叁薯 (已結業)

經過呢度好多次，次次都好夜已經收檔今日難得咁早😂終於可以試到呢件焗薯！其實睇佢個餐牌已經好吸引！好多款，口味與外面的各種“妖艷賤貨”好不一樣，例如有“口水雞”🐔哈哈哈哈哈哈哈哈但係我揀咗款最普通嘅雞蛋沙律，因為最平凡的才能吃出最原始的味道，才能更好的鑑定食物的美味！而不是被濃厚的味精所掩蓋味覺的真相！焗薯係必食，但雞槌略咸，呢個唔推薦。Menu上面影得意粉好似得一啖咁，但其實好大份。

我跟肥BOY同樣都是薯仔迷，記得叁薯初在太子開店，我們當時有去湊湊熱鬧，兩個奉著焗薯在街邊吃得津津樂道但唯獨有街邊射燈照著，即使焗薯吃得再滋味，肥BOY吃得大汗疊細汗，當時心裡想如果小店可以有座位就最好，殊不知，叁薯在尖沙咀開了分店而且還有座位坐所以選擇了一晚肥BOY不用加班的晚上再去。話明是小店，座位的確不多。步入店內，座位大概有十個，不過可以坐著吃已經很好。不用左手奉焗薯，右手拿飲品又無第三隻手開餐。小店除了皇牌的焗薯之外，亦增加了其他小食，有意粉、炸雞、薯餅、薯條、薯波，就是圍繞薯仔而做的食物都一應俱全，還加了幾款冷熱飲和梳打特飲。點焗薯和小食之前也選了兩款梳打特飲好讓我們吃得更開懷，草莓梳打($22)和金柚梳打($23)，兩杯梳打味道都很淡而且士多啤梨味道假，雖然兩杯飲品索價不算高，但寧願吃飽再去附近買「貢茶」更好，所以飲品就不推介了。我衝著焗薯而來，當然要點個我至愛的雞蛋沙律焗薯($33)，焗薯較手掌差唔多大小，會事先界成一格格方便焗熟，上面再舖滿幼滑又惹味的雞蛋沙律，不過略嫌雞蛋沙律份量偏少，焗薯吃到尾的話反而不夠雞蛋沙律再混著吃。肥boy一向都是芝士迷，焗薯和芝士的經典配

尖沙咀厚福街出名美食多籮籮，患有嚴重選擇困難症的我在這條街頭都暈晒，每一間餐廳都富有特色，但當我路經這間小食店，看見他掛住米之蓮推介小食的牌子，就心動得要進去大吃一頓我們坐在小食店的一角，牆上的裝飾不但有規律及整潔、而且富有外國特色，還有一個放餐處供客人處理已經食完的東西，這不是文化的象徵嗎？首先我們點了一個留心芝士波，因為我們只有兩個人，所以只叫了＄22三個芝士波的外皮炸得又薄又脆，裏面的芝士滿滿的，比外面的放題餐廳質素要高很多這個將燒茄子好像過分簡單，但卻香味撲鼻，廚師落醬油的份量剛剛好，不會蓋過茄子原有的味道可以見到茄子大大嚿，上面更有濃濃醬汁，絕非偷工減料再來就是海苔味的薯條，不要看樣子像某大快餐店的薯條一樣，它的味道卻是我品嚐過的薯條中最香脆的覺得口乾的我們立刻點了一杯熱的蜂蜜柚子及檸檬茶，滋潤一下喉嚨主角當然是最後才出場的，這個香濃蕃茄肉醬焗薯雖然外表平平凡凡，卻為我們送上不少驚喜我個人認為薯仔的質素是十分重要的，而叄薯的薯仔質素明顯是上品，配上醬汁的味道，簡直一流這個是我朋友點的焦糖洋蔥蘑菇焗薯，本以為焦糖只是名字的襯托想不到洋蔥確實有一種淡淡的焦糖味，甜甜的焦糖配上香濃

