友拉麵

营业中

休息中

小編好鐘意貓仔。依間友拉麵🍜嘅佈置有好多Cute Cute貓仔嘅相😊，可以一路食拉麵一路睇貓仔相。Openrice 寫嘅嘅地址好似有少少唔啱，Openrice 寫咗昌寧大廈，實際應該係荃昌中心昌寧商場😂。小編望住昌寧大廈入唔到😮，所以試行入去荃昌中心昌寧商場望望👀，好彩最後搵到😁👍🏻。🏷櫻花蝦拉麵🍜（$88）拉麵🍜可以揀直麵或曲麵，麵質可以揀軟、硬或普通。小編揀咗直麵普通軟硬度，軟硬適中，如果想彈牙啲，建議可以試吓揀硬麵質。豬骨湯🐷底好濃郁，有好多蔥花，竹筍好爽脆；櫻花蝦炒得好香口；火🔥炙豚肉薄身；最鐘意粒糖心蛋🥚，醬汁入味，熟度啱啱好，非常惹味😋。🏷免治雞肉棒（$28）兩條大大條嘅免治雞肉棒，外層燒得香噴噴，食到有一粒粒嘅雞肉🐥，唔肥膩。Btw依度嘅即棄筷子🥢好靚。*晚餐*免加一服務費

Lunch時間唔知食咩好，就搵左間拉麵試下，門面都幾和風，入面就佈置左好多好貓貓掛畫同裝飾，超可愛😻見到餐牌有個蔥山拉麵，身為蔥控嘅我諗都冇諗就叫左🤩☀️蔥山拉麵 🍜 $83一黎到就覺得好滿足，爆多蔥粒，聞落已經好香，每一啖都食到滿滿嘅蔥。蔥嘅味道平衡番成碗拉麵嘅油膩感，食落唔會好滯同油，拉麵揀左曲麵，質地都算彈牙，亦都做到掛湯。配料已經有叉燒、溏心蛋同紫菜。叉燒好淋，肥瘦適中。溏心蛋亦都有流心效果，整體唔錯☀️黃金丸（地瓜+香芋）$28同放題食果啲差唔多，外皮少少脆，入面軟淋淋好似年糕嘅口感，有成5粒都幾抵食☀️山梨葡萄🍇 $24平時多數飲開白提子或者桃，今日想試下其他揀左提子😆，提子味好重，唔洗多介紹！成個系列都好正💕

今日去荃灣行街，突然想食拉麵，就上openrice搵，就搵到呢間啦。叫咗個辛肉碎拉麵，麵食有三個選擇「硬／普通／軟」，今次我揀咗普通，口感好普通，建議可嘗試硬既，應該會好食d。湯底同肉碎都有d辣，我唔算好食得辣，但覺得接受到，如果食肉碎唔覺得辣的話，請勇敢地去嘗試真。地獄拉麵👹，但我就不了啦😅。溫泉蛋好滑唔腥，好食；火炙豚肉，好香煙燻味👍；味玉味道清清地。總結值回票價，店員態度友善，店面唔算大，坐低食既時候店面已滿座，但絲毫唔覺得逼，環境舒適👍

出面睇好正式日式拉麵店 鋪仔細細 而且仲要係揭布式 但入到去吾同風格 裡面有好多貓貓相 好可愛 愛貓之人一定要去 -🧏🏻‍♀️溫馨提示：佢鋪頭吾大 座位都吾多 所以比多少少耐性等 而且麵質麵種都可以跟返客人喜好 希望大家繼續支持更多小店 啲間小店性價比好高❤️-▪️ 魚介拉麵 $78▪️ 辛肉碎拉麵 $85▪️ 三重芝士春卷 $28#魚介拉麵魚介粉鋪滿係面頭，另外裡面有兩片火灸豚肉，味玉、蔥、竹筍、海苔，仲有豬肉碎，整體分量都幾多，啲到有得選擇曲麵/直麵，咁我就簡左個曲麵，個人推薦簡曲麵，因為肉碎可以掛係麵上，令整個口感更加豐富，而個湯底加上魚介粉味道濃郁，不過又吾會湯式好油膩，所以飲落唔會口渴，豚肉明顯有經過灸燒，更加入味而且唔乾埋。味玉係全隻蛋，醬油醃制得岩岩好。#辛肉碎拉麵 啲個湯底個辣道岩岩好，同辛辣麵程度差唔多，配料方面都差吾多，麵吸曬辣湯精華好惹味，如果中意食辣嘅人可以試下啲款。下次一定會再黎食，但就會想試蔥山拉麵，因為我地不停見到有人食，而每次個碗都勁多蔥，或者大家幫我去試下😂#三重芝士春卷外表就似普通既春卷，一食落去好有層次感，好香嘅芝士味，仲要有少少流心，個皮炸得夠脆，如果炸到

