叉燒大王

营业中

休息中

之前經過親呢間叉燒大王，都見到門口有成村人，唔知係等外賣定係等位，不過是但一樣都好啦，都足以證明呢間餐廳唔係咁簡單，即刻上網睇下其他朋友嘅照片，見佢哋個叉燒真係好靚，一直想嚟試好耐，今日卒之有機會喇。首先嚟一鍋椰子燉老雞湯先，呢個燉湯夠哂鮮味，成隻雞嘅精華入哂落個湯度，話就話係燉老雞咋，但係啲雞肉以煲過湯嘅老雞嚟講都算嫩滑，鍾意食湯渣嘅我大愛。叉燒例牌，作為呢度嘅招牌菜，呢碟叉燒絕對無丢架，外層蜜汁嘅甜味，加上醃得極入味嘅叉燒，肥膏同肉嘅比例為三比七，巧妙咁形成咗口中嘅黃金比例。椒鹽九肚魚，呢碟椒鹽九肚魚夠哂鑊氣，九肚嘅外皮被炸到卜卜脆，再加上面頭海量嘅椒鹽，炸蒜頭同埋辣椒粒，惹味非常，點少少喼汁平衡油炸後嘅油膩，口感更好。蒜蓉粉絲蒸象拔蚌，新鮮嘅蚌仔上面鋪滿密麻麻嘅蒜蓉同埋蔥花，中間仲夾雜著一大堆粉絲，粉絲蒸熟後，索盡蚌仔嘅精華，鮮味絕對唔會比蚌仔遜色，淋少少豉油喺面頭先至食，更正。鎮店頭抽雞，一上枱見到隻雞竟然有幾嚿潤同埋腎跟埋已經心裏暗喜，而家仲有幾可叫隻雞有埋少少內臟跟㗎！？ daddy 話有埋內臟代表呢隻係新鮮雞，佢話因為冰鮮雞喺嚟貨嘅時候已經無內臟，果然新鮮雞個食法完全唔同

探完姨生仔又黎河畔食晚餐, 大人想食中菜, 行過呢間幾多人, 門口仲有人買外賣燒味, 幾吸引.打開餐牌第一版, 就係呢度既賣點义燒王, 好多節目都推介過, 一於要個例牌.半肥瘦义燒, 唔會切得太薄, 入口先感受到肉質既軟嫩, 就算帶少少肥膏都唔覺肥膩, 亦唔會太乾. 外面燒至微焦, 特別香口. 蜜汁少少甜, 好開胃惹味.呢度仲有幾多海鮮選擇, 要左蒜蓉粉絲蒸象拔蚌仔, 一碟有4隻, 隻隻都好大隻. 厚肉又肥美, 咬落好爽口彈牙, 唔會有咬唔開既感覺. 食落除左蒜蓉味仲有鮮甜既味道.蜜薯牛仔粒, 薯仔粒煎過再炒, 外脆內軟, 唔會搞到腍晒, 鍾意呢個口感.  牛肉粒夠軟腍入味, 唔老. 用蜜糖做汁甜甜地好惹味, 感覺唔漏.呢度既小炒確係唔錯, 份量亦夠. 一路食好多街坊黎開餐, 人流量高.

沙田友的老友都係沙田友，我嚷著要食海鮮，老友都不肯衝出沙田，最後都係到左佢的專屬飯堂--叉燒大王！我猛鬧佢無誠意，唔夠朋友！佢一落車就叫我睇睇門口的魚池，又真係麻雀雖小，五臟俱全，海鮮勁生猛！老友一坐低就叫佢的最愛--叉燒！衰則嬲佢唔帶我衝出沙田，但呢碟叉燒絕對衝出沙田，算係我食過的No.1！叉燒入味，半肥瘦的，但感覺一點都不油膩，仲好軟腍，不愧為叉燒大王！老友怕我唔食菜，叫左個金銀蒜粉絲蒸勝瓜俾我，味道超正，送飯一流，面頭啲粉絲勁惹味！係唔食菜的小朋友一個好選擇！終於到主角出場，有驚喜，無想過隻🦀甘鮮甜，仲炒得好夠鑊氣，好味！最抵死，唔食菜的我，竟然狂食蔥，啲蔥好正，有淡淡🦀味，食唔停口！隻蟹有重皮殻，蟹羔部分特別正，老友唔多好蟹，我差不多一個人KO全隻！總評：價格親民，選擇不少，怪不得是老友飯堂！今日一試海鮮，比酒樓更新鮮，會係沙田友食海鮮一個好選擇！

