原作養生湯米線

营业中

休息中

但求就腳，結果自尋煩惱。1/ 點嘅係胡椒豬肚雞湯（$158），黎左個豬肚雞湯米線，仲堅持話係我地叫左米線，如果唔係個湯貴幾十蚊，佢應該唔會承認責任2/想要兩隻碗仔同湯羹，叫極只比一隻，佢話「你咪已經有一隻咯！（指住上菜個大湯碗同個大湯殼）」。大佬，我未見過有人用大湯殼飲雞湯咯，家陣又唔係食日本仔嘢！ 最後非常不情願下攞多一隻碗仔同湯羹。 3/ 分左兩碗： 鹹得太離譜，而且雞並不是煲出黎嘅，基本上係一碗有胡椒嘅勁鹽水+後下超鹹雞。未試過呢間嘢嘅朋友：慎入。

熱辣辣嘅米線‼️|岩哂凍冰冰嘅天氣🥶｜必點蜜糖桂花雞翼🌟胡椒豬肚雞米線🍜｜$98｜8.5/10米線好足料有好多豬肚同埋雞🐥，d雞係雞髀肉好嫩滑，湯底有胡椒味，上菜嘅時候熱到出煙，食完之後個胃都暖哂，啱晒凍冰冰嘅天氣❄️。🌟桂花蜜糖雞翼🍯 ｜9.5/10呢個係跟套餐配嘅小食，雞翼表面煎得好香脆，而且成隻碗都係桂花蜜糖，包你每一啖都點到蜜糖🍯🌟鯛魚片龍蝦湯米線🦞｜$118｜9/10呢個都十分推介，魚片嫩滑，唔算多骨，最鍾意佢個龍蝦湯底，濃濃既湯底有鮮味，掛湯食米線一流‼️😋推薦指數：9/10

Intro: 呢一個假期又黎到紅磡搵食，咁岩喺紅磡同黃埔交界有一間幾出名嘅米線，佢地主打特別嘅米線，就例如係花膠雞湯米線，普通嘅米線價錢都係60-80不等，但食得出佢地嘅湯底同料都值！___________________🍽 蟲草花膠雞湯米線💰 68 （+9配凍飲）⭐️8.5/10✍🏻 蟲草撒滿喺米線面上，仲有紀子；✍🏻 花膠都有四舊，仲幾厚、大粒同彈牙，好夾呢款白色帶點微香嘅湯底；✍🏻 有足足四件雞，雖然唔係脾同腿嘅部位，但真係幾滑同肉多，不過都要小心咬骨。🍽 蕃茄滑蛋豬扒濃湯米線💰 55 （+9配凍飲） ⭐️8.5/10✍🏻 蕃茄粒極多，蕃茄湯味濃，但唔算係味精嘅感覺；✍🏻 滑蛋就偏熟，無咁滑嘅感覺，但蛋好厚好滿足，好夾呢款蕃茄湯；✍🏻 粟米失色左少少，比較乾水又唔甜；✍🏻 米線係偏幼，好彈牙唔會煮淋，坊間比較少有；✍🏻 豬扒好大塊，容易咬開，醃得足料。___________________🏠 原作養生湯米線📍 紅磡必嘉街120號黃埔花園三期翠楊苑地下34號舖⭐️ 8.5/10___________________

啱晒！今日嚟到「原作養生湯米線」試吓嚟緊成日人頭湧湧嘅美食。湯底真係出奇清甜，一啖椰子雞湯入口，順滑得來又唔膩口，啖啖雞肉咬落有嚼勁，冇得頂。桃膠喺湯入面好似太軟咗，口感上嚟講就差咗啲火候。不過梗係要夸下佢哋啲黃金炸魚皮，脆口爆汁，啲咸蛋黃醬又香濃得嚟，食得我停唔到口。至於啲水煮魚米線啦，就冇咁出色喇，鮮味跟哂個辣同麻嘅步，但都算普通啦。點的餸膠翼嘅話，外皮鬼嘈嘈，裡面啖啖肉感，配上嗰啲桂花蜜糖汁更加係好正！不過提提你，嗰杯凍檸檬柑橘飲品就真係得意不過唔夠勁。整體嚟講，食物質素拍手叫好，服務同環境都有得改善。跑堂啲仔仔啦，精神唔錯，但加把勁更加好！所以，要不是避唔到人多嘅時段，真係值得一試，尤其係想嚟個輕鬆又養生嘅餐飲體驗。🍜🤤🌟

