影片
星期六天气热,唔想去太远,近近地去荃湾揾野食,行到绿杨坊见到呢度有位又少人,侍应弟弟系门口笑笑口介绍食物,决定唔再行喇就呢度啦。环境无葵芳店咁清雅,都有d红色丝绒座椅,但做唔到个种高贵气氛,普通啦!!揾到个自闭梳化位坐,fit晒。杂菜汤:好水又酸!!我第一次饮杂菜汤要加pepper,菜都有唔少仲有几粒红腰豆,但点解d汤会咁稀??饮到最后仲有条意粉,真系多谢晒!! 杯型面包反而几好食,叮到热辣辣,茶埋半溶牛油,yummy。南瓜鸭胸炒宽意粉: 造型几好;面条口感唔错,份量ok;南瓜粒几甜够软身;鸭胸唔太肥,煎得够脆身,好香口;配菜鲜冬菇份量反而几多,食完好饱。云石芝士饼: 其实都知道double star d芝士饼唔太好食,但今日突然想食lu。芝士饼质感好软,无饼底,已经唔系我杯茶,加上无芝士味,口感软软,好有自己攞黎衰既感觉。冻咖啡: 应该系即磨,但咖啡味好淡,唔知系咖啡豆原故定太多奶关系,连我呢个咖啡怪都饮剩半杯,因为实在唔好饮嘛。食物方面就真系要比喊面,除左个面同面包ok之外,其他都真系唔得,翻炒机会系零!!不过呢度有位侍应服务态度几好,拉高少少分,而且又比到个清静环境我自闭,OK面啦。
继续阅读
早几日行街行到脚软想坐下入到去坐低ｐｅｔ低ｍｅｎｕ就算想叫野食叫好耐先有人黎叫野食果阵落ｏｒｄｅｒ果位先生冇望过我啰！朋友叫左件芝士饼而我要一个ｆｒｕｉｔ ｗａｆｆｌｅ,我地都系饮热奶茶等呀等，咩都未黎，行咁耐街好渴，请位女侍应拎两杯水黎，佢冇停低过，哦一声就算跟住两杯奶茶黎喇，泻到成张台都系！又唔系多人都唔知咁赶做乜！叫又叫唔到人黎处理跟住芝士饼黎喇，我见朋友仔面色一沈，试左啖，难食＠．＠去美心买都好食Ｄ等左好耐既ｗａｆｆｌｅ黎喇，更加唔掂，难食！等到我走既时候佢都未拎过两杯水黎＝．＝野又唔好食服务态度又唔好都仲卖咁贵．．．令我难以理解
继续阅读
寻日同女朋友去食tea,我叫左个tea set猪颈肉乌冬+冻咖啡,女朋友要鸡扒石头饭.饮品先来,超甜,冇咖啡味,原来呢度d饮品系先调好味,因实在入唔到口,要求换过.今次淡奶分开上,但依然系先加左糖水,依然冇咖啡味,算啦,再换都系把鬼.等左超过20分钟个乌冬先整好,乌冬好淋,味道好差.....勉强食左一半,三催四请,先上个石头饭.shit,饭系生的,蛋系的,把几火叫经理cancel呢个order埋单走人.呢间野价钱唔平,但食品质素九流,我以后都唔会帮衬.
继续阅读
2/11食个tea, 佢地冲杯咖啡, d奶倒到周围都系!!!我问冻柠水有几多片柠檬, 个waiter又妙咀咁答3块!!! 仲要走左去!明明得两块半服务态度十分之差劲!!!!!!!!
继续阅读
初开时食过两次(dinner+lunch)，感觉都系味道麻麻，唔太值得~ 今次同BF去荃湾食lunch，贪就脚又嚟依度，结果... $48既三文鱼烧茄子饭（如图示），只碟大过人，但饭既份量仲少...另一份牛油果烧鸡三文治亦系碟大馅唔多...唯一可取系圆拱型既餐饱几好食；如果减肥紧/劲冇胃口既人士都啱食依度既... ~_~"
继续阅读