以前係大學食開焗薯做下午茶，好懷念以前十幾蚊就食到既時光咁岩經過呢間，見到有set，四十幾蚊都照解下口癮啦薯仔睇落唔算好大個，但切開之後再mart開，都夠飽我叫既係雞蛋沙律，份量都好多，起碼兩三大spoon，蛋白切得一粒粒，好有咬口店員應該係落沙律之前撒左少少黑椒，加埋沙律，一醎一甜，再加辣粉，味道層次好豐富。佢地介開薯仔有啲特別，平時super sandwich都係一切係中間打橫切，不過佢地係一格格細細格咁切，咁食客好容易就連皮食。

本身自己好中意食薯仔.第一次見到咧間叁薯係太子.已經好想試下.不過因為得外賣無得坐係到食所以一直都未試到.有日岀尖沙咀整野.經過見到新開咗緊係試下.上次係食咗重量級芝士焗薯.今次帶男朋友黎一齊食.兩個人晏晝吾想食甘多野單點咗個口水雞焗薯.重有個忌廉蘑菇薯蓉餐跟小食同飲品口水雞焗薯好細心會問要吾要辣同要吾要麻.吾太食得辣既都可以試下.而且焗薯會切粒方便食.忌廉蘑菇薯蓉好多汁吾駛驚食食下得番啲薯蓉.個餐重跟咗個牛油粟米.吾岩可以揀爆谷雞.如果一個人既話咧個set食晒夠飽.不過咧到座位有限最多坐到12個人架姐.如果下次再黎食既話都係會揀番芝士焗薯.因為真係好食啲同薯仔夾啲.今次食口水雞焗薯都係見有新野試下原來重有埋米芝連推介既.甘既話咧個價錢都幾抵食

返完半日工，揾埋幾個朋友去食下午茶放鬆一下。雞蛋沙律焗薯雞蛋沙律味道偏清淡，加上薯仔本來就無咩味，所以整體偏淡味。但份量俾100分。重量級芝士焗薯呢個焗薯比上面那個更好味，原因當然係因為呢個嘅配料味道較重, 芝士香濃略咸。同行朋友一直都一直食呢個。芝士雞蛋沙律熱狗熱狗份量大，但因為我實在太肚餓，所以都食得哂!芝士醬加雞蛋沙律，帶出咗本來味道淡嘅雞蛋沙律。不錯!薯條薯條比較粗身，上菜時依然熱辣辣，炸得十分香脆七彩爆谷雞最值得食嘅小食!一望落去，顏色已經滿分。咬落去外脆內軟，而且雞味十足!可以再叫多一個!

米芝連的小食店位於不起眼的巷仔之中，但係好多人及慕名而來，適值食飯嘅時間座位都全部滿晒，加上座位並不多，都需要等差唔多10分鐘先有位。雖然店舖細，但係都骨子，要叫嘢食就需要去收銀枱叫同俾埋錢，食物做起就會攞到你嘅台上。套餐就有一個主食，一個小食再加埋一杯野飲。主食可以選係最出名嘅焗薯又或者可以揀熱狗又或者意粉。今日就揀咗佢最邪惡嘅重量級芝士焗薯，初頭以為焗薯要等好耐，但係唔使5分鐘已經整咗出嚟，好快手。薯仔上面嘅芝士用咗兩至三隻唔同嘅芝士撈埋，芝士味非常之濃郁，好味。而且上面仲加左啲酸芝士做緩衝，不錯。我最喜愛嘅就係佢上面仲加左啲洋蔥碎，食落去夾雜着洋蔥嘅香味，令口感，層次，更上一層樓。另外仲叫咗個吞拿魚熱狗，雖然普普通通嘅熱狗好似毫不起眼，但係加埋吞拿魚同埋芝士即刻惹味得多。小食其中一個就揀咗呢一個彩虹脆雞粒，未食淨係見到個樣已經好靚，好吸引。咬落去外邊嘅脆脆好脆口，入面嘅雞肉仲出緊煙。另外仲叫咗一個特飲同埋一個梳打，比起普通嘅汽水好得多。