朋友推介呢間令佢念念不忘嘅米線，原作養生湯米線位於黃埔，只此一家，別無分店！去到先知原來呢到唔係食平時嘅川味米線，而係主打無味精嘅養生湯米線～(午市套餐)蟲草花膠雞湯米線💰HK$78係一款湯底味道比較清淡嘅雞湯米線，雞件嫩滑，米線口感淋得來帶少少彈牙～(午市套餐) 星加坡胡椒豬肚雞米線💰HK$78呢個湯底比蟲草花膠湯底更優秀，胡椒味好重，湯嘅味道都比較濃郁，誠意推介比平時鍾意飲胡椒豬肚雞湯嘅同好來試下～呢到嘅午市套餐超級抵，一碗米線再包一個小食再加埋飲品！小食方面，我哋揀咗脆魚皮同埋雞湯浸時菜，時菜嘅味道比較清淡！而飲品就揀咗熱嘅洛神花茶同埋凍嘅金桔檸檬，味道正正常常，不過不失～

蟲草花膠雞米粉（附送雞毛）,鮑汁扒時蔬（唔知扒係咩意思，鮑汁係橙色嘅），雞肉質感好似煲完老火湯咁，最正常係啲米粉。不過服務唔太差。唔可以話係難食，但譚仔都好食過佢，乾淨過佢，平過佢。

而家轉季，早晚溫差大，空氣變得乾燥，係時候要食得養生啲啦。我就特登喺網上搵到呢間湯米線，午市套餐包括主食、小食和飲品，有好幾款揀㗎。🥥🍗🍜 燕窩椰子雞湯米線 (HK$98)．嘩，燕窩有成個湯勺咁多😍，仲有啲桃膠、蟲草花、杞子，啖啖滿足．湯底有清甜椰子味和雞味．雞件都有好幾件，濃雞味道，不過比較多骨，要小心食．米線爽滑，有咬口，很好👍🏼🍥 脆香魚片頭．小食有我喜愛嘅魚片頭，熱辣辣的，外脆內彈牙，只係比較鹹一啲☕️ 自家熱羅漢果茶．暖暖的溫度，有羅漢果的原汁原味，可以有助潤肺及護膚美顏🥰

好鍾意周圍去食唔同嘅雞米線，今次就食咗紅磡呢一間，佢有好多唔同嘅口味，今次就食椰子雞米線。椰子味好香，湯底鮮甜，冇味精，雞都好嫩滑，唔會諧霎霎，份量都好足，賣相都精緻

試下無妨街坊養生湯米線 食物 : 原作養生雞湯米線 $60 - 湯味都幾濃, 雞都算滑, 這個價錢都OK 滋補黃酒煮雞湯薯粉 $72 ~ 葯材味太重, 黃酒味不夠香, 雞件偏老, 唔夠滑 環境 : 座位有D迫, 好在還有隔板, 食得舒服D 地點 : 餐廳在黃埔區, 由MTR行過來約7分鐘 服務 : 職員有禮貌 價錢 : HK$132/2人 (無加一服務費)

蟲草花膠雞湯米線 $78 ⛔️配黑松露塘心蛋& 凍金桔🍊個米線偏淋 幼身🧖🏼‍♀️個人係鍾意三哥嗰啲煙煙韌韌 但好彩佢唔係淋到爛晒 都有啲口感湯底唔濃 偏向清淡 淡淡嘅雞湯味 花膠一般般 鹹咗少少 雞嘅話得四舊 雞髀就滑嘅正常🤭朋友食嗰個係水煮魚米線 要$88🧖🏼‍♀️唔抵食 味道一般整體嚟講唔驚艷 可以話係普通嘅米線性價比都一般 好彩有埋小食同嘢飲魚一定唔會特登嚟食 有其他米線好食過佢如果真係諗唔到食啲咩 先會食第二次🧖🏼‍♀️