聽朋友講沙田有個叉燒好好食！就叫佢帶我去食下啦！叫咗個例牌叉燒！一上枱見到已經勁開心啦！舊叉燒真係好好靚！燒到勁香啊！仲有浸蜜糖味！好好食！仲要係勁靚嘅肥差！一咬入去就食到軟軟嘅叉燒！但個皮又好脆！仲有叫咗個老乾媽剁肉蒸豆腐！啲肉碎溝左老乾媽！辣辣地好正！豆腐又甜又滑！幾樣野溝埋食好夾！仲有叫咗個炒通菜！係個石窩度上正啊！可以一路keep住熱辣辣！個通菜好甜好新鮮啊！除左通菜仲有蒜同埋炸豬油！好邪惡太好正啊！

沙田河畔花園位置獨立，但係呢個小小嘅社區入面，麻雀雖小，五臟俱全，就有好多高質素而且有特色嘅食肆。上星期去完睇端午節扒龍舟比賽，順道就喺河畔花園附近搵間中菜餐廳《叉燒大王》同屋企人做吓節，食吓飯。聽聞呢間《叉燒大王》 經常客似雲來， 端午節夜當然亦不例外， 慶幸我哋開餐嘅時間早， 唔使等好耐就已經有位。假如一家大細黎開餐，預早book定枱就較為方便喇。【原盅椰子燉老雞湯】，呢個湯材料十分豐富， 用咗原個椰子， 加埋老雞同瘦肉，清燉而成。 湯水色澤金黃， 清澈而不混濁。 而且清燉嘅椰子雞湯並不油膩，入口非常潤喉， 非常滋補養顏，多飲呢個湯水，可以保持皮膚彈滑之外，亦可以養生益氣。【蒜蓉粉絲蒸象拔蚌仔】$138/4隻， 象拔蚌仔出名鮮甜， 用最簡單嘅蒜蓉清蒸方法，就最能帶出蚌仔嘅甜味。 由於象拔蚌仔夠曬新鮮， 所以肉質彈牙爽口。 就算連配菜蒜蓉粉絲亦都相當入味，吸收曬象拔蚌仔嘅精華。【例牌蜜汁叉燒王】$88，呢個係《叉燒大王》嘅鎮店之寶， 師父將梅頭肉用叉燒醬同麥芽糖等材料醃製好， 再用爐火烤製而成。烤好嘅叉燒色澤亮麗， 肉質嫩滑多汁，叉燒肥瘦均稱， 瘦肉部位軟淋嫩滑，而脂肪入口即溶， 非

星期日的貓貓十分慵懶。晚餐求其食左個中式地道餐。原本諗住食燒味，點知除左燒味，仲有好多小炒食，正正子唷！貓貓見間鋪叫叉燒大王，梗係要整個例牌叉燒嘆一嘆啦。見到呢個叉燒貓貓即刻濕左個嘴，係肥叉！貓貓食左一塊，蜜汁味夠，叉燒入口即溶，好滑。貓貓好耐冇食過好味的叉燒。叉燒出邊有少少焦，但唔會太焦，好脆，焦味帶出叉燒既香。貓貓濕左個嘴。食緊個叉燒就不斷咁扒飯，因為實在好好食。飯又香，係好米。貓貓終於知道點解間野叫叉燒大王。因為間野既叉燒真係王道。好好味呀！

河畔花園附近既餐廳外，只有叉燒大王門外排曬人，場面墟仚，心入面即刻冒起濃厚既好奇，不禁也跟住排隊。等咗大約4-5個字終於入到，雖然係出面等到身水身汗，但只要一入去就唔需要再等，即刻落單，三幾分鐘就陸續有餸上枱，半個鐘內就可以食完。蒜蓉粉絲蒜大蟶子 -一上枱真係香到爆，聞住都覺得食欲大開，不能自我，炸蒜多到滿瀉，粉絲彈牙入味，而蟶子肉則好爽口清甜。叉燒王 -肉質軟腍嫩滑，有d位燒到微焦更香，加上蜜汁甜甜地，一點都唔平凡，簡單出色。生煎咸魚肉餅 -外脆內嫩! 如圖片，外面煎到香脆，咸度亦適中，唔送飯都得。石窩生啫通菜 -通菜好入味，加咗d煎過既肥豬肉同蒜頭，令個菜添加了肉香同油香味，味道大大加分，送飯一流。

