叉燒大王

营业中

休息中

每到晚市都好旺嘅叉燒大王，今日早左去唔洗等位但已經好fullMenu好厚，圖文並茂， 最後揀左d特價菜式朋友叫的即炸酥脆淮山 真係第一次食！ 脆卜卜，食到淮山嘅口感，原來淮山可以好好食的可以點一點喼汁，又係唔同嘅風味！蜜汁叉燒黎到叉燒大王點可以唔點呢道菜呢？！肥瘦適中，瘦肉嘅部份唔韌唔老，燒得好入味。最鐘意用佢嘅蜜汁撈飯，好香芝士龍蝦伊麵 有兩隻小龍蝦開邊，d肉一叉就起晒，肉質爽嫩 芝士味好夠，伊麵掛晒d芝士汁大大碟 一個人夠晒飽；兩個人食最好，可以試下其他小菜！整體黎講，食物質素唔錯，侍應態度親切，爆場都無趕客

近日確實又有太多的不安同煩躁，於是放工決定與友人快速傾傾同聚聚。為了盡快回家接乖囡囡，於是決定到沙田 - 叉燒大王晚餐。點了三個小菜，外加每人一碗瀨粉，份量十足，相當飽肚。 叉燒 - 例牌 叉燒賣相不俗，色澤均勻。叉燒雖然看似比較瘦，不過食落去一點都不乾柴，反而相當軟腍。而且，外皮燒得有點脆脆加香口，令人有一食再食的衝動~~蜜汁亦令人相當有記憶點，甜度適中，為叉燒加了不少分數。 水煮牛肉 呢款水煮牛肉香氣十足，牛肉好嫩滑。味道比較香辣， 而底下的粉絲索盡辣汁。而且當中有芽菜，增加口感，Yummy Yummy~~避風塘蝦膠釀蓮藕餅 朋友喜歡避風塘系列，於是建議點避風塘蝦膠釀蓮藕餅，真的非常不錯。蝦膠釀蓮藕工序，一點都不簡單，相當費時考功夫。即叫即炸，外皮香脆有聲。沒想到辣勁十足，每吃一口，口腔就被麻辣蔓延，好過癮!!湯瀨 老實說，香港好多餐廳都沒有瀨粉~~難得此家有，點都要試試~~瀨粉比想像中幼身，比較吸湯，湯底味道清甜 ^_^

今日燒味引起，決定黎叉燒大王食個午餐。當然要嗌個招牌菜叉燒飯，另外加左最愛嘅鹽焗雞同一隻煎蛋，叉燒肥瘦適當，又唔會燒到太多黑焦，配上香甜的蜜汁，撈飯一流。而雞亦好嫩滑，一啲都唔鞋。燒鵝脾油雞咸蛋飯。燒鵝脾水準都唔錯，尤其脾皮脆肉嫩，好香口。油雞點姜蓉食好味，雞皮又夠滑！另外，煎蛋比想像中好食，入面係生蛋黃，值得加。服務態度方面不錯，一入座，職員好快帶位開茶，其後都有禮貌，唔會好像茶餐廳咁躁底趕你走咁。

叉燒大王此名很早已聽聞過，今晚來到沙田，一定要試試！店外設有自助取票機，方便顧客輪候。店內環境舒適潔淨，感覺很舒服。來到當然要食招牌蜜汁叉燒，叉燒焗得很『出色』，顏色光亮潤澤。加入蜜汁的叉燒，表面燒至少少焦，非常香口！肥瘦均衡的脢頭肉質軟嫩多汁，又唔乾！連汁都好好味，肉汁與蜜汁融為一體，餸飯一流！ 燒味部另一美食 -- 頭抽雞(新鮮雞) ，令我想到製作時的複雜程序。要烹調到整隻雞都肉質幼嫩入味，確實唔容易！雞要連皮食，食之前補加頭抽在雞肉上，鮮味出洒o黎！加埋頭抽肉汁餸飯，極正！此頭抽雞與叉燒的水準都一樣高！大大力推介啊！海鮮部的蒜蓉粉絲蒸刀貝，爆香後的蒜蓉，配上爽甜新鮮刀貝，不得不讚！本來無味的粉絲吸收了刀貝的鮮甜，蒜蓉的香，蒸魚豉油的鮮味，變得非常美味！另外點了產自中國東部之東沙群島 -- 東星斑，紅色魚身上布滿白色幼細花點，魚鱗起得很光滑，炊熟的魚皮裂開，見到那雪白魚肉，頗吸引人。肉多鮮甜又唔散，火候掌握得恰到好處，并以蔥絲作裝飾。此店設有海產養活缸在店旁，難怪海鮮這麼新鮮！食到大約七時已座無虛席，門外亦有多人排隊呢！