而家香港拉麵店越開越多， 食到間真係好味又地道既的確唔多，而我想推介既友拉麵就真係幾正喎😋 呢日做完野經過荃灣荃豐中心，聽講果度好多民間食肆都好出名，而且啲人都會冒名而黎搵平靚正地道小食架👇🏻友拉麵係充滿日式裝修 店面積唔算大 得十零個位 店內非常企理乾淨 而且老闆娘仲細心咁俾左個掛勾我勾起個袋 好抵讚呀🤓小店有4款特定拉麵 +1款期間限定今次我就先試櫻花蝦拉麵先！櫻花蝦拉麵 $88豚肉湯底夠濃而且唔會好喊 啱晒我櫻花蝦 夠足料又充滿香味火炙叉燒2塊 叉燒其中一面係燒過 腍身得黎又有油香味 配埋蔥花食真係一流🤤溏心蛋真係好出色 有醬油香味而且半流心既蛋好味到暈🤤 追加必選項目👍🏻同埋拉麵到枱時仲出緊煙架🤩蜜糖雞翼（一份三隻）$30雞翼連埋翼尖加上芝麻鋪面賣相好吸引炸粉夠脆 芝麻夠香 但我略嫌覺得蜜糖味唔夠突出 同我預期厚蜜糖漿住雞翼既畫面有少少出入 但整體算好食既😄完熟桃子 $24呢支有氣桃味果汁真係好好飲，鍾意白桃既朋友仔一定要叫呀，簡直同拉麵係絕配😝對友拉麵俾少少意見先枱面如有埋牙籤同紙巾會更完美😉後記係我隔多一日再帶埋仔仔一齊再食😝真正係食過返尋味！

上星期放工去到荃灣行下街，係網上發現呢間「友拉麵」睇落都唔錯，咁就去搵下間舖係邊度，去試吓佢😂魚介拉麵$78(曲麵)(硬)個湯底非常出色！好濃嘅魚湯底味😋材料亦非常豐富！個麵底都夠哂煙韌😬櫻花蝦拉麵$88(直麵)(硬)個湯底都係好出色！呢個就用上蝦做成湯底，濃濃嘅蝦味😋兩碗都有一隻好好味嘅流心蛋 同 大大塊叉燒🤤蜜糖芝麻雞翼$30新鮮熱辣炸出黎嘅芝麻雞翼 加上 充滿好香嘅蜜糖味，真係色香斯味俱全😋

🐱🐱🐱食過好食嘅嘢一定要推介第二次比更多人知道🤙🏻荃灣呢間友拉麵肯定係由一位貓奴開設😹小店入面佈滿好多可愛貓貓嘅相🐱鋪頭細細間 座位唔多但客似雲來 我哋每次去都坐滿晒食客有咁嘅人流相信係因為餐廳有質素嘅保證👍🏻辛肉碎拉麵 （$85）佢哋嘅拉麵除咗普通軟硬度之外 最特別係仲可以簡直麵或者曲麵🤭侍應話直麵會比較爽 而曲麵就比較彈牙同易掛湯我哋今次簡咗曲同普通硬到嘅麵😚兩塊火灸豚肉肥瘦適中表面亦都燒到有少少焦香味 🤤碗麵開頭食嘅頭一兩啖都唔覺得咁辣點知食到最後飲埋啲湯係會辣到標晒汗😂芝麻雞翼（$35）係新出嘅小食黎😛 一碟有三隻雞翼上面佈滿芝麻同七味粉外皮炸到脆卜卜 入面好Juicy又夠入味👍🏻免治雞肉棒（$28）兩條都烤得好香 外層好脆裏面有唔少雞肉軟骨 一粒粒咁好過癮

