廚匯濃湯雞

营业中

休息中

想食啲粉麵，行過喺旺中後一條街快富街見到這一間店舖門口睇餐牌覺得ok就入去食餐廳都幾多人食， 好彩咁啱有人走執完係枱就可以入坐我自己好鍾意食濃味，一見到有胡椒豬肚就揀咗胡椒豬肚雞鍋以為胡椒豬肚雞啲雞會好粗鞋點知唔係,超級嫩滑,好好食仲有好多豬肚湯底好舊濃味,底嗰度有不少胡椒我今次配薯粉,薯粉吸咗湯底胡椒湯覺得好惹味價錢只係58蚊真係覺得好抵食朋友就揀咗濃魚湯三寶鍋裏面有魚腐,魚片頭,魚蛋朋友話覺得呢個選擇好適合佢因為裏面有好多蔬菜, 面見到有好多雲耳，底仲有好多娃娃菜朋友話如魚腐非常吸湯， 香香滑滑的朋友配咗米線，米線份量都好多最尾朋友稍稍吃不完見到隔離枱叫這個腐皮釀蝦滑又叫一份估唔到係咁脆但係又唔會太過油膩裏面蝦滑都好爽口整體覺得餐廳份量多價錢都好抵食兩個鍋各自都只係58蚊, 仲配埋 米線或者薯粉或者飯, 食完整晚都冇覺得口渴覺得不錯

每次黎到旺角都係唔知食咩好，因為太多選擇而又往往唔知會唔會中伏，四圍中之下見到呢間舖頭入面坐滿哂，斷估幾好啦，望下餐牌係食一鍋鍋既熱辣辣湯粉，適逢天氣涼涼地就即刻決定入去了，地方細細但唔會焗促，係正鐵站出口同T.O.P附近胡椒豬肚雞鍋除左應該係既胡椒同豬肚之外，佢配料都好充足，紅棗雲耳西芹蘿蔔每樣都唔少，成鍋上枱然後用爐烘住保証左個熱度，最高興係佢個份量好鬼出色，男仔連湯飲埋都會飽，雞夠滑而又唔太肥，胡椒味入哂落腍身既蘿蔔，淡湯係暖胃首選tim濃湯魚三寶鍋三寶分別係魚腐魚片魚旦，配料就有雜菌+蛙蛙菜，湯底係鮮味取勝既湯頭，個人口味齋飲湯我會鍾意呢個多過胡椒湯，不得不提既係佢無論魚旦魚腐抑或魚片，大舊到應該叫魚片頭就岩，三個寶都係彈牙十足，口感一流，魚味又濃，配合到個招牌冇令我失望，呢鍋配左薯粉食，韭菜夾薯粉同佢自家製既辣辣油，一絕！腐皮釀蝦滑有趣，外面係唐式脆腐皮，入面係靚蝦滑， 扎實有蝦味之餘點埋泰式辣醬就係正

🥢近排天氣比較凍，行開旺角見到有間新開張嘅濃湯雞，今日中午就嚟咗試吓呢度嘅一人一鍋。🥢每個鍋都可以選擇配米線、白飯、薯粉、米粉；小食都有十零款，好吸引，有開胃既，有香脆炸過既。🥢花膠濃湯雞鍋配薯粉$73:大大鍋奶白色嘅花膠雞湯鍋，總共有5塊花膠，花膠煮得好腍，雞件大大件肉質嫩滑，仲有紅棗、雲耳、菇類、娃娃菜墊底，係一個真材實料嘅花膠養生鍋🥘。聽店員講湯熬製左幾個鐘而成，唔怪得飲落有濃濃嘅雞味，娃娃菜又吸收晒湯嘅精華。配埋薯粉一個女仔真係食唔晒，建議女士們可以叫小薯粉。🥢濃湯魚三寶鍋配米線$58:又係大大鍋，入面有魚腐、魚片頭、潮州白魚蛋加埋成10件，仲有其他配菜雲耳、菇類、娃娃菜。真係大件夾抵食，魚腐、魚片頭大大件；潮州白魚蛋爽口彈牙冇得頂，配米線食完都超級飽，建議女士們可以叫少米線。🥢蜜糖芥茉炸雞件$32:炸雞件細細碟，啱晒二人嘅份量。雞件啱啱炸起熱辣辣，非常脆口，點蜜糖芥茉醬一流。🥢好在嚟得早，中午越來越多客入嚟食，好快就坐滿晒人，想食就趁早喇。