店舖位於尖沙咀嘅一個小巷之中，位置都幾偏僻，如果唔係朋友介紹我都留意唔到呢到。門外有幾個牌，包括呢個餐單，仲有Ｄ食物可以單叫。入邊空間唔大，座位唔多（大約有１５個左右），我哋都等咗陣，但坐得尚算舒適。如果朋友仔方便嘅話，繁忙時間叫外賣可能快好多。因為大家過咗下午茶時間都未食晏，所以我哋都嗌套餐，又可以試多啲嘢。重量級芝士焗薯薯蓉幾大份，料都落得幾足（特別係大家都十分期待既芝士），呢個焗薯既味道好有層次感，而且配搭落焗薯度有清甜，但又帶Ｄ咸既感覺，味道新鮮。雞蛋沙律焗薯呢個焗薯既層次感就無上一個咁強，基本上都係以清甜同沙律醬做配搭不過建議各位唔好一下子食晒啲沙律醬，薯蓉原本就只有自己清甜既味道，食開外食既香港人應該唔太接受到呢隻口味，所以記住留Ｄ沙律同薯蓉一齊食啊！呢度跟餐既叉仔好有特色（其實想講係好得意啊！）跟餐嘅薯條係用厚切，而我就最鍾意食厚切薯仔，而呢Ｄ細舖仔最令人喜愛就係因為佢地都係即叫即炸，黎到既時候絕對係熱辣辣！薯條外脆內軟，而且切得都好均勻，唔會一條大一條細，細店最值得欣賞既地方！而呢間店舖既薯條仲有好多唔同既醬或粉可以揀，大家不妨都試下新口味。另一種跟餐既就係－最令人驚喜

薯仔雖然不是什麼珍貴食物，是普通平民的一般食材，不過我對薯仔有一份著迷，只要花些心思，簡單一個薯仔都可以弄出千變萬化的美味食物～早前放工跟男友行經這間以薯仔為題的餐廳，而且入面坐無虛席，價錢相宜，所以就決定等位一試～餐廳座位不算多，地方細小，不過還算整潔～不過何解我們坐下不久，客人們都一整散去，如果坐滿人都有點擠迫～這裡的食物都是主要以薯仔為主，可以單點／加配其他小食及飲品～忌廉磨菇意粉（HK$45）意粉看似醬汁不太多，有點Dry，但其實混和底部的醬汁是不錯der～意粉軟硬適中，但當中的磨菇份量比較少！雞蛋沙律焗薯（HK$46）這份焗薯份量幾大，一整個大焗薯，上面放有滿滿的雞蛋沙律再加蔥花～雞蛋沙律好新鮮，好香蛋味，而且是涼冰冰的，上凍下熱口感好特別！七彩爆谷雞這份七彩爆谷雞名乎其實是七彩色的外表，即叫即炸，望到胃口立即大開～脆卜卜的外皮，入面有啖啖嫩滑的雞肉，外脆內軟，創意十足，必食之選！流心芝士薯波同樣是即叫即炸的，外脆內軟，入面有薯蓉包著芝士溶，惹味得黎唔會太膩，十分香口，口感豐富！熱蜂蜜柚子想不到這裡也有健康的飲品，味道酸酸甜甜，味道適中，不會太淡！

做完運動肚仔餓，黎到叫左兩個套餐。價錢中等，賣相黎講比較多顏色，未吸引胃口就先吸引眼球，如果份量多一D就更好。咖喱忌廉雞粒意粉忌廉既味比較淡同稀，突顯咗D雞粒既味，同平時食開罐頭個D好唔同。七彩爆谷雞 雞粒唔同顏色唔同味道，而且色彩繽紛。跟餐有得揀小食，配左薯條。薯條係粗身，較為有口感，但茄汁偏向酸。重量級芝士焗薯薯仔未算焗到好淋，所以保持到爽口既感覺，芝士味未算特出，所以冇搶到陣薯仔味，加埋D蔥花既綠令個賣相上昇左一個層次。凍蜂蜜柚子草莓梳打唔太甜，而且夠清爽。