一坐低就梗係叫呢間餐廳最出名嘅叉燒例牌可能係因為呢間餐廳嘅招牌菜關係差唔多每幾個鐘就有新鮮燒製好嘅叉燒所以每一份叉燒都保證係質素最好最新鮮啱啱燒製完成的所以食落口每一啖叉燒都係依然保持着啱啱好的燒製後餘溫果一種啱啱燒好嘅叉燒嘅味道口感完全唔似其他餐廳一早燒定晒百幾份之後每當有客人點叉燒嘅時候就擺入電爐入面焗一焗返熱佢所以呢度啲叉燒完全唔會乾身亦都唔會因為擺得太耐吸收得太多蜜汁以致造成肉質偏硬呢度啲叉燒軟淋淋而且啱啱好肥瘦適中之後叫多咗一款海鮮就係薑蔥炒紅花蟹呢個時候嘅花蟹10分當做因為每一隻花蟹都係最肥美嘅時候每隻花蟹嘅蟹鉗蟹腳都頂滿晒肉而且薑蔥味道濃郁非常厚實的薑片 再加上青蔥輕輕走過油嘅花蟹完全吸收左薑蔥嘅香味食完個花蟹之後剩低嘅薑蔥都完全吸引人整碟清晒佢

昨晚朋友家出了點事，陪她處理完，就在附近簡單食個飯，朋友便推薦叉燒大王。甫入座，職員已經迅速開茶開位，反應算不錯👍，服務務度都ok ! 啫啫通茶煲，夠鑊氣，又唔會太油、太咸，唔愛食菜的我，都食左勁多！朋友推薦食燒味，話有水準，但晏晝已經食咗叉燒飯，所以揀咗燒鵝。水準都唔錯，尤其嗰隻脾皮脆肉嫩，正！回味咕嚕肉一啲都唔回味！菠蘿肉同肉分開炒，完全食唔到咕嚕肉甜甜酸酸嗰啲味道😒，仲要啲菠蘿出晒水咁，唔合格！整體而言，睇埋隔離枱啲餸都係一間有鑊氣嘅餐廳，水準都唔錯！不過，專登嚟食啦我覺得就唔洗啦，行開附近都係一個選擇嚟嘅！

每次入到黎叉燒大王點樣都要叫返佢哋嘅燒味食返餐因為佢哋每日都係自家燒製燒味不過今日就叫咗佢哋個叉燒例牌今日嘅叉燒例牌是晚餐的時候第一水因為今天早到餐廳晚膳啱啱好撞正餐廳製作好新一批叉燒作今晚的晚飯供應啱啱燒好嘅叉燒熱辣辣而且燒得香濃無比再加上叉燒的部位選擇得適當合宜用上了我最喜歡的豬肉部位作叉燒這個部位的叉燒肥瘦適當！因為係一粒叉燒肉間住少少脂肪之後再有一粒叉燒肉再係脂肪所以每一啖唔單止食到叉燒肉的香味仲更加可以食到燒製了的豬油香味不得不讚這裏的叉燒蜜汁有時最怕食到一D叉燒蜜汁只是加上了甜豉油便敷衍了事但是這裏是百分百的叉燒蜜汁因為物質甜而可口而且不會過鹹用來塗飯簡直成為今晚晚飯的高潮位而且這裏用上頂級泰國香米淨係一碗白飯已經引人入勝清清一口白米飯已經令人食指大動如果加上了叉燒蜜汁更加可以令人清光了整碗白飯最後再叫多咗一份避風塘炸茄子條估唔到平時食茄子通常都係會用魚香茄子形式咁做但係原來加上了粉漿再將茄子切成條狀拎去炸再用避風塘式加上辣椒咁去炒又真係別有一番風味而且咁樣食落口唔多唔少又好似食緊海鮮咁鮮味可能唔係呢因為啲炸蒜做得非常出色所以食落炸茄子好似有少少海鮮嘅口感呢個餸菜用嚟送啤酒

叉燒份量極多，適合3-4人一齊食叉燒係最正既半肥瘦好有口感，唔會un 最正係表面燒到黑黑地個層，勁香燒烤味仲有每一舊叉燒既外層都有蜜汁個種甜甜既蜜汁加埋燒烤既香好好食送碗白飯一齊食最正石窩熱辣辣咁上，可以防止臘味既油凝固而影響味道好有心思成個窩都好惹味，臘肉充滿油香，椰菜既甜配塔辣味好過癮，最重要係吸收左窩中味道精華既粉絲依個窩真係送飯一流啊！外層係有咸蛋黃香既香脆外層一咬落去就有蛋黃既咸香同勁脆既口感入面既魷魚都唔少，真材實料