又來到了一週一度的«週末»，放假沒事幹唯有沿著大圍沙田河畔步行至沙田河畔花園，看到這人氣菜館有不少街坊捧場客，遂投下信心一票。蜜汁叉燒王(例牌): 所謂叉燒大王，來到不能不點招牌叉燒了吧? 半肥瘦叉燒曾以少許酒醃製，帶微酒香(非常非常微少)，亦有鬆肉的效用。另外，叉燒蓋上厚厚的蜜汁，很香甜。避風塘炒茄子: 想不到茄子以避風塘之法來處理會是如此配匹，反而惹味得有點像九肚魚的感覺，相當奇妙。辣味指數為BB辣，不吃辣的人也不怕。頭抽雞(半隻): 頭抽香純濃郁，雞件相當入味，為加強版本的豉油雞。平時因脂肪及膽固醇等因素不愛吃雞皮，現因此惹味之物而放棄原則。

今日同個朋友係富豪唱K，之後行過去河畔睇下有咩好食見到門口超多人等位，禁岩朋友又想食燒味，就決定食門口有部好先進既自助取票機好方便呀！旁邊掛滿好多不同既燒味，好吸引越睇越肚餓仲有個位可以即叫外賣燒味飯等左陣，終於入座侍應第一時間會問你想飲咩茶，我地就選擇左香片睇下餐牌有咩好食先，唱完K超肚餓！！本身就好鐘意食豆腐，所以一睇到豆腐類，就決定要叫碟豆腐石鍋啫啫通菜煲，上枱仲聽到沙沙聲好有鑊氣蝦醬味好香，但又唔會太多太咸老乾媽剁肉蒸豆腐，豆腐超滑，上面既肉有少少辣，好惹味兩碗靚白飯，粒粒分明叉燒（例牌），必食之選例牌份量都好多，叉燒半肥瘦，厚到十足，食落好有咬口又鬆化，正！半肥瘦叉燒比例剛剛好，一啖叉燒一啖飯，無得頂！食完終於明白點解禁多人等位，服務員態度好，飯餸又好味，下次唱完K再食過

今日同屋企人 想食下小菜於是走咗落樓下間叉燒大王， 貪呢度坐得舒服有光猛， 點返幾味小菜食下。咁泥到叉燒大王咁梗係要點叉燒喇， 個例牌都幾大碟下， 個叉燒燒完個肉質都仲keep到幾 juicy， 半肥瘦帶一點肥膏 仲更加香口， 而且佢嗰個汁甜甜地都幾滋味， 建議最好呀一碗白飯餸添鐵板醬 燒脆皮茄子第一次食鐵板燒茄子， 外脆內腍， 口感層次 突出， 裏面仲要鑲咗 豬肉， 味道剛好唔會太鹹又唔會太多醬汁 ，好好味呀。蝦醬 生啫通菜煲放到落嚟上枱仲咋咋聲 熱辣辣， 空氣裏面飄住濃濃嘅蝦醬味， 每條菜都好 鮮嫩翠綠 ，見到都令人食指大動呀。鮮淮山蒸魚雲， 聽個名都覺得夠曬健康，魚雲大大件，有肉食之餘又可以損下骨，啱哂我呀～

間中去河畔花園一帶覓食 日本菜,越南菜,西餐都食過 但就遲遲都未試過呢間叉燒大王今個月臨近母親節就同媽咪黎試下 食下中菜星期日晚上 比想像中多人等位 不過餐廳入面都幾大 有好多位 兩個人等左一陣好快就有位喇成日係門口睇以為佢係燒味茶記 但原來入面地方幾大同寛敞除左餐廳應有既卡位 仲有好多大圓枱 另外仲有茶壺可以揀要咩茶葉 再配埋假天花同水晶燈 格局其實有d似酒樓再睇埋餐牌 原來除左燒味同小菜 仲有好多海鮮選擇一場黎到當然要試下人地最出名既叉燒招牌蜜汁叉燒果然名不虛傳 肉質軟淋 叉燒燒得好香 但又唔會乾身 肉汁完全鎖住係叉燒內 淨係個例排叉燒已經夠我地送左大半碗飯海鮮叫左媽咪最鐘意食既椒鹽細賴尿蝦雖然蝦仔細細 但炒得好香口好有避風塘既風味賴尿蝦肉質鮮甜 味道非常惹味另外我地仲試左樣特別菜式 - 酥炸淮山薄薄一層炸漿 外脆內軟 點埋喼汁 開胃又好味整體黎講 幾款小菜都味道不錯 以後黎河畔又多個好選擇

