友碗麵

营业中

休息中

首先我叫左外賣自選3餸麪，每樣餸遂個計錢，叫左3餸，加埋都60幾蚊，一開蓋，份量少得驚人，外賣碗就大啊，入面餸同麪勁少19蚊得2隻雞中翼，曉飛架？完全見過車仔麵係離譜到咁，不如唔好做喇😡😡

有日搭小巴去新蒲崗係“麗斯”落車，見到roommate café隔離新開咗間小食店叫‘’友碗麵”，除咗車仔麵仲有燒賣魚蛋腸粉等街頭小食賣。車仔麵餸前後試咗豬紅, 豬皮, 豬腸, 牛筋腩, 豬軟骨, 瑞士雞翼, 煎釀紅腸，全部都煮得入味之餘豬皮大塊爽脆，惟豬腸可以厚身D增加口感。街頭小食試過魚肉碗仔翅同每日煎釀(豆腐及茄子)，碗仔翅好食，煎釀包括車仔麵餸嘅紅腸都係即叫即做香口好食。飲品方面只試過黑白豆漿，都係少甜好飲。今日叫嘅豬較骨只得一件半片豬皮咁大嘅軟骨同一啲肉碎，少失望但手神嘅野無辦法。4月底到5月初已經食過三次，值得推介~圖為第一二次用餐時影嘅

琴日去咗買個外賣腸粉套餐同酸齋，叫完睇住個酸齋係預製貨就咁係個包裝夾出嚟，冇加熱 就咁夾落個外賣碗度。返到屋企打開盒酸齋，見到啲奇怪嘅水(預製包裝入面d料?)冇諗度咁多就食咗3舊齋。琴晚成晚又屙又嘔嘔返曬d紅色水出嚟😵‍💫🙂‍↕️如果各位要買酸齋建議小心啲個腸粉套餐都正常嘅點解我咁篤定係酸齋有問題因為男友都有食到腸粉套餐，佢冇食到酸齋佢今日正正常常冇乜事😮‍💨

話說早幾日返工搭車路過，呢間車仔麵位置可謂極其隱藏，如果唔係住附近，或者我咁啱係度落車，唔係都唔知道呢間鋪存在！見中午時間人唔多，就抱著一試無訪心態試試，鋪頭細細，大約十零個位，但食品結果比我想像中出色，香煎手打鯪魚餅好好食，食得出魚肉冇溝粉去做，牛根腩都好入味，再試埋個腸粉套餐，腸粉好滑，燒賣幾彈牙，魚蛋就偏硬小小，不過整體黎講都幾滿意！我見仲有碗仔翅果啲食，今次一個人試唔到，下次經過會再試埋！

今日同朋友一起來新蒲崗玩，見到新開咗間車仔麵檔，試過後發現非常值得推薦，碗面好大肥，豬腸非常入味，五花腩肉入口即化，特別是煎釀紅腸，鲮魚炸到恰到好處，誠心推介啊