下次的！）我都只係會選擇我的芒果糯米卷！

只吃過楊枝金露及芒果棉花冰楊枝金露, 味道OK啦! 但貴了點芒果棉花冰相對扺食, $39-, 冰是用真正芒果汁打成的 (因吃過有些店不是芒果汁打成), 份量頗多,加上一塊芒果肉及假魚翅. 愛上了, 以後每次必食, 沒試其他

十二月二十七日 (星期一)是晚剛吃完新羅寶,不多不少都感到有點熱氣附近正好有發記給我們潤一潤不知不覺,已有一段時間沒幫襯過,老公仔當然點他的飛佛-榴槤飄香我真的想潤一潤,又天寒地冬,雙杏木瓜燉雪耳就最好不過雖不是吃榴槤的旺季,但水準仍能保持味道甘香,老公仔吃得很滋味木瓜鮮甜,配上滋潤的雪耳吃了很窩心,亦可清一清喉嚨

佢搬咗鋪頭第一次去, 以為有品質保證, 邊知失望而回唔係好多人, 但係阿姐招呼好差.叫咗個"綠豆沙涼粉", 一食, 嘩! ! 有" 燶味" , 同阿姐反映, 佢叫我換其他款式, 但期間不斷自己講佢聞唔到有" 燶味" 喎........><.跟住我轉咗食"西米涼粉", oh no , 太甜, 甜到好似食糖漿 .....同埋d西米有黃色物體 .....我決定放棄 ......唔食走人.無下次 ! ! !點解搬咗會變成咁 ???

叫左個紫米露西米露, 完成冇味, 一D紫米露既香味都冇0味道又唔係平, 酒樓送既紫米露都香過佢!!以前食過芝麻糊都唔好食...........

八月三日 (星期二)同老公仔吃完了拉麵比想像中飽,所以我們圢到發記時,都半飽了榴槤飄香榴槤是當灶的,所以特別的濃,特別的香老公仔喜歡到不得了其實來發記都是滿足他呢芝麻雪花冰芝麻味道濃不過份量的確少,相對價格比較高我都是喜歡四哥和糖伯府!我已經踏入了中女....時間過得真快!

同屋企人行街行得攰攰地就入發記歇腳叫左榴槤飄香同芒果pancake榴槤依加唔合時令, 仲諗住會好淡味, 得個甜字點知食落榴槤味都幾香, 雖然係咁, 但明顯係d就黎爛既榴槤個人認為都係長洲個間好食d, 但其實都算係咁啦至於個芒果pancake就認真麻麻地啦pancake皮太厚, 又"鞋口", 入面d cream又少, 似食pancake皮多D裏面既芒果亦無咩味總括黎講, 都算係唔錯, 但同當初比, 就好像有d每況越下啦

4月16日, 食完正餐, 又係呀菲去醫佢個甜品肚嘅時候! 經過利舞台呢間人煙稀少嘅發記, 即刻拉咗呀比入去受刑, 迫佢大啖聞下充滿榴槤味嘅空氣!! ::: 榴槤飄香 ::: $26淨係聞到已經feel到濃郁嘅榴槤味, 望到已經feel到有幾杰, 擺落口更加不得了!!! 個texture超creamy~ 入口仲有啖啖榴槤肉~ 全部都係熟到透淋patpat嘅口感, 食落直情有回甘! 其他配料, 已經變得唔重要~一人獨吞成個榴槤飄香真係非常滿足!! 要得別鳴謝呀比冒死相伴~ 因為唔只我, 隔離幾台都有叫呢個榴槤飄香黎食, 成間舖彌漫住一陣濃郁榴槤味! 愛者極愛, 惡者勁惡~ 不過入得發記, 就預咗比榴槤攻鼻架啦~

在銅鑼灣世貿中心附近的發記執左咁岩果日去完e館,行返落cwb路經些地,cwb choice不多,想和朋友傾多陣就來這裡歇腳了發記比我打入左冷宮好耐...朋友話未試過就點我以前的最愛介紹佢share食榴槤迷必點榴槤飄香...份量一樣少,肉一嚿上,榴槤蓉/汁少了...榴槤酥皮卷酥皮很好食~是即叫即焗的~這點很讚~不過....真的....失望..士多啤梨看圖都知道是劣等的...完全唔想放落口...朋友堅持吃了~很酸...榴槤也是改用了劣質貨...吃時苦苦的,跟前者一樣味道,只是焗熱了舌的苦味更出!本應配下層蛋糕好像濕了的香蕉加熱後一樣好吃...不過榴槤是劣種...再好吃也破壞了.,,主角差,其他綠葉點出色都提唔起我再來發記了!

香蕉酥皮卷($35) 入面香蕉+朱古力味蛋糕，咬落好鬆化而且又夠熱，好味X10。榴槤飄香($26)好香但唔夠滑。

Jim 少升了職，同學要他請吃甜品，來到利舞臺旁的發記，見多人在排隊等入座，銅鑼灣的甜品店真的不愁寂寞，間間如是。約等了十多分鐘，終於到我們了，店內燈光頗暗，客人大多不過三十歲，真不可小覷年青人的消費。餐牌大致分為幾類，冷熱糖水，豆腐花類，湯丸類，西米露類，榴槤類等。我們點了榴槤飄香，西瓜豆腐花，楊枝甘露，糖不甩，銀耳杏仁茶，榴槤班戟，因此，我們當中也要分榴槤黨和非榴槤黨，好讓「志趣相投」的人坐在一起。榴槤飄香，榴槤有點苦，而柚子可能不當「造」，對兩位捧場客都不滿意。西瓜豆腐花，楊枝甘露和糖不甩，同學都滿意，無特別喜歡和不喜歡，而榴槤班戟則太多忌廉，銀耳杏仁茶，不但無銀耳縱影，連杏仁味也是現成罐裝杏仁粉飲品開的，對於極愛杏仁、果仁的我，是很容易分辨出。多謝 Jim 少做東，望來年大家發.......發奮，發財。

小友聚舊的甜品篇, 來了這裡。店的門面其實都頗昏暗, 不是朋友帶路, 行過都未必會太在意。一行 6 人坐在兩張小枱併成的大枱, 都有點逼的。一人叫了一款甜品, 有杏仁露有豆腐花等等, 而我, 就要了掛了張相在牆上的招牌出品 - 焗芒果酥皮卷。$37 一客是頗貴的, 而且我也吃不完, 就請 (逼?) 大家也幫忙一下了。大家都不吃榴槤, 便要了一客香蕉班戟分吃。焗芒果酥皮卷的陣容頗為鼎盛, 三大條酥皮卷堆疊起, 以兩粒士多啤梨伴邊, 再洒上糖霜, 上面幾顆黑芝麻只是點綴而已。酥皮用的是輕盈的 filo, 焗過之後, 「咔嚓」一聲切開, 很脆, 卻不油膩。卷內的是切成方塊的海綿蛋糕, 還有芒果條; 芒果雖非當造也不算太酸, 不過有糖霜在面增添甜味, 也真的不錯啊。要挑剔的話, 就只有些蛋糕太乾了一點喇。至於香蕉班戟, 於我來說是普普通通, 因為不大喜歡吃太多忌廉的東西, 班戟皮倒是煙韌軟熟。朋友們吃完自己的糖水都很飽了, 結果這個班戟就吃不完啦。大時大節, 店裡人很多, 店員都有點趕客 feel, 大家只好放慢吃東西的步伐才可以繼續吹水。