呢間係主食小食，薯條有得加粉變ｓｈａｋｅｓｈａｋｅ薯條！終於唔洗係ｍ記先食到啦，ｓｈａｋｅｓｈａｋｅ薯條係我最愛，粉當然就同ｍ記唔同啦，　呢到ｄ粉我選左辣味，小小辣，小小甜味都ｏｋ好食，最緊要價錢唔貴～薯蓉都係要試，好大份，味道都唔錯，口感軟中帶脆～熱狗包比較軟身，腸仔係脆皮，醬我覺得可以再加多ｄ～通常熱狗好食在於有唔同既醬料撈埋一齊，令到有唔同既口感！整體餐廳為半自助式，細細間既特色小食類型餐廳～

Love everything on the menu, especially their fries and baked potatoes (Duh!) However wasn't too impressed with their choice of sauces. Overall this place is worth checking out!

重量級芝士焗薯～夜晚去尖沙咀食平野 去食焗薯～朋友話我知原來旺角都有分店尖沙咀呢間有位坐岩曬我啦！～個人覺得食呢D有位坐係度慢慢食比較好!叫左重量級芝士焗薯+ + 七彩爆谷雞 +炸雞 + 蝦餅焗薯 :芝士味濃 又份量足 幾好食 飽肚蝦餅: 好好食 新解炸起 配埋酸辣醬 炸雞 : 幾有獲氣^^ 都OK~七彩爆谷雞: 五顏六色 好特別 味道就好似KFC 咁炸雞咁 哈 一食覺得幾特別 整體價錢又平 又多款 夠飽肚 又可以叫幾樣小食又有位坐 慢慢食 又可以吹下水

曾被米芝蓮推介的叄薯本店在旺角，近月在尖沙咀開了新店，剛好今天到附近聽旅遊講座，順路一試。 價錢實惠，$46的焗薯餐包小食及飲品。 重量級芝士焗薯 名符其實，半溶芝士鋪滿焗薯，車打芝士芝味香郁一具滑溜，配合適量的忌廉、洋蔥及蔥綠，令味道昇華增辛香； 焗薯連皮，焗至宜口的軟腍度，配料雖然豐富，但口感比較單一，我認為欠些脆煙肉。美味指數：3.0/5 焦糖洋蔥磨菇焗薯 味道少許甜，醬汁濃郁惹味，同樣鋪滿焗薯份量慷慨，味道豐富得可作意粉醬，想不到匹配。美味指數：3.3/5 七彩爆谷雞 頗有創意，其實只是沾了麥皮片在炸漿的炸雞球，弄至七彩繽紛。 炸得外脆內嫩，味道亦討好。美味指數：3.5/5 牛油粟米杯 難以出錯，粟米甜美，粒粒飽滿，牛油份量恰當味亦香。美味指數：3.0/5 熱蜂蜜紅棗茶 自然的甜味，甜度適中。美味指數：2.5/5 偶爾轉轉口味吃頓焗薯午餐未嘗不可，以焗來說實在豐富，但本身不是甚麼佳餚，價錢經濟，一值無妨！

2016米芝連小食，成日聽朋友講話好食，就試下佢，有set幾抵食。如果唔想食薯仔，仲有意粉🍝，熱狗🌭可以揀架！都有唔少選擇。今次點左"雞蛋沙律焗薯set $46"，包括有主食，小吃，和飲品一杯。厚厚的蛋沙律完全覆蓋整個薯仔😍，蛋沙律混了，完全每一啖都有沙律同薯仔。店員很細心將薯仔切開一粒粒易入口，親眼見到佢將成個薯仔拎去焗🥔，即叫即整。連薯皮都食得架！薯仔焗得恰到好處，不會太硬或太乾身而小食薯條🍟，配上七味粉和茄汁，我係見到即叫即炸，份量剛好。不過再多d粉就再好食d至於飲品金柚梳打🍸，加左$14，凍冰冰又多汽，金柚味重，真係大快人心！以小食店黎講，$46已經有正餐咁飽！抵食