旺角多嘢食就梗㗎啦成日都唔使點樣特別搵都食到啲平靚正嘅嘢好似今日咁喺T O P嗰度行完街一出隔離條街就見到有間食花膠雞小鍋米線一次過可以試晒兩個招牌—花膠雞&胡椒豬肚雞2個米線配料有菇有雲耳有菜有蘿蔔 夠晒豐富米線同埋薯粉分開跟清湯上 good唔使下下仲要浸返落個湯度咁麻煩花膠雞雞件大大件份量足 咁啱呢碗有雞髀🤭🍗花膠都有四五大嚿雞湯正常發揮湯味都夠濃 有啲雞湯甜味胡椒豬肚湯夠晒辣，超多黑椒粒係底一路食咬到啲胡椒夠晒辣 個人至愛豬肚正常，唔會太肥腐皮釀蝦滑 皮薄多餡，配泰式辣醬好食值得一提嘅係間嘢雖然舖頭細細但係啲凳都幾大張 坐得幾舒服冷氣夠大唔會食到成身汗又有個小鍋可以熱住個米線 唔驚攤凍晒

今日跟同事去咗位於旺角快富街（市政街市對面）嘅「廚匯濃湯雞」來一個late Lunch😚😚懷舊蝦多士..….. 蝦多士炸到好脆口而不會太油膩，蝦肉都彈牙👍花膠濃湯雞鍋….. 先說份量也不少，湯底夠濃郁，花膠煮到好淋，口感軟滑⋯⋯而雞肉鮮嫩，啲配菜也吸晒啲湯嘅味道，好飲又養顏😚😚😚😚客家黃酒雞鍋….客家黃酒雞鍋滋補暖身且,而且沒有酒嗰種苦澀味不錯😚😚米線都掛晒汁啲雞件嫩滑…..整體不錯👍

今次嚟到旺角一間超隱世嘅濃湯雞，味道驚喜，價錢實惠，絕對係超值之選。蝦多士蝦多士炸出嚟嘅色澤金黃，口感非常鬆化酥脆，彈牙嘅蝦肉同酥脆嘅多士🦐配襯出獨特嘅口感令人垂涎三尺。另外配埋個蜜糖芥末醬，味道更濃味，口味更豐富。胡椒豬肚雞鍋+米粉好足料，雞件同豬肚嘅份量好多，米粉會另外俾俾一碗。第一下當然要試下啖湯，湯嘅胡椒味好香濃🧂，有一種微微胡椒帶嚟嘅刺激，而且飲落好舒服，唔怕俾胡椒辣到。雞件嘅鮮味再配上胡椒湯嘅味完美融合，雞嘅肉質鮮美，口感滑嫩，豬肚索左胡椒湯嘅味😋，又彈牙又有胡椒味嘅湯汁爆出嚟。花膠濃湯雞鍋+薯粉花膠雞嘅份量好足料，花膠同雞嘅份量好多，底部仲有大量嘅娃娃菜🥬。雞湯嘅味道好香濃順滑，而且特別嘅係仲有飲得出娃娃菜嘅甜味，令人想一啖接一啖咁飲🥄。雞同花膠同樣都好滑，食完個鍋個人又暖，感覺又養生左。薯粉都Q彈，連埋個雞湯一齊食幾正。