假日到河泮花園探望朋友，到了晚飯時間，便到樓下覓食。這個小社區有著各式各樣的食肆，而朋友提議叉燒大王，說它的小炒不錯。七點左右到達，餐廳已經座無虛席，可見朋友沒介紹錯，幸好不用等很久便有位。這裡雖叫"叉燒大王"，但燒味以外，有很多小炒選擇，肉/菜類小炒大多$60-80。我們2人共點了3道菜。叉燒：是這裡的招牌菜，沒理由不點吧厚厚的蜜汁包裹著叉燒，賣相十分吸引。叉燒肉屬半肥瘦，不乾身，肉質軟嫩juicy，好味黃金蝦：蝦炒得夠乾身，所以不膩。蝦身肉質很爽，金黃色的蛋黃蓉滿佈蝦上，鹹蛋味很香濃，很好下飯蒜蓉粉絲蒸勝瓜：又是一道很好下飯的菜！金銀蛋莧菜吃得多，想來點新意思，店員便推薦了這道菜。老實說，聽到"蒜蓉粉絲"四個字經已雙眼發光蒜香十足的蒜蓉，加上沾了鼓油而鹹鹹的粉絲，送飯一絕這店的小炒有水準，CP值不錯，朋友果然沒介紹錯呢

每到晚市都好旺嘅叉燒大王，今日早左去唔洗等位但已經好fullMenu好厚，圖文並茂， 最後揀左d特價菜式朋友叫的即炸酥脆淮山 真係第一次食！ 脆卜卜，食到淮山嘅口感，原來淮山可以好好食的可以點一點喼汁，又係唔同嘅風味！蜜汁叉燒黎到叉燒大王點可以唔點呢道菜呢？！肥瘦適中，瘦肉嘅部份唔韌唔老，燒得好入味。最鐘意用佢嘅蜜汁撈飯，好香芝士龍蝦伊麵 有兩隻小龍蝦開邊，d肉一叉就起晒，肉質爽嫩 芝士味好夠，伊麵掛晒d芝士汁大大碟 一個人夠晒飽；兩個人食最好，可以試下其他小菜！整體黎講，食物質素唔錯，侍應態度親切，爆場都無趕客

近日確實又有太多的不安同煩躁，於是放工決定與友人快速傾傾同聚聚。為了盡快回家接乖囡囡，於是決定到沙田 - 叉燒大王晚餐。點了三個小菜，外加每人一碗瀨粉，份量十足，相當飽肚。 叉燒 - 例牌 叉燒賣相不俗，色澤均勻。叉燒雖然看似比較瘦，不過食落去一點都不乾柴，反而相當軟腍。而且，外皮燒得有點脆脆加香口，令人有一食再食的衝動~~蜜汁亦令人相當有記憶點，甜度適中，為叉燒加了不少分數。 水煮牛肉 呢款水煮牛肉香氣十足，牛肉好嫩滑。味道比較香辣， 而底下的粉絲索盡辣汁。而且當中有芽菜，增加口感，Yummy Yummy~~避風塘蝦膠釀蓮藕餅 朋友喜歡避風塘系列，於是建議點避風塘蝦膠釀蓮藕餅，真的非常不錯。蝦膠釀蓮藕工序，一點都不簡單，相當費時考功夫。即叫即炸，外皮香脆有聲。沒想到辣勁十足，每吃一口，口腔就被麻辣蔓延，好過癮!!湯瀨 老實說，香港好多餐廳都沒有瀨粉~~難得此家有，點都要試試~~瀨粉比想像中幼身，比較吸湯，湯底味道清甜 ^_^

今日燒味引起，決定黎叉燒大王食個午餐。當然要嗌個招牌菜叉燒飯，另外加左最愛嘅鹽焗雞同一隻煎蛋，叉燒肥瘦適當，又唔會燒到太多黑焦，配上香甜的蜜汁，撈飯一流。而雞亦好嫩滑，一啲都唔鞋。燒鵝脾油雞咸蛋飯。燒鵝脾水準都唔錯，尤其脾皮脆肉嫩，好香口。油雞點姜蓉食好味，雞皮又夠滑！另外，煎蛋比想像中好食，入面係生蛋黃，值得加。服務態度方面不錯，一入座，職員好快帶位開茶，其後都有禮貌，唔會好像茶餐廳咁躁底趕你走咁。