原汁原味

营业中

休息中

食物質素不錯，所以定期也有幫襯。今天大約9時前入座，大約到9:30-9:40開始不斷收碟。到9:45，還有一碟吃剩三分一的干扁四季豆，一名年約五十，戴眼鏡的女侍應走過來收起我們的碗，問一句：「唔要喇可？」我地都未嚟得切反應，同一秒鐘佢將剛拿起的碗放喺碟四季豆上，得手後即轉身離開！埋單時問經理幾點關門，佢話十10:00 先Last Call,但當時只係9:50。我就問有冇comment card, 經理問我地發生咩事，咁我就照講該名女侍應仲大大聲話「你地有講話唔要！」「我一定會問咗你地要唔要先囉！」我：「你係有問，但我地未答囉！」該女侍應由頭到尾一句唔好意思都冇講過，臨尾我講完果句佢仲要冷笑食物質素有幾好都冇用！一定不會再光顧！

平日午餐無乜人，可能我地早，灣仔都有好多選擇係平靚正，今次試下呢間裝修好有傳統港式style嘅餐廳龍蝦肉碎泡飯就係龍蝦加豬肉碎，配料有冬菜、葱花同唐芹。泡飯湯底就同潮州蠔仔粥一樣帶少少胡椒味，飯粒分明。而主角龍蝦! 從照片中可見絕對係成隻龍蝦，當然係龍蝦仔..$88想食大隻新鮮龍蝦泡飯，太年輕！比隻龍蝦仔，唔係龍蝦殼已經可以接受，龍蝦肉飽滿但應該急凍貨，肉質鬆散，鮮味都有少少（係少少蝦味）老實講我會用同樣價錢食其他選擇，因為有set lunch好多你簡，食啲新鮮嘢仲好。金蒜蒸龍躉球飯，聽個名就知有幾架勢堂，端上枱時聞到陣陣蒜香，顏色金黃，輕微炸過嘅蒜連油同厚切龍躉件同蒸，食落好野味。龍躉件魚皮厚，膠質豐富，魚鮮味十足，新鮮食材無花假！籠底墊上荷葉同蒸，荷葉清香令本身用上旦炒飯作底嘅蒸飯更上一層樓，絕對稱得上原汁原味。雖然午餐黎講已經算貴，但我都覺得值得，海鮮處理得都好乾淨，服務唔錯，會黎試其實菜式

是日想去附近食壽司，　點知間鋪頭無開門，　所以入左黎呢度。　還記得初初開的時候來過一次，　轉眼都好幾年。　這裡裝修沒變，　但食品就大大不同。　以前的原汁原味是主打＂沒味精＂的。　來到先排隊買票再等食。　現在進步了... 有人服侍, 不用再像以前要先去買票。　但食品就不再像以前一樣＂沒味精＂。蟲草花蒸雞$68. 首先沒想過是用籠上，不但飯連餸都份量十足。　就連蟲草花都不是一兩條，　感覺很不錯。而且上菜時是熱辣辣的。　這個可以推介。雞很滑，　而且蒸飯很入味。　飯底有點油但還可以接受。　相反同事吃籠仔河粉，　籠底十分油。　好嚇人。　（可惜沒有拍照)蠔汁鮑魚飯$58. 聽到鮑魚撈飯，　當然影返張相。　$58一眼望晒，　就是一隻鮑魚加幾條菜。　要不是有蠔汁。　吃完鮑魚就是吃白飯。。。現在應該改名做蠔汁撈飯。　鮑魚有點小但仍很硬。　若再炆林一點會更好。　正想離開去埋單時。　店員居然拿來免費甜品，　是冰糖雪耳糖水。　這些天氣有這樣的甜品感覺很滋潤，　最重要是不太甜，　雖然是免費但每碗還能吃到雪耳。　女同事都讚不絕口。　在等食其間，　聽到隔離枱問店員可不可以不落味精，　店員說某些可以的，　原來可以這樣

