原汁原味

平日午飯時間食個咖哩牛腩飯等35 分鐘，仲要成間野都未full house，仲有幾枱遲過我地落單 唔知佢地等幾耐真係，催左幾次都未有，次次話整緊，睇黎唔憂做，唔洗幫襯佢！灣仔大把其他選擇，又唔係特別好食！Lunch time 趕時間千其唔好去！…查看更多

喺灣仔食Lunch，同同事揀咗間環境帶點懷舊既餐廳，主打一人份量既中菜，味道絕對唔馬虎，食得出完全冇加任何味精，真係對得住佢嘅啲咩「原汁原味」！就連中湯都好足料，真係老火湯！🍽️原籠豉汁蒸白鱔飯白鱔鮮嫩滑溜，豉汁香濃又入味，而且一啲都唔吝嗇咁俾咗五六嚿厚切白鱔，同飯混埋一齊，食落暖笠笠又開胃，超正！🍽️沙薑雞配白飯雞肉好滑嫩，鮮沙薑同薑蔥嘅香氣撲鼻，唔係平時食開嘅嗰種沙薑醬，煮得入味又唔膩，配上粒粒分明嘅白飯，食落滿足到爆！…查看更多

Lunch經過見到竹籠蒸飯，吸引左我同朋友入去試吓🤪入到去見到好多台都食緊佢地個竹籠蒸飯，應該算係招牌菜！即刻試下先蟲草北菇蒸雞飯-啲雞幾滑，幾香，不過好多骨，食起黎無咁爽！蒸肉餅飯- 肉餅就幾好食，淋埋佢地個豉油，好正！不過佢地蒸飯份量唔算好大，我地兩個男人食完都唔算太飽！…查看更多

呢日抽到時間，可以黎堂食。我自己一個人，店小二安排我入去下層最尾嘅二人檯。雖然對住雜物，但由於天氣凍，都覺得溫暖過坐近門口。都未落單，店小二已經好快上咗碗湯比我。今日係霸王花。我一心就係想食蒸鱔飯。等緊食物時，見到隔離檯幾乎都係叫蒸飯，男士好似尤其鍾意。數一數，呢個蒸飯一共有六件鱔，份量都幾多！因為唔平，又唔想浪費，我最後都食到大肚。又心想，如果飯的份量細返啲，價錢平返啲，就一定可以吸引到更加多人黎食。後來見到越黎越多人，仲有機會被搭檯，我就拿拿林埋單喇。入黎時好凍，出返去真係一身汗，下次有機會會試其他蒸飯。…查看更多

唔係呀爸帶我黎食，我都冇為意呢間鋪頭。上次食過話梅豬手驚為天人，臨走我就影低午餐外賣紙，呢日就約埋個同事買外買。外買自取有八折，真係好抵！食物櫻花蝦蟹肉炒飯 折實$61.5同事話好大份，又話好有鑊氣，啖啖都食到櫻花蝦！咕嚕肉飯 折實$61.5份量好多，唔會話好多粉！大細好平均，都係一口大細！三色椒同菠蘿都有齊！菜乾湯午餐都會跟個無味精又足料嘅住家湯，正！最欣賞個包裝，第一次見到有餐廳會有保鮮紙包實個湯，好有誠意呀！服務呢度職員都上左年紀，穿著好整齊，恤衫加西褲！竟然唔收八達通，但其他電子支付或者信用卡都得，好方便。入到去等外賣時，成個飯堂都好香，可以嘅話會黎食一次原籠蒸飯！…查看更多

朋友係附近返工佢都推薦係呢間食午餐 快靚正👍🏼而我哋當日係夜晚去食朋友推介招牌柚子片皮雞雞皮脆 同埋佢起咗骨下面有好多柚子肉食落清新同埋冇咁肥膩配搭起嚟冇咁熱氣仲可以撈飯食難怪係米芝蓮推介嘅菜式秘製椒鹽鮮魷相對冇咁推介份量多但味道普通菠蘿船黑毛豬咕嚕肉咕嚕肉比較肥但味道好食肉仍然好脆又有咬口但唔鍾意肥膩的不推介朋友試過生炒骨話比較好食最後叫咗金銀蛋菠菜好食👍🏼推介座位都坐得舒服店員都好友善最緊要無限時唔會食到好趕👍🏼…查看更多

想試好耐，一個人，就點了晚餐。金蒜好香冇得輸，斑球彈牙又滑，好食，份量剛好。加一，盛惠 $90。地方不大，但有特色。晚上9點，仍有四枱客，店員親切，看得出同客的關係不錯。…查看更多

打完風照出黎拍拖食飯🥰🥰 ✨柚子片皮雞（半隻） $198呢度嘅signature 緊係要試下😆😆😆 不得不讚個皮真係正 好薄脆🤤🤤 唔油膩 好正 而啲雞都幾滑 搭埋個柚子感覺好清新👍🏻✨原汁原味鮑魚小炒王 $168鮑魚切左片 唔算有好多片 🤔🤔 不過整體都非常有鑊氣 有好多鮮蝦 又有啲脆脆嘅蝦乾好香👍🏻👍🏻 都好推薦✨黑椒腰果牛柳粒 $128牛柳粒都有幾多 🥰 個肉質好好 完全唔係平時嗱得好勁嗰種肉質 👍🏻👍🏻 黑椒味都調得剛剛好 都係非常有鑊氣總括嚟講所有嘢都好好食😆😆 價錢係貴左少少但覺得都值得嘅 環境方面就都坐得舒服而且冇限時間嘅 服務都幾好 會加茶味道❤️❤️❤️❤️❤️抵食❤️❤️❤️❤️服務❤️❤️❤️❤️環境❤️❤️❤️💰晚餐人均～$270（包括+1）…查看更多

