叉燒大王

营业中

休息中

作為一個標準既麻甩佬燒味一直都係我至愛之一呢間竟然夠膽自稱為叉燒界既大王咁大膽又點可以唔一試呢？==============================位於沙田河畔既叉燒大王地理位置都算係咁雖然如果搭去沙田站，要行約十五分鐘過左城門河先到但係好彩有４７Ｘ等多架巴士黎到另外有呢個手機拎籌系統都唔洗怕要等位只要ＤＯＷＮ個ＡＰＰＳ就可以拎到籌分分鐘行過黎既時間就已經岩岩好等到位真係好鍾意呢個功能裝修都幾闊落幾舒服，燈光又光猛好適合一家大細黎食返餐好既淨係睇ＭＥＮＵ呢個叉燒已經流晒口水啦～其實餐牌選擇都幾多同埋都見到有呢Ｄ特別菜單鍾意試新野既我，又點會唔一試呢叉燒（例牌）（＄８８）斬料～斬大舊叉燒～黎叉燒大王唔食叉燒都唔好話自己黎過叉燒大王啦下話而佢果然不負叉燒大王之名！！半肥瘦既叉燒，一入口肥既部分入口即溶，瘦既部分肉味香濃最正係咩呀？係佢有燶邊呀！有燶邊呀！有燶邊呀！（因為好重要所以講三次）一舊叉燒靚唔靚，除左睇佢肥瘦，仲有一個好重要既指標就係係咪燶邊令佢入口除左本身既油脂香同蜜香之外仲多左一層好回味既焦香令你食完一舊又一舊都唔會覺得膩完美既叉燒！八寶冬瓜盅（＄１１８）真係非常非常非常

今日去左沙田圍食晚飯，好少有食中餐。不過今日心血來潮， 食下小菜。呢間小菜鋪竟然都有幾多海鮮。仲要都幾平。好小唔係酒樓都有得食龍蝦。 不過今日冇試。下次多人黎食可以試下。仲有八寶冬瓜盅， 好想試下， 不過今日得兩個人， 食唔曬。叉燒必叫， 好淋， 好香。 啲汁都好味道， 送飯一流。 啲肉唔會太肥， 但係又小小肥， 岩岩好。 招牌菜果然唔簡單。門口仲有好多人排隊斬料外賣。下次試埋其他燒味。薯仔牛肉粒， 炒得好香， 薯仔夠淋。 黑椒唔會太多， 唔會蓋左啲牛肉味。 呢排興黃金煮野， 所以叫下呢啲屋企平時唔會特登開成鑊油去煮既炸野啦， 炸得好脆， 個粉夠簿， 夠乾身。 好香口。大聖子， 蒸得岩岩好， 超多蒜容， 好感動。配埋啲粉絲可以食一碗白飯。128蚊竟然有咁大隻， 大聖子個大字， 係真架。特登拼隻筷子比你地比較。 呢度唔係茶餐廳都有咸檸七， 幾好。 除左啤酒 汽水的其他選擇。除左小菜， 呢度都照顧單身食客， 有碟頭飯。

係咩驅使我係今日既紅雨之下都要去河畔花園試叉燒大王呀～係愛定責任呀～～絕對係我對叉燒既愛呀哈利之前做節個時 親戚已經買過叉燒大王既叉燒加料一試難忙呀d叉燒半肥瘦得黎又好腍如果係沙田圍站行過黎要9mins我就搭巴士 行4mins就到了位置都幾入下 大家用app search下啦我地到個時都830pm 仲要平日估吾到都full哂Menu~有個廚師推介既menu叉燒!叉燒！叉燒！例牌都幾多下 兩個人食食吾哂薯仔炒牛仔粒甜甜地 幾惹味下同埋幾多牛仔粒下 絕對足料通菜 熱煱上 夠哂有鑊氣~除左叉燒外 呢度仲有好多中菜仲有海鮮嗌 不過今日我地得兩個人就吾嗌咁多了下次一定再幫襯

住在沙田這麼久，第一次吃這間位於麗豪酒店旁邊的一家餐廳。平常也比較少會經過這個地方，不過這次就特地帶着很愛吃叉燒的媽媽去吃吃看那裡的叉燒有多好吃，好吃到能叫叉燒大王首先翻開menu的第一頁，就是這個叉燒，看起來也十分美味，所以二話不說就決定要點它！接下來看到這個也覺得不錯！再加個清菜就剛好兩個人吃！這邊有幾種茶讓客人選，我選的是香片以下是我們ordered的食物:特選蜜汁叉燒王 (例牌) $88本來以為例牌分量會很少，但結果分量多，而且非常好吃！媽媽都讚不絕口！叉燒半肥半瘦，肥瘦均勻，肉汁多，口感一流，必食！！胡椒浸豆卜 $68 這個湯底十分鮮甜，有淡淡的白胡椒味，有菇、芹菜、豆卜及粉絲。與飯一齊吃，真的一流！一開始以為只是豆卜，怎料豆卜裡還有包肉，有驚喜！石鍋生啫通菜 $68這鍋通菜十分新鮮，卜卜脆，而且不會太咸，值得一讚！我認為這間餐廳物超所值，兩個人晚餐叫了三菜一飯也是二百多元，而且吃得十分滿足。我必定會再回去光顧的！

