叁茶陸飯

营业中

休息中

今日同事話想食台式，行遠少少去中染大厦揀了叁茶陸飯食，等了十分鐘左右先有位，一坐低即刻用餐單紙落單，午餐款式都算多選擇，Lunch雖然繁忙時間，我們落單後等了一會就有得食，我揀了經典三杯雞配白飯份量都算多但略嫌雞塊鞋了點，不過雞塊夠味唔會太鹹。同事點了嘉義雞肉飯配油菜，雞肉就淡了點又油膩，油菜分量可以加多少少就更好，不過我們order了飲品忘記影相，杯飲品都算ok。環境唔差坐得算舒服，總括來講這價錢可以接受，下次可以來試下其他午餐。

🥘叄茶陸飯📌荃灣中染大樓1樓117號舖·今天路經荃灣順便去IKEA吃榴槤雪糕及買他們的酸種麵包，又係下午茶時間不如找個地方吃下午茶。🍜擔擔麵加配香酥雞排雞排香酥入味，肉質嫩滑，擔擔麵湯頭香濃，辣度夠，麵條吸湯。🍜酸菜魚湯米線除了台菜他們還有新派川菜，有別於傳統的，這個湯頭有著咸酸辣，味道不會太濃，魚片爽滑，份量不少，米線又有爽口的大豆芽。彰化茉莉綠茶（熱）南投炭燒烏龍茶（熱）茶飲帶少少甜，順口。

今日要去 Ikea 買野，由荃灣地鐵站A出口一路沿天橋行去商場，全程嘆冷氣 😍 又唔怕日晒雨淋 👍🏻 跟住經過呢間「叁陸茶飯」見仲未有人排隊，所以即刻入去先補充能量 🤗 簡潔的裝修，空間感都算大，唔會太迫 😍🤗 假期都有 set lunch 仲包一杯台式飲品 👍🏻🤗 我揀左 「酥炸雞扒 配 擔擔麵」+ 凍綠茶走冰 🤗 擔擔麵都幾大碗架，比較「淡味」唔係上海菜果種「濃味」🤗 豬扒炸得香酥脆，欣賞佢夠乾身完全冇油 🤗 埋單 $91

荃灣8咪半中的叄陸茶飯本是我心目中和家人或朋友聚腳的好地方，因爲環境和食物尚算不錯。可惜卻敗在一個四眼經理和一個女侍應的手上，使我腦海徹底剔除這一間餐廳😤😡😤事原我和家人到這間餐廳吃晚飯，我們點了七八様食物，幾杯特色飲品，本想等齊飲品齊集之後一起影相，點知等了很久還欠一杯，於是向一個和我們落單的女侍應查問，卻換來不禮貌的對待，隨後一個四眼經理走過來說：「冇晒㗎啦，啲牛奶已經俾你哋飲晒啦，你哋聽日先嚟啦」， 他的態度輕視和過分的說話帶有侮辱性，當堂令我哋很委屈，又非常生氣😡😤😤😤學人話齋；今時今日嘅服務態度點可以咁？簡直係趕客，唔怪得知好多人寧願北上消費和食飯，因為國內的侍應態度比香港真的好得多了

星期日中午去開荃灣,突然想食台灣野🧋就諗起近愉景新城嘅中染大廈有間台灣菜🍽️簡單悠閑嘅格調~環境都闊落舒適Staff見到我地有小朋友,即刻幫我地準備BB櫈同餐具👍🏻星期日都有lunch set可以揀我地叫左嘉義雞肉飯🍚同埋古早味新竹炒米粉🍜味道唔錯, 都幾有台灣風味~~另外加左一盅仔寧夏夜市四神湯🍵味道都幾特別,不過好似咸左dd🤏🏻飲品揀左凍南投小農紅茶🥤同埋系熱嘅芋香紫薯鮮奶茶🍠🧋熱飲比較細杯, 不過好飲嘅~飲到下面原來仲有好多紫薯粒粒!!👍🏻

有陣時喺荃灣探朋友 都會約喺呢度食飯因為呢度嘅台灣食物都幾好食而且環境寬敞 座位比較多上次見朋友嘅時候試咗呢度嘅台灣牛肉麵、蜂蜜黑糖麻糬鬆餅、海鹽芝士奶蓋烏龍茶首先講吓呢個台灣牛肉麵，湯濃郁好喝，麵都比較彈牙，牛肉唔會好韌。至於個鬆餅都好好食，做飯後甜品一流啊海鹽芝士奶蓋茶都好好飲呀，好香芝士味