突然之間想食胡椒豬肚湯 而朋友想食雞諗起朋友講起旺角有一間餐廳 兩者都有得食🤪-首先叫返個小食先 - 蝦多士脆口多士鋪滿新鮮蝦仁 口感豐富 蝦肉爽彈👍🏻花膠濃湯雞鍋第一啖飲落去好有驚喜 真係有花膠味重點係飲完都唔會好鹹 要狂飲水有媽咪平時煲嘅住家湯味💛花膠起碼有五大嚿 煮到軟滑 吸收埋湯嘅精華👌🏻雞肉一啲都唔會好肥每一個湯鍋都可以揀飯 / 米線/ 薯粉米線係同個湯鍋分開 原意唔想煮到腍晒我哋將個米線放埋落濃雞湯度好好食朋友將成碗湯已經飲晒🤣胡椒豬肚雞鍋我就係為咗佢而嚟 超級濃胡椒味 啱晒我口味真係有大大粒胡椒 真材實料咁樣去煲🤍豬肚一啲都冇臭味 仲要有好多舊 超開心仲要有大大嚿白蘿蔔吸埋胡椒豬肚嘅味道 超級甜我呢個就叫咗薯粉 煮得好煙靭👏🏻當然我都清咗成碗湯啦 唔飲實在對唔住自己🤣平時其他餐廳我係絕對唔會飲湯因為全部都係味精嚟嘅

行過見到這間餐廳好似好吸引，便決定進去吃晚餐。椒鹽墨魚嘴（$36）：椒鹽墨魚嘴的口感非常獨特，外層金黃酥脆，內裡卻保有鮮嫩的肉質。咬下去時能夠感受到外皮的酥脆和內部的彈牙，非常好吃。這道菜的調味主要來自於椒鹽，通常包含鹽、白椒粉和其他香料，味道辛香四溢，讓墨魚嘴更加美味。而且，椒鹽的微辣和海鮮的鮮味搭配得恰到好處，增添了口感的層次。胡椒豬肚雞鍋（$62）：這道料理的特色在於它的湯底，以豬肚、雞肉、黑胡椒和多種香料熬製而成，味道鮮美。湯底充滿風味，黑胡椒的香氣與豬肚和雞肉的鮮味相輔相成，給人一種舒適溫暖的感覺。豬肚的嚼勁、雞肉的嫩滑，提升了整鍋的口感和營養價值。豬肚煮到剛好入味，口感會非常柔軟彈牙。雞肉肉質鮮嫩且多汁，能充分吸收湯底的香氣。花膠濃湯雞鍋（$75）：雞肉的鮮香與花膠的甘香交融，讓人垂涎欲滴。雞肉肉質細嫩，是這道鍋的靈魂所在。雞肉在湯中煮熟後，吸收了濃湯的精華，滋味更加鮮美。

今次晚餐去咗旺角「廚匯濃湯雞」，主打啲濃湯雞煲，一睇個名都知係湯底見功夫。餐廳裝修幾舒服，唔會太迫，坐得鬆動，成個feel幾chill。我哋點咗兩個主打鍋，第一個係客家黃酒雞鍋，一上枱已經聞到陣陣黃酒香，湯底超濃郁，飲落溫暖又香甜，完全冇腥味，雞件入晒味，肉質滑唔鞋，食落仲有淡淡酒香，暖笠笠真係正！呢個鍋跟咗紅薯粉，啖啖煙韌口感，索晒啲酒香雞湯，真係食到停唔到口！另一個係胡椒豬肚雞鍋，湯底帶微辣胡椒味，夠晒醒胃，入面啲豬肚又淋又爽，完全唔韌，雞肉都係一樣滑溜！呢個鍋跟米線，米線索晒濃湯，滑滑地又夠入味，胡椒香喺口腔爆開，真係愈食愈上癮。另外我哋加咗一份香芹墨魚餅，成件厚厚實實，一咬落去好爽口彈牙，仲食到啖啖墨魚粒，加上香芹提香，唔會膩，好出色！配埋啲濃湯食，簡直perfect。