日日都咁多人等位，證明佢真係好食，今次寫番個食評先。例牌叉燒間鋪頭叫得做叉燒大王，又點可以唔試佢嘅叉燒呢？😂所以我哋好順理成章咁樣叫咗一碟叉燒嚟試。佢叉燒嘅肉質比市面食到嘅更加林同埋多汁，半肥瘦，岩岩好叉燒醬亦都更香，整體而言好食過其他鋪頭嘅好多，撈飯正😛😛蜜薯牛仔粒個汁做得太好，撈飯一流！薯仔仲有炸香表面，值得加分。牛仔粒唔銀冇筋，啖啖肉，配合洋蔥，成碟小菜又甜又惹味，真係食哂成碗飯😂😂😂利申平時食半碗架咋🤗椒鹽手打墨魚丸佢嘅墨魚丸有咬口，好彈牙，同時有墨魚嘅香味，炸完之後令到外皮炸扑扑，食落更加有口感。加上用椒鹽去調味就令到我地食到欲罷不能。真係好食，而且實在太好送飯啦，我飯量大增兩倍😂😂😂無可挑剔既晚餐😍🤘

今日係沙田做野，見到叉燒大王門面幾大，一個人食飯冇乜要求，就入左呢度食個午飯。入面地方座位都幾寬敞，環境都幾乾淨，下午食飯時間人流都好旺下。餐牌提供種類多，有醒晨早餐，午市粉面飯，燒味飯，學生餐，下午茶等等。見間餐廳出名叉燒，就叫左叉燒五寶飯，點知飯一到，來錯左個燒腩五寶飯。😖😖😖最後雖然可以換，但因為今日做野有啲趕時間，所以我冇換到。望到燒鵝外形以為好脆皮，點知食落好老，一啲脆既感覺都冇。叉燒燒燶左，味道認真麻麻。咸蛋味道同口感有點奇怪，食落似食緊面粉。成個飯，得雞翼稍為好味。一個飯$52, 凍飲加$3, 加杯凍檸茶, 盛惠$57。價錢偏貴，但質素麻麻。可能其他野食係好味既，只係甘岩我吾好彩食到個質素冇甘好既飯👉🏻👈🏻不過之後我未必會再幫襯

今日去咗河畔花園開餐，見到叉燒大王舖面好大，入面人頭湧湧，於是就入去試。餐廳名叫叉燒大王，以為成間舖都係賣燒味，但睇睇個餐牌，發現除咗燒味之外都有其他嘢食揀唔會獨沽一味。今日唔食叉燒，食咗個特餐，主要係被佢個奶油豬吸引。午餐特餐A係 蕃茄肉碎湯通粉配粟米炒蛋+脆脆奶油豬。通粉可轉米粉或意粉，出前一丁加四蚊。奉送熱飲，凍飲或汽水加三蚊，檸樂、檸蜜、薑蜜、柚子蜜、紅棗蜜或咸檸七加五蚊。侍應首先送咗杯餐飲。坊間唔係好多地方有賣紅棗蜜，見到佢哋有供應，當然睇睇咩料子。飲之前要攪勻先，否則蜜糖沉曬喺下面，飲到最後嗰啖會好甜。今次就係唔記得咗攪勻，飲到最尾嗰啖，發現好甜，於是請侍應拎多一杯熱滾水，發現佢哋落嘅紅棗蜜份量，夠沖兩至三杯；當然呢個要睇個人口味，鍾意好甜嘅話，呢招係唔得嘅，但鐘意淡淡嘅甜味的話，可以參考返。紅棗同蜜糖都好滋潤，出街食飯好容易食得/飲得唔健康，叫呢啲健康飲品平衡番，都真係好好。然後係粟米炒蛋同埋脆脆奶油豬，炒蛋炒得幾滑，好多粟米，唔會話慳住慳住得嗰幾粒。脆脆奶油豬名副其實香脆，但絕對唔會燶咗；奶油都加得好多，成個包甜得嚟令人覺得好幸福。蕃茄肉碎湯通粉，聽講好多時去到下午四、