我呢個荃灣街坊，去咗中染大廈嗰間「叄茶陸飯」食lunch，間嘢嘅出品幾唔錯，抵返我排隊。佢哋個「香酥雞扒配白飯」，雞扒勁大塊，有我隻手咁巨型，用鹽酥味嚟炸，單食都唔會太漏，仲要炸得啱啱好，外面脆卜卜，入面仲有肉汁，食完塊扒都飽到傻。「糖醋魚柳配白飯」都一樣好正，魚柳又係好大塊，糖醋汁酸酸甜甜，唔會太杰，魚柳炸完都仲係嫩滑，唔係啲乾爭爭嘅貨色，仲有菠蘿點綴，酸甜中帶啲fresh。「台灣肉燥乾拌麵」嘅肉燥夠曬多，唔係得啲汁，仲要肉粒十足，食完麵條仲有肉燥剩添，仲有半隻滷水蛋，唔會太鹹，都唔錯。如果覺得太濟可以加$8配埋鹽酥雞。不過佢哋個「古早味新竹炒米粉」就麻麻，雖然有蛋、肉同蔥做配料，但係啲米粉濕笠笠，食落油膩。值得一讚嘅係佢哋嘅「南投炭燒烏龍茶」，跟餐免費配兩款台式飲品，烏龍茶熱飲香濃，平時唔太鍾意烏龍茶嘅我都好鍾意。總括嚟講，呢間「叄茶陸飯」嘅嘢食都幾唔錯，選擇都夠多，下次嚟荃灣一定會再嚟食。

平時間唔中都會去叁茶陸飯食lunch/tea今次星期日落雨唔想出街食😛見到外賣平台有折幾抵就叫左個嘉義雞肉飯加$13要多杯烏龍珍珠奶茶🧋TOTAL $79 外賣黎講真係算好抵喇一打開外賣盒都幾有驚喜喎~~ 開頭以為佢得雞肉同白飯啦點知仲有兩粒”UM CHUN”蛋 同埋幾條菜🥬D白飯係珍珠米, 加分👍🏻👍🏻然後杯烏龍珍珠奶茶都幾好飲, 珍珠唔會太硬又有趙口,奶茶都幾香烏龍茶味仲要好大杯!!! 我開頭以為嗌熱飲都係個D茶餐廳細杯點知係台式飲品個種大杯裝!!👏🏻👍🏻👍🏻所以成個餐咁樣叫真係幾抵!

芝士奶蓋茉莉綠茶$28推薦呢個，真係好yummy，奶蓋好有奶味而且唔會膩，綠茶清爽。三杯雞$88超級無敵鹹，懷疑係咪落錯鹽，食過最難食嘅三杯雞，基本無郁過，奶奶打包返屋企再煮過京蔥爆炒牛肉$108蔥同洋蔥仲多過牛肉，勁多油，又係好鹹菠蘿蝦球$98呢個ok嘅，開胃，蝦球脆塔香鹽酥雞$48味道麻麻，一半新炸出來，外皮脆裡面肉好熱，一半應該擺佐好耐，凍曬兼外皮完全唔脆，好失望。。肉鬆蛋炒飯$82一般般，肉鬆同炒飯唔係幾夾，唔建議叫呢個服務麻麻，自己入嚟搵位，staff見到都無主動幫手搵環境可以但冷氣唔夠凍，食到一半覺得好熱總結：好失望，台灣菜真係可以話係差，唔會再去食，出面大把好食過呢間。反而飲品會再去買

今日一行4個同小朋友玩完去試下啦！經理好熱心咁問我地需唔需要BB椅同BB餐具，仲會安排一個避免發生意外既位置比我地坐！係香港地好難得有咁既服務，點左個酸菜魚，川式回鍋肉同炒雜菜，想唔辣侍應都有解釋就算用唔辣既湯底但酸菜點都會有小小辣。飲品都睇得出有用心去做！不過有點美足不，見到餐廳伙計吾系好足夠，舉左一陣手先有人過嚟！ 好多餐廳都會好抗拒一家大細有小朋友，真係估唔到餐廳d經理伙記咁中意小朋友會主動同小朋友玩

下午16:30時間入到去.....地方好大.....見到兩個客食緊野.......完全沒有職員理會.......職員坐好遠食緊飯叫我搵位坐低......等咗一陣餐牌又冇......行去問究竟係自己出黎點餐定點......先有人過黎比餐牌我......我問點解坐左咁耐餐牌都冇......男經理話因為全部同事食飯.....唔想做生意早講......咁不如下午茶唔好開門......我係間舖老細就慘......d員工都唔係做生意!咁樣搞法想唔執都難最..........

