友樂亭(爐端燒居酒屋) (已搬遷) 新店位置

夜放，無約，單拖，出事；慕名，硬闖，口痕，香味；前菜，烏冬，蠔煲，甜品；好味，好飽，後悔，內疚。聽日，後日，運動，節食！

今日來美孚有點私幫野搞，適逢有食家介紹呢度的拉麵，擇日不如撞日，就兩個人來幫襯。在honey教路下，呢度都唔算難搵，在美孚站C1出口轉右，直行兩個街口左右就到。間舖裝修都有居酒屋的感覺，暗暗的，但吧檯就有點太高，坐在吧檯前是無論如何也看不到師傅在做咩。有幾個午市套餐供應，習慣第一次幫襯日式食肆是不吃刺身，所以儘管見個刺身定食賣相不俗都沒有叫。就試試喜多方拉麵，要了味噌湯底。先說我的拉麵，拉麵碗是闊口的大碗，對喜歡捧著碗渴湯的我來說是頗為吃力；湯頭不算濃郁，麻麻地熱，渴得到湯底是用豬骨煲的，味精不敢說沒有但不多，這個味噌湯底是有點水準；配料有蔥、芽菜、筍、菜、粟米、日式魚蛋同兩塊叉燒，配料也算豐富，亦是那句如果蔥及芽菜可以多一點更佳；叉燒厚厚的，唔肥又但非常之韌，是比較失色的配料；麵是偏身長方型的，口感煙韌，麵身亦幾滑溜，都算有水準，但個人而言還是喜歡西山麵。店方說是日本直送，我沒有異議，但若說是手打的，我就有點保留。總括而言是這個拉麵是有水準的，但比起一眾殿堂級拉麵料理店，還是差了一點，始終也是居酒屋來的，當然已可以媲美拉麵橫丁眾店的了。埋單53蚊，唔算貴，順腳經過可以一試。有以下的觀

<尋找拉麵的故事—食物篇>先來既係萬眾期待: 喜多方手打拉麵, 一上桌時看上去同一般拉麵無兩樣, 都係隻9寸半十寸碗口咁大既湯麵碗, 配料有芽菜, 荀呀就唔出奇, 但居然有樣好搶眼幼幼綠色既野! 起初唔知係乜, 睇真d 原來係通菜! 通菜?? 唔通搭條菜先係日式正宗?!湯底方面好好味, 起碼唔係果d 香港日式豬骨湯! 呀我呢個係麵豉湯底…味道唔太咸, 唔太濃味, 配麵食時唔會搶啦…都淨飲試先食到麵豉味. 麵, 好明顯係粗糙既, 方方地, 唔係圓麵條. 咬落去, 對於我唔係太好拉麵既人, 都幾驚喜. 食落口感似烏冬, 堅韌好咬! 果然係同平時食果d 唔同! 犀利在上桌時d 麵並非好似果d 因怕會林而專登煮得冇咁透, 麵條食到尾都仲係好好咬既!叉燒方面好厚身, 約1cm 厚, 咬下去好軟滑. 但怕肥就會覺得佢太多肥油, 因唔係半肥瘦叉, 2片都係7成肥架! 鳴太卷都切得厚, 冇叉燒咁厚都有7mm啦! 哈哈哈! 食晒成個麵, 一d 都冇剩, 都唔係哥仔講得咁大碗, 正常一人份je~ (我special case 食完得個零, 可能未落到胃~)之後係南瓜卷, 其實呢個小食都唔小

<尋找拉麵的故事—廢話篇>今日, 我到訪一間日本人開既拉麵店, 由於開始尋找時, 我對於呢間麵館既位置毫無concept, 只知在美孚....我又冇帶地圖同埋指南針, 連個店名都唔知! 咁點算好呢? 突然.......我想起記者姐姐講過既一句說話:「...呢間麵店, 係對住泳池既...」不過, 究竟泳池向邊度呢?.....好彩我曉得看地鐵指示牌~ 於是我就搵泳池個出口啦! 一出到去, 見到個好似公園咁既野, 就事旦揀個方向開始行啦~一路行, 一路望個泳池向邊處~~泳池就未認真見到勒! 但就好快比我見到兩間日本野~ (亂咁行都搵到!) 兩間?! 究竟係邊間呢?! 會唔會門面好日本果間先係香港人開呢?! 當然最後都去岩地方啦~因為香港人開果間有好明顯既破綻: 個menu 同茶餐廳menu一樣格式既!一入去居然就有個人即刻同我講: 小姐而家last call啦~ 搞到我不知所措, 平時我要細心閱讀過個menu先可以order麻, 又由於得自己一個食, 本想邊食邊叫, 點知一句last call打亂晒個計劃! 得一次order既機會, 今期真係要按經驗, 比足信心自己－－個肚去