近日去咗荃灣一間拉麵店食lunch。櫻花蝦拉麵 $88 (8/10)呢度嘅拉麵係有兩種可以選擇，直麵/曲麵，我就揀咗曲麵。我通常食麵第一啖係會試咗個湯底先嘅，呢碗櫻花蝦拉麵嘅湯底濃而不膩，唔會食完好口乾，唔錯。呢碗拉麵都有幾多料㗎，除咗櫻花蝦之外，仲有我鍾意嘅蔥、味玉、兩塊豚肉、兩塊紫菜、竹筍。拉麵點可以冇味玉呢，味玉即係溏心蛋，呢度嘅味玉係流心㗎，食完真係好療愈☺️兩塊豚肉被火炙過，咬落口有火炙過嘅香味之餘又唔會好乾，仲仍然好腍，唔錯。我平時都鍾意食竹筍，呢度竹筍咬落爽口清甜，唔會有渣。每啖曲麵都索滿晒湯汁，櫻花蝦連埋湯一齊食更香，想食脆脆嘅紫菜就要食咗先，否則腍咗口感冇咁好。整體嚟講係一碗好食嘅拉麵。黃金丸 $28 (8/10)食完鹹嘢到食甜嘢喇😄黃金丸其實係地瓜+香芋外層塊皮係地瓜，地瓜入面包住嘅就係芋泥，咬落去甜甜地外脆內軟QQ的，幾好食😋總結：食物方面都唔錯。特別想講，呢度嘅筷子幾靚，仲係特別包裝過㗎，(用料唔係一般外賣嗰啲平價即棄木筷子喔)，比到人有一種乾淨衛生嘅感覺。

呢間拉麵店嘅裝修好有日式風格，好靚～而且有好多貓貓嘅畫像同相🤣好可愛整體評分：6.5/10環境：6.9/10服務：6/10人均消費$50-100地址：友拉麵 (荃灣)荃灣西樓角路202-216號昌寧大廈1樓53-54號舖櫻花蝦拉麵配直麵（$ 88）叉燒（+$20）味玉（+$10）：湯底幾重櫻花蝦味，咸鮮惹味～有乜膩感。叉燒都幾香唔會話好肥膩😍 味玉都好好味評分：6.8/10炸棒棒餃子（$30）：呢個賣相幾靚，食落就中規中矩啦評分：6.5/10

身為荃灣人，真係好多野食，依間友拉麵位於昌寧商場入面。我都會經常經過，多數都見到有好多人喺入邊食緊野但係就唔會成日有人排隊，諗起好耐冇食拉麵，經過時又聞到濃郁嘅氣味咁就入去試吓啦，大約等咗5分鐘就可以入座，魚介拉麵就食得多，咁就試一下蔥山拉麵，大約等咗5分鐘左右好快就嚟咗，個面嚟到真係好多蔥，成座小山咁一啖淡都有蔥香！流心蛋勁流心❤️叉燒肥瘦均勻而且好大一片🥰🥰🥰🥰餐廳環境偏日系，多貓既公仔，店主應該都係愛貓之人喺牆壁上面嘅擺設同埋玻璃上面嘅貼紙都係有貓，而且而家近萬聖節佢哋都有做少少擺設都覺得好有心思

最近放工都好餓，以免餓住去做尖，今日收工都去食啲嘢打定底！因為放得早去到無人，任你揀位坐。鋪內裝修好日式！仲要以貓貓做好多裝飾好可愛～因為萬聖節關係仲整咗啲萬聖節飾物好有心思。今次揀咗碗魚介拉麵🍜好鐘意溏心蛋嘅我就加再多隻蛋。+$10就有原隻！出面好多地方都要+$12～碗麵好大碗！已見到好濃嘅湯底！第一口就要試湯先！濃而不膩，一啲都唔油，飲多幾啖都唔怕！蔥同荀都比好多，幫個湯增添香氣👍🏻叉燒有燒過，厚薄同厚瘦均勻，食落夠晒淋，好易入口。至於隻蛋一夾就知係軟軟嘅溏心蛋！咬開後超～溏心！！好好食！只係味道唔夠濃同入味，望隻蛋比較淺色都知個汁唔係調得濃。另外拉麵有直麵同曲麵，我揀咗直麵軟身。佢軟身嘅程度比x蘭嘅軟身都稍硬（我係軟麵派）$80內大大碗麵，完全食唔晒！今次終於食得飽，好滿足！

離荃灣站不遠的這間拉麵店=)店裡的空間不算大，但牆上跟四周，滿滿貓貓風格的裝飾，就好像被包圍著一樣😉說回拉麵，可選擇的有四到五款，而我選了：辛肉拉麵 - 直麵 $85微辣的肉碎，拌埋口感很好的麵條一起，的確是一種享受😁而兩大片大大的叉燒則正常，另外，半熟蛋是有一整個的，愛食的我再另加多左一個😍一口咬落去，流心既蛋黃，感覺跟味道 都好正😋一邊食住拉麵，一邊望望牆上貓貓的各樣表情形態，如果是愛貓的人，是一個不錯的選擇🙆