過海去灣仔，與友人碰面，選擇了支持這小店。全部都係小菜加飯加湯的套餐，我哋揀咗出名的咕嚕肉，蔥油雞，雖然每個餐嘅餸細細碟，女士一定夠食，咕嚕肉好入味，啖啖肉，酸甜度啱啱好。蔥油雞啖啖肉，有雞髀肉，又有我最愛的雞胸肉。另外加了一碟清炒白菜，作為兩位女士的午餐，份量剛剛好店舖裝修比較古舊，但係有一種香港情懷的小店的感覺。店員講嘢雖然大聲，卻感覺到他的熱情。午餐時段不用等位，上菜快。雖然店舖不大，都可以坐到幾十人，不過有少少迫，那種迫可能也是香港情懷。…查看更多

朋友食過午餐話食物正常，所以經過灣仔區 晚市試一次，踏入店舖門口 店員態度正常嘅 但係 落單嘅時候，問店員關於菜單問題，佢竟然答 "菜單已經寫得好清楚"， 即刻呆一呆 真係想同佢講聲唔好意思，點菜叫咗"涼瓜魚肚炒鮮奶，最後嚟咗"芥蘭頭魚肚炒鮮奶"，芥蘭頭與涼瓜其實我都冇問題嘅，所以冇問店員，費事店員同我講芥蘭頭咪仲好食過涼瓜， 位坐得比較迫 食物算係合格 冇乜驚喜。 10% service charge 但係提供街邊大排檔嘅服務態度 幫唔幫襯自己諗。…查看更多

係附近做野，成日經過原汁原味但唔知點解從未入去食過，呢日同事提議食原汁原味，原來呢度lunch都有羊腩煲，咁就試吓佢話說本來4個人食，點知有一個叫晒野先話黎唔到，咁我地就突然食左一餐好豪既lunch😂3個人食4個套餐，落完單，姐姐就會送上每人一碗老火湯，幾好味飲落應該冇味精羊腩煲一上檯就見到每件羊腩都好大件，而且份量都好多！如果一個人食一個套餐都幾飽，即刻試試d羊腩，好香好肥美，又好入味啖啖肉，都算係近期食過滿意既羊腩煲之一沙嗲牛肉粉絲煲，份量都好多，d醬汁濃稠剛剛好，唔會水滴滴咁，掛滿每件牛肉同粉絲，非常惹味蔥油雞上面鋪滿左香蔥，意外地d蔥油唔會好咸，雞肉都幾腍滑:)麻婆豆腐送飯一流，辣度剛剛好，豆腐夠滑而且大大件發現左呢間好野，間中Lunch都要黎幫襯下…查看更多

約了朋友在灣仔吃午飯，選了原汁原味這家餐廳。這間店像中式茶室，中午時分大約七成滿，方便朋友聚餐傾偈。餐牌上的選擇不少，比一般茶室或茶餐廳略貴。看見店員拿着一盤盤煮好的蒸飯放在各張客枱，我們也跟着點了兩盤龍躉荷葉蒸飯、兩款小食，花雕醉雞翼和海蜇。蒸飯上枱，香味撲鼻，魚肉嫩滑，分量十足。米感適中，不會過軟。至於兩款小食，海蜇有咬口，沙雕醉雞翼。味道尚可。我朋友加點了一支啤酒，說價錢相宜。總括而言，朋友和我都覺得這頓午餐👍為食指數外觀味道飽肚總分=1/2…查看更多

中伏 龍蝦訓左教的 龍躉没鮮味 斑球一般 牛肋骨如蒸熟雖然不計龍蝦錢 環境一般 飲水耍叫待應斟 可是並非經常見到待應價格屬上等例如龙蝦伊麵一斤468但是質素是下等 以為價格作保證 豈料中伏太深…查看更多

同朋友約咗響灣仔食個快晏，搵咗幾間舖頭都要等位。最後見到原汁原味，就諗起之前有位師兄介紹過，話個蠔仔泡飯好得，就入咗去睇下有咩寶藏。見到個餐牌，即係就俾佢個籠仔龍躉蒸飯吸引咗，朋友就嗌咗個蔥油雞飯，都係午餐嚟嘅，包杯嘢飲，落樓價八十幾蚊位。但係兩個飯都值回票價，龍躉蒸飯，魚油魚汁索哂落個飯度係意料之內，但係魚肉可以保持到一個相對滑口嘅狀態就算係難得。個雞嫩滑冇雪味，同樣係基本要求，不過原來個飯嘅重點係個葱油，簡直可以叫多個白飯嚟送個蔥油。非常好味，已經忍唔住想再去食…查看更多

星期六午飯時間行經灣仔，見到餐牌都有興趣就入去原汁原味。侍應姐姐都算係熱情招呼，我叫咗個原籠蟲草杞子蒸雞飯，送例湯一碗。:)蒸飯份量都幾大，男士都實夠飽，可惜蒸飯嘅味道淡淡地普通過普通，蟲草蒸雞無乜特別，蒸雞都係切到細細粒無乜肉，荷葉只係裝飾，承惠$85老實講，收呢個價錢而得到呢個食物質數係失望，早知去食兩餸飯好過…查看更多