📍廚匯濃湯雞 (旺角)旺角快富街33號地舖 👉懷舊蝦多士💰22😋😋😋😋.8/5懷舊蝦多士真係一個唔可以錯過嘅美食！脆脆嘅多士上面鋪滿咗新鮮蝦仁，口感豐富，蝦肉鮮甜。👉花膠濃湯雞鍋💰75😋😋😋😋.8/5花膠濃湯雞鍋，湯底濃郁得嚟又唔油膩，味道十分醇厚。花膠煮到軟滑，吸收咗湯汁嘅精華，雞肉鮮嫩，搭配雜菜一齊煮，營養又美味，米線好滑，口感一流！配上香濃嘅湯底，清爽又滿足，真係一碗好食嘅米線！👉胡椒豬肚雞鍋💰64😋😋😋😋.8/5胡椒豬肚雞鍋，湯底充滿胡椒香氣，暖身又暖心。豬肚煮得剛好，軟嫩唔膩，雞肉亦係新鮮。最正係佢有勁腍甜嘅蘿蔔！健康又美味。食完之後整個人都覺得好舒服，薯粉煮得剛好，唔會過於黏。回頭:YESYESYES，佢啲嘢食超級足料，咁嘅價錢竟然有咁多嘅份量真係估佢唔到而且啲雞超嫩，同埋唔會有重味精嘅感覺！正！

我同男友平時都鍾意飲湯，所以喺旺角見到呢間雞鍋米線，即刻心心眼！客家黃酒雞鍋 $62以土雞、黃酒熬煮，搭配枸杞、紅棗、黑木耳等食材，湯頭醇厚香甜，帶有濃郁酒香，溫補滋養，飲完全身暖笠笠連生菜都好新鮮爽脆㗎！胡椒豬肚雞鍋 $62啲雞肥美鮮嫩、豬肚乾淨彈牙，搭配紅椒、黑木耳、菇提味，胡椒湯頭香辣帶勁，有暖胃驅寒的作用，啱哂成日吹冷氣的上班族！香芹墨魚餅 $36外酥內嫩，墨魚漿鮮甜，搭配特製酸辣醬，非常滋味！我哋一碗揀米線，另一碗加$2配薯粉，更加Q彈順滑，而且健康啲！米線啲芽菜真係好多，又清甜爽脆，岩哂我呢啲芽菜控！

經過見到有間價錢好實惠嘅濃湯雞鍋，入去食下lunch填飽肚先去行街！叫左個胡椒豬肚雞鍋配米線，以一人份量黎講都算幾多。胡椒豬肚湯味道濃郁，而且配料充足，有木耳，紅棗，芹菜，豬肚又夠多，雞件啖啖肉，雞肉嫩滑又夠入味。至於米線個湯底又唔同嘅，都幾好味，不過我自己鐘意將啲米線浸落胡椒湯度一齊食會惹味啲～如果鐘意食芽菜嘅朋友就正喇！因為佢碗米線有勁多芽菜！！！食到最尾，我係飲哂成鍋胡椒豬肚湯，真係好正！！呢間地點方便，性價比又高，經濟又實惠，唔洗一百蚊就可以填飽肚！

