影片
作为喜欢食米线嘅西贡街坊，成日都特登要去将军澳食，见到西贡呢间米线，当然要去试试。其实今次系我两个星期内，第三次帮衬呢间食店，而每次帮衬都冇令我失望过，所以今次特别推介我的家人一齐食。今次我自己叫咗酸辣汤底牛肉腩肉米线，汤底香浓惹味；家人食胡辣汤底鱼片头米线，胡椒味浓，一试难忘。土匪鸡翼有水准，香味及味道完全唔输俾大型连锁店。我和家人都推介呢间米线，可以系连锁米线集团以外的一个不错嘅选择。希望呢间小店长做长有，俾多个唔同嘅食店选择西贡街坊。
继续阅读
西贡终于有米线啦，个门面好似谭仔咁，谂住过去试吓啦，但点知系好难食好难食，系难食到完全食唔落。叫咗碗酸辣汤底，个酸辣一嚟到系黄咁咁，超级咸，食完都惊会有肾病。仲要唔知点解个味道劲奇怪，有菠萝汁咁样，又咸又甜，食多几啖都想呕。啲韭菜有浸草青味，腐皮好似湿纸巾。鸡肉牛肉又无味，完全唔知食咗啲乜嘢落肚，好惊吓。杯冻奶茶仲恐怖，成杯奶水咁。淡到唔知饮紧啲乜，大佬呀你唔识冲咪唔好卖嘢饮啰，收人$15一杯，唔系求其到咁下嘛？！个蒜泥白肉仲经典，成个暗黑料理咁款。完全系辣椒油同埋生蒜头就咁放上一堆白烚猪肉上面，真系唔识煮饭都整到。完全唔明点解会有人帮衬呢间舖，hea到咁，十级难食。难食都算啦，夏天喺入边食好似焗桑拿咁。佢哋间铺劲细又开大道门走晒啲冷气，一入去坐低饮住冻嘢未食嘢都可以全程流晒汗，悭皮到冷气都唔开大啲。题外话，煮米线见到系一个女人，唔知系咪老板娘。临走嘅时候见到有个男人返嚟煮返，唔知系唔系个女人唔识煮定点，总之呢餐饭极度恐怖，食咗两啖就冇食。
继续阅读
第一次写食评- 想支持哩间小店！我好钟意食谭仔三哥，但住喺西贡最近都要去到坑口先食到今日行过见到开咗米线铺 餐牌仲同三哥基本上一样，都系拣𩠌拣汤底 所以决定今晚试下。行到入铺头超级香！今晚试咗佢地既鸡肉4小辣米线 等咗一阵就已经持得；店员系都好nice，帮我入落玻璃盒度。卖相系 100分！整体黎讲，我觉得真系好好食！米线质地，芽菜 韭菜 质地同份量 都系perfect! 汤底都系好好味！有麻都有辣 而亦都系我预期既 4小辣如果要同三哥比，其实都好似但系系有分别。鸡肉质地唔鞋仲好滑，我觉得仲好食过三哥价钱系少少贵，但系佢地食物质素绝对对得住𠮶价钱 而我都会非常愿意去帮衬！希望多d人去食哩间小店我真心希望佢地做得住 咁西贡人就有好食既米线 ！
继续阅读
香港度度都有得食米线，唯独系西贡无一间专卖米线既近排系西贡马路附近终于开左间米线餐厅，虽然舖头既环境比较细同窄，但对于住系西贡既人黎讲，真系非常好因为以后可以买外卖返屋企食啦👍🏾墨丸麻辣米线（10小辣）（4/5）餐厅既米线menu同谭仔/三哥无分别🧐为食猫叫左墨丸麻辣米线试下，睇下味道系咪都一样结果，原来系有唔同，有另一番风味👍🏾佢个汤底都唔算油腻，同埋好够味，个汤唔知系鱼味定香料味黎，几香，几唔错，而个辣味又唔会盖过汤味但就偏咸左d，同埋d墨丸（5粒）唔够弹牙另外，米线既价钱都偏贵，一个𩠌要40几蚊，出面连锁既只系30几蚊不过，对于西贡居民黎讲，有多一个餐厅选择绝对系好事黎
继续阅读