厚興瑜記手撕雞 (大元街市)

营业中

休息中

50蚊半隻，知道係連鎖店，又想換一下口味，於是買左半隻試下，加小辣。一盒其實唔多，但五十蚊貴過出面，我倒想知道有d咩特別，份量唔多，包括雞爪，雞頸，但係因為尼d係唔健康既，我都唔食，所以其實有小小唔抵手撕雞其實無乜特別，一般雞肉姐，雞皮很油，味道與百佳買既鹽焗雞感覺差唔多，但百佳平d喔，今次都算試過，下次都係買其他掛，因為唔抵，又唔係話特別好味

又係團購時間，厚興瑜記，由於分店唔係係我屋企附近，所以對佢唔係好熟悉～買團購都係幫朋友買順便自己買張來試試，$49 包半隻雞+一份小食，雞肉是預先撕好的，在雪櫃拎出來，現場加上調味料，麻油、芝麻、香辣油，胡椒，雖然係雪藏雞，不過都有雞味，沒有雪味，然後雞肉真係好嫩滑，調味後麻油味很香，自己同屋企人都覺得幾好味～另外推介佢既小食，海蜇很爽口，雞腎切成小塊方面入口，也是很美味！不過其實半份份量都幾少～～所以馬上又買左幾張團購了！

之前聽過D人講厚興瑜手撕雞好食但就一次都未試過，今日甘岩行過大元邨街市就嘗試買半隻手撕雞($40)黎試下。手撕雞：$80一隻 $40半隻／小食(豬耳,雞腳,雞翼尖及雞腎) 各$25盒 店舖入面有三個阿姐，兩個就係度撕緊雞，另一個就企左係度等客黎幫襯。當我話要半隻手撕雞之後，個阿姐就拎左一盤一早撕好左既雞出黎撈，佢唔係新鮮係我面前撕，只係係我面前加芝麻個D撈，呢盤雞唔知撕完擺左幾耐呢打開睇好似都幾大盒，但其實份量唔係好多，麻油味好香，Ｄ雞好滑幾好食配飯一流

有次去開大元街市,個伙計話新開張, 呢間係招牌涼拌雞,見到條龍都有6,7個人排緊,所以諗住買半隻$35黎試下,當係加餸,一打開個盒仔,見到D涼拌雞上面有好多芝麻,又好香沙薑味!!試下感覺涼涼地,好好食!! D雞肉勁爽! 又唔會痴牙 XPP不過呢間只限外帶,冇得即場食~下次行去大元一定會再買!!!