廚匯濃湯雞今次要介紹喺旺角快富街有一間粉麵店叫「廚匯濃湯雞」，聽講佢哋都開咗大半年，呢間餐廳門口係有一級，輪椅人士如果要入去食嘅話，要自備斜板！1.花膠濃湯雞鍋 配米線$75+凍檸茶$8（9.5/10）呢碗花膠濃湯雞鍋入面估唔到花膠係咁多，花膠有5舊，每一舊花膠都好厚切，雞件都有6件，每件雞肉肉質非常嫩滑，少少鞋同痴牙都無，其他材料紅棗、娃娃菜、木耳同菇類等，我揀咗配米線，米線入面仲有芽菜、腐皮同韭菜等，份量超級多，米線都索哂濃雞湯底，真係正到不得了！飲品就加$8揀咗凍檸茶，呢杯凍檸茶有4片檸檬，茶味好出，唔係好啱我飲！2.胡椒豬肚雞鍋$62 配米粉$75+凍奶茶$8（9.5/10）呢碗胡椒豬肚雞鍋如果胡椒味重多少少會更好味，份量一樣好多，有6舊豬肚、4舊有少少渣嘅白蘿蔔、8件肉質好嫩滑嘅雞件、紅棗、木耳同菇類等，我揀咗米粉，米粉入面仲有芽菜、腐皮同韭菜等，米粉都索哂胡椒豬肚嘅湯底，唔錯！飲品就加$8揀咗凍奶茶，呢杯凍奶茶好香滑！3.懷舊蝦多士$22（8.5/10）呢碟懷舊蝦多士最少要叫兩件起，每件$11，未咬之前已經見到成隻蝦喺多士上面一齊炸，不過咬落感覺多咗少少油，炸得好脆，如果無

今日嚟到旺角嘅廚匯濃雞湯，地理位置好方便，T.O.P商場直行就係，係正旺角中心後面，一啲都唔難搵。重點係依度嘅雞湯湯底真係好！濃！郁！🤤首先要推介嘅就係呢個小食 - 香芹蝦餅🍤！外脆內軟，食到卜卜聲，啖啖蝦肉，仲帶有淡淡嘅香芹味🌿，真係好fresh好好味！有驚喜！必食推介💯！胡椒豬肚雞鍋配米線🐔 $62胡椒味香濃，豬肚爽口彈牙，雞肉鮮嫩多汁，飲啖湯暖笠笠，真係好正呀！而且鍋配料十分豐富，菇菌、木耳、白蘿蔔、娃娃菜份量十足，必定夠飽肚呀！招牌🎖️花膠濃湯雞鍋配薯粉🐔 $75湯底濃郁到一個點，花膠大大塊，入口即溶，膠質豐富，真係好滋補！食完皮膚都滑咗啲咁🤪！一啖濃湯一啖雞，再配埋煙煙韌韌嘅薯粉，好鬼滿足總括嚟講，廚匯濃雞湯真係一間值得推介嘅餐廳👍！食物質素高，價錢合理，下次一定會再嚟幫襯！😋📍廚匯濃湯雞 (旺角)🔎旺角快富街33號地舖

泰式豬頸肉 🍖🌶️首先試咗小食——泰式豬頸肉，豬頸肉切的厚度適中，醃製得恰到好處，重要係夠脆口，令開胃又美味！仲配左粒士多啤梨😂😂 仲要幾好食，感覺新奇同fresh花膠濃湯雞鍋（配雞湯米線 )🍜🐔我點咗花膠濃湯雞鍋，鍋底的雞湯無想像濃，不過十分清甜，味道鮮美，食完唔口渴。花膠煮得剛好，口感滑嫩，跟雞肉一齊食非常搭。配上雞湯米線，米線吸收咗湯底的鮮味，配上其他配料（主要有菌類同蔬菜）真係好滿足！胡椒豬肚雞鍋（配雞湯米粉 )🍲🐷然後試咗胡椒豬肚雞鍋，鍋底的胡椒味道濃郁，帶有一絲微辣，十分開胃。豬肚煮得軟滑，與雞肉一齊煮出嚟，湯底香氣四溢，配上雞湯米粉，簡直係絕配！米粉吸收咗湯的鮮香，食落去真係超級好味！（呢個配料無菜但有白蘿蔔，平衡番胡椒的燥熱，養生重視者)飲品 🍹🍵飲品方面，我點咗凍檸茶同凍奶茶。凍檸茶清新爽口，檸檬的酸味非常醒神；而凍奶茶則奶香濃郁，甜度適中