今日同家人去沙田嘅沙田圍河畔花園 D座叉燒大王食午飯。呢到座位寬敞，環境清潔衛生。肚打鼓喇！！！我們叫了五寶飯，有燒肉、 鹹蛋、雞翼，紅腸同燒鴨皮脆鬆軟，滲住油香，肉質唔肥。同其他燒味飯一樣飯量足夠，包保你食飽飽走，而且幾好食，唔係求其一餐燒味～～～～😃跟住就食叉燒大王嘅叉燒飯～～叉燒份量足，肉汁好傳統味道，外皮有好濃蜜汁。豬肉係少肥多瘦，但唔韌唔老，你都不妨一試！！！！😊還有干炒牛河，份量較少...但牛肉就幾鬆軟～～最好要讚一讚嗰度啲飲品～～～我叫咗一杯凍薑汁，真係幾好飲！唔太甜幾好，有薑味，味道唔錯行過不妨試下！！！👍我屋企人又飲咗杯茶記特產鹹檸七🥤，很冰涼解渴，今日天氣咁熱，飲得合時～～～👍

叉燒大王主打嘅緊係叉燒同埋燒味啦！蜜汁叉燒更係得獎菜式！除咗燒味之外，仲有其他小炒，我哋兩個人叫咗一碟叉燒兩碟小菜。等咗5分鐘左右就有嘢食喇。叉燒（例牌） $88嘩！叉燒大王嘅叉燒真係不得了呀！色澤光潤，肥瘦均勻，香氣四溢。叉燒入口鬆化，做到不太需要咀嚼的境界！外皮稍脆而且甜度適中，輕輕一咬，肉汁在口內爆發，肥油在口腔內化開，滿口油香，無論淨食或送飯，都係一流，無得輸！石鍋生啫通菜 $68上菜時仲係ja ja聲，蝦醬的香氣持續地提醒著我們要襯熱品嚐！蝦醬的咸香味同通菜真係絕配，石鍋內還加入了少量蒜子、薑絲和豬油渣，令整體更惹味！蜜豆合桃燒安牛粒 $98主角之一的牛肉，肉質鬆軟而味濃；另一主角荷蘭豆被炒至脆身，味道鮮甜可口。很不錯的一道小炒。結論：叉燒大王的叉燒冇得輸，其他小菜亦非常出色，而且價錢相宜，可以經常來幫襯。

燒味平時食唔少，但今日行開文化博物館，特別行去河泮花園地下，試吓好多人推薦叉燒大王，一於睇吓呢度啲叉燒有咩咁特別。五保嘅份量都幾多，特別係燒乳豬，用筷子🥢敲下外皮，聽到卜卜聲，咸蛋黃亦呈金黃色，幾有油光，不過以一碗賣$64既飯來說，燒味嘅份量可以更多⋯⋯乳豬片可以用 香！薄！脆！形容，熱辣辣新鮮燒出來果然係唔同啲，肉質鮮嫩，咸度適中，外皮脂肪層厚薄剛剛好，咬落去滿口甘香。烏冬滑嘟嘟，幾所我口但啊，加上個湯底飲囉幾濃郁，有點似茶記例湯，飲落似用豬骨同蘿蔔滾成的濃湯，用來送烏冬認真不錯。之後叫咗一碟乾炒牛河，剛好是一人份量，河粉炒都算係幾乾身，質感幾好，但多啲肉片就好啦，而且有點過油，影響河粉質感。之後就係期待已久嘅叉燒飯， 40幾蚊一個產品來講，燒味份量十足，足足有成條叉燒！叉燒質感鬆軟，一咬即開，外皮有香濃蜜汁味道，裏邊肉味幾突出，不會太鹹，調味功夫做得足！

好耐無食過燒味喇今日去完朋友屋企玩，跟住佢就介紹落黎叉燒大王食。最初都諗：晚餐食燒味？唔係掛食完就知無介紹錯～超多人好彩早到！環境就同一般港式餐廳無乜分別。我地叫左三個餸：叉燒、醬燒脆皮茄子、石窩啫啫通菜。叉燒外面少少燒焦，食落甜甜地，肉質估佢唔到係淋咖！超好味！感覺好似食緊慢煮叉燒咁平時我好少食咖子，所以朋友叫呢個餸我都有啲肴咖，不呢個茄子係全晚最最最喜出望外嘅餸！個醬超惹味！超香！茄子外皮係有啲脆口，咁當然唔會脆到酥炸咁啦而且用鐵板上，食到最尾都係熱咖！健康飲食一定要食菜，煮得唔好當basic need煮得好當bonus，個菜煮得好好味，感恩仲有其他野食咖，不過咪做大嘥鬼，夠就好了