食過好多次呢間以台灣主打嘅餐廳，由於都有好一陣子冇去過喇，心血來潮又同屋企人一行六人去食晚飯🙂記得之前都好多人食吓，要等好耐位；不過可能星期一嘅關係，餐廳好少人，只係幾張枱而已！完全唔需要等位就直入，正！多咗好多唔同嘅選擇，連雞煲同烤魚都出現埋😂不過今次係因為台灣菜而去，所以都係留返下次先試值得推介嘅始終都係鹽酥雞，新鮮熱辣啱啱炸起，乾身之餘仲好juicy，唔會勁多油，每次都係我必叫項目之一；除此之外，蚵仔煎同埋各種蛋炒飯都好好味；而佢嘅古早炒米粉就好有家鄉嘅味道，不妨一試😋另外就係佢嘅廢水，鍾意佢唔會太甜，好有茶味，奶蓋亦唔會太膩，完全唔需要少甜少冰，正常配搭已經OK！失望嘅原因，唔係因為佢嘅食物質素，而係服務態度；當晚餐廳其實已經好少人，但係叫極都冇人落單；明明已經對上眼，都可以扮睇唔到扮聽唔到😮‍💨😮‍💨😮‍💨

今日同朋友出嚟食嘢，突然之間想食台灣菜，然之後我就搜尋下附近，呢間之前都想食喇。去到都幾多人，好彩我哋早到咗少少，唔使等位直接入去，之後全場爆滿。首先佢嘅環境真係好舒服，入面嘅佈置好休閒,好適合打卡影靚相！我地點咗招牌滷鴨舌，佢個滷水汁真係好好味，唔會太鹹，啲鴨舌滷得好入味，底鋪咗花生，花生都滷得好入味，食落口綿綿的，好適合飲酒，第二個蛤蜊絲瓜，個湯真係好清甜，花甲無沙，配飯都超適合，第三個古早味新竹炒米粉，米粉超幼細，炒得唔會太乾，超香，好有鑊氣，配埋少少蛋絲，再加上佢配嘅配菜，簡直係完美，個米粉真係好特別，好好食，之後再嗌咗杯柚香脆梅綠茶，唔會太甜，清新解膩。門口右手邊仲可以外賣各种台灣茶飲

從來都冇寫過評語，真係太垃圾 ！！今日食咗個午餐（古早炒米粉）$73 加一服務費成碟炒米粉，只有兩粒肉碎 （唔係肉片）唔知以為係齋米粉。出餐嘅員工只會出餐，你舉手叫佢哋都唔會應你。去到埋單cashier 位置，無人嘅，等咗大概一分鍾，有個水吧嘅女同事過嚟，黑口黑面咁發脾氣（ 掉卡機聲），一句說話都冇講，問佢可唔可以用信用卡，都係唔答人，攞部卡寄出嚟。依個價錢大把選擇，咁嘅服務態度，我永遠都唔會去。垃圾 ！！

餐廳用左好多吊燈做裝飾，俾個環境吸引左去試。餐廳係荃灣中染大廈，ikea樓下。主打台灣菜式，有台式甜品，晚市仲有台式火鍋、烤魚、羊腩煲等等。食物水準唔錯。招牌排骨炒飯 $78排骨炸粉唔會太厚，炸到好脆，肉質好腍，調味唔錯。炒飯粒粒分明，唔油膩，有菜、蔥、蛋等配料，口感好好。之前試過肉燥飯，調味比較淡。金莎蝦球 $108每一隻蝦都充滿鹹蛋黃醬，好邪惡。蝦size幾大隻，份量算多。推介。古早味肉碎茄子煲 $108用左肉燥飯嘅肉燥，再配茄子，正常水準。塔香鹽酥雞 $48份量幾多，正常水準