又係黃埔系列，今次黎食米線。叫咗個蟲草花膠雞湯米線，$78 仲包凍飲同小食，有炸魚皮、黑松露溏心蛋，菜揀。嘢食好快就上齊，快到以為自己食緊澳牛。第一觀感，雞件唔多，個雞湯清清地咁，冇乜油。而雞湯食完都冇好口乾，應該真係冇添加味精?!但就少咁啲層次，始終蟲草花唔可以煮好耐，而冇乜味，如果可以加番啲藥饍風味，咁就正啦。而切雞方面，件數唔算多，但亦算嫩滑。小食叫咗炸魚皮，不過不失啦，但小食黎講，份量都唔少，性價比高。

因為住在這附近，這家都吃過了好幾次一般我來都是外賣注意外賣會加2元吃過蟲草花雞湯米線（HKD68+2）也吃過海龍皇湯米線（HKD1XX+2）味道是好的，但收這種價錢還是會覺得CP值不高，因為份量一般，雞件不太多這次試吃酸辣牛魔王口味HKD62+2上圖都是剛買回來打開，還沒吃至於份量見仁見智了

去開黃埔順便食嘢，朋友介紹附近有間家庭小店，主打足料無味精湯底。座位寬敞舒適。湯底味厚濃郁，真材實料，無落味精。蕃茄味濃郁，米線彈牙。非常香脆。外脆內軟，非常惹味。

見有個朋友大推，今日趁得閒即刻去黃埔食下先店舖坐位尚算闊落, 不過午餐時間去都預左要搭枱 黃酒雞湯米線 $72 散叫，無得跟餐，但湯非常濃郁大推，一流但因為可能係加左黃酒關係，食到一半已經流曬汗，天氣凍d會再一流d 重慶水煮魚套餐加1小食加飲品$88唔記得左影相不過個魚非堂爽滑 湯底係酸辣底，好開胃無得選擇辣度，但唔算太辣，易入口小食選咗脆魚皮，真係好脆😆野飲選咗柑桔檸檬 唔太甜 清爽口感，夏天一流

潮流興養生， 咁啱今日又見到間養生打頭嘅米線所以專員決定試一試佢！ 🗣️主食今次專員分別叫左蟲草花膠雞湯米線同沙薑雞飯。老實講， 養生米線一定係講個湯頭至於佢個湯嘛... 嗯... 不過不失啦...又唔可以話差嘅，但就無好清新同鮮甜嘅味道所以只可以話真係好一般般有彈亦都有讚呢度嘅雞的確幾好食，好少可以係米線鋪食到咁有雞味而飯就無咩特別， 都係靠個雞搭救🗣️小食小食就分別叫咗： 油醋海蜇花、桂花蜜糖雞翼同鮑汁扒時蔬雞翼都算炸得酥脆，所以口感唔錯但味道就真係~ 真係~ 真係好甜 ！！！唔知大家有冇食過三重芝士？ 而呢個嘅感覺就好似食緊三重糖漿...甜而不得了的膩！至於另一個重頭戲，就係油醋海蜇花海蜇花嘅口感的確爽口，但味道亦同樣爽口爽到食完都唔知咩味，有入口即忘嘅感覺專員就真係唔多識欣賞菜就無咩特別，所以都唔多提~🗣️飲品由於配返今日養生嘅主題，所以專員都叫咗杯紫貝天葵贈慶但飲品味道偏甜，同一般市面嘅相當唔同一口雞翼再配一口天葵真係有糖尿病嘅感覺🫂總結嚟講，今晚食嘅野真係好一般係唯獨雞比較出色如果佢係一間主打雞嘅餐廳，質素反而可以接受但養生嘅話，專員就相當有所保留以專員所知仲有個龍蝦湯，不過都係