友利冰室x勿當奴 (已結業)

落單前剛好在店前，聽到有人打乞嗤，然後落完單，見到是剛才打乞嗤既師父幫我切燒味，手都無洗！！一般衛生常識都無，食物幾好都無用。我個外賣掉左佢算，幾廿蚊我豪得起。

睇完哂 open rice 嘅食評，大家只係以為呢間食店好似普通茶餐廳提供一般嘅早丶午丶晚丶茶餐及燒味。其實喺店舖隔離仲有私房菜，簡直係别有洞天。除咗價錢合理外，仲有各式佳餚海鲜任君選擇，的確係良朋共聚的好地方。今次我哋一行八人揀咗七菜一湯，成圍枱都係一千七百幾蚊賣單，抵到震！红燒乳鴿$68（記得要預訂）好食過“龍華”，皮脆肉滑，熱辣辣，燒得唔會過火，啱啱好。再加埋淮鹽食，更加惹味！讚呢款糯米釀雞翼（同樣要預訂）簡直係功夫之作，其他食店好少見到。雞翼中間釀滿炒香嘅糯米飯，食一隻已經好飽肚。雞翼又炸得夠香脆，外脆内軟嘅口感好特别。值得一試！炸大腸夠香口，唔會過火，而且大腸洗得乾淨，食落爽脆得嚟，又有咬口。佐酒一流！豉椒炒聖子，老闆特選大號聖子，八隻已經炒到成碟上枱見人，非常足料，绝不欺客。椒鹽瀨尿蝦大大隻，食落啖啖肉，加埋醃料入味，連殼都好有味。鮑魚炒西蘭花，鮑魚軟硬適中，有咬口之餘，醬汁很入味。西蘭花夠稔，唔會有種臭青味，兩者都非常夾配。大蜆炒麵，由於我本身不嗜炒幼麵，但大蜆極之甜美，非常新鲜，而且份量極多，可見老闆绝不吝嗇。抵食之選！咸菜胡椒鮮雞窩，點嘅時候以為與一般雞煲無分别。原來

今日中午去咗呢度食午餐叫咗個叉燒煎蛋飯上到嚟賣相好靚兩隻蛋黃煎得啱啱好 用叉叉入去係有蛋汁 連買啲飯食好正叉燒比較瘦 唔係太肥 但係我嫌豉油俾得少 食到一半都冇晒豉油送飯以$48一個飯 包嘢飲～價錢都還可以啦

番工落黎食Lunch ，朋友介紹呢間燒味唔錯，於是黎一試。環境企理，四人卡位多，餐牌整得都用心同詳細，看似規模都可以。不過燒味價錢唔算平，都要40幾50，要真係足秤先會令人食得心服口服，確實不易。燒肉油鶪都有水準，飯就大大碟，份量都唔少架﹗燒肉肥瘦岩岩好，好有咬口，唔會話凍晒咁。幸運既我有油雞脾，所以肉都特別嫩滑，唔會太油。不過如果要食黃芥末就要開口問佢拎先有﹗~~最令人震撼係個湯超大碗熱辣辣，值得一讚﹗如果薑蔥可以直接俾多啲就更好了

這一間店,是我想早餐吃出前一丁面時, 必到的一間, 我今次吃的是雪菜肉絲出前一丁,可加兩餸,腿蛋餐腸也可以,有些餐廳,煮出來的出前一丁麵,太不像出前一丁,而這間你是自己肯定吃的是出前一丁的, 這裏也有叉燒麵 ,也是很多人選的,還有五香肉丁麵 30元一個早餐不算貴, 3餸加一個多士和一杯熱飲,是一間不錯的餐廳… 還點了一個鹹牛肉芝士治,加了一杯熱飲,25蚊個餐,本身這店的面包新鮮,不會像一些店,一早準備定牛油方包,被風乾硬了,就照上給客人

