原味高級麵包西餅專門店 (已結業)

此店誠然有些產品是創新的，如田螺薯蓉、磨菇薯蓉等，但服務態度的確很差，甚至可以說是近乎零分。圖中梳馬尾的女職員只顧在玻璃櫃搞東西，並不理會客人，要另一位相信是麵包師父出來告訴她才懂得接待客人。況且，她收銀又不按先後，我一直恭候多時，而且要同事三催四請才接客，後來的客人反而先招待，要非這些就是他們的服務態度？

之前我表妹畢業想送個特別少少的蛋糕比佢, 朋友介紹荃灣有間麵包西餅店的服務幾好, 有自己設計的想法都可以跟老闆溝通下, 睇下做唔做得到. 去到跟老闆一拍即合, 容易溝通(立體畢業帽), 可以做到自己所想的好開心, 真係值得推薦.

煙肉洋蔥法包--- 很有煙肉及洋蔥香味, 包身亦做得出色, 水份夠, 有嚼勁, 吃後很滿足, 我會再encore呢! 提子鬆餅---作為scone迷, 這個算是不差, 雖不能與大酒店或貴價店的出品相比, 但它不會太乾, 不會鬆鬆散散的, 牛油香味雖一般 (較健康嘛!), 而且提子份量ok, 是可以的! 合桃提子粿麥包---合桃份量很多, 我最愛的健康口味之一! yummy! 五穀小法包---很有咬口, yummy! 咸牛肉飛碟--- 一般街坊包店少有的選擇, 咸牛肉份量較少, 口味較淡, 不過麵包本身是不俗的! 綠茶紅豆包---這個比較差, 雖然外型討好, 但紅豆略硬而且太分散, 吃起上來不滿足, 整體上太乾了, 有點失望.... 黑糖提子包--- 可以吧, 甜甜的, 包身亦軟熟, 不過又不算太特別...此店選擇很多, 有一些特別的口味, 所以很欣賞它的誠意,要keep it up呀!

2010年3月21日 ( 3-3 ) 荃灣 ( Original Bakery - 3 ) 小食 日程：( 彩星超級漁港 - 媽子廚房 - Original Bakery )(媽子廚房)晚飯後，再閒逛一會，來到(原味麵包)，選購了兩件(特濃朱古力磚)及半磅(朱古力杏片曲奇)回家吃。特濃朱古力磚：($4元)蛋糕比較乾身，朱古力OK，這個抵吃。朱古力杏片曲奇：($20元半磅)朱古力味不太多，杏仁片少，不太鬆脆，得個甜字。

2010年3月16日 ( 1 ) 荃灣 ( Original Bakery - 2 ) 在Original Bakery選購芝麻方包及芝士包。芝士包：充滿芝士的位置是很香，但近包尾2吋位沒有芝士，又沒有那樣吸引，如多點芝士那就更好了。(最近再買過一次芝士量平均分佈至麵包尾都有，正很多了！)芝麻方包：看不到原粒芝麻，芝麻味不濃，包身還算軟熟。

今日再經過呢度,發現佢地又有新野啦芒果豆腐 10蚊一個我就買左4個(一個老豆,一個阿媽,一個細佬番到屋企立即試下........上面既芒果好甜呀(一d都唔酸)下面既豆腐好特別,甜味適中,好有口感(下次去的話問下佢係點整先)食完飯食番杯真係正.......讚讚讚讚讚!!!!PS: 不過老豆就問我做咩唔買埋麵包俾佢

呢日同媽咪食完五月花, 係新城市中心發現了呢間新開的麵包店~~ORIGINAL BAKERY !!門面給人一種舒服的感覺~~而且蛋糕櫃入面一杯杯精緻的蛋糕吸引住我!!終於買左４杯仔~~而且價錢都唔貴 4杯=$38如果好食既話真係買得過~~首先試的先 燉蛋 $8蛋味不算太濃, 而且可能係雪凍左既關係,所以蛋味不太明顯, 但還是有的~~$8一杯黎講都仲可以接受, 不過整體味道麻麻意大利芝士杯 $10一睇個樣我就對佢抱住很大期望 ~~食落第一啖, 好似幾好啵!? 不過食落之後,咖啡酒的味道愈黎愈酸...救命~~噢..我地冇緣了芒果布甸 $10一見到蛋糕櫃有咁多杯, 即時話：嘩，呢隻有咁多存貨實好好味喇..老闆都話日賣過百杯架 !!!所以即管試下~~但係食落有點失望, 因為布甸的芒果味唔係太濃 !!而且布甸較實...整體都係麻麻 !!真係每天都賣到100杯嗎..???雖然款款都係麻麻, 不過未至於難食..所以如果出新款我都會繼續幫襯~~而且佢入面D麵包都有好多款揀...有機會都會買黎試下!

荃灣眾安街近日開了一間新麵包西餅店，名字叫( ORIGINAL BAKERY )，這裡麵飽很新鮮熱(辣)，水準又好不算貴，據聞這裡每天出爐多次，我們幫襯過幾次都不錯，我最愛吃的是藍梅芝士飽及奶王流沙飽，每個5元。藍梅芝士飽 : 藍梅與芝士混合在芯內，咬落有芝士香味及藍梅甜味很正。奶王流沙飽 : 頂層外皮頗脆，內芯奶黃香甜，趁熱烘烘吃是最一流。