📍友拉麵 ~ 荃灣西樓角路202-216號昌寧大廈1樓53-54號舖隱世小店，咁啱食lunch行過見到，就約咗班同事一齊去食啦。真係好彩早去咗少少唔係就有排等位😂😂1) 魚介拉麵，咁就試咗佢個招牌拉麵，有好多魚介粉，燒豚肉燒得好香口，唔會有太乾身嘅感覺。湯底就唔會太過搶味，濃度適中，拉麵面新都好彈牙，🥰🥰🥰全隻流心蛋超好食2)日本餃子🥟，呢個就嗌錯咗啦，唔好食，疑似係啲即食嘢，係個炸餃子，正諗住喺日本煎鍋貼嘅形式出現，錯晒🤦🏻‍♂️🤦🏻‍♂️🤦🏻‍♂️環境地方比較細小，喺商場正門口，人來人往有啲嘈，始終係一個比較舊式嘅商場裏邊，拉麵CP值性價比算高汁，其實都幾抵食，會介紹啲friend去食😁😁😁同埋lunch都可以再去食過第二款面試吓👏🏼👏🏼👏🏼

呢排好想搵拉麵食下 平時自己食黎食去都係嗰幾間 所以想發掘下新既拉麵店 今次就比我喺荃灣搵到呢間小店 店舖既裝潢都係比較日式 而且店入面既牆都掛左好多貓貓掛畫 連個筆筒都係貓貓黎嫁 有聽講過呢間舖又叫貓貓拉麵 宜家就知點解叫貓貓拉麵🐱🐱🍜我地一行二人去食 我叫左蔥山拉麵(直麵) 而我老公就叫左個魚介拉麵 (曲麵) 個人認為直麵同曲麵分別不大 每個拉麵都包含左火炙叉燒、味玉 、蔥、竹筍同海苔 魚介拉麵呢 佢個唔會好咸 因為最怕就係好咸既湯底 想簡簡單單就可以點呢個魚介拉麵 蔥山拉麵 顧名思義就係啲蔥堆到成座山咁 鍾意食蔥既你就一定要食 真係成口都係蔥 會豐富你既口感 我覺得拉麵既湯底幾岩我 因為唔會太”杰” 平時好多店個湯底都好”杰” 食到一半我就開始覺得漏 所以我覺得呢個湯底係恰到好處 而火炙叉燒我覺得幾好味 燒過係會惹味啲 用餐後整體感覺都良好 坐得舒服 拉麵好食 價錢都屬於正常價錢 兩個人埋單($161) 會推介比大家👍🏻👍🏻👍🏻😋😋😋

大前日(3-10-2021 Sun)晏晝同老公整袋同買餸前食晏,去邊喥食?記得10月1 日去一家食晏時見到呢間,咁我哋嚟就嚟試啦.離遠見到佢嘅舖頭好sharp醒,而入面只有兩個客人,咁我哋就入去啦.坐低睇完menu,決定要:1. $83.00嘅蔥山拉麵,要麵質普通嘅曲麵,材料有蔥山,火炙豚肉,味玉,蔥,竹筍同海苔上到嚟,蔥山真係高.火炙豚肉因有油脂,口感好鬆軟,唔錯.味玉係流心嘅,而且都夠味.啖湯嘅鹹淡亦適中,濃度亦啱啱好.味道:5分2. $78.00嘅魚介拉麵麵質普通嘅直麵,有魚介粉,火炙豚肉,味玉,蔥,竹筍同海苔呢個魚介味道適中,而呢個味玉嘅流心部份極大,羨慕死我.味道:5分直麵原來比曲麵白啲,而且味道淡啲,曲麵有少少蛋味.3. $28.00嘅免治雞肉棒呢個正常冇問題.味道:3分4. $30.00嘅日式三重芝士春卷一共有4件,咁啱我反轉睇,咦!?呢面深色啲,燶啲噃.春卷皮脆,配以三重芝士嘅鹹香同煙韌口感,感覺唔錯嘅.味道:4分環境:sharp醒之餘重超日本feel,張bar枱夠闊,又有掛勾俾客人掛袋,開頭冷氣夠嘅,但食食吓就覺得唔夠.4.5分抵食係2.8分