年廿八在灣仔找地方吃午飯，本來想試群記爽腩店，但已經收爐，結果光顧了原汁原味。精選午餐有十幾款選擇。蝦子餅選了清清地的菜苗珍菌炆伊麵($58)，很有鑊氣，不算肥膩。我點了野生加拿大象拔蚌泡飯($73)，泡飯的湯底非常美味，象拔蚌很鮮甜，份量也很多，吃完這碗熱辣辣的泡飯，感覺很溫暖。

覆診時時常經過, 見佢D餐牌好吸引,  又提係米芝蓮, 一直好想試, 點知一試便一肚氣!!!!由於腳傷的關係, 我仲拎緊拐杖, 佢叫我坐門口位, 冇問題~ 但是日得13度, 我想關一關度門, 佢見我關得咁辛苦完全冇幫手, 到我問佢, 佢就話度門要開住唔關得跟住佢叫我坐入面, 但入面根本勁迫, D位好難入倒去, 我拎住拐杖辛苦搵位都冇職員幫手, 只好硬著頭皮返去門口位~:叫左個金蒜帶子蒸飯, 黎到只是微暖, 令我一度以為D帶子係生GE, 問員工呢個整法係咪生, 佢勁差態度咁話: 緊係熟啦!!! 我話唔熱, 要換, 佢大力放下我的餐具在枱上, 拎去換!! 換完再上終於熱了, 夠熱其實味道不錯~雖然我知道咁做通常俾人加料, 但我真係接受唔倒俾78蚊食個LUNCH D野唔熱!!!臨走前佢睇倒職員對另一枱客好冇禮貌, 人地問佢可否分開找, 佢話「最好唔好」, 人地話咁即係可以啦, 根住佢勁惡咁話「唔可以」!! D客都呆哂~ 食餐飯JIE, 仲要黎受你氣

今日又去左原汁原味食晚飯！ 試左佢既龍躉籠仔荷葉蒸飯，真係不得了！好好味！侍應捧出黎熱辣辣剛剛蒸好既飯，仲係蒸籠上，份量足夠3-4個人食！龍躉蒸得剛好，肉質滑得黎又結實，幾新鮮。飯係炒底，粒粒分明，挺身；加上龍躉既肉汁，軟硬剛好，又夾集住魚既鮮味同埋飯底下荷葉既清香，三者配合得arm arm 好！必食！ 另外，仲叫左有米芝蓮推介既話梅豬手！不過，個人不十分喜歡，個汁太濃，太甜，食左一舊已經好際既感覺⋯⋯ 還叫左個菜，不過不失。 最後，叫了兩個一人份量既燉湯，燉既時間幾足夠，材料雖然唔多，嚮螺非常諗，雞腳既骨更一咬即溶，真係老火湯！正！

今日約了同事午飯，邊行邊找地方用膳，不經意已行了好一陣子，在一間中菜館「原汁原味」落腳。餐廳分兩層，裝潢古雅中式風挌，整潔光猛度一般喇！午市飯品由六七十月起，敬送甜品一客。加$15要了中式老火湯一盅，是日湯款是木瓜花生煲雞腳，湯汁都算清甜，但沒有筆者至愛的湯料還是有點美中不足。一客蟲草花蒸滑雞飯，以蒸籠盛載，荷葉托底，上菜時香煙四起。雞件稍稍切得略碎，滑度 OK 的，蒸飯沾滿雞汁、蟲草花香、紅棗的精華及荷葉的清新味道，入口油潤可口，略帶甜味，不俗。敬送的甜品是木瓜雪耳糖水，潤喉配料足，口味甜了一點。下午返回辦公室，有少許口渴感，「師傅」份量或許不少！

今晚約左男朋友係灣仔食晚飯!因為想食下小菜，又想食魚飲湯⋯於是就選擇了附近的原汁原味The Yuan啦！其實我想試呢間餐廳好耐，之前自己經過好多次，覺得佢個名同外面都幾得意咁，有種懷舊感！我地大約七點三入到餐廳，入面只有幾張檯，不過上一層仲有得坐既...可能時間仲早，吾係太多人...檯凳都係桃木色既木造既，檯上有公雞圖案既杯，言念起細個時屋企都有隻公雞大碗...因為無事先search 過，所以都無咩心水，店員推介一個二至三人套餐，包括以下食物：埋單五百幾蚊，話平就一定吾係，分量也不算多，兩個人食都係剛剛飽，三個食一定吾夠飽...魚，雞(有米芝連推介)同湯水準都不錯，間吾中食下都幾好!