星期日下著毛毛細雨令本想去長沙灣飲燉湯既念頭消失左來到新蒲崗見到佢門面光猛又有燉湯所以入內試試本想叫花旗參燉湯點知午市後就已經售罄只剩了花膠湯 因太大意唔記得影相花膠有2片 不過被la得太利害有浸怪味湯底濃濃既火腿高湯味 中意飲高湯既朋友可考慮至於個乳豬飯 乳豬一般 皮不脆肉有啲鞋口好在菜心夠甜 而友人叫了煎黃花魚 其實係炸魚是新鮮 肉汁多又甜加上小小蔥花及豉油有家的感覺。喜歡食魚既朋友可考慮。下次唔會叫燒味 但會為佢小菜及燉湯再來的。

新蒲崗，舊式住宅，舊式工廠大厦，今日來到這一間新開張不久的飯店。不難察覺的是這店舖剛剛站立於"102"坑口與新蒲崗往来的專線小巴旁邊，店外擺放了多個花牌，十分注目。由於店舖面積比較狹窄，客人擠得滿滿。在門外等了一會兒，即時向店員點下食物，從餐牌上，看到的有燒味類套飯及燉湯，中式小菜套飯也有二三十款供應。看見餐牌上的價錢，燒鵝肶飯是最貴的，接近$90元，價錢雖然比較昂貴，但也看見有食客品嘗，一碟白飯加上數棵菜心，另外一碟大大的燒鵝肶，非常吸引。我與老公也點了燒鵝飯，皮香肉滑，配合醬汁，每一口，更是齒頰留香。飲品可選凍飲($3)，例湯($2)，燉湯($32至$48)。

十分有水準，並且用足心機的燒味廣東燒味在香港很普遍，質素卻十分參差，所以平時以「快餐」心態光顧，不會抱什麼期望，但試了這間新開業的燒味舖，令人很有驚喜！首先點了燒味必吃 - 叉燒叉燒最怕太乾或太瘦，這裡完全沒有這問題，半肥瘦肉，啖啖帶香甜味的肉汁除了燒味，還點了小菜，令人驚喜地也很不錯咕嚕肉炸皮夠脆又不會太厚，甜酸汁調得剛剛好，配飯一流！菜心夠嫩完全不像平時買燒味飯配的又乾又有渣的菜有誠意的餐廳，環境舒適，店員友善，燒味高水準，燒味以外選擇亦很多，會再支持

對上一次入新蒲崗應該大約已經是大半年前的事, 老區、工廠，其實已在譽港灣落成以後以漸漸演變， 區內的食店不走多時原來已翻了兩翻、 今日就趁著星期六前去試試兩間新開之食店。。店舖位於譽港灣前一條街整條街上食肆林立， 麵包舖 、車仔麵店、 台式麵食、 魚蛋粉麵， 以致歷久不衰的舊式老舖(得龍大飯店 )亦屹立於此街上~燒味飯選擇也多, 例如叉燒飯、 燒肉飯、 燒骨飯、切雞飯、 油雞飯、燻蹄飯、乳豬飯等， 大部份單拼飯都是HK$42元 雙拼方面可以有叉燒/燒骨/燒肉/切雞/油雞/紅腸/燻蹄都劃一以HK$44.元最特別的我想還是門口掛上套餐燉湯， 例如有木瓜雪耳、紅棗排骨、淮山圓肉燉牛展、陳腎南北杏菜膽、北菇豬展燉雞腳、淮山杞子燉豬腦、 椰子雪耳紅棗雞、螺頭燉雞腳、花旗參紅棗雞、猴頭菇蟲草花竹笙、花膠海參燉雞， 其實在於門外這一系例湯水、其實已經很耀目， 對於我這位廚娘每次要做上一款湯都要花上心力、 所以看在眼內特別賞心， 不過由於還有下場所以還是留力下次再試~要來一個叉燒油雞飯, 不知因由看上鄰枱叉燒油雞特別搶眼、 所以把心一橫一式一樣是也， 叉燒某程度上看來有幾件有點兒瘦、但無咗入口鬆化，

前幾日去新蒲崗做野, 咁啱經過呢間新開燒味鋪 見裝修都企理, 於是入去試下餐牌上見到有燉湯就叫左, 我地仲叫左叉燒油雞飯同燒肉燒鵝飯 燒味水準都幾好螺頭雞腳猴頭菇蟲草花竹笙燉湯認真唔錯 足料 冇味精整體質素幾好👍🏻