最近屋企裝修搞到笠笠亂，餐餐出街食，附近嘅食市都差不多試運！今晚行遠少少，两口子過左對面河畔花園嘅叉燒大王晚飯。環境不算大，十幾人大檯，四人卡位都座無虛席！融合左茶餐廳同酒樓嘅格局！夏天消暑湯水點少得冬瓜盅呢！冬瓜去皮值得一讚！大大盅，每人有兩大碗！湯料好足，清淡香甜帶出原材料嘅味道！白飯熱騰騰，粒粒分明煙韌，好有飯香味鐵板黑椒牛仔骨，牛仔骨吸收黑椒味道，加上紅紅綠綠的彩椒同洋蔥，香甜爽口，顏色好吸引！两人份量啱啱好！蜜汁叉燒肉質嫩香而鬆軟又不會太甜，有少少肥肉，叉燒完全吸收晒蜜糖汁，十分juicy。又吾覺肥膩！原來曾經榮獲推介大獎！叉燒出名受歡迎，件件燒到色澤金黃，肥瘦適中，難怪掛滿廚窗，都不愁沒人買啦！

昨晚約了老公去叉燒大王食飯, 中途落大雨, 本來想打退堂鼓, 既然已去到沙田圍火車站, 所以決定照去食。去到餐廳門口, 記得根據人數自行拿籌號, 否則只會白等。點了馳名的叉燒, 鐡板黑板牛仔骨, 石鍋通菜, 加多碗白飯。首先送上叉燒, 大大碟, 叉燒不肥, 食落好淋, 蜜汁夠甜, 點埋個辣椒豉油, 更加帶出叉燒嘅味道, 叉燒大王, 果然名不虛傳。再來個熱辣辣嘅鐵板黑椒牛仔骨, 雖然牛仔骨只有 4 塊, 二人份量就剛剛好, 牛仔骨食落唔靭, 味道不算鹹, 配埋青紅椒及洋葱, 真係色香味俱全。石鍋通菜特別之處就係通菜放於石鍋之中,確保夠熱。味道與平時的椒絲腐乳通菜差不多, 只是多了一些蒜子及肥肉。配埋碗香軟白飯, 足夠醫飽肚皮。如果沒有時間堂食, 叫外賣回家慢慢嘆亦是一樂也。

幾個朋友到威爾斯醫院探完剛生左BB的中學老友，之後去左位於河畔花園嘅叉燒王吃飯！叉燒瘦中帶點肥，分布好平均！肉身吸收蜜糖汁，肉質超稔，啖啖都有香甜中帶有焦香的味道！難怪差不多每張檯都叫翻碟啦！份量再多D就更加好喇大熱天時來個冬瓜盅，消暑一流無得頂呀冬瓜厚切，湯料十足:新鮮蓮子、蝦肉、絲瓜粒、豬肉、秀珍菇等，味道清甜而不肥膩！單看「雞汁水鬼重」5個字，未必估到係乜餸！睇埋英文完全知道係將豬肉釀係豆腐中配上雞汁做成！豆腐吸收晒雞汁味好滑！,「石鍋通菜」~ 通菜清綠，香味撲鼻！不過加入透明的肥肉炒成就吾係人人都可接受到！ 白飯煙煙韌韌，水熱茶香！「鐵板黑椒牛仔骨」~ 黑椒汁香濃，彩椒好爽口，但牛仔骨就略為韌左d！

位於河畔花園的叉燒大王出品的叉燒，試過返尋味。今天突然慶起，就過河來吃晚飯。平日lunch，叉燒大王人頭湧湧，晚市時段相對寧靜。一般我都是來這裡吃午餐，晚餐還是第一次來。叉燒大王雖然裝潢是茶記格局，但菜單卻如酒樓。晚市菜式豐富多樣，特色菜如棒棒骨、黃金蝦等都有不少。去旅行前不想吃太油膩，所以兩人只點了一份叉燒和兩個清淡的小菜。叉燒叫得做叉燒大王，叉燒當然是皇牌。叉燒質素不負眾望，格肥格瘦，軟腍適中，脂肪位甘香。客家胡椒浸釀豆卜我對釀豆卜有種情意結，這是源自小時候媽媽的拿手好菜 ~ 煎釀豆卜。這款釀豆卜釀入了豬肉碎，肉碎口感較滑，調味得宜，非常不錯！ 加上清甜又帶少少胡椒辣味的湯底，配合天衣無縫。上湯蒜子浸菜心菜心味道清甜無渣，加上清甜的上湯點綴，效果人人愛。