上班第一天午飯的地方: 灣仔的原汁原味! $76的蒸帶子飯價錢ok，蒸飯有荷葉和蒜香，加上帶子相當鮮甜 不過我都係鐘意食朋友的龍躉蒸飯$88多啲，因為帶子始終比較小片。配上熱茶和糖水，經常食也不過份，還沒有加一~服務態度好舒服，雖然好忙,但伙計好耐心推介,講解.是晚一定來晚飯

重頭戲 "辣子雞" (HK$148) - 同樣嗌o左要最辣. 捧上檯時真係大碟到難以致信, 係 3 - 4 人o既份量! 大量辣椒o既刺激香氣同熱氣令我精神為之一振, 一路食落, o的雞件炸得恰到好處, 又大件又juicy, 唔會好似「一品紅」咁炸到乾僧僧兼碎嫌嫌, 非常底讚! 唔單止咁, 一路食, 我重發現:同其他地方嘅辣子雞唔同，呢度的明顯係雞多過辣椒兼唔會炸到乾僧僧, 送飯送酒一流！同其他地方嘅辣子雞唔同，呢度的明顯係雞多過辣椒兼唔會炸到乾僧僧, 送飯送酒一流！辣椒同雞件o既比例大約係 6 比 4, 比起其他川菜館辣子雞o既 7 比 3 (有o的甚至係 8 比 2!), 呢度o既辣子雞絕對係超值!  熱熱o既油爆紅辣椒配以炸得o岩o岩好o既雞, 使我o既味覺進入o左激烈又美妙o既空間, 係難以影容咁好! 送飯送酒一流. 絕讚推薦! 

經過這位置多次, 每次都似乎是不同的店總覺得在這裏開店的人是有誠意有要求的因為每次行過見到的店名及餐牌都引起我的注意這天, 終有機會一試叫"原汁原味"絕對有吸引到我坐下看餐牌, 是週末的下午, 有lunch set 約八十幾蚊起連湯, 實際上亦送甜品想了一會, 侍應亦試著推介特色菜我與友人終點了1. 蜜柚脆皮雞賣相很好, 脆皮雞已起骨, 蓋著柚子肉, 配西擰醬一食.........雞不像平時炸子雞新鮮熱辣, 是暖了偏凍的片皮雞雞明顯沒甚調味, OK, 是原汁原味的.......侍應教導雞連柚子一起吃, 好我又試錯得離譜, 柚子係室溫吾緊要, 又乾又吾甜, 口感很差印象亦差點埋個醬似食西檸雞Idea本是好可惜被錯誤演繹2. 金蒜帶子蒸飯(lunch set)煌蒜帶子蒸飯是也, again沒甚調味, 又吾會輸因為蒜味濃, 帶子鮮衰在飯有d乾有d濕......再一次錯誤演繹下次下次......我想我不會再來

看中醫後很想吃一個有菜有湯的住家飯，突然想起了這家，經過幾次都無緣光顧。在門口探頭探腦時，被店內醒目的侍應招呼了進去。坐下發現果然有我期望的一人餐，包括燉湯，青菜，米飯，和涼瓜或茄子班腩，另送甜品。價錢$188元免茶芥免加一。有點貴，但有湯有海鮮，青菜也不吝嗇滿滿一小盤，算不錯。與期望有落差的是主菜和米飯以碟頭飯形式奉客，不是我想要的住家感覺。湯非常熱，味道可以，煲過湯的肉非常硬，雞腳淋。主菜沒有家的感覺，是泡油煮的涼瓜班腩，菜是白灼的，無油無味，一位操普通話的侍應生體貼地詢問我可需要醬油，不愛濃味蔬菜的我竟說好。免費甜品是綠豆沙，味道可以。鄰桌的燒雞和近門口那位先生吃的籠子蝦飯很吸引，那燒雞香噴噴的，好像還有個柚子蜜醬跟的。會找天再來試試。