今日去左食叉燒，正呀！麻甩佬的至愛！黎到梗係叫個例牌叉燒試下有幾叉燒大王啦。好快上菜，夠多叉燒。叉燒夠滑，而且蜜汁夠濃。叉燒肉質半肥瘦，係我鍾意食既部分。唔怪得叫叉燒大王。叉燒燒得唔算太多黑焦，但外層夠香，又健康。好味既。之後叫左個椰菜臘味炒粉絲。上菜已經聞到好濃既臘味。粉絲索曬臘味，真係超正。夠惹味，唔止男人的浪漫，女人都食到索索聲。好耐冇食過咁地道既香港野。今餐份量多，抵食，最緊要夠地道又衛生！

Dated my professor from American He was living in the riverside Hotel Tai Chung Kiu rdShatin He said there is a Chinese restaurant he is curious about Every luncheon hour there are a lot of people dining Of course he loves barbecue pork very much that is exactly the King of barbecue porkThe meat is half fatBut not too much oily feel Sweet with honey My favourite I have a feeling that old man is now a specialist in eating Chinese food after seeing him eating the Pacific geoduck Steam with lots of

男朋友係沙田人，我成日都問佢沙田有乜好食，今日佢就帶左我黎河畔的叉燒大王，話呢度係街坊飯堂。門面咁有氣派，仲以為應該有好幾間分店，但原來只此一家。由男朋友發板，佢推薦「鎮店頭抽雞」（半隻$138）。Menu中聲稱採用新鮮本地雞，而且所選的雞約兩斤半重，因而能做到油而不肥膩。浸製的豉油更是上等頭抽，絕不加水和味精，用過的頭抽亦絕不翻用。一上桌，見到咁靚嘅色澤已經垂涎三尺，雞肉果然好入味，啖啖均滲出濃郁嘅豉油香，而且肉質嫩滑，真係非冰鮮雞能媲美。雞肝、雞腎、雞心。知我鍾意食海鮮，男朋友又點左「豉椒炒大蟶子」（5隻/$128）。蟶子隻隻肥美肉厚，用豉椒炒，鮮味無窮！雖然偶爾咬到一兩粒沙，但無阻我哋食指大動，啲汁我仲用嚟撈飯添！「石鍋生啫通菜」$62熱辣辣地上桌，鍋底好深，其實份量好多。通菜炒得好入味，我仲食到粒「豬油糕」，好有罪惡感，但又回味無窮！雖然呢度叫做叉燒大王，但除咗叉燒之外，其他菜式亦做得好出色。點左三樣餸，三樣都煮得好夠味，惹味十足，果然係街坊飯堂！

今日同個朋友去完富豪花園碌保齡球，玩到好攰好肚餓，我哋就行咗去河畔花園搵嘢食。行到河畔，就見到叉燒大王門口有部咁先進嘅攞位機，同喺門口見到咁多好好味嘅叉燒，真係頂唔順，就入咗去食啦！一入到去，員工都好有禮貌咁遞上餐牌同問飲咩茶，睇返張餐牌，都有好多選擇，呢加係晚飯時段，所以會有小菜嘅餐牌，咁我哋就決定叫餸食飯！黎到叉燒大王，就梗係要叫叉燒食啦，我哋就叫咗個例牌，叉燒半肥瘦，又淋又多汁，重要果隻蜜汁入曬味，果然係名不虛傳跟住我哋仲叫咗老乾媽剁肉蒸滑豆腐，賣相不錯，豆腐上釀左豬肉，加上有少少辣味，送飯一流我哋見隔離枱食賴尿蝦食得咁好味，我哋都忍唔住叫咗兩隻賴尿蝦，賴尿蝦好大隻同手掌一樣長，又多肉又新鮮，雖然係椒鹽但係帶出小小辣味，真係好香口總括來講，間餐廳服務同食物質素都唔錯，值得一讚嘅係，食完賴尿蝦後員工都好細心地遞上檸檬嘅熱茶比客人洗手有時出街唔一定要食西餐同日本菜，食吓中菜都唔錯啊！

叫叉油雞飯得少少油雞肉😡係一隻瘦雞翼同d人講，又串，無禮貌去大快活食都無咁受氣好似奉旨要受佢氣叫人入坐佢似得罪佢全家叫人落單扮見唔到咁有型，唔好開唔會再去要受氣得咁少肉，個飯36蚊

上次食雞粥，已經係咸到雞唔落口，本來都唔打算再幫趁～～～屋企老人家想食梅菜扣肉，近近地就，諗住上次可能失手，今次再幫趁～～除咗梅菜扣肉，仲叫咗個南乳碎炸雞，$94，打開得幾粒，講真，味道係正常嘅，呢個價錢呢個份量，會唔會有啲過份，唔好當人係水魚～唔知係咪外賣先係咁

好耐無黎...今日經開呢度就黎再食啦..味道依舊好味..無失水準..叫左沙田乳鴿➕老乾媽剁肉蒸滑豆腐➕醬爆西芹炒牛肉➕拔絲排骨..2條友食4樣送好似好多..但真係太耐無黎..樣樣都想叫黎食😊😊