影片
首先我叫左外卖自选3𩠌面，每样𩠌遂个计钱，叫左3𩠌，加埋都60几蚊，一开盖，份量少得惊人，外卖碗就大啊，入面𩠌同面劲少19蚊得2只鸡中翼，晓飞架？完全见过车仔面系离谱到咁，不如唔好做喇😡😡
继续阅读
有日搭小巴去新蒲岗系“丽斯”落车，见到roommate café隔离新开咗间小食店叫‘’友碗面”，除咗车仔面仲有烧卖鱼蛋肠粉等街头小食卖。车仔面𩠌前后试咗猪红, 猪皮, 猪肠, 牛筋腩, 猪软骨, 瑞士鸡翼, 煎酿红肠，全部都煮得入味之余猪皮大块爽脆，惟猪肠可以厚身D增加口感。街头小食试过鱼肉碗仔翅同每日煎酿(豆腐及茄子)，碗仔翅好食，煎酿包括车仔面𩠌嘅红肠都系即叫即做香口好食。饮品方面只试过黑白豆浆，都系少甜好饮。今日叫嘅猪较骨只得一件半片猪皮咁大嘅软骨同一啲肉碎，少失望但手神嘅野无办法。4月底到5月初已经食过三次，值得推介~图为第一二次用餐时影嘅
继续阅读
琴日去咗买个外卖肠粉套餐同酸斋，叫完睇住个酸斋系预制货就咁系个包装夹出嚟，冇加热 就咁夹落个外卖碗度。返到屋企打开盒酸斋，见到啲奇怪嘅水(预制包装入面d料?)冇谂度咁多就食咗3旧斋。琴晚成晚又屙又呕呕返晒d红色水出嚟😵💫🙂↕️如果各位要买酸斋建议小心啲个肠粉套餐都正常嘅点解我咁笃定系酸斋有问题因为男友都有食到肠粉套餐，佢冇食到酸斋佢今日正正常常冇乜事😮💨
继续阅读
话说早几日返工搭车路过，呢间车仔面位置可谓极其隐藏，如果唔系住附近，或者我咁啱系度落车，唔系都唔知道呢间铺存在！见中午时间人唔多，就抱著一试无访心态试试，铺头细细，大约十零个位，但食品结果比我想像中出色，香煎手打鲮鱼饼好好食，食得出鱼肉冇沟粉去做，牛根腩都好入味，再试埋个肠粉套餐，肠粉好滑，烧卖几弹牙，鱼蛋就偏硬小小，不过整体黎讲都几满意！我见仲有碗仔翅果啲食，今次一个人试唔到，下次经过会再试埋！
继续阅读
今日同朋友一起来新蒲岗玩，见到新开咗间车仔面档，试过后发现非常值得推荐，碗面好大肥，猪肠非常入味，五花腩肉入口即化，特别是煎酿红肠，鲮鱼炸到恰到好处，诚心推介啊
继续阅读
您可能会有兴趣的...