雙星報喜 (已結業)

星期六天氣熱,唔想去太遠,近近地去荃灣搵野食,行到綠楊坊見到呢度有位又少人,侍應弟弟係門口笑笑口介紹食物,決定唔再行喇就呢度啦。環境無葵芳店咁清雅,都有d紅色絲絨座椅,但做唔到個種高貴氣氛,普通啦!!搵到個自閉梳化位坐,fit晒。雜菜湯:好水又酸!!我第一次飲雜菜湯要加pepper,菜都有唔少仲有幾粒紅腰豆,但點解d湯會咁稀??飲到最後仲有條意粉,真係多謝晒!! 杯型麵包反而幾好食,叮到熱辣辣,茶埋半溶牛油,yummy。南瓜鴨胸炒寬意粉: 造型幾好;麵條口感唔錯,份量ok;南瓜粒幾甜夠軟身;鴨胸唔太肥,煎得夠脆身,好香口;配菜鮮冬菇份量反而幾多,食完好飽。雲石芝士餅: 其實都知道double star d芝士餅唔太好食,但今日突然想食lu。芝士餅質感好軟,無餅底,已經唔係我杯茶,加上無芝士味,口感軟軟,好有自己攞黎衰既感覺。凍咖啡: 應該係即磨,但咖啡味好淡,唔知係咖啡豆原故定太多奶關係,連我呢個咖啡怪都飲剩半杯,因為實在唔好飲嘛。食物方面就真係要比喊面,除左個麵同麵包ok之外,其他都真係唔得,翻炒機會係零!!不過呢度有位侍應服務態度幾好,拉高少少分,而且又比到個清靜環境我自閉,OK面